Cafe Charm's (Closed)

今日同Mr L係深水埗食晏～本身Mr L話想試下西九龍出名既laksa～行到西九龍等搭𨋢時比Cafe Charm既易拉架廣告吸引左😍Mr L見到d野食圖好吸引咁（不過係咩圖我地食完已經唔記得左😑），bunny就比佢果句「like and share有9折優惠」吸引😆結果見到半分鐘就決定背棄laksa去試下間cafe啦！間野係d格仔鋪裡面，要捐入去先發現到係個角落度，爭d miss左！鋪面細細地，5-6檯度，裝飾得幾舒服，因為我地係平日又過左lunch hour，大概1:30pm度，所以感覺又唔覺太焗促～一坐低侍應哥哥就比水同餐牌，之後見我地討論左一陣都未決定到食咩，主動咁走泥介紹～從主菜、飲品到甜品到有推介～非常友善同有心～值得一讚👍🏻今日lunch setMr L有點到侍應哥哥介紹既宇治抹茶鮮奶侍應哥哥推介紫薯窩夫，話係每日新鮮整既蓉雪凍左擺係香噴噴既窩夫上面～聽落都幾吸引～不過我地太飽冇試到侍應哥哥細心地推介依個和牛漢堡，話個和牛漢堡係人手搓出泥，唔係雪藏肉～仲解釋埋另加配唔同配料會有咩口感，非常詳細～討論後我地揀左lunch set A：手工和牛漢堡配薯條set D：自家製蕃茄醬

這日和深水埗收工的朋友來食晚飯，聽過這間餐廳幾好食就順道過來一試。一入到來發覺餐廳比想像中的細小，幸好早了來否則可能沒位了。我們各自order了主菜和小食Share，我的是明太子煙肉忌廉意大利粉配香煎海蝦。意粉十分Creamy，並且用上了大量的明太子，味道更鮮更甜。意粉較為軟淋，一咬即斷，入口感覺與醬汁更是配合意粉上的紫菜絲配合意粉及鮮蝦相當Match， 意粉同鮮蝦同樣都彈牙又有咬口，實在高質。

之前幫襯過一次，食品唔差，所以再去，但今次既時候，剛有3-4位員工休息坐左係度，我地就坐係佢地前一張枱，電話聽音樂大大聲，又大聲講野大聲笑，仲要大動作整到我地既椅背，完全冇反應，完全冇理會周邊客人既感受。當時我地亦即刻起身走。有好出品，但員工不知所謂。都係冇用！

之前係黃埔食過味道好好，原來係 深水埗西九都有一間，當然係行完黃金順便去試下啦。門面比黃埔較細，但係入到去都有成十張台。燈光暗暗的，環境做得有情調。手工和牛漢堡 ＄８６麵包又熱又鬆軟，麵包入面有一層薄薄既牛油而且煎脆左。和牛漢堡扒極厚又夠嫩，牛肉味突出咬入去仲有牛肉汁。配合清新的生菜和煙肉，令到漢堡唔會太單調同膩滯。伴隨的厚切薯條香脆可口。明太子煙肉忌廉意大利粉配北海道帶子＄９６北海道帶子有略略煎過，大小適中，爽口有彈性。意大利粉配上明太子忌廉汁，本應帶鹹既明太子忌廉汁有層層既忌廉奶香味。意大利粉煮得爽身。周圍加有煙肉，香草粒帶味。整體味道唔差。

今天去完鴨寮街，就順道在西九龍中心走走。西九龍中心有很多格仔舖，間間都「的的骰骰」，如八陣圖。奇景是格仔舖中，竟然有間微型餐廳，叫Café Charm’s。其實，餐廳處身其中，總覺得有點格格不入。於是就學人帶著矛盾吃午餐，試試這種格格不入的感覺。餐廳佈置超簡單，座位祗有16個左右，環境算不上舒適，有點焗促。店舖雖小，但食物選擇還算可以，除Lunch Set外，還有小食、沙律、意粉、牛角包、手工和牛漢堡、全日早餐、窩夫、甜品及各款飲品等。簡單叫了套餐白酒蒜蓉海鮮忌廉意大利粉($78)跟美式凍咖啡和美式香脆雞翼($72)。白酒蒜蓉海鮮忌廉意大利粉 ($78) 材料簡單，有細蝦、青口和蘑菇，味道沒有驚喜。美式香脆雞翼($72)夠大隻，外皮炸得香脆，內裡保留肉汁，味道不錯。再來美式凍咖啡消消肥膩，不錯不錯。

