大家樂 (Closed)

下午三時，又到下午茶時間😁我和媽媽經過大家樂，我點了迷你叉燒飯拼雞翼，叉燒半肥瘦，夠香滑；白飯夠熱和香軟，配上甜醬油，很快吃完一碗😋而雞翼燒得剛好，外皮脆脆的😊媽媽點了炸雞脾，配上雪菜肉絲米，亦很美味😊炸雞脾不會太油，雞肉仍保留肉汁，套餐咖啡還免費升級，真的抵食😎

今日放假得自己一個，下午三點幾見有d肚餓，又諗起有$2優惠券，於是又去大家樂食下午茶。又揀左半份西多配雞翼，加$9加多只雞翼😋 好喜歡食呢個餐，西多正常，雞翼調味幾適中帶少少甜，肉又算嫩滑，吾錯😋。

今日下午去買下午茶外賣，d食物齊曬，都冇員工有意識pack野比客走，要我等左成5分鐘，後來覺得唔對路就自己睇單齊未之餘，仲要自己拎餐盤去埋邊諗住自己搵野pack，後面個呀叔都係咁，終於有員工發現我地才過來幫手，排餐個條隊已經唔闊，我企係到等都覺得好阻住人，安排十分混亂！

一心只想食個簡單既外賣咖哩魚飯，出左個飯成20分鐘，個咖哩汁都未有，個包外買阿姐叫左3-4次要咖哩汁外賣，都無人理，仲叫我自己講，呢間大家樂都唔係做野，未試過買外賣買到咁谷氣😡😡😡

今朝難得去大家樂買個魚柳腸早餐（甚少買），估唔到一個成三十幾蚊嘅早餐景如此難食，個魚柳成舊都係粉裏面無乜魚柳之餘，硬到死，仲要好腥，其他果d腸仔、多士、米粉就免強可接受。

剛剛和媽媽跑完步，非常肚餓。行經快餐店便立刻點餐醫肚。切雞配餃子烏冬： 切雞表面上好似好多，但全都是皮包骨，無肉食之餘還非常咸！雞肉比較老同韌，真的咸；餃子正常，普普通通，餃子皮適中偏林，饀料是豬肉，有點像灣仔碼頭的味道，但其中兩隻餃子已破；烏冬比較棯，雖無酸味但吾彈牙，湯底也是有色無味，整體感覺麻麻。另外點的肉燥飯配金沙骨： 金沙骨入味有咬口之餘也算棯身，不會太肥，有滷水味道，不錯！肉燥份量頗多，一半肥肉一半瘦肉，但真的好咸！即使拌了許多飯食都非常咸！

大家樂近年前來把分店重新裝修，換上一個高格調感覺，即是價錢又會變相貴咗,最近行銀座時候，發現銀座大家樂搬了店鋪位置，昨天放假陪阿媽去看電影，未看電影前先吃早餐，我們揀了大家樂,我們平時咁只叫一個餐2份吃,我們本來不大食，加上是日女生週期不舒服，胃口不太好,我平時少來銀座分店,火腿通粉個湯真是好咸 ，咸到再加水溝淡才可以吃完，腸仔火腿就一般,通粉都OK,奶茶都OK,服務就還可以，27元這個價位，早餐來講貴咗些小食物水準火腿通粉 ，個湯真是太咸,通粉都OK，火腿就普通腸仔火腿，我覺得一般奶茶，我覺得幾好味服務我覺得一般環境我覺得一般番吃間中都會來

是日從大澳回來，原打算在東涌吃晚飯，但見商場的餐廳選擇少人流多，加上不想太夜回家，還是決定回到附近吃晚餐～最後求其吃了最近裝修完畢的銀座大家樂！雖說是裝修，其實只是搬到旁邊的鋪位，以及擴建了店外的座位，裝修後多了不少站座位，適合獨自用餐的食客，但整體感覺較以前擠迫。我點了厚切一哥焗豬扒飯，三間大型連鎖快餐店中依然認為大家樂水準最穩定，蕃茄汁滲透在飯粒中，使飯粒入味且口感較濕，不過略嫌焗的時間不夠長。而baka則點了西蘭花炒斑塊配白飯，份量適中，小菜的斑塊軟腍，普通便飯，但從賣相看已知非常油膩…整體食物味道不過不失，與價錢成正比，質素穩定。