吉豚屋吉列豬扒專門店

Open Now

Now Closed

男人好中意食日本野 日本吉列豬都係佢既最愛 今日就陪佢黎食除左對面既卡座之外 座位同座位之間其實好迫吉列豬扒定食 $69(好味指數: 😋😋😋😋)定食配白飯 吉列豬扒個皮好脆 咬落個豬扒都唔'鞋'身 配埋個豬扒汁送飯一流 而且配左好多椰菜 另外有芝麻醬可以撈黎當沙律吉列豬柳泡菜鍋烏冬 $75(好味指數: 😋😋😋)賣相睇落去好得 吉列豬柳就配左芝麻醬 個皮亦然做得好出色 外脆內軟 而個泡菜湯底酸辣甜甘 不過烏冬個質感就比較遜色(為最高)整體食物質素: 性價比: 推薦指數:

每次去金魚街入完貨一定會去吉豚屋食飯啱啱好下午茶時間入去仲有大把位坐，仲要冷氣夠涼，係條街行到身水身汗嘅我即刻有一種復活嘅感覺由於今日比較肚餓，所以唔揀下午茶餐啦叫咗個吉列三重奏 (包括吉列蝦、黃金豚肉餅、吉列豬柳)，可以狠狠地填飽我個胃其實我都幾鐘意飲吉豚屋嘅野菜豚肉湯，調味啱啱好之餘又足料，入面有兩三片煲到淋哂嘅豬肉同埋蘿蔔片，淨係碗湯都可以送飯吉列三重奏會有兩隻吉列蝦，size都幾大隻，蝦肉亦都爽口彈牙吉列豬柳肉質鬆軟，真係老土啲講句好有豬味，唔會死實實而成個set入面我最鐘意食就係個黃金豚肉餅。老實講唔知點解我食落覺得陣味似麥樂雞，但佢確實係用豬肉造。雖然枱上面會提供豬扒醬同麻醬，但其實食炸物配沙律醬或者他他醬都係唔錯嘅選擇，

黎到旺角食邪惡炸物間中一次冇所謂啦哈哈門口見到咁多人排隊要喺咁熱嘅天氣下喺門口等都幾痛苦等左大約15分鐘裡面嘅座位都算闊如果三至四人可以坐卡位添揀左吉列豬柳泡菜湯烏冬鍋野飲就要另計好鍾意食鍋類別嘅食物呢個泡菜烏冬 確實好有d辣我坐近門口 自動門經常開關再配上辣嘅鍋物我嘅汗冇停止過但食物黎講係幾好味嘅鍋裡面有泡菜 豆腐 蛋 菇 烏冬烏冬煙韌有口感 彈牙嘅吉列豬扒好味!!!雖然炸粉有少少刮口但超級脆薄好味好味另外叫左個炸雞好味到.....唔記得影相😂😂😂我估係用氣炸鍋炸嘅所以雞皮完全唔油好薄 雞又超級juicy!!比豬扒更出色

夜晚同左朋友去吉豚屋食飯 之前都好有興趣想試 真係幾好食同埋會再去🤩我就叫左吉列炸蝦豬扒定食加巨峰提子特飲😌好中意成個定食會連埋湯🥳即使唔叫嘢飲都唔會口乾 個湯唔係好濃味精嗰種🥘而且好足料 超正 呢個豬扒同埋蝦天婦羅唔會炸到乾晒🥰豬扒仲保留肉汁🥩而且炸到好脆 仲有sauce可以點 個飯係用左珍珠米 粒粒都好彈牙同粒粒分明🍚呢個巨峰提子特飲都幾好飲 都唔係死甜個種 好清爽✨✨呢到D職員都好好服務態度 推介👍🏾

