園林閣咖啡室

Open Now

Now Closed

星期四晚約6:30到，人唔算多，座位都好鬆動，我覺得幾舒服😌未去之前感覺呢間餐廳麻麻，所以無太大期望。凍海鮮有麵包蟹，有蝦，青口。味道正常，肯定質素唔係最好果款。熱盤種類唔算多，不過樣樣都幾好食，炸墨魚餅，咖哩，蝦仁都唔錯，湯都有3款，味道都ok呀。廚師即煮有鐵板燒，大蝦好爽，牛仔骨好淋好食，魚都唔錯👍仲有片皮鴨同水蟹粥，算咁上下生蠔任食，普普通通。甜品發揮正常，雪糕係大牌子，食幾球都翻本。總結，我覺得如果3舊水食個晚餐，係尖沙咀，係好抵食。味道唔太差，對得住個價錢

在網上見到有人推介呢間超過二十年歷史老牌酒店嘅自助午餐，話性價比高，收費係成人每位218元，長者190元，無加一，由十二點食到二點半，可以慢慢嘆，心郁郁就同朋友嚟試下。首先，酒店環境尚算舒適， 服務亦親切。食之前先來個巡禮，食物種類一般，唔算多， 但以價錢嚟講，可以接受。沙律區，最基本嘅冷盤肉同海鮮如蝦，青口都冇，淨係得撈咗沙律醬嘅生果同少少沙律菜，同區有車仔麪擋，燒肉檯有燒豬柳，卽焗義大利薄餅，但我祗睇無食。之後熱葷區，有炒菜，魚柳，鴨肉，咖哩雞，旁邊有薄脆，糯米飯等，另有胡椒豬肚湯，猪肚軟嫩好食，但無胡椒味。中湯有青紅蘿蔔湯，蟲草花老鴨湯，西湯就係葡國蝦湯，我衹飲咗西湯，好飲。另外，有壽司（我無食到，唔知好定唔好）及由專人負責切魚生，刺身有驚喜，三文魚，晴魚，鯛魚，希靈魚等都新鮮，味道鮮甜。甜品區，生果有西瓜、菠蘿、哈麥瓜，重有火龍果，細件蛋糕及切餅，芒果布甸，煎堆仔等，亦有專櫃放細杯慕絲，啫哩及凍糕等，雪糕衹得雀巢牌子蓮花杯，無興趣。最後結論是，呢度環境唔錯，侍應服務態度亦好，食物新鮮度，可以接受，無要求可以一試。

大概是很久食過半自助午餐以外的正式的自助餐，突然想找一間來試一下，於是就找來一所收費較平宜的自助餐廳。園林閣應該是我所找到最平宜的酒店自助午餐，連加一才$228，就算加上我由大埔出發的車費，也比去沙田 的大喜屋($250.3，包括加一)要平。在出發的早一天我就用電話聯絡了，不過去到現場，就感到其實沒必要預約，我11:50多去到，到開始期間也就7,8成滿。其他的自助餐廳我不清楚，不過園林閣的座位有提供口罩套，這滿細心的。等到12:00，自助餐才正式開放，不過…在來到時我就知道，主食的選擇很少。放置主食的只有中間的一根柱，雖然包括中式，美式和泰式炸物的食品，但選擇可不多，大概不多於20款，其中還包括三款湯，另外有部分咖哩牛腩，煮菜等普通食物，味道不錯，但是普通。其中還有些只叫魚肉，豬肉，鴨肉，不知道是疏忽還是甚麼理由。餐廳右邊近落地窗的是沙拉吧，都是比較常見的生菜和醬汁，果汁有橙汁和柚子汁兩款，要飲熱飲也可以在右側的咖啡機裝。沙拉吧往右看是涼拌食品，主要以素菜為主，感覺…還行？反正我只去了兩次。再往右的是烤焗食品和湯粉...其實也就烤肉，海鮮pizza 和湯粉三樣，其中烤肉是我最受不了的，

整体感觉不好，食物和雪糕一起上，在餐廳内不断洗碗碟，谈话也听不到 ，好像大排档 ，清结和送食物同一个人 ，别的站在一旁 ，还没食完已清理 ，好像赶下班 ，整体感觉實在太差了！