西九呢邊都幾多野行，上次黎過呢度食，覺得食物都幾性價高，見到轉左新menu 就幫親了呢度主打西餐，都幾多野揀，叫左兩個lunch set玫瑰朱古力跟餐加$8拉花好靚，唔捨得整花haha玫瑰好香，朱古力甜度ok ，有玫瑰花味就冇咁單一手工和牛漢堡$86好耐冇食burger ，份量都ok, 漢堡層都好厚，和牛調味係咸咸地，一咬幾juicy 流肉汁的最鐘意食大條粗薯條，炸得ok,冇乜油同乾身白酒蒜蓉海鮮忌廉意粉$78呢度d 意粉係整得幾好，特別係意粉好吸汁同入味，食落白酒味就冇乜，忌廉味就好香跟餐加芝士餅只係$18, 好平芝士餅食落芝士味都足，但可以再挺身d 同餅底硬d朱古力心太軟$56心太軟不嬲難整，呢度就係甜度高d，幾岩我食，流心層都唔錯

上個月食過cafe charms, 質素幾好於是再幫襯menu既選擇好多，不過如果lunch set menu定期轉下就好朋友點左手工和牛漢堡 ＄86睇落好豐富，賣相唔錯自家制蕃茄醬香煎雞排意大利粉 $72雞排煎得好香脆，香草味滲入其中意粉雖然汁唔夠結，但係掛汁力強，蕃茄味香濃白酒蒜蓉海鮮忌廉意大利粉 $78白酒味雖然唔算突出，但係加左蒜蓉都幾惹味意粉軟硬度岩岩好，做到al dente意式奶凍配雪糕 跟lunch set 加$28叫左兩隻味，士多啤梨同曲奇軟滑既panna cotta配上香甜既士多啤梨醬好match曲奇味都唔錯，加上oreo曲奇碎口感更佳cheese cake 跟lunch set 加$18佢好細心咁準備左兩款, 一款係朱古力醬，一款係strawberry醬cake好軟好香濃，甜度唔算太勁不過餅底唔夠脆情迷心太軟配movenpick朱古力雪糕 $56心太軟岩岩焗，熱辣辣流心醬澎湃，加上movenpick雪糕簡直係絕配蜜桃茶，幾清新～cappuccino 玫瑰朱古力拉花拉得好靚好cute5個人每人百幾食到咁豐富既野算係幾滿足

在西九龍中心開設的cafe charm 是小品特色餐廳，她們開在格仔舖附近，逛街餓了就會想到cafe charm , 店內裏的佈置是台灣的玩味餐廳，格局十分精巧，放置幾張餐桌，方便年輕人談天說地地享受盛宴。朋友說這家的西式食物不錯，見店外的餐牌有心愛的豬肋骨，心血來潮就立即進店內。侍應十分有禮，安排近窗邊的餐座。我們坐的未算非常闊落，就是剛剛好，兩旁的座位也頗就近。Cafe charm 的（USA roast pork rips ）是為本晚重點，難得見有這樣的豐盛拼盤。加上看價位是完全是物超所值，有豬肋骨之餘還有厚切薯條，cafe charm 是走美式大份路線。而平時去相似美式餐廳只食豬肋骨都要兩百多，這裏只要一百元左右，計下去是十分超值。結果上桌的陣容也的確讓我們驚喜，大堆頭的堆疊起來。一旁有厚切的薯條，金香脆口，我們急不及待馬上開動。大大份豬肋骨看似十分難切開，出奇地我們用刀子一壓即離骨分肉那種。肉質綿潤得非常，用叉子一切就可以挑出肋肉的成品。然而這個仍保留點點豬肉本身的緊實感，外皮是烤烘至略帶焦香，肉感嚼勁滿滿。豬肋肉肉香不俗，沒有過份膻味，也不至於讓酸甜，的醬汁喧賓奪主。整本十

