雅廊咖啡室 (Under Renovation)

老實講, 一向對富豪系列酒店d Buffet 有保留, 唯一一間稍好的係大嶼山機場富豪, 其他d 真係..... 由其是沙田果間, 不過有買1 送1 Lunch Buffet Coupon, 即管同老婆, 阿仔仔黎試下!尋日不是假期, 入坐率都有8, 9 成, 但所見應是有Coupon 而黎, 食物種類不算多, (可以話少), 不過都有生蠔, 魚生, 壽司, 但生蠔Size 奇細同一睇就知唔係太新鮮, 魚生勉強叫可以, 但d 三文魚睇得出平價貨!重有d 凍蟹好霉, 都唔敢食! 汽水同果汁要加錢先可以任飲! 唯一讚既地方係食物Refill 都好快! 客人都唔使點等!總括黎講, 冇Coupon 就唔會黎食, (但奇怪係, 冇Coupon 都有特價, 原價138, 特價78, 實際上用Coupon 只係平十幾蚊)

壽司有師傅即整，好多款式，仲要係大大塊魚生。刺身好厚好鮮味～有個吞拿魚腩飯超正！ｄ沙津好新鮮，有幾種沙津醬揀。我飲左番茄忌簾湯，成個湯都紅色。起初都擔心ｄ味會唔會好怪，飲落去好重番茄味，酸酸地好開胃呢！有師傅會幫你整ｐancake，個底有原味同朱古力味。可以揀士多啤梨，龍眼肉，荔枝肉等等～全部都係新鮮生果起肉呀！另外仲有ｃorner 仔食印度野～好好味！至於其他熱食都不過不失，味道唔錯但款式較普通。甜品方面士多啤梨ｃheese ｃake 超級好味！好味到唔識形容呀！仲有朱古力蛋糕都唔錯，好香濃！有個全部由果仁做o既蛋糕，味道唔錯但好濟口，食兩啖都夠咯。仲有熱ｏ既紫米露～朱古力噴泉〔可以點串棉花糖〕～生果入面大樹波羅好好味！好鮮甜呀！食左好多舊呀，哈哈。２百幾蚊一位係值得啦～食物質素高，下次會再黎！

種類多，又有魚生、生蠔等海鮮，仲有我最鍾意既朱古力噴泉！最值得推介既係芝士魚子醬pancake，簡直一流！

有買1 送1tea buffet coupon，星期六黎都唔full，冷盤都ok多選擇，好多款salad，有青口、smoked salmon等，熱葷比較普通，最鍾意laksa，不過d蝦有點霉...甜品多數都係strawberry，個cheese cake 都幾好，食左兩件唔知點解waiter係咁叫我地上餐茶，搞到我杯咖啡攤到凍晒......$129兩個人，抵到爛~~~keke~~~

因為有Coupon, 又知道呢間Cafe 新裝修. 行過覺得幾靚. 就book 檯同家人黎食T- Buffet . 冷食最欣賞係沙律Bar. 有唔同種類Olive and Cheese.算係咁. 青口亦很鮮甜. 熱食呢. 肉骨茶同喇沙都幾掂!甜食就係朱古力噴泉, Strawberry shortcake, Choco. Mousse我得我心.$118一位. 幾OK囉~

做緊龍蝦主題,每人送半邊龍蝦,幾好味本人覺得龍蝦炒飯,龍蝦伊麵很入味,其他中西冷熱盤也經常補充, 沙律款式也可以,而且醬汁也有多款供應,不會是只有千島汁行貨,有熟的青口,涷蝦但沒有生蠔,有朱古力噴泉,但甜品相對下較少款式亦沒有特別出色,試過在尖沙咀朗廷食過,中西冷熱盤款式較這裏少,但甜品就比富豪出色十號是假期前夕,收268,DBS 有七五折,我覺得有75折就好抵員工有殷勤也有懶散

某日約O左係尖東返工O既朋友食晚飯，行過尖東富豪酒店見到餐廳新開張的大BANNER，便好奇入去餐廳八O下，發現酒店的咖啡室原來已經大變身，個場新淨O左同「潮」O左，去度門口職員告知用DBS 信用卡簽賬食自助餐有七折，計埋都係每位約二百蚊，平過鄰近其他酒店，便抱姑且一試的心態。場中有即叫即切多款魚生，都算新鮮，仲有多個即做美食攤位，有班卓戈同燒牛肉，原來O岩O岩做緊龍蝦promotion，當中有燒龍蝦同龍蝦伊麵任食添，甜品都唔錯O番，有朱古力噴泉。個人認為餐廳整體水平並不差，價錢可以接受，值得一試，唯因位處地庫景觀欠奉！

成班屋企人gathering，我見呢間話新裝修所以提議o黎試下。係比以前靚o左好多，不過樓底矮、坐位較迫，俾人一種焗促的感覺。今次先食魚生，其實貨色唔係太差，只差在廚師及把切魚生刀，切得唔靚外，仲要切到黐住晒，唔得一刀過切斷。仲有佢o地壽司，好多人食過話d飯好硬，仲有客人向個廚師投tim。熱盤選擇都幾多，其中以羊肉kebab最好食，烤得夠火喉，肉質好嫩好juicy，比另一熱盤的羊扒還要好。還有我至愛咕嚕肉，不過食buffet食咕嚕肉，簡直係浪費我quota，果然冇錯，食了一舊立即吐唔切。我另一主菜-甜品，選擇唔多，唯一我鐘意就係，佢d cheesecake同d撻，因為個底好厚好質感。仲有即製pancake，個廚師仔手藝好唔掂，整第一塊係攔，到第二塊都唔多靚，黐埋晒。總體來話好一般，感覺比以前差O左，而且D廚師及侍應服務及態度麻麻地。

熱盆唔夠熱, 冷盆唔新鮮, 差過大陸旅行團d餐, 仲要四佰蚊一個人, 遲早結業

相信大家都有去過酒樓任食打邊爐!但這裡做火鍋自助餐d食比酒樓任食還差,甚麼龍蝦+海鮮都唔新鮮...$178實在不值!

早幾日一行十幾人去食DINNER BUFFET，事前都聽到呢間嘢啲評語麻麻地，但我妹夫因工作關係有買一送一優惠就去試試，去到見到啲食物可以用無嘢好食來形容，平日成人＄238竟然連魚生都無，其它食物味道又差，晚上8点半就好多食物食完就無REFILL，餐後亦無餐飲，只有自助熱咖啡奶茶，如果以上述價錢只有被揾笨感覺

Yuck...........while price is not low! >_<

非常一般咋

係6月份做半價時食過，百幾蚊一位，預期都唔會有太多野食，出付之料之外。魚生算新鮮，又有即整意粉、窩夫，雪樣雖然係牛奶公司，但係D味道係出面無的，有荔枝、曲奇、聰早豆等。總之好過銅鑼灣個間富豪。

同屋企人一齊來吃東南亞自助餐, 好味的食物不多, 特別d的食物有肉骨茶, 印度牛肉薄餅, 日式鐵板燒, 可惜都不多好味, 小妹認為較好味的只有南瓜忌廉湯, 雞肉串燒, 自製泡冰, 認真係乏善足陳, 位位減價後都會約$210, 不是太抵食