茶餐廳2.0 (Closed)

咁都可以做外賣🥡有圖有真相，係好大一盒加埋10幾件雞件啦！好大一盒雞廢料！雞翼就冇啦，雞轉彎一塊，真係轉彎到最後雞皮就墊底墊咗雞塊雞頸跟埋超肥皮，好大塊嘅！雞背脊已經算超大塊，不過就都係骨，大家唔好唔會啊，圈出來嘅係骨，隔離嘅係皮啊，中間縫隙先有肉啊！雞丁就5毫子咁嘅大細，都可以帶埋骨！配料彩椒好味，菇類都可以！外賣盒高質啊，餐具筷子就差啦，有味！隔離嘅THAI 2.0唔知係唔係同一個集團，不過都唔建議大家幫襯啦真係不知所謂！居然要我寫夠200字先可以俾差評！

睇OR食評，從元朗跑去荃灣試食，地方寬敞，價格OK，但烹調認真唔點，雜扒炸到乾用刀都切唔開，咖哩牛腩有肥筋無肉……最大鑊係個店長(老細？)唔帶口罩通處「噴口水」……

平價吉列豬扒飯❤️📍茶餐廳2.0 荃灣最近想慳錢想搵平野食，見到呢間《茶餐廳2.0》岀面好多人排隊買外賣，諗住買份試下🤣 今日叫左份吉列芝士夾心豚肉咖哩蛋包飯，估唔到$60唔洗份豬扒咁大塊，仲夠我留一半番屋企加餸😆豬扒都炸得幾脆而且好厚身，蛋嘅份量亦好大份❤️ 雖然餐廳唔係行打卡路線，但味道同價錢都係幾好，推薦👍🏻📍荃灣愉景新城二樓2029號舖#茶餐廳2.0#foodstep_荃灣區 #foodstep_中菜

一心打算堂食，但換來竟然是外賣盒仲要被迫間外賣客價錢職員不停話$60以上有八折其實根本就全心欺騙不停叫人入嚟餐廳食嘢但係入到嚟要先點餐先至比入座先點餐入座冇問題入嚟坐低有冇餐牌即係要你出返門口企喺度你要諗清楚自己食咩我見有另外兩個食客行動不便職員話呢度好似美食廣場咁樣做法所以要先比錢但點解俾錢嘅時候唔講話要交外賣費呢喺門口不停介紹人入座時候唔講明有外賣費要收啦全部變咗外賣形式上外賣形式又要收外賣價錢水都冇一杯好差⋯⋯

下午茶非常之抵食又大份我哋四個人食咗先大概160左右.大約$40一個人而且佢哋啲特飲選擇都多，下午茶餐加$15就可以加雞蛋仔雪糕，我見過都係佢哋嘅特色小食，真係幾好食推薦佢哋嘅豬仔包瑞士雞髀都唔錯

收工有D肚餓，諗住快快趣食飽就返屋企抖，所以來左呢度😆到餐廳時大概係夜晚七點幾，得幾枱客，唔算多人。晚市套餐有分中式西式，都幾多選擇👍諗左陣，諗住聖誕食好少少，所以就叫左🐟香煎金目鱸魚柳~🐟香煎金目鱸魚柳跟薯菜 + 熱柚子茶 ($88 + 3)🍅羅宋湯幾夠味，有少少辣~料夠晒多，一大堆菜、一大舊牛肉，好正😋🥬D菜又煲得好淋👍碟魚柳一上枱覺得唔算大碟，但點知食食下發現都幾大碟🤦‍♀️🍟薯條夠晒脆；🥕D菜就白烚上，正正常常，冇乜特別；🐟魚，除左多，仲有少少驚喜😂本身覺得煎魚都會比較乾😕點知呢碟出到來外脆內滑，完全估唔到😏不過醃魚時可能落多左鹽，鹹左少少😞同埋個檸檬牛油汁有D膩，可能換其他汁會好D🤔☕️熱柚子茶要加 $3不過柚子茶底幾多，幾濃味😚最後埋單 $92整體來講，食物都算唔錯嘅😃服務的話，經理比較親切有禮貌，今晚可能有幾枱熟客來食野，經理同佢地都有傾有講😂但人手略為唔夠，等落單同食物上枱都要D時間……

