大渣哥茶記 (Closed)

灣仔渣哥最近出左特別通告，要告別港島店了，營業期至到聽日11月9號。🍽：黑牛黑麵 $55食評：黑沙爹鮮牛肉公仔麵🐂沙爹醬係自家製的，食得出同坊間茶記既分別。沙嗲微辣而且食到有少少花生粒粒，牛肉口感唔錯，淋得黎有咬口，牛味適中。公仔麵比較滑口，麵質煮到岩岩好，唔會過淋。丹麥多士，煎雙蛋🍳：丹麥多士酥脆，煎雙蛋有少許流心，火腿夠鹹香，整體水準不俗。環境：🌕🌕🌕🌕🌑服務：🌕🌕🌕🌗🌑食物：🌕🌕🌕🌕🌑抵食：🌕🌕🌕🌕🌑

睇fb 知道佢地唔再做cwb呢間鋪，本身由佢地係cwb間小食店開始幫襯，小食冇左之後就有機會都去間茶餐廳。聽到個消息就趁機會黎多個下午茶，一直都想會下呢個暴龍西多士。上面係厚厚既美綠粉，中間，係牛油加鍊奶做夾心，切開時佢呢下流心真係睇得好滿足,味道入口又岩岩好，牛油香加少少既甜，幾邪惡架。美中不足係 美綠粉因為西多士太熱，會好快痴埋左，變成一大塊😂 似你買左罐粉走左d氣，所以有一舊舊硬塊係到咁既樣。杯奶茶又滑又香濃 絕對係我杯茶呀。服務好好，又有禮貌價錢又相宜，知道佢地唔做真係有少少失落。 後會有期喇！

銅鑼灣店即將結業，所以去食個下午茶。叫左幻彩詠西多飲凍菜蜜 ＆ 黑牛黑麵餐飲咖啡。幻彩詠西多有3個味道揀：原味 / 朱古力醬 / 士多啤梨(草莓)醬。我叫左朱古力醬，但估唔佢面頭有塊牛油 (Butter) 都好厚下。 好正！至於黑牛黑麵餐呢～ 其實全日供應架，唔一定要下午茶先有得食。 係咩黎？ 其實就係沙嗲牛肉麵，但個沙嗲湯底好足料勁野味！配火腿煎雙蛋，再加上重點：“丹麥多士” 根本無得輸！！！其實下午茶有好多款式，不過下次應該要去九龍灣食咁囉～食完仲有D朱古力醬淨 🤣

大渣哥灣仔店開業以來都變咗我哋飯堂之一，因為小菜既水準高😋，價錢公道👍，服務親切❤️。知道大渣哥灣仔分店就快結業，內心萬般不捨😢，結業前一定要去食多幾餐。希望後會有期🙏

一直想食好耐嘅大渣哥，今日終於試到💛 但係可能我唔係嗌signature item，所以有啲小失望👉🏻👈🏻打躉常餐 ($53)：五香肉丁米粉：超級油🙈🙈 佢似係將罐頭入面嘅油都到埋落去，食左半碗左右已經唔敢再食🙈🙈丹麥多士：超鍾意！甜甜地好易入口，味道有啲似平時食嘅甜包，又唔會乾口😋😋火腿炒蛋：正正常常茶記質素🙈🙈下次會再黎試下其他野，希望會有改觀☺️ 加油！！！💪🏻💪🏻💪🏻

一直有幫襯開，覺得食物唔係最好但都ok。今日兩人再去，時間11:20am. 客唔多，入到去被指坐張二人枱，因為感覺很熱，於是坐咗去一張三人枱，被伙記阻止，又被收銀女人眼厲厲望住。本以為人唔多又未到中午食飯時間，我哋兩個最多都係30分鐘食完就走，但係感覺很差，被人用眼光態度兇咗，伙記一向不太好態度，今日件事証明以後都唔應該再幫襯。利申：我自己都係黃的，一心想支持黃店，但係對唔住，我都唔係要求好高啫.唔想食到身水身汗，咁都被人厲？

