Cafe Gabbana

Open Now

Now Closed

Boxing Day 我家主子話去九龍城食晚飯，二揀一，泰國菜定西餐，因為好掛住呢度嘅無花果批，決定再黎。首先生蠔，保持一貫水準，唔失望。第二度菜係白酒煮法國聖子，因為早兩日喺另一餐廳已食左白酒煮青口，今日老闆娘推介聖子。第一次食白酒煮嘅，原來可以咁香主菜鵝肝意大利飯，本來係想食法國藍龍蝦意大利飯，但今晚龍蝦賣哂......我係好怕食意大利飯嘅，但呢度令我再食，因為佢個飯係唔會濕到淋，個汁仲啱啱好，我食左一半！今次個鵝肝同呢個忌廉汁夾到呢⋯⋯另外仲有法國野豬，當然係慢煮，等左好耐，但係好值得，入口肉汁好香，同埋豬味好濃，係豬味濃，唔係平時豬嘅「酥」味。佢嘅配菜薯條並唔係普通薯仔整，係好甜嘅蕃薯條，所有配菜清哂！最後我掛住嘅無花果批，回味回味好回味。個批好薄但鋪滿無花果，就係因為佢薄，就算食到好飽都一定食得落我地食甜品時老闆娘先可以坐喺度嘆罐可樂，好喜歡老闆娘對食物對烹煮嘅堅持態度同執著，所以佢做出黎嘅食物真係好有「心」一定會再黎食嘅

Very Cosy environment! We ordered tomahawk steak and suckling pig and seafood! Tomahawk good value at their promotion price! Suckling pig a little too salty! Overall good value for money

公司食飯,同事力推這間餐廳。由同事訂枱。一行三十幾人,食物已經一早預定。乳豬一 皮脆多汁藍龍蝦 比澳洲龍蝦更勝一籌斧頭扒 大個塊面 一定要試BB羊 一個字嫩下次一定要再來。 正

是夜左左收工,有點Blue Wednesday的感覺, 忽然好想食西餐，隨意走到openrice search九龍城的西餐,打去有位便立即飛車去...可能是星期三的關係,餐廳內有點靜,只有兩檯客,但心裡反而高興,正想坐得舒舒服服靜靜地食一餐。因為我地一行三人都是女仔,怕叫三個餐大概吃不完所以點了一個set dinner + 兩個主菜前菜是生蝦刺身、三文魚刺身伴沙律- 味道不錯但蝦刺身不太涷,是室溫的,吃的時候有點不安,但晚上沒有肚痛,證明是衛生的菠菜芝士通粉- 賣相不太吸引,所以食之前沒打算拍照,吃了一口,很impressive,菠菜汁很好香,除菠菜味外,還有很香蒜味。主菜點了1/ 帶子菠菜意粉- 很有心機,連煎香了的帶子也沾上了菠菜汁2/ 黑毛豬伴薯- 見朋友的帶子菠菜意粉，心想：我點的黑毛豬賣相有點迅色，但吃下去卻很驚喜，不但有咬口，最欣賞是用上了蘋果的汁，跟肉很配。３/ 香草魚柳這個沒親口試，但喜歡吃魚的朋友說喜歡嫩滑的身軀，吃魚她是專家，我信佢！

話説我個朋友生日, 咁就當然食好D啦! 咁岩之前有個朋友話呢間野唔錯,而且我地又住係附近,就試下啦!一入到間餐廳, 環境真係唔錯! 好舒服! 傾計聚會一流 仲要有露天座位D侍應都好好, 推介幾樣野俾我地食(可能知道我地第一次黎)最後我地點左三文魚沙律,乳豬同黑松露磨菇意大利飯三文魚沙律--> 三文魚好新鮮乳豬 -->好好味! D肉好滑,皮又脆! 食過番尋味 黑松露磨菇意大利飯--> 好香,味道都ok!到最後老闆娘仲請我地食甜品呢!  呢餐好滿足呀!!

