大家樂

Open Now

Now Closed

大家樂真係一間由細食到大嘅連鎖餐廳。今日諗緊去邊食下午茶，見到商場有大家樂就叫左三文治、蘋果沙律同雪菜米粉，三樣嘢都只係$42，好扺，三文治用牛油烘過，入面仲夾住蔬菜

叫咗個下午茶餐“炸醬肉絲湯麵配咖哩”咖哩角超油又唔脆,淋曬炸醬麵得酸味,肉絲勁韌冇肉味,唔知食緊啲咩嘢,食完有啲反胃想嘔....唯一優點係唔洗等位（數埋得2-3枱客,有一枱重要4人齋坐吹水唔見有嘢食响抬.......）

被餐牌相片吸引，午餐食“冬菇肉絲炆伊麵“，差別太大，只有幾片冬菇，幾粒肉碎，明白現在食材昂貴，但實在少得太誇張，連韮黃也只得幾條，$38實在不值。向經理查詢後，換了一碟給我，但都係一樣。伊麵淡而無味，好像沒有炒過一樣，難食，大感失望。如果以同等價錢，可以買意式肉丸意粉，起碼有三粒肉丸。這分店經常發生另一個問題，就是售罄的食品，不會貼上“售罄“，往往點餐時才說沒有，已經好幾次用餐也發生，向收銀員查問，換來黑面。

大家樂既早餐我通常都只是食一款，就係牛尾湯粉系列。牛尾湯濃，好開胃，而且通粉係我最愛既款式，再加上牛奶炒滑蛋，羅白糕，同厚切午餐飯，再加埋一杯coffee 就是一個morning

昨日（26/3/2021）要去這餐廳對面的診所，見還有十分鐘時間，即快食個早餐，這間餐廳的佈置有別於其他分店，色調好柔和，落地玻璃好開揚，空間感充足。已經有一段好長時間無幫襯過這餐廳，點餐坐下後，即有侍應遞上紙袋，是放口罩之用，雖然唔環保，但衛生，又試吓。點了一個早餐~餐肉 炒蛋腸配厚多士快餐店應是很快出餐，但這個早餐等上了三分鐘，配料都是一般般，但全部都好熱辣辣。牛油搽完多士，唔小心掉下把餐刀，即有侍應問，是否需要換一把，效率奇高，服務很窩心。

早上約朋友去打羽毛球，經過新蒲崗就約左去位於，新蒲崗太子道東638號Mikiki地下G12號舖新開不久的大家樂食豐盛早餐，整盆的材料好豐富，又抵食，我叫左一份豐盛早餐有雞扒，煙肉，蕃茄汁豆，薯餅，北海道牛乳炒滑蛋🥚，多士，一杯鮮奶咖啡；整份先42.5元，超抵食超飽，連午餐都唔使食，雞扒煎到外層香脆，肉質又嫩，而薯餅堅實又香脆，，煙肉唔會太乾又有肉汁，正中日本北海道炒滑蛋食落去有香香的牛奶味,朋友們可以試下大家樂豐盛早餐，依家系去到下午正點都有得食