百份百餐廳 (元州街) (Closed)

區內茶餐廳 一到假日就好多人環境過於嘈吵經過見到呢間裝修有d誠意，應該無咁多叔叔伯伯，點知估唔到又幾有驚喜第一次試梗係要試d招牌嘢百分百經典早餐野菌鮮奶炒滑蛋$34滑蛋份量頗多，加左野菌格外有口感鮮奶味道不算突出，但的確令炒蛋多了幼滑既感覺，整體來說個炒蛋真係好出色！多士亦不錯用上厚多士，烘得香脆上面既蒜香牛油醬仲好香口個set仲配埋碗火腿通粉男朋友都話食到到好飽！香煎牛排餐$39可以任選兩款配料我揀左午餐肉同半焗流心蛋午餐肉有稍稍煎香 流心蛋亦有蛋香牛排不會太乾 入口好粉嫩

43元公司三文冶竟然用平價午餐肉取代火腿！連同一只雞蛋成本唔使一蚊！杯咖啡夠大杯，都係加多啲水啫。去过幾次，希望能夠有驚喜，餐牌講到好威，材料就麻麻，食过招牌菜咖哩牛腩，又廋又乾。要放棄了。

午市成日都爆今日用了3分鐘可以等到位喇！不過當然要搭抬，例牌叫銀芽肉絲炒麵同熱咖啡。午市忙啲，十分鐘左右到看到香噴噴的肉絲炒麵端 到桌上鑊氣足，將麵餅炸得脆脆，炸到金黃色而不燶兩面都炸得好香。那芡汁是另上，菇香和肉絲的嫩 ， 銀芽的爽...正肉𢇃份量都唔少....果然用料十足炒麵及爽口的肉絲、啖啖口感層次豐富，加少少辣椒油去食仲正....食完令人念念不忘次次泥親都叫呢度炒麵底的食物！唔怪之得呢度由開舖至收舖, 無論咩時間都座無虛席.

琴晚與友人去長沙灣拎完野搵地方食隻，見到呢間餐廳都吾錯（平時有食開其他分店）咪入去食，點知中晒伏！先叫左扒餐，落單個位講左3次，落完又話重新落過都算，問佢個扒餐雞扒改魚得吾得，個待應答我吾知囉，我叫佢入去問下啦⋯最後又咪肯，問都吾問就答人吾得，咩服務態度？！😠羅宋湯入面有檸檬片同毛髮，咩料？我叫佢換個一碗，之後問佢乜羅宋湯會用檸檬片煲架咩？個待應呆左2秒就話一向都有落去煲只係平時吾會俾客人見到，心諗好明顯係沖完檸茶放左落去啦，事後成碗冇飲，根本飲落去係怪味！炒蜆仲可惡，根本係凍，吾知整熱左幾耐冇人要先俾我，好心扮下野都叮一叮先⋯凍晒當人食吾出咩？我又吾係內地客！個扒⋯吾好食，問佢拎多汁竟然話冇，我咪問第二個拎，冇汁點食？ 乾到食吾落⋯成餐都吾好，好後悔！我吾會再幫襯！

今次去左長沙灣的百份百餐廳食午餐。星期日下晝點零鐘都唔駛等位，讚！坐位都可以接受，唔太迫，不過可能坐近門口，冷氣唔太夠，食到有d出汗...叫左個惹味星洲炒米，鑊氣都唔錯，又唔多油！不過d粉就唔算炒得好渾，有幾啖會見到一堆分痴住係d米粉度。女朋友叫左個咖喱牛腩湯伊麵（轉左米線）成碗麵好多餸，牛腩好淋，咖哩香而唔太辣，讚！另外叫左粒特飲—海鹽柚子樂，跟餐都係+6蚊，幾好飲值得一試！總結，整體環境食物都唔差，人均50蚊消費算抵食，推介。

去開保安道街市買海鮮今晚食飯，附近食肆都好多，經過呢間餐廳原來有麵包供應，於是入去逛逛，順便買啲麵包聽朝早早餐麵包種類好多選擇，燈光營造效果，令到食慾購買意欲大增，麵包質素都好鬆軟，值得推介，下次再嚟幫襯下佢哋嘅下午茶餐！

餐廳環境：3.5/5 （正常茶記環境）員工態度：4/5食物質素：4.5/5 （叫左咖哩牛坑腩同埋海南雞，絕對好食，係隻雞有啲硬，失水準）食品價格：4/5 （晚餐黎講係可以接受的）

因為開會過了午餐時段, 近近地來公司附近食個下午茶, 見雞脾紅豆冰才25蚊, 比大渣樂仲要便宜, 立即選了.落單等了10分鐘+ 才有得食, 先來的係紅豆冰, 紅豆冰的紅豆比較"林"身, 硬身點比較好, 飲品唔會偏甜, 算OK然後等多幾分鐘就到炸脾, 雞脾係即炸的, 上來到熱辣辣, 雞皮好脆, 雞肉還算嫩滑有汁, .總括來講, 25蚊真係超超值.環境方面, 下午茶時間唔算多人, 坐得舒服.招呼 : OK啦, 無乜特別.價格 : 價錢比快餐店低, 但出品好好多, 值得推介.

