雅廊咖啡室 (Under Renovation)

先要多謝Debbie，唔係因為佢發起今日(2009年1月2日)既超特價自助餐之聚會，我都唔會有機會同10年無見既同學仔聚面~ 再者，我亦不能食到加一後都係 $115既lunch buffet呀~ 第一次黎呢間酒店度食buffet，以 $115 既價錢來說，食物既款式都算係咁架喇...唔嗜生及海鮮既我試左以下食物﹕芝士焗椰菜花﹕味道較淡，而且有「出水」既情況出現 所以我都係試左一轉就無再encore喇......葡汁焗四蔬﹕所謂既四蔬，就係﹕西蘭花、小唐菜、草菇及蘑菇 味道沒甚麼驚喜....一般水準黑椒牛肉烏冬﹕由於我唔食牛，所以只試左d烏冬 其實係個盤內，牛肉既份量真係寥寥可數 烏冬上鋪了不少黑椒粒，辣辣地，總算幾惹味 但味道都係偏啖丫口水雞﹕呢味真係好唔掂 d雞完全唔入味 只係白切雞上淋上d辣汁就算....不如事事但但整d 白切雞出黎好過啦梅菜扣肉﹕扣肉都夠腍，但又係唔係好入味啦 似係肉還肉煮、梅菜還梅菜整...煲底仲有d白菜仔，但就成個煲底都係水糯米飯﹕臘肉、臘腸、潤腸等材料都切到好細粒 好少家似的 d糯米好彩都夠腍，唔係真係搵阿水去食呀 不過味道又係一般...似是無味還

尋日生日, 夜晚去呢度食buffet, 我又覺得ok喎, 雖然我唔係食左好多野, 但食物既種類都唔錯呀~ 羊扒同芝士蠔都好味的, 個面檔我無幫襯過, 但同枱的朋友拿完一碗又一碗, 仲有地獄湯底揀, 鮑魚雞粥又係拎完又拎. 壽司, 我覺得三文魚、八爪魚刺身好新鮮呀, 不過款式可能係少左d, 海鮮方面, 我去過灣仔某間好靚景既餐廳食buffet, 種類都係差唔多呀, 都係無蠔, 得青口、蟹腳、凍蝦、螺. 蟹腳就差左d, 因為係無味的, 連咸味都無.... 甜品方面幾好呀, 有約10幾款, 我就覺得好過好多間酒店啦~ 梳乎厘同pancake個個area好多人呀, 我只拿左梳乎厘, 係sesame flavour, 軟軟地, 好味.雪糕係Haagendaz來的, 有三款味供應, 朱古力噴泉既朱古力一d都唔係漏料, 好濃郁的味道.以$220來講, 我覺得可以接受呀

之前都係因為有張coupon先同我男朋友去,心想酒店應該唔會差得去邊呀...唉....點知...個日7點幾先去到,之前,仲特登留番個肚食自助餐...一去到超失望,無生蠔,得D青口,嚮螺,蝦,一d都唔新鮮,d螺又有沙...差差差...好啦...去睇下有咩熱盆食啦,數埋都無十樣,D棻又黃哂,個SEAFOOD CURRY又無味,茶餐廳都好食過佢啦...個關東煮,無咩味,一窩野都唔知佢想點?較為好些的係個四川鶢...同埋個沙律吧....不過,無咩特別佢仲有個拉麵檔,真係麻麻囉...到最候食甜品啦....佢的朱古力蛋糕係我覺得最好食...雖然好多地方,仲有類似的蛋糕,但真係幾好食....不過,佢竟然無我最想食>提拉米蘇<,我問過侍應,佢話因為就嚟收工,所以唔再出餅...唉...好失望囉...可能我遲左去啦...這樣的質素,有7折埋單都要570幾...真係好唔抵囉!而我男朋友就更加唔開心啦...因為食得咁貴,仲要食唔飽...>可能佢咀刁啦...