呢排好多自助餐都有優惠。兩公婆又撐枱腳啦！人均消息只需$370，晚餐算平啦！主打食麵包蟹，蟹膏成碗飯咁多，食左兩隻，好滿足。其次是羊鞍，肉質好嫩滑，食完蟹膏都飽了，只食到兩件炸。生蚝係任食，但質素一般，太細太瘦，我地係蚝痴，只食左8隻啫！片皮鴨都吾錯，食左兩件。如果食得落粥，海鮮粥多料，粥底好味道。其他熱葷就行貨，魚生刺身吾食冇損失。熱湯有三款，未夠老火。飲品有支裝汽水和一般橙汁咖啡及茶，甜品有葡撻但冇放入焗爐內，吾夠熱辣辣囉！M字牌雪糕係任食，雪條係雀巢。還有一讚的是餐廳座位非常闊落，社交距離超過2米。招呼收碟都好好。1830食到2130，食客吾太多人，吾使排隊吾使爭食，平價自助餐算性價比高啦！

第一次去佐敦龍堡酒店園林閣食自助餐，比佢個價錢所吸引。星期日夜晚去食，兩個成日埋單只係＄700.8，仲可以用消費券添。​由6點半開始食到9點半，個日我6點15分去到已經可以入去坐住等食，座位都好寬敞。​當晚海鮮有法國同西班牙生蠔，麵包蟹，青口，蝦，螺，不過啲​青口好鞋口，食左一隻就無再食。刺身就放係雪櫃自己挾既，仲有啲類似加州卷。​出面有即切片皮鴨，即整既白汁海鮮意粉，燒羊架，牛舌，牛仔骨，豬腩條，牛扒，個人覺得燒羊架好食。熟食唔算多，酒煮花螺，蒸魚，普通既天婦羅，螺鮑片生菜，胡椒豬肚，仲有兩款湯。沙律方面就比較小。甜品都好普通，不過有4款Movenpick雪糕口味比你揀，仲有即炸雪糕糯米糍添。仲有牛奶公司紅豆雪條。飲品就有咖啡機，檸檬茶或水，沖好既凍柑桔檸檬，橙汁同枝裝汽水。總括黎講＄700蚊兩個人，都算唔錯。​

今晚同朋友去到龍堡酒店食自助晚餐，餐廳環境雅緻舒適， 當晚客人不算多，食物品種比想像之多。當然急不及待出去拎嘢食。三文魚同壽司，超級新鮮，好食，壽司都唔錯有酒店水準。長腳蟹，生蠔，不過生蠔每次祗限攞兩隻，兩者都新鮮清甜。有蝦仁炒西芹、春卷同鴨肝味道都唔錯。燒牛肉同埋羊扒、好軟冧、食多幾件都唔拍🤩胡椒豬肚湯、喜出望外、因為唔係間間酒店都有提供👍另每位奉送冰鎮飽魚，又有驚喜，味道同口感都唔錯，真係好好食😋甜品選擇也不少，整體甜度適中，不錯不錯。最後當然少不了雪糕加上杏仁片作為這一餐完美的結局。

👉餐廳樓底超高，水晶大吊燈夠華麗，枱又分隔🉐️好開，🈳️間感十足，坐🉐️好舒服。🥳.📌冷盤🈶️三文魚刺身、希靈魚、甜蝦、八爪魚、壽司🍣、麵包蟹、凍蝦🦐、青口、花螺⋯⋯👉全部都好新鮮，麵包蟹多膏又多肉，廚師👨‍🍳一直補添，供應充足。👍📌熟食🈶️每位1⃣️客菜膽鮑魚、北京片皮鴨、芝士焗蠔🦪、西冷牛肉、烤羊架、即煮意粉🍝、鐵板燒魚、蝦、牛粒⋯⋯樣樣都幾好味😋，不過包片皮鴨塊皮就略嫌大咗啲、同厚咗啲⋯食🉐️2⃣️塊飽晒。😅📌甜品都好豐富: 各式糕點都唔會太甜，仲有即製梳乎厘、Dreyer’s 低卡乳酪雪條、Movenpick 雪糕～咖啡味超香濃，好好味🍧。☝️假期及前夕，淨價$428 net，咖啡☕️果汁🍹任飲。。。環境舒適，坐🉐️舒服，招呼週到🈶️禮🕴🏻，食物款式可能較少，但貴精不貴多，OK 以上，👉好評‼️😋