大渣哥茶記🍵🍛有日去開九龍灣就去渣哥食下野啦見到出面好多人排隊不過黎開呢邊都等下啦等左10-15分鐘就入得啦入面既座位都算多而且上菜速度都幾快不過都快唔過澳牛🤣蕃茄焗豬扒飯 $66上菜既時候熱辣辣芝士熱到係拉到絲成個飯都好足料但芝士同蕃茄控表示Give Me MoreMoreee想要多啲茄汁 芝士豬扒又大塊其實食完一個焗豬扒飯已經好飽啦份量足 味道好 都幾抵食而且環境乾淨企理隔板都幾靚茶記黎講真係算唔錯呀

大渣哥價錢比較貴，所以唔係成日食，但係食物又真係幾唔錯嘅。工作太忙了，要對自己好啲，所以今日就黎到大渣哥食午餐。 揀咗肉碎魚香茄子炆米，同埋熱檸水，$68即叫即整，熱辣辣，份量睇落都幾多，不過食晒都唔會超級飽。茄子份量唔算好多，不過肉碎就比較多，但係食唔到有魚香/鹹魚味，如果有鹹魚，相信會更加惹味！米粉非常入味，但唔會太鹹，又唔會太油，整體真係幾好食。最重要嘅係有芽菜，令口感更佳！好彩我選擇咗熱檸水，食完濃味嘅米粉，都可以refresh一下😁

大渣哥茶記 一直都聽到不少好評，但奈何在九龍灣真的很少機會過去 ... 所以當銅鑼灣開了店後便找時間和朋友去!!門面頗有自身特色，看起來跟平常的茶記有點不一樣。那因疫情需要的分隔板亦絕對夠特別！食物方面，除主餐牌外~還有不少創意系列而且他們的茶式名也很特別的!!有選擇困難的我想很久才決定到最後決定吃我平時去茶記一定會點的 "常餐"✦ 黑牛黑麵 ($55) - 普遍的沙嗲牛肉顏色沒有那麼深，所以這色真的很襯"黑牛"這名字且味道濃郁！帶少許甜味，不過花生味不算很重~調味剛好喇鮮牛肉口感有嚼勁，而且很入味 (๑´ڡ`๑) 然後配彈牙的通粉朋友加錢點了出前一丁公仔麵 ($5) 這一碗份量頗多的！好像也是這裡的賣點之一。另外還配了酥脆丹麥多士 & 西煎雙蛋，底下有片火腿湯飯系列一樣很大碗，如果食量大應該都夠吃?✦ 鹹蛋冬瓜粒肉碎湯飯 ($65) - 想吐嘈一下冬瓜粒為什麼切成長形喇

卡幫尼黑松露腸粉，諗住咁有新意試吓啦，冇諗過啲汁係稀同一pat pat, 除咗有少少黑松露未完全冇西式汁嗰種感覺，都莫講話係卡幫尼味，非常失望，同埋個腸粉其實同呢個汁一啲都唔夾！炒河粉其實係乾炒牛河走牛，因為我哋唔食牛肉，又唔可以轉豬肉，咁咪當一個豉油王炒河，個炒河粉就OK好食！但整體來講嗰個腸粉真係十分之差，希望老闆睇到自己會試吓。

成日去銅鑼灣都想去試吓好出名嘅黃店「大渣哥」，好多人話出咗名的黃店一般冇好嘢，咁就特登去試吓食個下午茶先！我被下午茶餐牌寫住「暴龍西多」深深吸引住，究竟係乜東東？原來係煉奶西多加勁量阿華田粉！🤩賣相已經好吸引，滿滿的阿華田粉加上又厚厚的西多士，切🔪開係醬爆流心，多到瀑布咁😍😍😍西多士個夾心係食到粒粒花生醬，整體份暴龍西多有好多層次！味道真係唔錯！雖然咁多餡料，佢又唔算好甜，甜到剛好！配上凍奶茶或者凍檸茶都一流

