大家樂 (Closed)

今日去公開大學飯堂食飯叫左個豬扒豆腐米線點知咬左啖豆腐見到有粒似紅豆既野撩出黎睇發現係甲由蛋好彩我食野慣左撩下d野如果唔係就食落肚個間野,好似係大x樂經營ga所以貨源可能相同去大x樂食野小心d喇

0岩0岩開始返學，雖然食左第一次已覺得Ｄ食物唔掂，但因時間緊迫，所以都要係呢度食晚餐，上星期四已經係我第二次幫襯，原來佢地唔止食物唔掂。0個日我排隊買野食見到佢放左一個牌0係cashier度寫住凡惠顧滿$12可加錢換綠茶，於是我同個收銀員講換一支，點知個收銀員直頭好似咩都唔知咁問佢隔離個同事，但就連個位同事都唔知，終於佢搵左個女經理問，個女經理講5月8日先開始0麻，但個牌就完全係無寫，suppose係用黎比佢地實行期間用既，個收銀員有同我講唔好意思，咁我話係唔係唔應該放個牌出黎呢？可能個收銀員都覺得好正路所以都準備收起左個牌，掂知個經理用D好無禮貌既語氣講「要放，點解唔放？」，真係估唔到佢都仲要問點解，連「知錯唔改」既水評佢都未到，佢係連錯咩都未知，真係唔知好嬲定好笑。第一，點解下屬會完全唔知公司推行緊既野？第二，個牌講緊係D即惠顧即換既野，點解要放0係度誤導顧客？第三，有無諗過放左個牌係度，成日都要比Ｄ顧客問，問完Ｄ收銀員又要解釋好浪費時間，顧客又唔高興。第四，發生左任何問題，經理都應該第一時間向客人解釋或表示歉意。就連咁簡單既問題都諗唔到，證明處事能力同職位係唔成正比。其實品質同服

每日特價飯都只係15蚊，學生價仲有8折，圍番都係12蚊，加底都唔駛錢~●。●~基度山下午茶餐都係15蚊，非常好味。燒味部既師傅好好人，仲好禮貌，叫佢加飯加菜都得。

再要係這裡作戰，幾餐下來仍未生厭，因選擇都算多，連打邊爐都有。幫襯下午茶餐，味道不俗，尤其是奄列，用洋蔥青椒及磨菇來做涵料；鴛鴦仍然有幾濃咖啡及奶茶味。其實這間食肆你見不到有大家樂的商標，是用了OU自已的大學Logo，個管理權交給大家樂而矣！

又到了考試黃金週，睇怕呢兩個星期十幾餐要在這裡解決！這裡勝在環境不錯，干淨及清靜。其實這裡食味麻麻，係的咖啡及例湯唔錯；當晚選了一個套餐，現炒現賣，但食味不感恭維。學生幫襯有八折優惠，價錢與食味及環境出現了不等價交換！

時間冇多o既情況下都迫於係度解決.....早餐蠔豉皮蛋瘦肉粥, 好有味精feel, d 料打碎哂, 蠔豉唔算少, 但質素當然係平平之下, 皮蛋碎咸而不香, 較勝o既係d 豬肉, 仍有些微肉香味, 不過唔駛十蚊o既快餐粥, 所得到的都係預期內o既質素。

同學組班研習煲東瓜之秘技, 為節省時間,下午飯還未吃的我, 順道來個熱狗下午茶餐。熱狗是巨形尺碼, 見店員把大包送進叮爐內弄熱, 熱度及質感也弄得剛好, 自家翻叮的包總是弄得韌韌的, 包內的芥辣與茄汁也塗得滿滿, 反觀某些店子吝嗇那一點點的醬汁, 印象分頓時大打折扣, 另說那杯紅豆冰, 豆沙煮得又綿又香, 奶,冰,糖水的份量也配得剛好, 不過甜又不至於淡如奶水, 快餐中之水準巳算不錯。

鹵水雞全翼+ 火腿面+ 三角形花生醬多士+飲品, 共值$15, 鹵水雞全翼, 都唔算細隻, 居然食到d 鹵水味, 火腿面: 是套餐size , d 面煮得剛好, 有火腿絲的, 多士, 多士角位居然仍然是"趣"的, 飲品, 夠熱, 味道也不淡. 不知是否昨日時運高, 居然比我食到d 唔難食o既快餐.

不知甚麼時候這裡已由美心轉了做大家樂, 今天來都這裡一看, 有很多選擇, 由焗飯到煲仔飯到鐵板等都一應俱全, 當然味道如何不能定奪, 但選擇已比以前美心多出很多, 熱飲方面有熱檸檬利賓納和樽裝維他奶, 正!!! 吃過小食魚肉燒賣, 味道...還是街邊檔好吃.

已轉為"大家樂"

轉左手予泛亞飲食, 即大家樂集團旗下的飯堂業務.(唔信可以睇下收銀機螢幕會有"Cafe de Coral"字樣), 不過公開大學呢間又唔同一般同由泛亞經營的醫院Canteen, 醫院Canteen供應的較似一般大家樂供應的款式, 而公開大學呢間就有自己的風格.不過都好彩, 不令何文田給美心專美(愛民及何文田那間都是美心, 原本公開大學的也是美心)它是在區內唯一比較可取的快餐店, 供應食物種類繁多, 價錢仲好合理, 同埋去過咁多次, 食品質素都冇令我失望.

不過唔知乜名!

美心有燒臘部唔出奇, 但呢間有part 做埋沙律三文治就幾得意, 一個三文治餐38 蚊(有法包意大利包揀!), 有新鮮果汁同一份沙律, 平過Oliver's, 但質素份量又相對差D ; 近期有意大利野promote , 套餐29 蚊, 有蒜蓉包有少少沙律, 主菜係意粉, 我試過海鮮墨魚麵, 有隻淡水龍蝦BB, 好睇但無肉食, 味道普通啦! 以上推介只限Lunch, 夜晚聽講淨得飯盒同燒臘, 好靜o架!