園林閣咖啡室

Open Now

Now Closed

不嬲都鍾意約人係呢度食自助餐, 因為價錢大眾化, 唔使300蚊重有生蠔食, 但呢幾日天氣凍真係唔願郁點知見到佢哋又有新搞作, 推出個火鍋檔口, 即刻嚟試試 今次嘅生蠔雖然細細隻, 但係好juicy蟹腳好鮮甜,肉質都好嫩滑當然都有我最愛嘅片皮鴨, 唔使講保持一貫水準 即煮counter轉咗檳城喇沙, 都多選款, 麵有三款, 材料有蝦, 豆腐泡,尤魚,魚片. 我推介係佢哋過喇沙湯底, 因為椰香味濃, 非常開胃 主打目標佢哋有個火鍋檔口,我攞完食材之後, 員工會攞一個迷你爐畀我烚下烚下 食材好新鮮又多選擇我最鍾意嘅係鯇魚片, 因為肉質好彈牙, 唔會一煮就散, 有魚味 其他推介係佢哋嘅辣酒煮花螺 其實唔算太辣, 重點係啲花螺大大隻,但煲得啱啱好, 肉質好甜唔硬, 配搭嘅蘿蔔亦都好入味, 最終食咗幾大碗一講甜品, 即刻要啟動我第二個胃 我係麵包布甸嘅頭號fans, 桂花杞子糕唔係太甜, 食落好煙韌, 感覺好清新 除咗免費檸檬茶, 咖啡, 橙汁, 金桔汁供應徵外, 梗係要飲經典支裝汽水回本喇 除咗雪糕之外, 佢哋仲加推咗mega雪條食完生蠔魚生, 再打邊爐, 加埋汽水雪條 今晚實在太滿足

去九龍公園游完水游完水,鬼死咁肚餓 經過停車場見到呢度有午餐優惠, 唔使問梗係食咗至講. 好快就安排入座,, 沙律同前菜款式都幾多,不過唔係我杯茶. 魚生切得夠厚, 有口感, 無雪味 烤肉係火腿, 唔肥膩, 可以一試.  熱盤有埋湯水選, 最鍾意係支竹牛腩, 要嚟送飯一流. 講咗甜品先, 選擇都多, 推介係杞子桂花糕, 清清地好好味. 我今日嘅驚喜目標係車仔麵檔. 平時1碗3個餸都六十幾蚊, 今次仲唔食到飽 麵檔有9款餸, 一定要食豬大腸, 入味唔咸, 豬皮好爽口, 蘿蔔冇渣, 連續食咗兩碗, 搞到廚師阿姐問要唔要換個大碗我, 辣汁同咖哩汁可以自己加, 絕對回哂本

前年聖誕同朋友食過一次，當時已經唔係好貴，本來想今年6月時食嘅，不過想食當日比人包左場食唔到，心有不甘，所以就老公生日想再食，咁岩見到有特價，600蚊兩位仲要免加一，即係book位呀，我要求左要安靜少少嘅二人位，希望會安排到啦。當日準時18:25左右到達，但原來已經開始左啦，啲人已經排緊海鮮果邊啦，唯有入座後就去拎野食啦。呢排promo係香港懷舊食物，我諗好似係大笪地咁上下啦～生蠔，長腳蟹：唔夠凍，可以太多人拎啦，出得快所以就唔太夠凍，但味道正常燒牛肉：夠淋身，不過對我黎講就太紅啦(當晚見到仲有一款係酥皮包住嘅肉，不過我去拎果陣已經冇左，所以唔知係乜喇)水蟹粥：粥夠鮮甜夠綿，不過拎左碗蟹鉗嘅粥，個鉗冇拍扁到冇缺口，所以食唔到有啲可惜辣煮東風螺：大大隻又夠辣，仲要提供膠籤比你撩出黎好方便，比較少酒店會整(唔係講凍食海鮮)牛雜：有個檔口係有職員即剪牛雜及打冷食物，牛雜老公話幾好味仲有甜品好多選擇，飲品有橙汁，柑桔檸檬同支裝汽水，仲要係自己開蓋嘅，好有feel職員收碟速度快，食物款唔算好好多，不過有生蠔已經性價比高啦，係個坐位嚮熱盤隔離人其實好多，不過我見啲二人位多數集中嚮果到都冇計，唔計呢

