香江茶室

Open Now

Now Closed

星期日來到啓徳行下，實在好熱，行左一都一個鐘左右，我地就地揾下嘢食，可惜下午茶時段嘅選擇勁少，行過呢度，係茶餐廳照食囉😅😅😅😅老實講，呢度價錢都係偏貴，但又未去到離地價錢，都接受到嘅🤪🤪 叫左個雞翼set , 雞翼都有5隻係南乳味，有沙律又有薯角，包杯飲品，其實都幾好食，咁多嘢食，價錢方面$58，其實接受到嘅。。之後叫左個厚多士，都幾好食，反而呢個要$38 就有少少貴，不過味道其實都唔太差。。😊😊其實呢度真係無乜得楝，真係將將就就咁食下囉。。唔係點啫🤣🤣🤣🤣

話說去左郵輪碼頭行下原來得反兩間餐廳，咁兩個大人無理由去親子餐廳，唯有去另一間食個Tea, 係門口見到有人飯餐及茶餐，但無點睇價錢入左去，點知就咁瀨野啦，飯餐價錢都算正常同大X樂果啲差不多，但入到去已經無得食啦，唯有叫茶餐，見到價錢唔知以為去左米豬連餐廳俾佢嚇親，普通出前一丁麵都要50元，唔知點解撈麵重貴過有湯，最離普普普通通辛辣麵都要58元，唔知以為呢到機場餐廳嚟，真叫唔落手最後叫左窩夫同雞亦，個窩夫雖然熱辣辣，但同街邊十幾蚊底格仔餅差不多，雞亦都叫ok起碼有埋薯角沙律跟番，但其心好鬼貴，個老板真係唔識定價，的cheap cheap 出前一丁同辛辣麵可以賣到10陪天價咁貴。唔怪得人影都唔多過早知坐幾個字車出返去食重好

得閒去郵輪碼頭行下，途經碼頭內唯一的餐廳，唯有局住試下，環境不錯很乾淨，咖啡亦很有水進，兩人叫了一個餐另加野飲都係幾拾元幾平，但食品麻麻地，個麵好淋隻蛋凍冰冰雞亦又係凍的，下次去剩飲野算啦！

又到黎呢頭食飯，本身有人話個叉燒煎蛋飯好食，我非常喜歡食叉燒，所以我都好期待。午市都唔多人，見到旁邊啲人碟飯全部都大大碟，覺得非常唔錯，但個飯一黎到發覺有啲唔對路，同我朋友講嘅厚切已經有少少出入，仲要望落好瘦，我問一問個朋友先知，佢原來鐘意食瘦叉，中左大伏，不過同樣係大大碟好夠份量，個太陽蛋都煎得唔錯，但叉燒真係好瘦，所以食落乾同埋韌，咁遠黎到食瘦叉我都真係得啖笑。如果再黎食可能會叫星州炒米，望落唔伏

見郵輪碼頭山卡喇無咩野食 就是但搵左哩間野 係門口見茶餐廳黎講都算中價就是但入左去 入到去見入面冇乜人 想坐卡位 d侍應唔俾 話一陣多人 指左個位比我地 食正個冷氣 同佢講想轉都唔多願意咁 到叫野食果時 服務態度真係麻麻 我問有冇得叫湯意粉 因為正常茶記都有得轉 點知佢答我張牌有就有冇就冇 大佬啊 你答我冇咪得 洗唔洗咁多廢話 知就唔洗問啦 好啦到d野黎左 我地叫兩杯熱奶茶佢比兩杯茶檸茶我地 話介唔介意照飲 唔通我話好介意?落杯野飲都有問題我都唔知講咩好 杯野飲落仲有d潔精味 真係好過癮 之後食到d牛肉好生我都覺得唔意外了 埋單果時仲要收加一服務費 咁既服務質素都夠膽收服務費 真係得淡笑

一個人的lunch time. 放飯時間又到一個人獨處既時間，我本人鍾意享受一個人既時間。去左尼間郵輪碼頭到食個lunch。補充下精力同體力先。尼到環境唔錯，坐得都舒服。叫左尼碟飯（$78 要再加一）價錢對於打公仔既我黎講，相當唔平。望落去有精心擺設，但點都係試下個味道先。味道唔錯。幾好食，個炒飯都炒得色香味俱全。雖然味道唔錯。但lunch time 食開$50左右既我黎講，的確係貴左些少啦。所以下次黎食可以晚飯間時間再黎些下其他菜式。

