Video
Read full review
2025-02-06
111 views
大少話想帶埋狗狗去行下北角新開左條東岸板道潮聖，咁難得放假就陪佢去行下。當然行之前我地要先補充體力，所以就嚟Cactus食個墨西哥豐富午餐。餐廳環境寬敞舒適，有好多仙人掌同竹籐嘅圖案為裝飾。當然我地鐘意嚟嘅係因為佢有室內外座位，好啱我地有寵物人仕嚟用餐。午市時段設有十款選擇，可加配升級為套餐，包括餐湯或沙律及飲品一杯。是日餐湯係蘑菇湯，入口香滑濃郁，而且仲有粒粒蘑菇肉，味道超豐富。先嚟兩杯Mocktail，我嗰杯係 Doctor Kiwi ，奇異果加上青檸同埋薄荷葉，入口非常清新。大少嘅就係Seductive 荔枝加上接骨木花再配上蝶豆花，酸酸甜甜好醒胃，而且仲好啱打卡添。Taco我地就叫左手撕豬同埋三文魚&粟米，單睇外表都已經非常吸引，兩款餡料嘅味道都好好，脆脆嘅外皮再放都滿滿又豐富嘅餡料，咬一啖就已經好滿足。我嘅主菜係燒藍鱈魚燉什豆配墨西哥酸漿果醬，鱈魚扒大件得嚟仲非常厚身，而且煎得外脆內軟，魚肉細膩嫩滑，加埋墨西哥酸漿果醬一齊食就即刻充滿墨西哥風味。大少嘅主菜就係炭烤厚肉眼，大大塊肉眼扒有成8安士，真係睇見到心心眼，表層焦香內裡香嫩，入口有濃郁帶炭烤香氣，軟韌口感又多汁，肥瘦兼備
餐廳環境寬敞舒適，有好多仙人掌同竹籐嘅圖案為裝飾。當然我地鐘意嚟嘅係因為佢有室內外座位，好啱我地有寵物人仕嚟用餐。
午市時段設有十款選擇，可加配升級為套餐，包括餐湯或沙律及飲品一杯。
是日餐湯係蘑菇湯，入口香滑濃郁，而且仲有粒粒蘑菇肉，味道超豐富。
先嚟兩杯Mocktail，我嗰杯係 Doctor Kiwi ，奇異果加上青檸同埋薄荷葉，入口非常清新。大少嘅就係Seductive 荔枝加上接骨木花再配上蝶豆花，酸酸甜甜好醒胃，而且仲好啱打卡添。
Taco我地就叫左手撕豬同埋三文魚&粟米，單睇外表都已經非常吸引，兩款餡料嘅味道都好好，脆脆嘅外皮再放都滿滿又豐富嘅餡料，咬一啖就已經好滿足。
我嘅主菜係燒藍鱈魚燉什豆配墨西哥酸漿果醬，鱈魚扒大件得嚟仲非常厚身，而且煎得外脆內軟，魚肉細膩嫩滑，加埋墨西哥酸漿果醬一齊食就即刻充滿墨西哥風味。
大少嘅主菜就係炭烤厚肉眼，大大塊肉眼扒有成8安士，真係睇見到心心眼，表層焦香內裡香嫩，入口有濃郁帶炭烤香氣，軟韌口感又多汁，肥瘦兼備濃厚嘅牛味令大少邊食邊讚。當然唔少得原條燒粟米，脆脆地啱晒口味。
依度仲有Pet Menu提供，咁毛孩嚟到唔止係陪食打卡，仲可以開心一齊食，真係大人同毛孩都好enjoy嘅地方。
Post
