雅仕餐廳 (Closed)

今日去咗天后小店食下午茶，呢間都係天后開咗好耐嘅有心小店，一向都質素唔差，餐廳下午茶係第一次是之前係食晚餐多同埋外賣。入到去見到佢個下午茶都價錢都算係優惠唔算太貴，咁叫咗一個芝士焗牛脷飯同埋一個乾炒豬扒儀叫咗杯熱檸茶同埋一杯咖啡。乾炒豬扒意好有美極汁去炒嘅味，但唔夠乾身不過豬扒就夠淋；另外芝士焗牛脷飯，佢有炒飯根底牛脷都好淋，分量夠女仔食，如果有男伴一齊食就可能要叫多一個下午茶餐先夠飽。檸茶今日個茶底好檸檬都新鮮，唔落糖都好似飲緊紙盒檸茶，但咖啡今日就水左啲。

一直都是焗豬扒飯的支持者跟著 Sai Dosi 的推介去了這間買焗豬扒飯加了價啊，$30豬扒是無骨的炒飯底很香芝士也多茄汁吃到茄蓉啊$30性價比高我下午去買，見附近學生也在排隊買

琴晚參加完活動路過肚餓入去食餐，嗌咗個千層麵同半隻燒春雞味道都好唔錯價錢又唔太貴，有好幾個服務員啲態度都好好，但係笑容好親切，尤其係身形肥胖嘅服務員，對所有食客都好，同佢有講有笑，相談甚歡，真係十分之溫馨，極力推薦

呢個星期一與友人到此吃茶餐,餐廳內只有兩，三台客，一入去見兩張卡位枱冇人就問女waitress 可以坐,她立即話有人訂咗位，後來有一位熟客到,那waitress 立即安排佢坐第一張卡位,第二張卡位仍然放咗reserved 牌, 後來客人多,有位男士入到黎另外位男waitress 立即安排男客人坐卡位,那是什麼意思? 每張卡位都只坐一個客人!!卡位永遠是放reserved 牌,選擇性比客人！

這次來到這間充滿懷舊味道的西餐廳，環境比較暗，座得舒服，服務普通，聽聞食物水準比較偏差。友人吃了雜扒晚餐，有雞翼，豬扒腸仔，雞扒等，配薯菜和蒜蓉汁，豬扒比我想像中淋和好吃，其他都正常水準 。煎龍利柳粟米汁意粉 龍利柳煎得很滑好吃，粟米汁意粉正常ok，這餐廳自制的黑胡椒好香，加在這意粉和忌廉湯上更好，推介餐湯和餐茶：蒜蓉包好脆凍檸茶和凍奶茶就正常沒有特別，忌廉湯要加黑胡椒才好飲這個餐還有甜品但忘記了影相📸️是芒果布甸但我們覺得是啫喱聽聞有外賣便宜但很難吃，和堂食水準有偏差，不過堂食來說我覺得都可以接受。會再來

久未上水，小弟今晚就做個懷舊扒房系列。呢間餐廳門口同環境都充滿懷舊氣氛，啱晒我啲咁老派嘅人，令人有所期望。寶寶同我都叫左2份晚餐精選，價錢都叫大眾化。話說今晚特別肚餓，寶寶叫左西冷意粉，我叫左羊鞍薯條，紅湯配蒜蓉包。紅湯略嫌太辣，不過蒜蓉包就脆卜卜幾好味。飲完碗湯，等左半個鐘先上主菜，真係餓到暈。最驚訝係，呢到扒餐都係用碟上，唔係鐵板。薯條有些少放涼，好彩羊鞍足秤，配蒜蓉汁咬落juicy，仲唔騷，攞返分。不過寶寶份七成熟西冷，un 左小許，普普通通。好彩，套餐有甜品送，寶寶話加返分，可以揀布甸或啫喱，有趣係我同寶寶都揀左布甸，但上左啫喱...侍應就似乎發緊夢...總結而言，不過不失，性價相乎。蒜蓉包、羊鞍都算唔錯，好評，不過下次都係食清湯腩好喎。

天后，琉璃街，雅仕餐廳。今晚疫情下，比人搭枱，坐照過一半人，無1.5米空間。有一個身形肥胖服務員，唔帶口罩，上菜，放餐具，一路行，一路講嘢！千其唔好去。有無人知可以點擧報？

之前放工經過有D想試，上網睇過都OK，夜晚就黎咗呢度食。黎呢度我首選係食環境，其次係野食，呢度幾好坐幾舒服~係食西餐，但掛上中式嘅畫，幾得意套餐抵食，有湯/包，餐飲同甜品(啫喱+花奶)，芝士肉醬千層麵，幾香焗得幾靚周圍係奶油，我覺得肉醬多咗少少，比較似食緊一個餸多過一個麵，所以好飽，要抖一抖再食。整體係唔錯，呢度都算多款式揀，同埋幾方便，下次有機會再去

