吉豚屋吉列豬扒專門店

Open Now

Now Closed

星期六放假同老公帶囡囡去石門玩波波池，玩之前要食個午餐先，搵到呢間位於石門嘅吉列豬扒專門店，唔知係咪星期六嘅關係，入到去都幾多人等位，大熱天時，好彩可以喺裡面涼住冷氣等位。午餐用餐時間限時一個鐘，一坐低即刻叫咗個吉列豬扒加吉列蝦定食，吉列豬扒係唔錯，食落好香口，我就鍾意點佢個汁食，個汁酸酸地好好餸飯。吉列蝦我就覺得一般般，炸粉好多，蝦肉唔太新鮮。一般般嘅午餐定食，唔知係咪附近無咩選擇所以咁多人食，都係試過一次就算，無衝動會再想試第二次。

今日星期日中午一家人去咗一個新嘅地方，沙田石門站，可能好多人香港人都未去過，因為小弟都係第一次去，去到比我個感覺都幾舒服，有好多小朋友課外活動嘅學校，又有play House，夾公仔嘅鋪頭都唔少，好啱帶小朋友去，但唯一缺點，個商場車位太少，焗住我哋要泊街，餐廳好多，我哋選擇左食日本野，吉列豬扒專門店，中午時間好多人，排咗10分鐘就可以入去，員工好有禮貌，我同太太都叫咗佢招牌炸蝦豬扒飯，唔使5分鐘已經上菜，有兩隻蝦，同埋六舊炸豬扒，仲可以跟餐加錢叫嘢飲，兩隻蝦炸得好鬆脆，我個女仲好鍾意食，豬扒佢唔係好厚身嗰隻，冇乜肉汁，重點要講下佢個白米飯，可能係日本米，我覺得好甜，一粒粒好好食，麵豉湯都有驚喜，你面有啲豬肉同埋蘿蔔，好清甜，唔似得平時嗰啲好咸，仲有佢薦底嘅椰菜絲，加埋個芝麻醬可以減輕食炸嘢好流嘅感覺，但價錢唔算平，地方其理乾淨，我個女話要encore喎😊😊

星期六7:30pm 黎呢度食晚飯，好彩算叫做早左小小，我到左之後開始有好多人等位，我等左5 分鐘左右就有位。不過等位有啲亂，用排隊方式，建議用拎票方式會好啲，唔洗拗。叫左個鰻魚飯同埋炸蝦豬扒飯，兩個都好好食，又唔貴，我鍾意個炸蝦豬扒飯有好多沙律菜，沙律醬又可以自己飲加。百幾已經埋到單唯一complaint係飲品冇新鮮嘅檸茶。座位本身都OK，不過冷氣機滴水，滴到成地都係，侍應們都冇咩點理， 好彩冇小朋友。

真係唔明同一個品牌E間分店點解煮到咁差炸野離哂皮 散既椰菜淋加濕調味超重口味服務員態度一般啦雖然收多左加一但唔好期待有咩特別都係黑口黑面 香港地係咁上下其實分店咁玩法總店點解唔管下

運動後的晚餐🥣朋友仔踢足球⚽️，而我呢，就梗係跑步🏃🏻‍♀️啦,所以晚餐就响石門附近揾野食喇。做完運動，就有quota 食野啦🤪1.吉列豬扒定食（+$13 跟咸檬碧即雪碧是也)💁🏻‍♀️豬扒件頭夠大，白飯份量好足夠，肉質有咬口又帶點油花，真的性價比高👍🏻2.咖喱🍛豬扒定食，咖喱則較為失色，日式咖哩不是會配有一點甘荀和薯仔的嗎？！3.滑蛋吉列三重奏，有豬柳、豬肉餅丶蝦🍤朋友仔就話吾錯吾錯，可以一次過滿足哂有魚有肉嘅願望😂

日式滑蛋炸豬扒飯蛋既口感滑而入口即溶 本人表示十分幸福🥰因爲多數既餐廳既蛋就煮得太熟 做吾到流心既效果🤔而喱間餐廳就俾我驚喜啦🥳同時加埋香口既炸豬排就啱啱好😆不過唯一令我覺得可惜既就係炸豬排太乾身 冇咬開肉汁豐富既口感😢另外當你覺得食覺得口渴既時候就可以試下佢地既雜果賓治😈都幾解渴消暑㗎🤪湯烏冬配醬汁香炸豬排湯烏冬既配菜雖然吾多 但喺口感豐富😛麵條煮得啱啱好 吾會太熟☺另外想推薦一下佢地既炸豬排🤩一咬落去麵粉吾單吾會黏牙😳仲有咬落口仲吾會太乾添🤤同埋加上醬汁既組合簡直喺完美🙌

特登去石門約左舊朋友食lunch，仲記得十幾年前第一份工係石門做野，個時要帶飯，因為無乜餐廳，而家多左好多野食。朋友揀左呢間日式餐廳。吉列雞扒定食 $52雞扒外面都脆但好似炸過龍，但𥚃面竟然係唔熱，似炸完放左係度有一陣子！淨係唔熱呢點已經扣哂分，份量唔算多。有碗白飯，有碗湯，幸好，湯好足料有一堆蘿白，味道都可以。$52加一，唔包飲品，又唔十分好味，真係有d唔抵。試過一次已經足夠了，下次唔會再黎食啦！

點選一客招牌菜吉列豬扒套餐，肉質合格，外皮乾脆無油漏感，醬汁酸梅味恰到好處。惟可惜是白飯無驚喜，米粒硬無甚口感，熱度低，但份量夠而矣。套餐湯尚算合格、不咸。另高麗菜未夠水平，冀望切幼絲一點及加多份量就好!