今日男友又帶我呢個吃貨食好野👻🎉，今晚黎左佐敦與尖沙咀交界既龍堡食，上次食完覺得野食價錢ok，又refill得快，留下好印象😋生蠔size適中，唔算大都唔算細隻，係一盤一盤係廚房拎出黎仼夾。不過今次refill得好慢，唔知係咪唔夠人手定公司政策改左？佢地既蟹腳都算大隻，拆完出黎啖啖肉，鮮甜好味，食得好過癮😝謎之聲: 梗係啦，有人拆埋比你淨係負責食，可以唔過癮咩？🙈多謝我隻豬拆晒殼仲排得咁整齊比我食，加分❤️所以我都有做野，負責出去揾食架👻今晚有試佢地既蟹粥，料唔夠唔緊要，自己加蟹肉入去🙈 粥底普通。甜品都普通，一般大路野，但呠仔糕都5錯食。水果新鮮又甜，食左好多😋😋😋總體今次都唔錯，係生蠔、蟹腳、汽水、雪糕refill得有d慢，但尚可接受❤️

因為我爸生日好想食自助餐，而咁岩呢間餐廳又有做優惠，所以就黎左呢到試~~我地成家都鐘情海鮮，所以一黎到就即刻夾海鮮，不過都幾爆人，等左好一陣子先拎到因為坐既位置較遠，廢事行多幾轉，所以拎得比較多蟹腳好有海水味，而且好鮮，不過啲肉好痴殼，拆既時候有d麻煩，同埋好難成條肉起出黎蠔相對而言就好好多，任拎都仲有，而且開蠔開得好好，食落無殻，好鮮甜又大隻其他食物都唔錯，但熱食較少，無太多選擇，整體來說是不錯的

呢期特別多懷舊主題嘅餐廳，因為一大班人，所以我哋揀咗園林閣，佢而家做緊買一送一優惠，價錢屬於中間，不妨一試。入到大堂，見佢哋有啲懷舊佈置，感覺幾得意。上到佢哋一樓餐廳，原來佢哋同一間懷舊士多合作，有個影相位。餐廳佈置有好多懷舊檔口 ，員工仲著埋冰室夥記嘅衫，非常投入。終於講到食物，今次食自助餐嘅目的唔再係生蠔，第一時間走去佢哋嘅牛雜滷味檔睇睇，因為滷水街頭小食而家已經好少。見到佢哋個檔口啲邪惡食物 (魷魚，生腸，墨魚)，全部都堆到滿滿，對眼即刻發曬光。試咗入口，真係要講句靠得住。啲鹵水食物夠入味，夠彈牙。跟住到牛什檔，有牛膀，牛肚，牛腸。全部都煲得好諗，好入味，什麼膽固醇 ... 全部都唔記得曬。 跟住佢試佢個陳皮蟹粥，廚師好好問我要喺邊一個部分，即叫即煮，呢到比較多人等。粥底好綿，仲有陣好香嘅果皮味。跟住到燒魷魚，燒時好香，以前企喺戲院門口等佢燒好魷魚嘅感覺返曬嚟。懷舊熱食都唔少有，值得一提佢個檸檬蒸烏頭肉質都幾嫩，仲有個炒蜆，啖啖肉冇沙，好快成鑊就畀人清曬好在師傅好快又攞另外一盤出嚟 其他好似蟹腳，生蠔，魚生都唔缺。 不過今晚目標唔係呢啲。甜品梗係要講佢個砵仔糕，我食嘅時候已經淨係

第一次係呢酒店食自助餐 位置都幾便利 喺佐敦同柯士甸地鐵站中間 慢慢行 大概行左十分鐘到就到喇 食自助餐嘅位置唔算好大 食物款式亦唔算多 但都好啱我同班朋友嘅口味!! 淨係湯都有四款 有番茄三文魚頭湯 蟲草花雞件湯 龍脷草生魚湯 仲有忌廉磨菇湯 我最鍾意嘅係蕃茄魚頭湯 酸酸甜甜幾開胃😛海鮮有生蠔 青口 蟹腳等 絕對係回本之選 仲有熱辣辣嘅避風塘蝦 吉列魚柳 紅酒燴牛尾 呢啲味道都唔錯👍🏻 仲有片皮鴨 可惜塊餅皮太厚 淨食隻鴨好啲另外仲有天婦羅 串燒墨魚咀 雞 牛 豬沙爹串 每枝份量少少 可以一次過食好多🙊甜品 蛋糕等都有幾多選擇 味道正正常常 細細件 岩晒食自助餐乜都想試下嘅心態🐷 仲有三隻味既Dreyer's雪糕 而我覺得最有特色既係佢有懷舊枝裝汽水😻😻啱啱八月做緊四人或以上同行有買一送一優惠 圍起上黎都係大概每個人$280 (連加一) 晚巿自助餐嚟講 算幾唔錯🤓 如果下次仲有優惠 會再幫襯