啟德遊輪碼頭只有幾間餐廳，下晝四點幾有做生意嘅更加少。香江茶室同隔離似乎係一間舖，隔離有靚景，做西餐，呢邊無靚景，做貴價茶仔。因為樓底高，枱與枱之間又夠空間，感覺唔錯。今餐點咗兩個精選快餐：一、黑松露禾米燒雲英雞，跟沙律、餐湯、餐飲($78)：半隻雞皮脆但無特別調味，個汁有咸、甜、蒜味都配得幾和諧；個飯有黑色一粒粒，有黑松露味，我唔知咩係禾米，但睇上來同一般泰國米無咩分別，食落啲飯粒粒分明；個沙律雖然係罐頭水果，而且份量少，但食燒雞有少少heavy，有些少沙律清一清係幾好；至於伴碟菜就唔夠新鮮。平均都OK。二、香江什扒配司華力腸，跟飯、黑椒汁、餐湯、餐飲($78)：腸唔洗講，一定無德國食嘅咁好味；雜扒都無咩特別；黑椒汁偏稀，似加咗少少辣油。好普通。是日餐湯：蕃茄雜菜，好似屋企煲果種唔中唔西嘅湯，淡淡哋，無味精。總括來說：普普通通

今日去郵輪碼頭行吓Volvo展覽，嗰度都好靜，Staff多多但參觀嘅人就好少。行咗一陣諗住走，但係又餓喎，見到香江茶室咁不如食埋先走。餐廳樓底好高，內裡亦好光猛。望望Menu就叫三樣嘢，去骨海南雞飯、粟米肉粒飯同埋牛柳絲炒麵。主要想講個海南雞飯因為有啲驚喜，而另外嗰兩個同一般茶餐廳差唔多。去骨海南雞飯唔係真係全部去骨，我食到兩舊依然有骨，但好在啲雞肉好滑同雞皮好肥，加上個甜甜豉油做到甜度適中。雞油飯可以再香少少會好啲，但$72有呢個質素都算係咁~

第一次三個人一同到位置算是不太方便，獨處一隅的郵輪碼頭，最大的目的當然是要給那個精力無限，基本上冇時停的小友到來放放電....吸睛點就只有那應有好幾個足球場般大的草坪。一望無際的，任小友在此亂跑亂叫亂笑，已令他十分高興....玩到咁上下，一陣雨灑來，無奈便要撤退了。走進了那大而無當，除了食肆以外甚麼舖頭也沒開的所謂商場。就算在公眾假期日人流仍如此不濟的商場，看來有關當局實在要有改善及檢討之必要....既是如此，要在食肆中找個座位醫肚，固之然是毫無難度....這間美其名稱之作茶室，但賣的則屬標準茶餐廳食物的地方，最大的好處是可以order埋旁邊酒樓的點心 (可以預計她們是屬同一集團經營的)....一向對這集團的出品沒具信心，故此今次來光顧，絕對是懷著填肚毫無期望有好東西入口的心態....不過在嚐過後，倒出奇地發覺並不是太差呢....近來成為大熱潮流的叉燒蛋飯，雖然這裡的叉燒用的並不是甚麼西班牙黑豚肉一類的名貴食材，但吃來倒也算蜜味濃重夠惹甜，肉亦不是硬崩崩死實實的爛貨色；蛋雖不是屬煎得邊緣鬆脆的用心出品但總算蛋黃是有不少味甘的汁流出來。混和著黑掹掹的豉油伴飯來食，是不錯的....料想不到

有一日去了啟德碼頭公園散步，啟德碼頭嘅設施好新，環境好舒服，想放鬆心情可以嚟散下步，吹吹風。點樣去呢?可以九龍灣喺德福花園搭86號小巴，$5車費左右，10分鐘就去到。當日行行下肚餓，去到B區見到有間茶餐廳，一於去試下，我同朋友叫咗兩個餐，一個四寶飯，一個到豆腐斑腩飯，四寶飯唯一好食嘅係燒肉，叉燒同埋油雞肉質好老。豆腐斑腩飯等咗25分鐘都未有，實在係太耐啦，所以最後係無食到就取消埋單走囉

The Kai Tak Cruise terminal (formerly Kai Tak airport) does not have many options for food.Cafe Aberdeen is the only one that serves local chaa tan teng food so you can imagine how overjoyed the locals would be if they were hungry when they found this place because there is absolutely nothing to eat there!!Luckily, the prices are reasonable.Ordered the pork chops which do not come with rice so you have to add another $5 for the set which comes with soup and rice.The soup was ok, nothing spectacu