到深水埗買電腦用品，順道與朋友看看附近有甚麼好吃的，短聚一下。在openrice想找一家Café，就被這家Café Charm’s的名字吸引了注意力，因為半年前曾在紅磡試過這家Café，覺得相當不錯，就二話不說過來吃點東西，小休一下。店的位置不算明顯，要穿過一堆賣衣飾的小店才可以在轉角位找到這裡。店的面積也很小，只有約二十來個座位，不過店內寧靜，又可以在七樓的窗口居高臨下俯瞰整個深水埗，環境仍算不錯的。手工和牛漢堡(120G) ($86) :麵包熱而鬆軟，塗了一層薄牛油，增添香氣。和牛漢堡扒來得極厚，最中間的部份保留到半熟的桃紅色，牛肉味頗突出。配合清新的生菜和洋蔥，使漢堡不至於太膩滯。伴隨的厚切薯條又熱又脆，十分香口。明太子煙肉忌廉意大利粉配北海道帶子($96)：混和了明太子的忌廉汁帶合宜的鹹味，但又沒有像腐乳般鹹，仍然保留了忌廉本身的奶香味。意大利粉口感偏硬，彈牙有致，個人很喜歡這種質感。北海道帶子已適度煎香，個子小小的但味道濃郁，配合細碎的紫菜絲，使意粉帶幾分和食風味。紫薯迷人窩夫($92)：像一朵大紅花一樣大堆頭的窩夫相當巨型，絕對足夠滿足兩個人的甜品胃。窩夫、忌廉、紫薯蓉和雪

早前早已經有吃過這裡的明太子意粉，真是一試難忘，因此再一次光臨，味道依然出色。明太子意粉，十分Creamy的一碟意粉，並且用上了大量的明太子，味道更鮮更甜。意粉較為軟淋，一咬即斷，入口感覺與醬汁更是配合。番茄雞扒意粉。大大的一塊雞扒，不用多說，十分惹味。充滿了香草的香味，並且外皮煎香肉嫩。番茄準用上了新鮮番茄，因為味道鮮甜，而非番茄醬的味道。意粉同樣是軟淋，適合我這種不想用力咬的懶鬼。最後來了一杯焙茶Latte，焙茶是繼綠茶後另一款新飲法，味道白濃，順滑，十分清香解膩。

努力工作，默默耕耘，是我一向的工作態度；但我發現原來有很多事往往不能控制及未能如意。在這刻當然是時候來一點甜為自己好好加油。和我一樣喜歡吃甜的好友知道我不開心，便帶我到深水埗嘅Cafe Charm's 。一看門口的招牌，我便笑了出來，懂我的也知道我喜歡紫薯甜品，好友一向知我心意。我們坐了窗口位，看到深水埗街道滿是行人，感覺在鬧市中找到寧靜的一角。細問之下，紫薯窩夫當天已售罄，應該是太受歡迎的關係吧，那下次早點去。最後我們選了二人餐。番茄煎鷄扒意粉，鷄扒嫩滑，帶有香草味，蕃茄醬的味道不會過酸，吃得出有加鮮茄去煮，意粉軟硬適中。Classic Carsar Salad，看得到他們的用心，美觀可口，火箭菜新鮮，醬汁份量剛好。Fish & Chips，脆卜卜，外脆內軟，粉薄肉質juicy。蘑菇墨西哥芝士薄餅，豐厚芝士加上蘑菇令口感大增，再配上特製醬料，食指大動。期待下次的紫薯窩夫。