凍盤海鮮有生蠔、長腳蟹腳、青口、蝦及蜆。生蠔OK 新鮮, 因為我有D怕腥, 好小食生野，但生蠔可以入口, 冇腥味~~長腳蟹好咸, 好咸好咸, 一隻就算~ 熟食算係好好, 雖然款小, 但係好味的~~有扁皮鴨、豬仔脾、羊肉、烤牛肉、串燒、牛扒......刺身方面，感覺不太新鮮。甜品方面，有好多款, 食落都不錯, 不會太甜另外有兩款中湯，其中的蟲草雞件湯, 味道夠濃。  其實280 蚊的自助餐, 有生蠔, 扁皮鴨, 燒牛肉算係不錯, 味道好好, 真係一分錢, 一分貨~~但地方熱, 好似冇開冷氣!我朋友出晒汗~~

此餐廳的口碑麻麻，但因有工會的優惠而一試。用餐後，感覺真的一分錢，一分貨。 我們1900到達，現場所見，座位及食客多，有約九成滿，但食物區算小。 凍盤海鮮有生蠔、長腳蟹腳、青口、蝦及蜆。其中，生蠔頗大隻，但有穀碎，味道淡，而且感到生蠔有點不凍，甚至有點暖的感覺，感覺十分難食（對於生蠔控的本人來說，本人從未劣評過任何生蠔，這是第一次）；而長腳蟹則算多肉，味道清甜；而其他海鮮則一般。 熟食方面，有扁皮鴨、豬仔脾、羊肉、烤牛肉、串燒、牛扒等，除了扁皮鴨有點「梅」的感覺外，其他尚算不過不失。值得一提的是，通常酒店的自助晚餐也會有中式點心供食客選擇，唯此餐廳則未有。 刺身方面，本人只品嚐了三文魚，感覺不太新鮮。 甜品方面，大多甜品也一般，幸好有D字頭的開心果味雪糕，可讓我們甜一甜。 另外，餐廳內有三款中湯，其中的蟲草雞湯味道夠濃且鮮，不錯。 總括而言，這是本人第一次食到暖的生蠔，而整體的食物質素及環境也認真一般，唯以優惠價後約250元一位，則尚算合理。

經過Austin Road的童軍中心,上到2樓就有自助餐吃。當天正做著7折優惠,正價$150再加一。有沙律吧,麵檔,pizza,三文治,壽司,熱食 有麵包仔,甜薯,咖哩薯餅,蔬菜,炒飯,意麵等好在 分量很够,沒太多人。但有些食物放久了 不太新鮮和好吃。甜品還是不錯的,好吃的有豆腐花和雪糕。

我諗好多人都係因為買一送一嘅關係而去試依間buffet。我都唔例外。上個月一樣有依個優惠，但係第一日打電話去book已經成個月full晒。所以今個月又有買一送一，諗都唔諗就即刻book定先。六月尾打去book七月，對方竟然話7月16號之前已經full晒。16號之後的就只剩下weekday。咁樣我唯有揀左20號星期五。成間餐廳地方非常大，但係食物只放在一邊。好彩我地位置係近食物，如果唔係每次攞野食都要行到好遠先有得攞。雖然餐廳位於一樓，但因為佢係開放式，和地下正門打通。有時門口的熱空氣走晒入去，所以難免出現冷氣唔夠嘅情況。平時都有食開其他buffet。多數第一時間都係去試d海鮮。依間buffet種類都算多。有蠔，長腳蟹，蜆，青口同蝦。第一啖試即刻出事。d青口同長腳蟹非常非常之咁鹹，而且唔新鮮。一d鮮甜味都無。d蠔比較好少少。非常肥美，味道鮮甜。可惜清潔功夫做唔足。有好多隻食落果度碎殼。食咗一轉已經唔想食。到左刺身，以為係即叫即切。原來全部切好晒放喺度比人夾。如果d人夾得好夾得整齊都好d。如果夾到亂七八糟既話，望見都唔想食。刺身仲算合格。好鮮甜就唔講得，但係入得口嘅。仲有我第一次食d希靈魚

