吉豚屋吉列豬扒專門店

Open Now

Now Closed

呢期接受到食熱氣嘢, 所以走嚟試試, 因為呢度9成食物都係炸的, 第一次食, 當然食佢個招牌菜"吉豬", 再順便試埋個"吉雞", 其他留返下次先試~入到嚟感覺好乾淨, 好光猛, 全木裝修, 不過就唔係好夠人手招呼, 原本冇人理想自己隨便坐, 反正都有幾張吉枱, 啱啱想行去時, 就有人嚟招呼, 但果張枱就唔係太乾淨, 又有水, 又有食物渣, 要叫拎水比我地果個姐姐順便抹枱, 都好快手即刻拎布嚟抹, 算係咁啦~枱面已經放好豬扒汁同芝麻汁, 任落唔嬲, 不過佢啲筷子唔太得, 好多刺, 慘入手就麻煩~ 吉列豬扒烏冬第一眼吸引我的唔係塊豬扒, 而係豬扒背後果堆菜, 嚟得食呢啲, 都預咗多肉冇菜, 但佢竟然有咁大堆菜, 果然balance返, 做到好似好有營咁~ 第一件事唔係食, 而係將果堆菜即刻放入碗烏冬入面, 等啲熱湯浸一浸啲菜, 始終唔係好習慣食生的椰菜, 不過實在太大堆菜, 一次係只能放到一半, 要食完一半先再放埋另一半去浸~講返個主角-豬扒, 開頭第一啖都OK, 覺得固炸皮好脆, 但食多啖先發覺塊豬扒好肥, 成啖都係肥膏, 以為淨係邊邊果塊咁啱係肥, 但原來中間果啲都係咁, 上面瘦下面肥

讀書時代，口臭的男同學總喜歡說某某是豬扒，送上門也要洗眼又喜歡嘲笑一些稍胖的女生或其貌不揚的女生為豬排，還記得讀中一時，有個口痕的男同學，見我在吃豬排餐，就爆了一句：「豬扒吃豬扒，哈哈哈！」戲話一句，本不應放在心裏，但我覺得他有侮辱我之意，於是我就把這句話告訴跟我感情較好的男同學，結果他為了替我出頭，狠狠教訓了那個口痕男一頓，大快人心不過這件事無影響我吃豬排，我還是很喜歡吃豬扒的，哈哈！是日出外公幹，與同事4人在沙田午膳，隨便選了一間餐廳用餐，我很喜歡光顧這種日式餐館，價錢親民，方便快捷。餐廳櫥窗可以看見廚師製造美食，愈來愈多餐廳採用此設計，能看見美食的烹製過程也是種美事12時多，餐廳已經坐滿八成，生意不錯。餐牌清一色豬扒餐，豬扒得很專一。有鐵板豬扒、炸豬扒、咖喱豬扒等，也可以將湯和飯換成一碗烏冬。同事點了鐵板豬扒餐、雙層豬扒餐，不方便拍照，所以沒有拍。我點了吉列豬扒定食，附送一碗野菜豚肉湯和一碗白飯。這碗湯真材實料，有幾塊豬肉、紅蘿蔔和白蘿蔔，不過熬煮太久，豬肉淡而無味，如同嚼蠟，蘿蔔都浸得太久而軟了，湯底有點鹹，通常鹹一是因為放太多鹽，一是翻煲隔夜湯，總之湯不及格要讚豬扒很大一塊，

Lunch 諗唔到食乜嘢好, 咁啱同事俾咗張$8 coupon, 諗住落去買外賣食. 去到鋪頭, 收銀冇人, 咁就等一等啦, 咁啱有人食完, 攞住張單同D錢企我隔離, 收銀行到埋嚟, 居然先收食完嗰個人嘅錢先. 我諗住算數, 佢可能唔知我嚟先啦.  點知又有人食完行埋嚟, 佢仍然收另一個人錢, 完全唔理我.跟住我出聲同佢講 '我要買外賣', 佢先至話而家同你落單.  我俾咗coupon 佢之後, 佢俾張單我, 張單印住$62 (未減$8). 我同佢講'未減coupon $8', 佢覆我話'減咗啦, 咪話收你$54'. 間餐廳咁嘈, 你覺得人地一定聽到你講收幾錢, 望張單個銀碼都好正常呀.之後我坐埋一邊等, 幾分鐘後, 份外賣已經整好放喺出餐位, 但D待應全部只係出堂食D餐, 完全無視. 我等咗10分鐘, 忍無可忍, 起身同佢講 '我份外賣放咗喺度好耐喇', 佢先行埋嚟幫我包.   雖然食物普普通通. 但價錢唔算平, 加埋呢種服務態度, 我唔會再食或者買外賣.  可能佢地覺得人客太多, 爆晒太忙, 想趕走D客, 做小D.  佢地咁樣做真係好成功趕走D客呢!