去咗一間茶記嘆下午茶。叫咗件西多士。個套餐連一杯熱奶茶，都係$23。個奶醬多好重花生醬味。有糖霜味。食到有甜味，多士好厚身。抵食。杯奶茶好香濃。下午茶時段是4:00pm - 6:00pm。下午時段無人，可以坐很久。值得推介。

是日要黎深水埗買嘢，買完剛好係午飯時間，亂打亂撞就入咗嚟百分百食嘢。行入店內期間，見到有客人食緊個酸辣湯米線，賣相非常吸引，就打算叫黎試吓啦。本身幾鍾意食魚肉春卷同丸嘅我，見到個「招牌四寶麻酸辣湯米線」，諗都無諗就叫咗啦。上菜之後完全見唔到米線裏面有牛丸同貢丸，相反就多咗魚腐同豆卜，感覺餐牌同實物不符，非常憤怒。早知係咁，就叫個平＄3嘅「雙魚孖寶麻酸辣湯米線」算啦。雖然最後味道係唔錯，入口又酸又麻，但真係有d嬲囉。

我自問唔係一個注重健康嘅人，大部分日子都會食兩隻蛋（多數早餐），有時甚至四隻（例如早餐兩隻加午/晚餐碟頭飯兩隻，但重點係分兩餐）。但百分百呢碟滑蛋炒蝦仁實在太嚇人，目測無8隻蛋都有6隻，到底咩人會食得曬？我最後食左不超過一半，因為係蛋（易壞），又唔可以打包第二日食，覺得好浪費。。。百分百不如考慮下個量減半，然後減價三分一（我知無可能。。。）？

呢日係長沙灣返完教會崇拜，又到左最煩惱嘅時候，就係諗食咩啦呢個真係全世界最難嘅問題！依家長沙灣開左好多間新野食，對於一個有選擇困難症又唔太敢試新野嘅人黎講真係好頭痛而今次我就同朋友亂點鴛鴦咁求其揀左呢間，見佢就腳，價錢都唔算太貴。依家真心係邊度食個lunch 都駛唔少錢。我同朋友好快就揀咗呢兩個菜：紅白鴛鴦焗炒飯同埋咖哩吉列魚柳配藜麥飯，有魚柳又有鴛鴦扒，share食黎咁豐富岩晒。唔係亂點鴛鴦嘅鴛鴦焗炒飯哈哈～呢個紅白鴛鴦焗炒飯質素都算唔錯，雞扒豬扒兩個扒都幾大塊，肉質唔會太un，大件夾抵食～蕃茄醬唔太酸，調味適中。有得配炒飯底，唔錯。係一哥焗豬以外另一個選擇哈哈咖哩吉列魚柳係朋友話想試下嘅。魚柳有兩塊，size都唔算太細，外脆內軟，幾鬆化薯仔都算夠腍，不過作為資深薯仔fans，覺得薯仔嘅數量實在太少，應該要多返DD薯仔可謂咖喱嘅精粹黎加嘛！整體黎講雖然唔算好特別，但普普通通食個飯都算唔錯嘅～見openrice 有D人推薦海南雞飯，睇下下次有冇機會去試下～

百份百分店唔算多，但整體食物質素唔錯的! 係長亨食飯，晚餐唔係食扒就係泡飯，味道唔錯! 價錢略嫌貴左少少。星期日落街搵野食，原來屋企附近都開左一間!即刻黎試呢間百份百，樓底好高，而且裝修格局都幾特別。舊式吊扇，但唔知點解放幾部單車係度lunch都係一般常見既大眾飯，米線，意粉炒河炒飯驚覺好耐無食過咖喱，佢又話自己咖喱得獎，要左個咖哩豬扒飯試下!除左隻碟靚仔啲同多左啲菜，感覺上同傳統茶記既差唔多，但咖哩汁就完全唔同!講下個飯，飯係幾好口感，軟硬適中，唔同一般茶記/大xx，d飯一係硬一係爛，但唔太夠熱。豬扒薄身，煎香加咖喱汁，唔係太特別。咖哩同一般咖喱汁好唔同，比較稀，而且味道上唔多香濃，只有淡淡既咖喱香味。食落無辣味，而且無薯仔/蔬菜既甜。薯仔應該分開整，炸好然後加咖喱汁，令咖喱少左一黎澱粉質既香甜同口感。比較上黎都係鍾意食平時食開既咖喱

海南雞飯平平無奇出位咖喱牛腩湯伊面十分神奇湯底與伊面完全唔夾，伊面口感很空虛入湯是會使人覺得咖喱與麵條分開可能是咖喱味太濃的問題唯一可取的是中式燉湯，感覺比較真材實料

4人行呢日係附近打完羽毛波，熟路既朋友帶我地黎呢度食下午茶，話坐得耐又抵食。我一向做完運動都無乜胃口，可能血液內充滿能量 無乜餓意，揀左好耐後決定食個魚湯泡飯，清清地又唔熱氣。﹣魚湯什菌蠔仔泡飯：印象中係＄45左右，但估唔到好大碗！如圖所示我地仲攞碗仔分食，都仲有咁多； 唔單止好多魚湯，什菌、蠔仔份量都唔少，而且魚湯鮮甜，味精唔多，第一啖湯已經飲到蠔仔既鮮味，可見魚湯應該同蠔仔一齊再個別煮左陣（友人叫既另一碗泡飯則是第一啖就充滿鯇魚味）；什菌有疑似乾牛肝菌既種類，食落都香菌味；蠔仔唔會好細粒，同煎蠔餅既蠔仔差不多大，無沙，鮮甜亦飽滿。食左大半碗好飽，最後食埋D配料宣佈放棄...﹣肚餓既朋友們叫左下午茶set厚厚多士，邪惡之餘亦得到佢地好評。有機會再試下啦。另外值得一提的是，凍奶茶幾好飲！茶味濃，唔會太甜太重奶味，少冰亦真的少左俾你之餘唔會上凍下熱；相信熱奶茶會更加好味！