經過銅鑼灣，當肚餓唔知食咩嘅時候，就會諗起大渣哥茶餐廳！！因為選擇豐富，乜都有得食！ 輕輕鬆鬆食個常餐也可以、炒野又得、簡簡單單食條菜又得大渣哥啲野出名大份，如果細食既可以落單時同員工講聲少份量都ok架！ 叫左碟炒野，乾炒牛河超級大碟如果唔係太肚餓，我真係覺得兩個人share一碟都ok😆 材料又足料，洋蔥，牛肉，芽菜樣樣齊❤️💛💛炒落去都乾身，唔會太油太濕😆另外，簡單叫左個常餐。大渣哥的常餐最出色係舊麵包，佢不是普通多士，而是丹麥多士，食落去幾特別😃都市人，叫左碟菜，份量都幾多。👍🏻👍🏻 如果本身叫小炒/蒸野加油菜就平啲，加20蚊便可了。 總結黎講，大渣哥係正正子的，記得一試再試呀

今次要介紹嘅係銅鑼灣大渣哥茶記🕺🏻佢哋嘅炸脾超級大隻🤤沙嗲牛都好濃郁🤤最鍾意杯凍檸茶夠大杯，又唔會好澀～覺得比九龍灣果間好食啲🤣黑牛黑麵即係極濃沙嗲牛麵（$55）😍我呢個沙嗲牛擁躉表示欣賞！！一上枱已經好香，沙嗲牛好深色😂真喺好濃郁，而且仲可以食到花生味🥜滑牛夠晒入味，唔會好韌或好乾，麵嘅口感剛剛好🕺🏻呢個餐仲有丹麥多士同火腿炒蛋，食完夠晒飽🕺🏻不過略嫌丹麥多士搽太多牛油，咬落感覺好油😐渣大大焗炸雞髀🍗（$59）下午茶餐必食炸脾！真喺夠晒大隻🤝雞髀外皮炸得非常脆，裏面嘅雞肉都有調過味，而且都幾嫩滑！薯條都喺剛剛炸起，外脆內軟，雖然價錢有啲偏貴，但呢個質素對得住價錢～個人覺得以茶記嚟講，大渣哥呢兩個下午茶餐真喺唔錯，鍾意食沙嗲牛或者炸髀嘅朋友仔可以試吓🤝.推薦指數：🐮🐮🐮🐮（4/5）

29/8 十一點幾去到銅鑼灣，諗住食茶記見到呢間都好似裝修幾有特式，入面都有一半人入座，就諗住試一試佢啦…呢個就係中伏既開始坐底叫左兩個飯一個鰻魚炒飯，一個豉椒雞球飯等左十分鐘左右，雞球飯到…我諗住慢慢食住等啦…點知一食落口啲雞一浸雪味之餘仲好明顯有陣唔新鮮既臭味講真茶記用急凍雞…好正常…但食落有異味，處理得唔好又一陣雪味…真係接受唔到囉銅鑼灣旺區$6x蚊連野飲…都唔係比啲咁既垃圾我食呀？鼓椒冇味…啲汁似係水多啲…成碟飯真係超難食…比$40食佢都嫌比多…我內心一路講粗口一路慢慢食…等埋我朋友碟飯黎平時我5分鐘就食完，endup慢慢食左15分鐘…食完了…個碟鰻魚炒飯竟然仲未到…開口問啲姐姐，話幫我跟…五分鐘後埋黎同我講…廚房啲師父話“揾唔到鰻魚呀”…你地冇聽錯…係“揾唔到鰻魚”…所以炒唔到比我喎（餐牌上有既野，竟然冇材料係咪好神奇呢？😂…重點係個陣係早上十一點幾應該係啱啱開始準備午巿）我心中即刻“小”左一聲…你哋冇既點解唔同我地講？要二十幾三十分鐘後我地再追先話冇？我嬲到話咁我唔要喇，取消個飯啦$10x一個鰻魚炒飯，一啲都唔平，餐牌上有得賣但最終話揾唔到鰻魚，不過都好彩冇浪費呢舊幾水既…

本身有食開，雖然貴但食物質素好所以有keep住幫襯。平時嘅員工態度好好有禮貌。點知今日有個生面口嘅員工態度勁惡劣。企門口等個外賣都可以呼喝我唔好企係燈柱隔離，唔講以為佢買起左。最後同佢地其中一個員工反映佢話因為忙所以態度唔好。e個絕對唔應該係一個態度唔好嘅藉口。希望貴公可以檢討吓。一間餐廳係應該有好嘅服務態度。絕對唔應該用一個咁嘅態度去對待住任何客人。