百份百餐廳 (元州街) (Closed)

是日要黎深水埗買嘢，買完剛好係午飯時間，亂打亂撞就入咗嚟百分百食嘢。行入店內期間，見到有客人食緊個酸辣湯米線，賣相非常吸引，就打算叫黎試吓啦。本身幾鍾意食魚肉春卷同丸嘅我，見到個「招牌四寶麻酸辣湯米線」，諗都無諗就叫咗啦。上菜之後完全見唔到米線裏面有牛丸同貢丸，相反就多咗魚腐同豆卜，感覺餐牌同實物不符，非常憤怒。早知係咁，就叫個平＄3嘅「雙魚孖寶麻酸辣湯米線」算啦。雖然最後味道係唔錯，入口又酸又麻，但真係有d嬲囉。