1. 芝士焗龍蝦配意大利飯$198 ~ 飯的味道頗濃，龍蝦一般。2. 香草燒羊架$188 ~ 肥膏多得離譜，order八成熟，但啖啖見血紅，牛可接受這生的程度，但羊肉本人則不能食太生了。3. 意大利蝦麵$138 ~ 因份量實在太細，不得不食個麵條填飽肚皮。  麵條似干燒伊麵般，味道似星馬炒粿。4. 西班牙血橙沙冰$40 ~ 少少特別。

同朋友慶祝生日一直聽聞這小店不錯決定去試一下位於南角道盡頭有點難找星期三晚很清靜只有兩檯客人環境坦白說有點舊first impression一般點菜的小兄弟很有禮貌不是很熟手但有誠意服務亦殷勤加了一點分數食物卻不得了點了推介鹹豬手皮超脆, 肉嫩, 入味只嫌少了一點是繼寶勒巷Schnurrbart以外吃過最好的另一精彩的是低溫焗三文魚焗三文魚扒中央部份呈半熟狀態外香內軟, 配有點甜的醬汁是吃過最好的熟食三文魚其他如rissotto及pasta都好但不突出, 不詳述誠意小店希望多些人支持免得被貴租淘汰

感受到係用心之作, 加上老闆的熱誠招待, 值回票價! 低溫燒焗美國牛肉 ~ 是近期吃過比較有水準的牛肉, 肉質似炆牛腩, 入味同牛肉味濃!黑毛豬扒 ~ 肉質好軟熟, 好味!低溫石燒焗春雞 ~ 雞肉很滑, 好味!蒜蓉包 ~ 原本跟餐黎, 但好味唔夠食, 要加單2客! 海鮮意粉 ~ ORDER 比小朋友食, 味濃, 麵質適中, 啱晒愛吃蝦既哥哥胃口, 味道也很好! 蕃茄乾意粉 ~ 麵質太乾, 味道OK, 有待改善. 白汁煙肉意粉 ~ ORDER 比小朋友食, 味濃, 麵質適中, 原本已吃了麥記打底同食量超輕既妹妹都大讚好味! 主菜 ~ 德國咸豬手 ~ 好味, 皮脆肉夠味, 只是焗得過了火, 乾了點! 落單時可REMIND廚師唔好焗太爖, 值得一試! 頭盤 ~ 三文魚沒味, 加少許海鹽會好D; 沙律內有一種菜很苦, 朋友都吃不慣, 最後我要替他們挑起苦菜才吃. 生蠔 ~ 很新鮮, 不過洗唔乾淨, 有點殼. 甜品 ~ 焦糖燉蛋 ~ 真的太甜, 我這麼喜歡吃甜品也受不了! 可嘗試減點糖, 因不止一位朋友說太甜.

開業都一年多, 今日一嘗, 有驚喜!1) 龍蝦湯, 黑松露湯味夠濃2) 磨菇布丁有趣3) 芝士龍蝦意粉special , 老闆娘特製意粉, 充滿龍蝦精華, 加上焗芝士龍蝦, 意料之外! 配 risotto 應該更好!4) 法國野雞, 低溫焗, 保持到雞味.5) 無花果薄批, 酥皮鬆脆, 無花果甜! 必食!老闆娘都幾好傾 . 女侍應一如上文, 又誠意拳拳推介個咸豬手, 我最後都冇要到, 試咗第二樣!! 但是佢服務誠懇!

前日同老公去開九龍城，見到呢間餐廳環境幾靚！好有氣氛，所以入左去試下！我同老公叫左個焗龍蝦飯，無花果沙律，鵝肝波菜意粉同兩個湯！最後見女侍應誠意拳拳推介個咸豬手就試下！無花果沙律:無花果食得出是新鮮！並吾係放左幾日個D！D沙律菜無黃咁咁！整體都match！湯：黑松露湯味夠濃！南瓜湯都OK！最重要係無渣！^_^焗龍蝦飯：起曬肉，d芝士又夠多！連個飯都有龍蝦味！鵝肝波菜意粉：鵝肝切粒燴個意粉，其實都OK！只係我想要好多汁，所以老闆娘聽到我咁講就即刻走過黎換過份多汁既比我！哈哈！超讚！好服務！^_^咸豬手：只可以用四字形容！意料之外！我之前食D豬手比較油同肥D！而當食呢個既時候，發現肉多但一D都吾會太油！正！女士恩物！哈哈！服務：個人認為，係香港餐廳少有既！因為好少餐廳老闆娘會出黎同客人傾偈！仲會咁重視客人既意見！最後比卡片我地，叫我地下次黎可以打黎搵佢！所以個人覺得都吾係好差！值得推介下既！