📍 園林閣咖啡室平時好日都唔食自助餐，今年係咁有得食🥳今日都屋企人補祝母親節，黎左呢到食！係九龍公園隔離嘅龍堡國際，坐得舒服唔會話好多人太迫，價錢自助餐黎講就算平吧，但食物選擇唔算多，質素都唔係特別高！—————————————————————❣️ 自助晚餐 成人$498/小童$298/長者$398🦐🦀凍海鮮長腳蟹、紐西蘭青口、凍熟蝦、凍螺，長腳蟹好鮮甜好食！蝦就no good！螺就爽好食，但就有啲沙，睇你好唔好彩🤣🍣刺身壽司有三文魚、希靈魚、吞拿魚，刺身ok新鮮，仲有幾款壽司，🐷冇食怕太飽！🍝黑松露鮮蝦帶子忌康汁意粉即煮！但冇味！好似冇落鹽咁🫠🫖台式三杯鐵板燒有牛柳粒、雞、蝦，唔錯！炒得好香！蝦最好食，好爽好彈牙，有鮮味！🦆北京片皮鴨好小見buffet有片皮鴨，但真係幾唔好食，鴨皮唔脆，包皮薄但太大，包住就變到好厚🥲🥩西冷牛扒 羊架即切！牛唔錯，唔難咬，有牛味！屋企人話羊好臊味，🐷就試都冇試了🤣🦪焗生蠔芝士汁焗，好腥超級腥，🐷接受到，但🐷妹食完飲左好多杯野🤣🤣🤣🥣中湯有三款中湯，完全係味精湯🌝甜品🍮焗海鹽芝士梳乎厘✅成餐飯最好食！🐷食左2個半，因為有半個未熟🤣但真好食！因為佢加左芝士

原本book開間自助餐因為火警無得食，臨近聖誕啲餐廳full曬，得呢間有位都諗到伏伏地，但睇啲相見有蟹腳生蠔應該都ok，點知去到咩都無，得果幾樣嘢食仲要收$400個人，壽司無師父分就咁放喺到自己夾啲刺身蝦灰灰地見到唔敢夾，有啲炒飯湯同餸但真喺唔好食個魚湯仲好腥，3餸飯都好味過佢，唯一可取嘅就喺有片皮鴨、羊架同埋佢送嘅半隻龍蝦同一粒鮑魚...我諗全場最好味應該都喺得啲水果同雪糕，真喺成晚嬲住食相都無心情影，去食雞煲都無咁嬲...

今日和朋友往尖沙咀園林閣食自助餐提早慶祝聖誕, 食物款式甚多凍海鮮有凍蝦, 青口和三文魚, 刺身有三文魚和希靈魚等, 壽司有玉子壽司, 三文魚壽司、鰻魚壽司和加洲卷等；燒烤有燒羊架, 牛肉和大蝦等；自助意粉區有即叫即整意粉；熱食有咖喱雞, 黑椒牛肉酥、炸魚、茄汁朱扒、炒菜、關東煮、藥膳雞煲、炒飯和啤酒肉丸；甜品有綠茶蛋糕,意大利芝士餅、朱古力布朗尼、moverpick咖啡, 雲呢拿和朱古力雪糕。今月入座送鮑魚和芝士焗龍蝦一客。凍海鮮凍蝦新鮮彈牙, 青口肉質鮮甜和三文魚食落爽口；三文魚刺身食落鮮甜和希靈魚刺身爽口適中；壽司方面玉子壽司蛋味香滑, 飯粒軟綿,三文魚壽司食落有油花、鰻魚壽司肉質鮮甜和加洲卷食落口感十足；燒烤方面燒羊架肉質軟腍,燒牛肉肉質鮮嫩, 食落啖啖肉和燒大蝦食落彈牙惹味。餐廳贈送的炆鮑魚肉質彈牙, 獻汁味道香濃；而芝士焗龍蝦食落彈牙, 芝士味濃, 餐廳好細心將蟹鉗預先拆好,容易進食；自助意粉區我選了白汁鮮蝦魷魚青口長通粉, 白汁味濃, 長通粉爽口, 蝦肉彈牙, 魷魚爽滑和青口鮮甜, 配上紅椒等食落口感豐富；熱食咖喱雞雞肉辣度適中, 配上印度薄脆口感美味, 黑椒牛肉酥酥皮味