今晚同朋友途經旺角見到一間吉列豬扒專門店,見到有四五個人排隊，心想有人排隊應該好食掛所以就跟着排隊入去試吓,都等左差不多10多分鐘才入到店舖,其實在門外見到櫥窗都知道不是太多選擇，我個朋友仔坐低左就叫咗一個吉列豬扒加豬肉漢堡的套餐，不知是否是之前做多咗所以都好快就到左但是他說啲飯有點涼好在啲吉列豬扒都是熱的，他說好在吉列豬扒都有驚喜味道真是唔錯,而豬肉漢堡都算多汁，生菜都是新鮮的，算唔錯，但我點的今年三寶就等左15分鐘左右才到我的三寶有炸蝦吉列豬扒同豬肉漢堡，反而我這個餐全部都好熱真的是剛好炸出來的講真句吉列的味道可以接受，但係點解列豬扒的醬汁就真係鹹咗啲，反而我用沙拉醬點來食，我咁覺得仲好食因為沙拉醬減少左吉列的油膩感又不會太鹹所以我覺得幾好食，如果你當真是一間專門的吉列豬扒店來幫襯你一定有點失望，但你當作一間快餐來食 那就冇問題啦因為人均都是六七十元一位不加飲品啦都算可以接受啦

かつや系呢5 年左右系香港開嘅日本豬排連鎖店。之前食個佢炮臺山分點，將軍澳分店都好好食。最鐘意佢個豬排加豬柳套餐，個豬肉湯好入味，個豬排夠口咁而豬柳夠軟。一直對呢間餐廳感覺都好好。但今日去左佢間旺角分店就真系幾失望。叫嘅餐都系差唔多只不過系豬柳變左豬肉餅。但可惜佢除左個豬肉湯算合格之外，個豬排同豬肉餅都好差。入面基本上都系肥糕而勁少肉。另我對佢大大打做折扣。加上佢坐位安排唔夠好明明好多二人臺但就一定要等到有搭臺位先比一個人黎食嘅入。真系有少少失望！

今日Lunch時間🌤係旺角通菜街搵食時，又唔知食咩好嘅時候👀...就見到かつや，望下門口d餐牌都幾吸引，咁就比佢吸左入去啦🤣🤣✍🏻點了一份鐵板生薑燒汁豬扒定食，有野菜豚肉湯同白飯跟埋，另加$9有杯巨峰乳酸飲品。🐖豬扒好稔身，生薑汁唔會太鹹配埋豬扒幾好味，另外有碟熟蒜跟埋...灑上豬扒上面食更惹味😋🥄野菜豚肉湯內裏比足料煲，有豚肉、紅蔔白、白蘿蔔、洋蔥、京蔥、味噌...好有味👍🏻👍🏻唔係冇味湯嚟嫁🤗🥤巨峰乳酸就失色冇咩味道，加左水溝稀左，寧願佢加soda好過，太淡了😥

這幾天不停下雨☔️，都沒有阻止Angel追求美食的心情。今次去食的餐廳價錢相當優惠而在晚飯時段都比較多人排隊等候😊較大人氣👍🏻👍🏻👍🏻現在是下午兩點幾時間，店舖不是太多人排隊，就是要這段時間才要試一試。Angel今次點了鐵板滑蛋鰻魚定食加炸雞🍗上菜速度時間也很快，雞蛋比較滑身，鰻魚分量都多，如果只是食鰻魚會覺得比較重味，但是用來配上白飯吃，就剛剛會吃個不停炸雞看上去感覺很像比較乾的樣子，😭吃下去都比較鹹，😅我感覺一般。

依間吉豚屋係我飯堂之一, 因為成日出沒係油尖旺, 而旺角同油麻地都有分店, 岩哂我方便食個靚飯呀。鋪頭唔係好大, 格局似日式小店, 坐位唔會好寬闊, 而且peak hour總係人頭湧湧, 所以大家都係食完就走, 志在食佢既味道吉列炸蝦豬扒定食既然係吉列豬扒專門店, 豬扒當然唔小得啦, 佢既吉列皮唔會好厚, 而且炸得好好唔會過火, 豬扒有一定厚度又唔會乾爭爭, 加埋枱面上既豬扒汁, 一流呀至於炸蝦賣相都好靚, 望落大隻又炸得靚, 同日本漫畫入面個d一模一樣樣但係其實食落隻蝦係好細, 有少少失望不過賣相搭救啦另外跟餐既麵豉湯就麻麻地, 好似就咁用粉撈兩撈出黎咁, 同埋都幾咸所以次次都唔會飲哂~之前食過其他, 例如鰻魚飯個d都覺得麻麻地, 始終係吉列豬扒最正