朝早陪完老公早餐，中午就輪到陪仔lunch,所以話呢，女人唔易做。吉豚屋有個好處，就係他們的便當有大（松）、中（竹）和小（梅）分量俾你揀。當你唔太肚餓，但又要陪食時，呢到係一個幾好的選擇。而我當然是order滑蛋豬扒（梅）便當。真品和圖片有八成上似，雖然滑蛋鋪在炸豬扒，但炸豬扒的外層仍保持鬆脆，而且肉質入口十分腍，配埋調了味的滑蛋，食食下竟然在唔肚餓的情況下，食矖成碗飯😱😱OMG另一邊，見個仔食到一粒飯都冇剩，最尾癡左少少鰻魚吃，D魚肉都算實，而且配埋甜甜地既汁，都幾好味，唔怪得少爺食到見碗底😂

星期日下午餐時段黎到，見到鐵鍋烏冬套餐都只係$38起😇小編點左唐揚炸雞咖哩烏冬，配椰果荔枝茶咖哩烏冬用上唔辣的日式咖哩湯底，有啲食緊沙嗲牛麵嘅感覺，好惹味，烏冬雖然唔係手打，但都係高質嘅，尤其係軟硬度適中，份量都幾多😆.至於唐揚炸雞🍗，食落外脆內嫩，雞肉幾嫩滑而且炸得唔算油，炸粉都唔厚，有4件，份量都幾足喎🙈.至於椰果荔枝茶，就普普通通啦，即係大家都會估到嘅正常味，不過套餐包埋都算唔錯架啦！

小妹去左石門食午餐, 見呢間餐廳門面都幾吸引就入左去原來係有幾間分店既店內環境都唔錯, 座位好闊落餐廳係主打日式吉烈, 價錢大慨$50, 60 蚊左右但唔包野飲呢個餐係3點後供應小妹同朋友叫左滑蛋炸蝦飯同滑蛋豬扒飯滑蛋豬扒飯($49): 雖然豬扒份量都算多, 但味道就一般, D豬扒好咸  滑蛋炸蝦飯($49): 有隻大蝦, 但同樣都係好咸..... 食完之後, 小妹覺得好可惜, 因為餐廳環境唔錯, 但食物既味道比較遜色 

呢間位於石門商場地舖嘅日本餐廳， 門面裝修都幾吸引， 環境衛生乾淨企理見到下午茶餐牌幾抵喎 而且有我最愛嘅烏冬今次試咗咖哩湯烏冬 味道都唔錯 而且係用石鍋上 所以保溫一流下午茶仲有優惠價 加五蚊就有一隻吉列炸蝦雖然平 但絕當冇將貨就價炸蝦有差唔多一隻手掌咁長餐飲仲有其他特飲選擇重點係就算選擇特飲都好，亦都唔會另加收費睇返佢正價menu 一個定食都大概係六七十蚊， 絕對係抵食可能平日去比較少人 坐得舒服，而且服務都算唔錯

石門京瑞廣場位於馬鐵石門站出口。地方不是很大，只有兩座(分開一，二期)，但就有20-30間食市。每次黎到都發現有新餐廳，充满驚喜。所以，吸引左唔少的沙田友，甚至區外人去覓食。呢間連鎖日本炸豬腓專門店，越開越多，當然有一定的食食食食力！6：00未夠就入坐，遲左就要等位了。用餐時間只有60mins,略為短左d,雖然正常情况下，一個鐘乜都食完。要吹水就要轉場。睇睇餐牌，差不多全部炸，怕熱氣就唔好諗。(有鰻魚飯但未試過)。叫左必食的炸豬，還有點了炸雞和加大碗湯。野菜豚肉湯好多料，菜多豚肉片，好味! 值得推介。招牌滑蛋豬腓飯，無得輸，抵食夾大件。滑蛋雞腓飯,同豬一樣美味

石門有很多餐廳，但這間每次到訪都要排隊，於是挑了一晚比較夜的時間，都要等一會。吉豚屋走日式豬扒屋路線，地方整潔又光猛，等候區和外賣區分得很清晰，非常舒服。店內亦非清一色只有豬扒吃-也有吉列雞扒、泡菜鍋，但來到當然叫最出名的吉列豬扒啦～點了咖哩及滑蛋吉列豬扒，可以挑豬扒的份量，可以是80g,120g及兩塊80g，我女孩子食80g就足夠了，但男朋友要吃120g。吉列豬扒脆而不油膩，肉質鮮嫩，配以滑蛋及咖哩都keep到咁脆。推介！必會再來吃。

男朋友好鐘意食日式炸豬排，但有d日式炸豬排要成200幾蚊一個餐，我地呢d小資情侶真系唔可以成日食。最近我地成日去石門搵野食，比我地發現到呢間平價版日式炸豬排。由於價錢平嘅關係，都幾多人排隊。不過我地等左30分鐘左右都有位坐。男朋友叫左個炸豬排set，我就揀左個豚肉鍋。炸豬排唔系咁高要求嘅話，以價錢黎講都食得過，一set 仲配個飯同味噌湯。至於個豚肉鍋反而有驚喜，豚肉份量都幾多，鍋底仲有好多菜同大蔥，好好食～個set 仲配個烏冬或者飯tim!! 岩哂我口味。價錢經濟實惠，下次會再幫襯。埋單仲會有coupon 送，等你下次可以用。