新界人搵食搵到石門。之前新開勁多人，今日等左陣就有位，因為隔離開左新鋪大排長龍🙈食物：我揀左豬柳定食（$75），花先生揀左豬排黃金餅定食（$75），食量大既佢仲要大飯大湯（加$14），仲加左兩隻吉列蝦（$8@）每塊豬既外層都鬆脆，亦夠乾身不油膩。我既豬柳炸得比較乾，可能切得較薄身。反而花先生既豬排較厚，保留到肉汁。至於黃金餅即炸肉餅，入面係啲肉碎，三款之中最淋最juicy！$8既炸蝦無乜期望，預料中既細隻厚炸漿。枱上有支汁for豬，似燒汁，正正常常。另有一支for椰菜既芝麻醬就有啲稀，普普通通。麵豉湯幾足料，有白蘿蔔，紅蘿蔔，蔥，煙肉片，洋蔥，但我覺得好咸，花先生則覺得可以接受。服務：一入店內，無店員理我地，等左一陣，店員先指我地去店內左邊排隊，原來係咁⋯上菜算快，但比錯我地，啲炸野可能外表一樣，店員都攪錯環境：熱～～ ！！隔離枱既男仕食到滿頭大汗⋯ 眼見有幾個食客都自備風扇仔！！！新裝修夠光猛，地方大，但枱與枱之間好近。依個價錢，依個質素算OK，可再去。花先生話要揀的話 1/黃金餅 2/豬排 3/豬柳

呢日過左去石門交低左袋營具比舅父之後，就諗住係附近食個lunch先走人。之前都冇食過吉豚屋，見佢開分店開到黎石門都有，一試無妨。迎入眼簾晚係佢地既你氣menu，4款選擇，本人覺得個價錢都幾合理既～我就揀左吉列豬扒定食，跟飯同野菜豚肉湯。碗湯十分足料，有紅蘿蔔、洋蔥、豚肉，用料上落足本，但可惜對本人而言 相對上有小小偏咸。豬扒外層炸到金黃色，上碟果陣仍然保留熱度，外層都非常鬆脆 而內面亦都仍然鎖住肉汁。嫌太膩果陣亦都可以夾埋椰菜一齊食，調一調和個油膩感。女友就叫左滑蛋吉列豬扒飯。可能因為上面加左滑蛋既關係 相對上塊豬扒冇咁鬆脆，但撈埋滑蛋食卻更有層次，有得有失。香港少見既吉列豬扒專門店，價錢合理 食物質素都係水準之上。

沙田石門新開左間吉列豬扒店今日特登同家人搭車去食石門火車站一出行3分鐘到就見到好近好方便一入去見到人地吉列咖哩豬扒飯好吸引，所以就選擇了這個飯剛剛開店食，所以lunch只需$50好低食個汁好好味又好多，每一啖都食到豬扒加咖哩汁

在日本k字連所店吃過的炸豬排非常好吃! 見這裡說是日本cutuya的連所店，雖然未在日本分店吃過，都想試下~ 想知道有冇日本水準。叫了一個日本汁炸豬排飯（梅）$49加一個細的麵豉湯$9。個炸豬排外層夠脆，但脆漿不夠多，炸得不夠乾身，不太油，但不夠乾身所以有點淋。個豬排汁不錯，桌上有提供可以自己再加多D汁。枱上仲有白芝麻醬可以加入D椰菜絲度吃，不過個白芝麻醬有點稀，好似加咗水咁，略略不太好味。椰菜絲不多，因為是碗飯，不是定食，我見定食的有好多椰菜絲。D飯正常ok, 不是可用筷子夾起的米飯。個湯有白蘿蔔數片，紅蘿蔔數片，許多蒽，煙用一片，同埋洋蔥，看似好豐富，但味道非常一般以下，因為白麵豉不夠，淡而無味，吃不到個麵豉味，也吃不到湯料的味。可惜。整體ok 可以再去，但非超級好味啦～

石門是沙田邊沿的小商廈區, 如果步行只要二十分鐘已經可以行完整個區域, 偏偏這裡的工商大廈密集, 所以在這裡工作的人除非搭鐵路到第一城甚至新城市廣場, 否則就只能在區內僅有的三數十個食肆午飯, 而當中茶餐廳又佔了大部份, 所以每當有新食肆開業, 我們都會開心一陣子, 今次就選了吉豚屋的第八分店開餐了走進七月才開張的餐廳, 環境非常乾淨, 一讚; 跟同事各自點了套餐, 平均消費在$60-$70, 午市時段都頗多人, 不過上菜的速度還快, 不會讓人等得發矛; 吉列豬扒定食不錯, 因為入座的時間已過了大半個午餐時段, 但豬扒吃來仍很香脆, 應該是即時製作, 同事的咖哩定食不算太辣, 很穩陣的日本咖哩新餐廳地方也算寬敞, 一行五人幾個男士坐在卡位上一點也不迫, 唯一可能是商場問題? 冷氣不太足, 吃過鐵板後全身火熱, 美中不足之處