無花果火腿沙律一般，炒磨菇太多蒜蓉，龍蝦湯太稀，菠菜意大利扁麵超勁多油，最差就係個肉眼扒，好似牛肉乾一樣，無肉汁，叫五成熟起碼變咗九成熟，唔好話要錢，比返錢我轉頭，我都唔會再去！ Sorry >.<

我地當天點了三個dinner set, 一個主菜是龍利柳，兩個主菜是什麼黑豬柳。dinner set包一個湯、三個前菜、主菜、甜品及一杯飲品湯是唔記得咩瓜湯，無味道。三個前菜，一個系兩片好薄三文魚魚生。另一個系几片燒有機菜，無味道。再一個系意粉，有D辣，勁多油。　主菜份量極細，完全無汁得少少油，魚豬柳同豬柳都系無咩味道。甜品係Tiramisu cake，得1x1x1.5吋，勁凍，充滿水分，無辦法食完。飲品起碼系熱的，不過都系無咩味道。成二百几一個dinner set，十分唔底。食材算系唔錯，但系個廚就真系唔得。最後要去Tong Wong食個甜品至飽。PS：唔明白之前D食評，內容系唔滿意都比個笑臉。唔該唔好誤導大家，我就系見5個笑臉無細看食評就衰左。

經過九龍城，想起友人的推介，晚上六時半到達，直至八時，全餐廳也只得我倆，十分冷清。Order 了炸生蠔，意大利蝦麵，芝士焗龍蝦配 risotto，無花果撻。

我地當天點了兩個lunch set, 我不記得全名，只記得一個是龍利柳，另一個是什麼豬柳意粉。lunch set包一個湯、主菜、甜品及一杯飲品湯是忌廉湯還可以，但主菜真個份量真是”細到無人有”…個龍利柳的size比我手掌心還小，但驚你食唔飽，有兩塊咁多…，味道好一般，我唔明白點解之前有人comment 話szie係好大，我唔知係咪因為我地食lunch set, 將貸就價得咁緊要另外個意份，份量正常，但似茶餐廳的意份，完全唔覺係西餐廳質數的意份。甜品係蕉糖布丁，這個還可以。飲品，凍咖啡….唔記得比糖漿我地，重問我地係咪唔夠甜…根本無加la…但咖啡好酸，飲左一兩淡無飲了…本身自己已經好細食，但食完都成個set都唔飽…我諗大約食左 30-mins …諗住hea住食，咁都快食完以咁的質數，都mark成 $8X一個lunch set…. 一d都唔值…雖然我未食過dinner， 我覺得如果係有心整， lunch set都可做得好….而唔係因為lunch set就咁求其…所以我係唔會幫襯

為了一個特別的project，幾位甜魔努力夾日子，終於揀出上週四在龍城展開會議。這間門面低調、評語不俗的Cafe Gabbana就成為了晚餐兼會議地點。 走在城南角道上，稍不留神其實很易就錯過了這白色的小店；餐廳內部也是簡單以乳白色為主調，裝修簡單，唯一突出是高樓底下的水晶吊燈，以及透過小窗望到的後廊風光。拜訪當日店內的聖誕佈置尚未拆除，淺黃燈光下氣氛cozy，大家都坐得幾舒服的。當晚我遲了些少，甫坐下還以為食友已經點了雞蛋頭盤，看真點，原來那是一對別致的調味樽，幾可亂真! 原來大家都等我來到才點菜，嗯，是晚既以甜品為主打，就只要點了一份晚餐，散點兩份pasta，再加四份甜品，呵呵!　最先上檯是晚餐的沙律，頗新鮮的雜菜、蕃茄片、青瓜片等，淋上胡麻汁，清新得來有點香口，水準不差。正當大家都奇怪怎麼此店沒有麵包籃，一客兩件的餐包連同晚餐餐湯一同上檯了。大家一起分嚐這稀有餐包，其實烘得薄又脆更似多士，由於沒有蒜茸或是牛油，淨吃滋味很一般，一定要配上湯才較好。或者也是這個原因，此店餐包只限配湯吧。至於晚餐的南瓜湯則值得一讚，用料十足還可見粒粒南瓜肉，飲起香滑又甜美，在甜品之外給了大家甜美幸福感