見食評好壞參半，最好梗係親身嚟試下。由於訂得比較遲，安排坐嘅位置比較後。不過唔緊要，最梗要有得食。首先黎個沙律，選擇唔算多，但啲蔬菜都好新鮮。蟹腳啲肉質唔鹹，可口。雖然生蠔唔係即開，但肉質厚身味甜，蠔有蠔味！(如果你試過食即開生蠔，肉細又冇味，你就唔會堅持即開一定好) 蜆冇沙，啖啖肉，冷蝦夠彈性，唔錯！到咗廚房區，師父不停喺度炸天婦羅，由於人流夠，炸物夠香口，特別好食！(怕熱氣另計)天婦羅款式都算多，因為我第二輪行返去嘅時候，已經見轉咗第二輪食物。串燒有雞肉、牛肉、魚片等，大路款式。但肉味適中。片皮鴨師傅不停喺度切，成晚見佢好似切咗六、七隻鴨。熱盤都有幾多選擇，有燴牛尾、燴魚柳、時菜珊瑚蚌、青口、時菜花姿片同中式蒸魚，都幾老少咸宜。到咗甜品區，件件都係一口甜品，可以一次過試多幾款。雪糕汽水當然唔少得，實行黎過大放縱。因為有買一送一優惠只係需要280蚊，呢個價錢，如果你要求一個優雅寧靜嘅環境，我諗真係諗多咗。佢哋自助晚餐真係好熱鬧，但我見啲客人都好斯文，大家都好守規矩排隊冇打尖 (如果你食自助餐見過搶食情況你就會明) ，而啲員工都好有禮貌，不停喺度收碟同加食物，所以我個人覺得收貨！

在新假期看到有買一送一優惠食物有生蠔、片皮鴨任食作招徠適逢友人生日 便相約去試試訂座的時候 酒店便表示人多 要被安排坐在距離食物很遠的地方心想：人那麼多 應該不會太伏 當天，結果我們便坐在食物位的旁邊所以我們可以看到什麼時候出生蠔但食物令我們失望生蠔-外表看起來肥美，但5隻有2隻苦的 片皮鴨-皮太厚 是正常的3倍，吃完整塊已經很飽三文魚-全場最好吃的，厚切..但多吃會滯燒烤-牛肉很硬 只有雞肉較正常 好在是買一送一...如果是正價就傷心了

This is a cheap budget dinner buffet for around $300 so I wasn’t expecting too much.  Even so, the quality of the fresh\cold foods were very very poor.  The Oysters looked great but were not fresh at all and not washed properly.  The crab legs smelt odd and the shell was slightly slimy, the meat was not firm and was tasteless.  The sashimi\sushi were just as bad, the colour looked off and certainly wasn’t fresh\good quality.Environment was not pleasant.  The seating arrangements were uncomfortab

都係用買一送一嘅優惠平均每人大概＄280到！自助晚餐來講算係好平！佢最大吸引之處係有生蠔食總評語係食完呢餐唔會推介！亦都唔會覺得有乜特別好味！會情願拎＄280去食一餐好嘅！好過食一大堆質素平平嘅嘢！ （純粹個人喜好） 首先講咗生蠔先！佢真係好大隻好肥美！但係就冇乜鮮味，比起出邊食餐廳有啲＄10 一隻嘅生蠔更無鮮味但係佢真係 refill 得好快！直情有個師傅企左海鮮檔隔離，一見就黎夾完就會搬一盤出嚟，冇停過超級抵讚！屋企人覺得凍蝦同蟹腳反而仲鮮味！ 牛扒可以一試！天婦羅都係即炸，都OK！中湯都好味！甜品係有好多選擇！但係質素就真係麻麻，反而最欣賞個菠蘿同埋有個熱辣辣嘅椰撻我食咗兩個！刺身壽司我冇食，屋企人就話刺身麻麻哋新鮮全餐最好味應該係D字頭雪糕，一致認為開心果味係最好味供應量都算多，唔會出現攞唔到嘅情況！本身我食自助餐一向都好少食熱盤，所以如果有人鍾意食熱盤嘅話 ，我就俾唔到一啲參考你啦仲有其實佢呢間唔係酒店，門口係寫住賓館大家要有個心理準備我哋嗰日坐嗰度應該係加出嚟嘅，所以感覺有啲似中式酒樓係鋪白枱布 雖然食物質素麻麻，但係企係我哋枱附近嘅侍應就招呼都幾好！收碟收得好勤快！亦都有