🥣茶餐廳2.0🥣今天午餐就去吃我最愛的港式茶餐廳，今天時間有點趕就隨意選一家，反正茶餐廳每間都差不多🤪————————————————————————🌟芝士焗肉醬意粉 @$58典型港式茶餐廳的肉醬意粉，意粉偏軟，味道不出色，但有點意料之外芝士竟然有一點點拉絲😀有拉絲讓我有點小開心🌟日式燒雞丼飯 @$62又是一個港式典型Fusion佬飯，味道沒有很精彩，就正常😌🤔個人對香港的茶餐廳沒有什麼求要，因為就是平宜的一餐，所以一般去茶餐廳個人還是比較注重店員服務質素，這家店員都有禮貌👍🏻

環境十分迫，以疫情之下同隔離枱ge距離差唔多等於零……衛生環境十分差，地下有上手ge食物殘渣。筷子刀叉只係用膠袋cover住……個膠袋仲要睇得出用左好多日，因為有歲月ge痕跡，仲要笠笠地果隻🤣 一睇之下載筷子個兜底超污穢……見到都已經唔想食野……食物方面叫咩冇咩……下午茶想食西多士咁基本ge茶餐廳食物都冇……結果叫左個乾炒牛河，超級的油，味道一般，唔難食的，只不過真係太迫同衛生環境太差，食左兩啖就即刻閃人了……不會再幫襯……

係荃灣行完IKEA，肚子餓，搵到間茶餐廳醫肚。同朋友一人叫左個飯，分別係咖哩牛腩飯, 62元，焗豬扒飯, 58元。價錢上，其實算偏貴，一般坊間都係４十幾５０元左右。價錢貴都唔緊要，最緊要好味。先來咖哩牛腩飯，食落的確係我地鍾意既咖哩，因為夠辣之餘，又唔會似坊間咁落好重椰奶，搞到得個甜字，呢個係正種馬拉咖哩。而牛腩又唔會得個肥字，或者全部都係薯仔，牛腩數目都算多，有六七件。焗豬扒飯方面，焗飯就最香最吸引我每次點既飯，因為中伏機會低，如果連焗飯都唔掂，呢間餐廳係唔值得再去。今次既焗飯，焗既時間岩岩好，芝士岩岩開始溶，豬扒又嫩口，飯質都唔係用ｃｈｅａｐ米。雖然價錢算貴，但可能係大商場入面，租金高所以比街邊茶記略貴，但食物質素係好的。

諗住安安靜靜食個lunch啦求其搵間野食算數入得黎都叫客一入門你地個staff就叫得坐呢個位安排得我搭枱我咪坐囉 食乜無乜都由佢啦飲食難做 我明 我都做飲食但係搭枱果位唔知老細定經理你d staff問你做咩同人搭枱你可以大大聲話點知個客做咩搭枱真係得架wor 你唔想接我呢枱咪開聲囉 唔洗比說話我聽既我想同你搭枱架 你地安排架嘛我黎食餐飯都要聽你說話既野食就咪提啦 一百幾十無諗過食餐好既估唔到仲要受你地d說話遮一句講哂 無下次

好耐都無去茶餐廳食嘢🙈見週末無咁多人食個茶餐醫肚先🍴樣樣都想食有咁多選擇唔知食咩好最後嗌咗自選茶餐A 2.0麵餐任選兩款：揀咗煙肉、煎蛋轉米粉好少揀呢個配搭味道都唔錯飲凍檸茶正常好飲另外整多個葡撻🤤見佢一件$6蚊仲抵過Kfc無叫錯😋葡撻好食熱辣辣酥皮又脆👍🏻影相果陣笑咗🤭😆再睇影完啲相🤭🤭😂一碗米粉搭一個葡撻好似怪怪地咁🤣下次會影好啲架喇整體味道都唔錯😋menu無論早午晚餐都好多選擇