我以前住天后, 成日食呢一間西餐廳。 之後搬咗屋好耐都冇返嚟食， 決定返嚟試多次睇下水準有冇分別。首先依然要讚一讚， 餐廳嘅環境係好寬敞， 燈光有少少昏暗， 鍾意西式浪漫感覺嘅人應該會喜歡。 餐廳嘅樓底亦都非常之高。 侍應嘅態度亦都係殷勤有禮親切。不過食物方面似乎失色咗少少。 一開始個蒜蓉包係有啲冧，同埋亦都唔係好夠熱。 如果紅湯有少少太鹹， 白湯呢亦都唔係咩蘑菇或者週打魚湯， 只係普通粟米白湯。之後我哋嗌咗個肉眼扒五成熟， 個橙色嘅蒜蓉汁太過濃烈掩蓋咗牛肉本身嘅味道。 但係啲薯菜炸得好好食！！ 另外我哋叫咗個豬扒配帆立貝， 嗰個焗芝士蕃茄汁幾好食， 豬扒都好冧好食。 另外叫咗田螺， 上面冇香草， 不過薯蓉都係有牛油味， 正正常常。 最後有餐飲同埋甜品揀， 甜品有布甸同埋啫喱。 最後埋單大概240蚊左右。 總括而言， 我覺得餐廳嘅格調幾好， 但食物水準似乎只係可以話係一般嘅西餐廳水平， 但如果你想同朋友傾耐少少計呢個地方係唔錯

一邊切開啲肉帶灰色我已經知道塊扒有問題 , 另一面霉到足以用刀輕輕力推散， 可以想像好似清湯腩咁樣， 跟住餐廳負責人話畀我知: 一邊係西冷一邊係牛柳，牛柳啲tissue係咁嘅。 話題已經唔知道點樣繼續, 我只能夠求其食完幾條薯條走人!其實我當時又冇要求你退錢，又冇要求你換， 其實你答我一句: "唔好意思,我會同廚師和供應商反映一下! " 可能我已經感覺舒服好多, 因為我都明白有時可能係來貨問題。 而家香港經營真係比較困難， 我都不想隨便劣評， 但係今次嘅水平真係有必要提醒一下其他食客小心!

行完工展會，在天后站附近吃飯。餐廳略暗，樓底很高。從晚餐牌選取套餐：美國Angus安格斯肉眼扒（6 ozs) 配黑椒汁、意粉，有湯、蒜蓉飽、茶和甜品。再看主餐牌，原來單叫主菜，加$26便可轉為套餐了，所以只要叫喜歡的食物便可了。最後叫了香煎挪威三文魚柳配粟米忌廉汁、意粉$66，轉套餐。羅宋湯，濃且深色，蔬菜不多，偏甜。蒜蓉飽，沒有焗熱，所以沒有蒜香。美國Angus安格斯肉眼扒，肉質嫩，有肉味，雖過熟了些，但仍不會變靱。香煎挪威三文魚柳配粟米忌廉汁，三文魚柳唔算大件，見其外貌以為是又乾又嚡，可有些驚喜喎！由於外面煎得微焦，而三文魚柳巳煎至差不多全熟，但仍能吃到外脆內嫰的魚肉，而且三文魚又醃得入味，令人吃不停口。懷舊的西餐廳，都會是吃簡單的甜品如啫喱和布甸，加埋花奶。雖只是用粉冲成的，但卻能勾起兒時回憶。

偶爾經過，點了砵酒牛尾意粉，想不到牛尾竟很稔，帶一點點脂肪，讓牛尾更香滑。甜品竟然是芒果粒，很有誠意。價錢相宜，一般是70-80多元，性價比高。下次會再回頭的！

雅仕餐廳係天后開左好耐幫襯佢就因貪佢外的賣價錢平由10年前買一盒焗肉醬義大利麵要19元到現在價錢都係升到26元但食到既肉醬意大利麵非常之高質一打開蓋多芝士多蕃茄肉醬啖啖肉汁非常之好食食完好飽肚除左焗肉醬意大利麵，還可以改做焗飯。另外外賣還有粟米牛脷飯其他選擇等等。依家外面其他餐廳食個蕃茄意大利麵閒閒地都要五十元至六十元不等。真心推介呢間外賣。窮人恩物晚餐時間為左飽肚揀左飯啲芝士又多又大舊仲拉到少少絲架

今日ㄧ家去公展會前順道來到這𥚃食午餐, 叫了焗肉醬意粉, 牛扒及魚柳配意粉。焗肉醬意粉有芝士香及肉味濃郁。牛扒夠鲜嫩意粉彈牙。魚柳份量足個白汁夠味不行貨。員工態度有禮而食物很有香港懷舊風味。好吃會再來。

晏就好多人食飯 有時要排隊 不過係值得等嘅👀 價錢扺 味道相當不錯 夜晚食都好抵 食牛扒有湯有野飲有甜品 都只係100幾 份量又多 值得推介嘅一間舊式餐廳😋😋 服務員有禮貌 服務周到 相當不錯