其實以他的價位$171成人 沒有太大的期望 出來反而有啲喜出望外以前佢D三文魚攤曬出嚟雖然有冰在底但是衛生我覺得麻麻地但是現在改善了，放在冰雪箱裏自己取不像其他自助餐要師傅夾三嚿畀你，夾多嚿都超一超你。呢度你隨便夾 一鏟一鏟夾，好過癮!雪糕有保證好味的m字頭雪糕啲人話有咖哩魚蛋好處cheap但係 其實他配獅子狗卷墨魚丸 我覺得ok喎其他甜品款式其實一般除咗楊枝甘露 夠甜美好，多西柚同芒果唔似一般嗰 D主要係甜甜甜水水水有人嫌冇湯飲大佬呀！E個係下午茶咋另外好少 自助餐有 鮮奶 任飲 看似小事但係你去啲五星級酒店都未必有先買畀你飲針另外 他的枱與枱之間真係保持一米半甚至兩位的距離，所以好大個聽得幾張枱好闊落好有空間感o 當然就好易full book啦

今晚同男友來食自助晚餐，約左6點半食，慢慢食到9點幾先走，兩人總共 七百幾左右。當晚都好多客人，差唔多滿座，食物refill都快，取食物排一陣就有。生蠔開哂用冰座住，賣相幾靚仔，蠔肉飽滿大隻，但無咩味，唔腥又唔覺有蠔膏位嘅味，要加檸汁或cocktail 汁先食到，所以後段都無咩人再攞。蟹腳好多唔使爭，蟹腳都好多肉，易剪開進食，而且微咸幾正，食左幾轉，好滿足。蝦肉爽口彈牙，蝦味幾重，亦都值得再食。每位有一份冰鎮醉鮑魚，質感柔軟好彈牙，也非常入味，酒香不醉。刺身有幾款，其中的三文魚肥美油潤，油甘魚爽嫩唔腥。壽司也有數款，但就唔算吸引。排隊拎的 燒牛肉、燒大蝦、羊架、片皮鴨……燒牛肉幾嫩易咬，牛味濃郁。燒大蝦好香口，雖然爽彈，但無凍蝦咁重蝦味，呢款係超爽口，而無咩蝦味。羊架唔羶有咬口，羊肉味突出。熟食仲有中湯，係魚湯黎，熱辣辣有微胡椒香辣，魚味超濃唔腥，讚。蒸魚又係做得幾好，岩岩好熟，口感嫩滑唔腥。整體熟食選擇多。片皮鴨偏大件，但味道好，鴨肉唔羶又香，塊皮唔會乾，包著鴨肉好味。甜品只有雪糕最好食，Movenpick 雪糕有4款口味，加配杏仁片同朱古力碎，味道口感都一流，個人最愛朱古力味。蛋糕

間中都會去下不同地方享用下午茶自助餐，今次首度選呢間。以其他同級酒店來說，種類實在太少，先唔好講話有冇冷盤蝦，就連基本嘅湯、鷄翼都冇！反而有街邊賣嘅蘿蔔魚蛋！食呢啲我駛嚟呢度食呢？自己喺街邊篤返串都得啦！唯獨比較似樣啲係啲雪糕同有三文魚。啲侍應好勤力⋯⋯收錢，未食夠一半時間就叫你找數。

今日同屋企人一家去咗龍寶國際賓館食自助晚餐，之前朋友介紹過話覺得唔錯，但我真係非常之差，都幾失望。 🦪海鮮—生蠔🦪生蠔雖然係就咁擺喺度任食喺疫情下會覺得有少少唔衛生但係十分之五新鮮仲要係苦 食咗一兩舊已經唔想食🦀長腳蟹都係就咁擺喺度任拎但唔知點解好咸但又唔係新鮮嘅咸🥺🍽熟食—牛扒羊架依兩樣需要有廚師切俾你羊架生熟度啱啱好牛就差啲 牛味唔突出🍣唯一最好嘅呢就係三文魚任拎三文魚都幾新鮮，油脂分布平均有啲係三文魚腩👍🏻👍🏻🍦仲有雪糕都唔錯用Movenpick嘅雪糕🍽總括而言，環境確實舒適，質素真係好差，嘢食數目唔多，熟食無一樣嘢好食。評分時間～5隻👍🏻最高😉味道：👍🏻👍🏻服務：👍🏻👍🏻👍🏻👍🏻價錢：👍🏻👍🏻環境：👍🏻👍🏻👍🏻地理位置：👍🏻👍🏻👍🏻回頭機會：👍🏻#人總有一飽今餐我最飽！😋📍📍 園林閣咖啡室 (尖沙咀)尖沙咀柯士甸道8號龍堡國際閣樓