有張 coupon 米同老公, 屋企人去食 DINNER BUFFET. 但沒想到酒店水準會強差人意沒生蠔, 焗就有, 心想都好過無, 個殼夠大, 面頭有 D 波菜搵來搵去隻蠔得手指尾...嘅指甲..細到離晒普我媽話雞又無味, 淡戌戌我未見過整得 GUM 樣水壽司, 好似散開晒囉.唔好意思沒有影相跟手 law 個細碟仔成 wasbai, 個個都唔見有碟仔, 包括老公仔問在場師傅, 他竟然答沒有就算完全不懂去找.. 即刻通知待應去羅啦....唉 剩係多蛋糕但又不太了得, 帶子最好味生果得幾款, 蜜掛一 D 色水都無, 白色無味, 根本唔熟跟住我想食 pancake, 要等師傅 make點知得番 1 個師傅踢晒腳, 其他是否收晒工嗎 ?攪到我的 pancake 好燶吓, 免強食得話晒都係香港出名酒店, 都唔知咩嘢服務態度

因有有七折 coupon,見也好抵, 也來一試了. 來到才知道某某card有68折~冇所謂, 仲好!並不是好大的餐廳.壽司選擇不多,但都幾新鮮.salad bar 也ok.即炒意粉有驚喜,墨魚汁麵也好味.其他食物,中餐等, 也不錯媽見到有豬腳薑好開心,但腳已俾人筆晒,她有點失望; 但職員馬上去筆兜過一些新的,很快手~$100 一個也不用,仲有凍飲,你仲想點????

Thxdtsdd 見用恆生信用卡在富豪九龍酒店吃自助晚餐有 68 折 (星期一至四), 所以與女友在星期一來這試試. 我們先吃沙律, 這兒的沙律細細碟, 方便客人食用, 而且味道也好, 大蝦沙律的蝦雖然不大, 但勝在味道好. 中華沙律都不錯, 至於一大盤的沙律也有, 不過我們就沒有吃了. 冷盤方面, 有青口, 蝦, 蟹, 螺, 瀨尿蝦等, 新鮮程度不錯, 味道就有好有壞了, 當中以蝦及蟹最好, 最鮮甜, 螺就沒什味道, 瀨尿蝦就又細又唔好食! 三文魚刺身都 ok! 不過沒有生蠔供應, 有點不足! 幸好熟食方面有芝士焗蠔, 而且做得幾好吃! 仲有種類不算多的各種熟食, 大部分水準都唔錯, 我們都覺得羊肉串燒最好食, 又肉味, 沙嗲汁都香, 章魚丸都比想像中好, 咖哩海鮮及海鮮燉蛋就令人失望了, 因為咖哩海鮮只有辣味, 完全沒有海鮮味, 蝦又煮得太老了. 所謂海鮮杯又係沒有海鮮味, 最有趣係有一件人造蟹柳就當係海鮮. 今餐最令 Thxdtsdd 驚喜的是海鮮粥, 因為有很多料, 有蝦, 蟹, 青口等, 所以甚鮮甜! 煙三文魚好食, 但橋底辣蟹就很普通了, 蟹很細, 而且一點都不辣!

星期日，跟男朋友的一家來到這兒食Dinner自助餐，結果，真的看出食物「慳料」+「求其」左好多!以往刺身可以要求師傅切片，現在，刺身是一早已被師傅分成碎塊(約3cm x 4cm)，然後師傅再將4件不同款的碎塊刺身放於小碟上任客拿取。但感覺真的很差，因為3cm x 4cm的碎塊刺身，真是放進口裡就只有失落的感覺。至於其他食物，無論是水果、熱食、海鮮、日式冷盤、甜品等...可以給選擇的種類也很少，最多選擇的，反而是Cake...但味道其實也不怎麼好...!很失望的看到這個buffet由當初的好好，搞到依家「俾得2-3百蚊做咩要食你」咁啦...唉!

無生蠔,巳很失望.魚生, 唔新鮮, 凍而無味.sushi, 離哂大譜, 細路見到都唔會望一眼.想6條菜食吓啦, 只得白菜仔......唔好玩啦!$250 每位(連dbs discount).非常不值.如果我無dbs card, 要over $350, 比d咁嘢人食.too bad la.我以後一定唔會再去啦.

話說今日團拜去依間野食煙三文魚好鹹普通三文魚刺身切到好似牛扒咁厚,又一D鮮味都無西瓜唔甜,得個水字成場除左隻口水雞叫食得下之外真係請你都咪去食.飲野仲要另加$24 (狂飲)服務就ok既=]