係愉景新城行街，突然好想食茶記就係openrice搵荃灣嘅茶餐廳，第一個出嚟嘅餐廳就係依間茶餐廳2.0🤣咁二話不說就即刻去食啦😁嚟到啱啱好係下午茶時間，但係午餐反而更吸引，所以就決定叫返午餐😋香煎西冷牛扒跟意粉蒜茸汁🍝首先意粉用茄汁炒過，唔需要撈蒜茸汁已經好好味😋👍而西冷牛扒煎得啱啱好，肉味足而且唔韌好淋芝士焗葡汁雞扒意粉🫕濃濃嘅葡汁加上芝士，雞扒預先切好，但係感覺上啲葡汁有少少咖哩味🤣整體嚟講兩碟味道唔錯，只係由於落錯單等食物等得比較耐🥲

星期日，同男朋友第一次嚟食下午茶，一開始已經唔掂當，攞咗飛等佢叫，點知無攞飛竟然遲嚟先上趕入去有得坐。坐低叫咗奶油豬同西多士，仲加咗$10要雞蛋仔雪糕，本來仲有啲期待，西多士到發現無糖漿，要問先俾，好！唔緊要，但係糖漿唔好食，西多亦都唔香唔好食。哩一度最好食係奶油豬，夠脆口，煉奶同牛油比例剛剛好，唔會太甜。最後，雞蛋仔雪糕，大到呢～得果6粒，雲尼拿雪糕唔好食，無錯！係雪糕都唔好食。雞蛋仔嚟再冧嘅，蛋味都唔好要求太高，都無嘅。咖啡唔熱，可能怕大家焫，易入口（苦笑）客觀而言，$69哩個質素唔算平，論呢個區唔算貴，點解仲生存到，我諗係附近餐廳都無位坐，所以仲係度。嬲要第一次要發文。唔會嚟！嬲！

今日同朋友睇精品。來到荃灣諗到2.0。其實想試好耐。今日終於有朋友陪未到冬天就有冬日2.0😂😂3樣都好想食晏就就有熱辣辣包😊😊😊今晚點了農夫包馬來咖哩牛腩，首先被個大豬仔包吸引，入面材料都好多。牛腩。紅羅白。薯仔。磨姑仔。咖哩不太篇辣。好香。加了小小椰香。一流。麵包係新鮮。軟身。配咖哩好好。牛腩亦半根半腩。入口溶化。薯片夠淋。每樣都好好100分。另叫了2.0火山牛肩胛肉眼扒，熱熱放上肉。本身是3成左右。靠石熱力去辣熱想食扒熟。我就比較愛吃5成。所以都要快手食掉。牛肩係最彈牙。最好味位置。加小小海鹽，食出鮮味。肉質好好。只是覺得再多一點比我就更滿足。配上薯條。一流點了杯黑牛。簡直美好的一餐😍😍😍😍🥰

係商場行緊街好想食雞煲，就嚟咗呢間餐廳，麻辣雞煲$118半隻，食完雞仲可以加湯打邊爐，加咗肥牛$38同$28烏東！不得不讚下呢嗰雞煲，唔太食得辣嘅我，食呢嗰食到辣亦食到麻，嗰雞煲醬汁好好食😛😛 飲品就叫咗雪糕紅豆冰$30同芒果奶昔$35，呢到嘅飲品真係無得輸，難怪佢有嗰位俾你買珍珠奶茶類似嘅飲品🧋百厭嘅我，見到咁夜都仲有咁多人嚟買麵包，令到我行咗出去睇，有葡撻，蛋撻，菠蘿包，墨西哥包，都真係幾吸引💕💕 雖然晚餐食個葡撻有啲奇怪😂 但係我真係忍唔住叫咗嗰，食完之後我明白點解啲人會夜晚晚嚟買包買撻，因為真係幾好食，佢完全唔油，好好味😋😋仲要只係$6個仲叫咗嗰好多人推介嘅雞蛋仔雪糕🍦，食落係真係幾特別嘅，但唯一一嗰困難就係唔知點食😂😂 然後我成底拎咗嚟食😂 打卡一流😂