花粉熱 (Under Renovation)

After weaving through the crazy of the flower market, a friend and I found this little gem. The coffee is great, and we got the cheesecake- which was DELICIOUS! The decor is full of lush greenery (since it is in the middle of the flower market it fits right in!) it’s quite spacey and has an upstairs that you could easily hide away in with a book. Loved it!

愛花之人，非去花墟不可，難得花墟有個地方可以行到攰時抖一抖，加上有朋友大力推介呢到嘅咖啡，當然要去一去！但可能希望愈大，失望愈大啦！諗住穩陣啲飲latte 同mocca, 但完全無啡味同太甜，只係個拉花幾靚，味道方面真係有啲失望。至於食嗰方面，酥皮香腸卷個酥皮唔脆又唔鬆化，好似食緊隔夜麵包咁，無下次！檸檬蛋糕係唯一覺得相對正常，唔太甜，清清地。如果純粹行到攰想休息一下，環境好優美，有好多植物圍住好治癒同舒服。但如果一心想飲咖啡，我未必會再試了。

呢間餐廳超級正，朋友係open rice 見到就約埋我一齊黎，真係好特別同舒服嘅餐廳，有好多花圍住咁慢慢係到飲杯咖啡 (呀，好似冇點影到間餐廳環境)，食個批，可以好chill 咁hea左成下個晏就，偽文青上身了。冰咖啡同個批都好味，台同餐具都揀得好好，幾match ，充滿和諧嘅感覺。但係，weekend要黎就人流較多，自助式咗搵位可能要等一等，因為比較多人一坐就坐好耐。不過，有個小小的遺憾，就係原本好似有樓上個層，但係有時未必有開，所以少左影相打卡位，而且更多難搵空位食野。

香港用花為主題既Cafe唔多，恰巧兩樣野都係藝文青至愛，路過貴境，望住花，聞住咖啡香，食件cake，呢種享受仲勁過海陸空三彈齊發(?)。——可惜呢種享受比啲細節位減左分。因為愛花而貢入黎既人，如果唔係純粹為餵飽相機，多少都係一個picky既pussy，很不巧果個就係在下。用花做為主題多少令人有種期望餐廳係想同自然有connection，正面果種。但店內用紙碟紙杯膠叉就減左啲分。高巴檯有得叉電和腳踏位更好。雖然係花為主題，但到cafe部分的綠化和一般cafe差不多，始終人地啲花真係做生意用既。是次叫左latte同檸檬蛋糕。我作為飲開奶啡既偽文中唔識講咩，咖啡偏苦而苦得易入口，只能講同我既味蕾八字夾，對味也夠香。檸檬蛋糕的cream很綿滑不會過於空氣感，檸檬味足但不夠香，味道層次比較單一，如果可以係蛋糕面加檸檬皮碎同少少蜂蜜會更好。咖啡種類比較少，希望有諸如piccolo 同 dirty。講多句，難得有香港店內播的Mondialito同Stacey Kent，很驚喜。如果店內安靜點更好，但這是沒辦法的，花墟既人流同開放式既廚房。始終好評，因為難得。

my sister needs to buy flowers 🌺 I am with her for there is a fair coffee shop really nice 👍 you can see how specific the hay fever isafter the first bite The heart ❤️ is melting The colour so wonderful Brown skin in a hot way Piccolo latte Of course fresh Taking 10 minutes early in the morning coffee specialist small girl hungers in hot breakfast selling flowers in the front garden Back yard and upstairs Cafe wonder how to make profit At least 10 young boys and girls working Early in this mornin

因為上網見過人介鉊~所以就搵左個星期日去hea下~雖然要自己搵位真係好講運氣~不過有兩層又唔算太難搵位ge~環境真係好靚, 個人覺得高枱位好靚~不過俾人坐~一樓大枱近花位置都好靚~坐下傾下計真係好歎~可惜關得有啲早~1)泡沫咖啡$36☕2)核桃撻 $4x🍰食到好多核桃肉!!!!!!一啲都唔甜!!!!比想像中好食!!!! 3)朱古力松露蛋糕 $38🍫🎂🍰朱古力蛋糕 好濃味  質地又實身 所以一個人食哂會好漏 ~~最好兩個人share~