唉~~~~~~~~~~~呢個都算係叫公司o既春茗o既.....話晒同一個dept係新年過後一次過聚埋一齊o既dinner.....o個次一聽到話去尖咀o既富豪食buffet都諗住冇死喇, 有buffet食喎, 之後就發散晒去問人地呢間野好冇食, 點知!!!!!!!個個都話唔好食, 心諗:死硬!好喇, 去到喇, 我地已經遲到左, 仲要去錯左隔離間酒店....問完人地, 人地話我地呢到得一個地方食buffet, 我地呢到係xx酒店喎, 心諗: 去錯左, 勁樣衰!!!咁就死死地唔該人地之後又趕趕腳咁走返去隔離o既富豪喇(一日最衰都係阿司機喇, 車錯左門口)好喇入到去就梗係2話不說放低野就出去拎野食喇, 一睇就見到唔係好多款, 有d仲冇晒添喇, 咁拎左碟野食返去, 同埋拎左杯野飲(apple juice)一般喇, 之後再出去幾次, d野食真係馬馬!!!!唯一個豆腐花好滑下同埋係焗爐入面o既薄餅(可能o個時o岩o岩放落去冇耐, so好好味, 因為再出去拎已經唔好味喇~~唔好咬口)!不過有下次都係唔會去囉~~又冇款又唔好食!

諗住買D新年禮盒送禮, 1月果陣知道富豪九龍酒店推出左D年糕禮盒, 1個月之前買定換領券等到時唔會買唔到, 我用CREDIT咭訂左幾盒桂花糕, 點知酒店又扣錯錢, 本應$300幾蚊, 變左千幾蚊.我2月4日去攞桂花糕, 點知有券都冇得換, 話已經換晒!! 叫我轉其他糕, 講真佢其他年糕, 蘿蔔糕洗乜買佢wo, 成$170一細條, 係佢個桂花糕特別我先買黎送禮, 我都唔明點解會預先買券都可以換唔到! 張券仲要有reference no., 佢一定知道有客係買左券未換嫁啦!咁大間酒店都可以咁!! 簡直不知所謂!!

以有六折coupon的價錢來說(每人大約$97)來說，算是不錯。上個星期日去食，無咩點食午餐，就當呢個下午茶係，食完之後差d連晚飯都無胃口食，因為實在太飽啦。沙律，熱盤和甜品選擇也頗多，冷盤不錯，有青口和蝦，d蝦都好大隻。老老就話d青口麻麻，雪得太耐太冰。如果有魚生和壽司可以多幾款(不只是太卷)就好了。服務都ok!不很多人，過了一個很悠悠閒的下午。唯一最不喜歡的，是其名。

因為有coupon的關係~今日去o左食Lunch Buffet去之前看了大家的評語~好壞參半所以都覺得只要食得落肚就ok可能因為咁~比我預期好好多首先我之前無去過食~一去到覺得布置都好舒適雖說不上有其他酒店餐廳的氣派但就好舒服~而且仲好乾淨食物方面雖然唔係話應有盡有but至少我見到都有二十幾款而且仲不斷有新既出嚟我覺得d食物質素都ok~而且有d仲幾好味服務方面不得不讚他們我唔小心倒瀉水~整到成張枱都係服務員立即幫我哋抺~而且仲幫我哋換晒d台墊搞到我都唔係幾好意思而且佢哋有人不斷加水~收碟咁又幾有禮貌咁唯一美中不足既係加o左價~哈哈之前見人話$138一位去到先知加o左變$168一位加埋一~差唔多$200@1有coupon的關係~每人$100老實講~絕對值得!

24 Dec Christmas eve 同朋友黎食自助餐, 嘩,仲以為自己返左大陸, D蝦, 係淺淺粉紅色,本人覺得正常新鮮熟左既蝦係淺至深橙色. 仲有松葉蟹係暗橙色而且營養不良,睇個様己經唔想食,好難有一間餐廳會無一樣想食.仲收成$4XX 一位.好彩有人請, 不過下次有人請都要諗諗.....各位三思呀

因為一張coupon,所以走去呢間野到食,呢個故事教訓大家,唔係貪平果幾十蚊! 正價成318蚊一位,打完discount都要250一個,呢個價錢,我真係寧願俾多一百幾十去間好d嘅食lor!食物選擇少,質數差到極點,連蒸魚都可以難食,生蠔又冇,得焗蠔,但係隻蠔細得恐怖,跨張d講食唔到隻蠔lor!切魚生果位先生好似食咗豬油包咁,果條隊長期排隊!d海鮮又完全唔鮮,我見到都唔係好敢食!環境更家唔洗講,food court咁,公司食堂咁樣樣,完全唔明點解可以收咁嘅價錢,如果佢個價係一百蚊到我會接受佢俾d咁嘅野客人lor!如果大家唸住去就不如慳番食第二間嘞!星期六食自助餐可以唔洗book,坐唔爆,咁你就知佢冇料啦!