Cafe 360 (Closed)

第二次泥幫襯，無他，貪佢呢度環境ok, 服務ok, 食物ok, 價錢ok, 地點ok………反正就是什麼都ok今次呢晚我地都唔係話好餓，我望了個餐牌好耐，掙扎左好耐，決定要蕃茄菠蘿芝士鐵板飯，而老婆就點左個巴馬臣芝士什麼什麼意粉。我個餐本身除左主菜仲有餐湯/沙律､甜品同餐飲，老婆的餐就少個甜品。 先上枱的是2碗蘑菇忌廉湯。忌廉湯很似是金寶的出品蘑菇碎加強了湯的口感，冇咁寡 呢頭個湯都未飲完，果頭個意粉就已經上埋了～真有效率！意粉質地不錯，唔會粗大粉霉，是偏幼而彈牙的貨色巴馬臣芝士份量很足夠，所以理所當然的，很漏……… 跟意粉上的還有迷你牛角酥……店員說迷你的已售罄，所以送上半隻「大」牛角酥俾我地，真搞鬼 很快的，我點的鐵板飯亦已奉上了賣相不錯擺位都有心思按順序的是沙律菜＞菠蘿＞熱熔芝士＞豬扒＞蕃茄飯＞鐵板。整體表現不俗，慶熱了的菠蘿甜果較出，減輕了芝士的油膩，豬扒算厚亦醃得入味。底層的茄飯卻偏酸且份量不多，芝士放了在菠蘿同豬扒中間，要撈飯食就得先從豬扒上刮佢落黎，有點不足 主菜吃完還有甜品，捧上的是朱古力糯米糍。朱古力粉上得均勻，朱古力味都夠，又不會過甜，

石鍋炸豚肉香菇飯炸豚肉同果飯分開上，避免左豚肉放係可鍋太熱而"淋"左。炸豚肉以木板上碟，感覺清新，賣相吸引!炸豚肉既粉漿唔會好厚，外脆內嫩，咬落一d都唔油!!加上配以沙律醬，食落更惹味清新以石鍋既香菇同飯份量十分多，絕對唔怕唔夠飽!!

第一次忍唔住寫食評今日唸住試下360啦!!叫左一份全日早餐咁好快就上桌點知食物完全唔夠熱。d菇仲凍既,蛋炒得唔靚個薯餅炸到硬哂過哂龍。係得塊魚柳後上就熱。即炸,但唔好食,得d油炸味。其他野一般。好失望。得個樣。

星期六懶洋洋，訓醒同媽咪一齊落樓下食晏!見到宜間CAFE新開裝修幾靚，於是入去試下新野!點左個卡邦尼亞肉腸意粉配磨菇酥皮湯...$70都唔洗仲有餐飲 ，而且野食既份量都唔細，好抵食!!酥皮金黄，食落好香牛油味!而且每啖湯都食到有磨菇粒，口感一流!意粉既麵條比較幼，欠彈牙!但個汁好香濃可口! 而且配料都幾豐富，除左有肉腸之外仲有火腿!侍應好貼心等我地食到七七八八先上餐飲，唔會涷哂唔好飲，真係值得一讚!

有一天，吃完晚餐，打算逛商場消化一下.....突然，發現商場的角落處開了一間新食店，發現它的主因，是它門口那桃紅的霓虹光管招牌。招牌十分搶眼，但帶點俗氣。不過，食店鄰近洗手間，又位於商場的角落，人流不足，這個搶眼的招牌再合適不過。由於當晚已經飽餐一頓，甜品也吃不下了，就決定過幾天再約了朋友試。當日大約六點半左右到達，剛想走進去裡面坐。店員臉帶笑容地出來說：「不如坐外面吧？」反正，又不是真的戶外，坐那裡都一樣，所以就坐到店員安排的座位好了。座位是可移動的梳化，有點份量，可能我拉開梳化時看似不夠力，店員主動幫忙，更說：「小心，有點重」，很貼心。（謎之音：人家是怕你太笨拙，把地板也拖壞－.－）坐定定後，發現......原來我就坐在那霓虹光管招牌的對面orz吼......連我的餐湯都被那塊鮮桃紅色的招牌影響，帶點俗氣 (笑)餐湯味道不過不失，印象不深。 太陽雜扒鐵鍋蕃茄飯：有太陽蛋、豬扒、雞扒和炸蝦。醬汁可選燒茄汁或黑椒汁。不過，既然吃蕃茄飯自然配燒茄汁，不然呢......黑椒汁蕃茄飯......有創意，但我唔多鍾意 講返太陽雜扒鐵鍋蕃茄飯配茄汁，雜排份量未算king size，但對女生

難得早下班，帶媽咪去試試新開的餐店，(其實開店近一個月了xD)媽咪身體不好，要避免進食太油膩/配汁食物，入店前沒有先看餐牌，原來店內飯點都是蕃茄飯，尷尬地向店員查問能否轉成白飯，店員立時走進廚房安排，非常感謝他們的熱心和盡心。食物送來後，店員特意過來問食物是否滿意，還問有否別的需要，真的很貼心。食物方面，「酥皮湯」味道香濃，真的要挑剔的話，加些配料更好。「炸蝦雜扒鐵鍋飯」足料，兩個人分吃也很滿足。「草莓窩夫」甜品都是女生的最愛，媽媽不能吃太多甜點，整個幾乎都給我吃了，放置了多個草莓，正！「英式有機草本茶」絕對是吃膩了的好配搭！