喺眾多蘋果商場既隔仔鋪入面竟然有一間cafe , 雖然細細間 但睇落去食物幾特別 就入去試下明太子煙肉忌廉意大利粉配北海道帶子 96 蚊意大利粉俾好多紫菜絲鋪住 而上面有兩粒烤過幾煙韌新鮮既帶子粒， 意粉 係圓柱體 比較有咬口既意大利粉 除左有忌廉既香味圍住粉 出面仲有一層口感lim 稠 明太子， 整體感覺平衡， 唔錯！迷人什錦肉腸拼盤 85 蚊腸仔由左到右係出面甜入面有芝士既腸 , 多汁辣肉腸 同 脆皮香草腸， 三樣腸都烤得十分夠肉味juicy 右邊有香脆薯餅 , 而下面有拌菜同菠蘿 感少熱氣感。特選芝士炸雞窩夫 98 蚊， 本身想點紫薯窩夫with豆腐雪糕 但冇哂 , 就點左呢個都幾特別既窩夫， 窩夫心形加上少少芝士粉同融左既芝士喺上面 外表美觀 . 窩夫質感偏厚硬 同甜， 而雞扒大大塊得黎皮脆肉林 可以點以沙律醬， 兩樣野分開食其實冇特別， 但若將炸雞 同窩夫夾埋一齊食 一軟一硬 一甜一咸 有意想不到既效果 ! 正

深水埗西九龍是行街shopping,吃喝集中的商場, 商品林林總總, 餐廳大大小小, 不計其數。 今日在2樓買過衣服, 3樓買了旅遊裝備, 4樓買完枕頭後; 再去7/F 小小Café charms吃下午茶, 順便讓疲倦的雙腳稍作休息。牛油蒜香煙肉磨菇意大利粉配北海道帶子:三粒北海道帶子略煎過, 不是很大粒, 但有鮮甜味。 意大利粉爽身略硬, 吸收了牛油後, 口感滑膩得來不沾, 爽口微彈； 配搭磨菇煙肉, 穩妥；整碟都混有濃濃蒜香味, 再灑上黑椒, 香草碎粒, 味道上的錦上添花。紫薯迷人窩夫配豆腐雪糕, 賣相的確迷人。 窩夫脆脆地, 蛋香味很濃郁, 熱吃味道一流。 紫薯蓉很稠身, 重質感; 而且不太甜, 正合我口味。 豆腐雪糕帶點冰, 不太軟滑。 這款甜品份量很足, 有8小格, 我們兩個人吃, 吃撐了。抺茶鮮奶, 綠底白色的小熊拉花別緻可愛, 見到已喜歡, 久久都不願用匙攪壞。飲落有清淡抺茶味, 泡沫和鮮奶都幾幼滑。嘆過豐富下午茶, 重新又有力量繼續行街購物去了。

未改名之前係度食過一次，念念不忘，今日再次到訪，滿心期待$102明太子煙肉忌廉帶子意粉招牌推介，明太子好足料，平均分怖，好野味，煙肉又吾太咸，意粉又彈牙，好有水準$62芝士煙肉大啡菇加水煮蛋芝士吾算多，水煮蛋好靚，一切開金黃色蛋黃流出，重點反而係薯條，香脆帶少少咸味，真係忍吾到口清晒$86 今晚主角 Oreo & brownie waffle 個樣都已經無得輸，仲有2球雪糕，朱古力+ cookie and cream Waffle 即整，熱熱地，外脆內軟，有勁多Oreo ,brownie ,綿花糖，配雪糕一凍一熱，正真係好抵食,2個人先係$275,每人先係$130

西九龍商場係一個好耐無去過既地方，入面的間格格局都改了不少，剛剛才知道，原來入面多左個蘋果商場，咁就唔覺得入左依間舖食野。焗芝士煙肉大啡菇水煮蛋配旋風脆薯皇 - 主打Egg Benedict，配合底層的燒烤菇，菇味甚濃，小弟就真係覺得幾好食。特選芝士炸雞窩夫 - 原來菠蘿既角色係非常重要，甜甜地可以清清炸雞份油膩感，依個配合就已經無得輸。北海道帶子配海蝦沙律 - 沙律我都係比較鐘意配黑醋汁，但如果今次依個汁可以酸多少少，我會更加嘉歡。自家制蕃茄醬香煎海蝦意大利粉 - 依個意粉不過不失，可以比合格，不過老實講意大利粉都好難可以有大驚喜。