其實特好鍾意食炸物，炸豬扒，炸雞扒，雞粒一直都係特既最愛。而係特食過既店鋪當中，我覺得吉豚屋既炸豬扒係最好味道的！ 叫左個炸豬扒定食，成個定食有炸豬扒、麵鼓湯同飯。係坊間通常食到既炸豬扒都係一大舊炸粉漿，仲要放幾分鐘就軟晒。但尼間就唔同喇，咬開酥脆既外皮，你會脆到厚切豬扒！而且過幾分鐘，豬扒仍然係好脆！再加上佢既自家制醬汁，酸酸甜甜真係好開胃，唔夠幾分鍾d豬扒已經比我地清晒！而佢既鼓湯真係真材實料！有興趣可以一試啊～

我都好耐無寫食評星期五夜晚十點半入坐，已經唔多人，叫個滑蛋豬，泡菜烏冬鍋，都可以等半個鐘都未到... 我寫呢篇野既時候，都仲未上菜.... 幾好食都係垃圾一間效率奇低，成班職員洗碗抹枱都無人煮野

一向都很喜歡這一間店，而且咖喱豬扒飯是特別好吃的，這也是我每次必點的。今次點要咖喱吉列豬扒飯，裏面有分三種份量，對於我食量少的人每次都點最少的梅，吉列豬扒炸得剛剛好，炸粉也不會太厚，而且咖喱、白飯和豬扒的份量份量剛剛好，十分滿意。今次點了這一個泡菜烏冬，日本的店舖加上韓國的泡菜，味道令人很驚喜，辣辣的泡菜令人很開胃，而且烏冬也不會太淋，硬度剛剛好，湯底不會太辣而且配上乳酪雪碧特飲， 正好中和了辣味！兩款主菜再加上一杯特飲都只是$167 ，而且每款主菜的份量非常充足，另外泡菜鍋也是有很多配菜在裏面，而且味道也很美味，推薦各位來試一試！

吉豚屋食過唔少間，又真係間間一樣質素。今次行金魚街，行過見唔多人就入左去。叫左兩個餐，上菜速度算好，份量好足，豚肉湯超好飲。豬排的份量幾足，唯獨我覺得d野食唔太夠熱。

一個人真係唔好去食。首先一個人要坐門口單丁位，似足細個返學俾老師罰坐出門口坐嗰啲位。一坐就知死啦，頂腳嘅，我163都頂腳，好難想像男士點坐。上菜有啲耐，格離自動門又開又閂左上百次，又熱又凍吹到個頭亂晒就梗架啦，出乎意料係因為道門喺正隔離，真係煩到傻，不停有人開閂你房門成百次咁，好嘈好滋擾。出面大塵又有人食煙，你就食晒啲二手煙，仲衰過企街食，都話叫有得避。啲食物一般般份量偏少，講真咁嘅環境食龍肉都無味，一路食一路覺得自己受刑前示眾咁。最慘係俾錢嘅時候同店長反映返，佢一句「你可以唔坐架」就解決左。提供合理嘅座位係你嘅責任，唔係要個客自己坐低feel到唔對路再提出換位，換位你又會話人哋揀位西客。冇諗過係香港一個人食飯都會俾人歧視。

今日同爸爸一齊去旺角食飯，一落車係Openrice search 附近餐廳就帶左我地黎🤣去日本餐廳硬係食饅魚貴啲 😂 但我地兩個都被饅魚吸引叫左。佢啲餐牌係咁嫁，一版得兩三款 😂 有排睇鐵板鰻魚滑蛋，加左$3 轉做烏冬。啲餸好夠味，個湯烏冬又清清地，幾match。滑蛋吉列豬扒鰻魚丼好多蛋好正 ☺️ 但因為太多汁，浸到啲吉列豬扒同鰻魚都好林好林😂Ok好食但感覺性價比唔高。如果要加野飲都唔平，有凍水供應 👍🏻