行花街，買下花花草草，竟然發現一間cafe似的花店，前店就是賣各種各樣植物，後店是一間cafe進入花花世界，cafe二樓適宜三五知己去談心#1，松露好香，好有口感，食落有少少咖啡和朱古力味#2，檸檬味好清香，牛奶好滑，蛋糕不太甜，Good#3, 畫個心形好靚啊，味道好香，巧克力味道好重#4，花茶要浸一彈才開始飲，而且未開始飲時，甘菊飄出好香，但飲完杯茶，在鼻腔嗅到薰衣草的香味可以再來這個秘密花園啊☆

檸檬蛋糕個檸檬蛋糕其實幾香，又唔會太酸，不過略多cream ，不過整體都幾好食熱特飲朱古力 有拉花 不過味道唔夠甜 ，鐘意飲甜既我覺得呢杯野飲好難飲 ，完全唔覺得係飲緊杯朱古力布冧熱情果茶我試朋友杯果茶黎飲 ，外觀睇係紅色既茶 ，飲左一啖 已經覺得中左伏，陣味超級奇怪，我覺得似藥水味 ，一D熱情果味都無，完全唔知飲緊咩味道：⭐⭐（得件檸檬蛋糕好食，兩杯飲品味道奇怪）價錢：⭐⭐（偏貴價錢）環境：⭐⭐⭐⭐️（樓下係花店 ，店內同樓上都係cafe 既位置，店內有好多靚既花做裝飾，感覺好舒服，打卡一流）衛生 : ⭐⭐（樓上無店員清理台面，長期有飲剩既杯係台面）服務：⭐⭐（如果要上樓下坐，要自已拎上去，好易倒瀉飲品，因為要行樓梯 另外，拎餐時店員只係叫食物名，而唔係號碼，感覺混亂，亦忘記要拎多件蛋糕比我）

約左朋友傾計，佢在openrice搵到呢度，估唔到在繁忙的花墟中，有這個寧靜的角度，可以嘆住咖啡，暢談呢度環境真是好舒服，令人可以relax下，在這裡可以一邊欣賞花，一邊傾計，黎呢度真是一個唔錯既選擇。我們一個飲短笛咖啡，一個飲洋甘菊薰衣草茶，就係咁由11點坐到4點！😂😂坐左咁耐，真是唔捨得走，因為真是好舒服。 我們坐左咁耐，見有三五知己，情侶，一家大細上黎，仲有人係度畫畫，睇書，作曲，我覺得好似一個後花園咁，俾人可以係度relax n refresh，真是值得再去 👍

差不多每兩個月就會來花墟行一行，望下花花草草，遠離塵囂！近年，花墟開了各式各樣的茶館園藝，但咖啡店加園藝的，只得這一間！很喜歡裡面清幽的裝修，各類在香港不常見的植物與花卉！行到盡頭，漂來的咖啡香，不奇然地你會自動行過去看看！這店的糕餅，很有創意，全是homemade,很有家的感覺，而且價錢不算昂貴！而咖啡，全是人手沖調的，所以飲落特別香濃！今天點了Flat White和Citrus Cake! 都是100蚊有找！Flat White的比例很好，奶滑而不失咖啡的香！至於Citrus Cake,忌廉不算多，裡面有淡淡的檸檬皮肉，中和了忌廉的甜度，亦都很有層次！當然，一邊喝著咖啡，一邊看看書，這裡是一個很好的選擇！其實店主都希望大家可以少點做低頭族，看多些書本，賞賞花！我想這個是店主開這鋪的心願！

行行下花墟，見好大舊烏雲係頭頂，又冇帶遮，急急腳走嚟坐定食野兼避雨，呢到有兩層，同朋友坐左下層，周圍都係花花草草好靚，心情好放鬆，叫左兩杯latte ，藍莓果醬鬆餅同芝士蛋糕，味道都ok, hea完仲可以買埋花

男友放假，我又無野撈，之前行過“花粉熱”都多人，諗住閒日可以hea下，點知入都去已經無咩位，買花既人都多，想影下相唔係人太多，就比男友阻止，呢度好特色前舖後cafe，好想影多點相……叫左一個“墨西哥腸鷹嘴蛋撻”，“藍莓芝士餅”，“美式咖啡”，“意試咖啡”總數$153普通價錢，唔係平又唔係貴，人唔多既話坐下好唔錯，環境舒服，又有靚花睇，入到店內咖啡味都香，但跟別的cafe不同，主要是咖啡豆問題吧，咖啡唔錯，同尖沙咀N1無得比，芝士餅唔膩唔笠口都幾好味，個撻早知叫店員唔好叮熱感覺怪怪地 （可能叮左縮水），味係唔錯，皮唔會過厚

這家店真的令我流連忘返小店分成地下與樓上兩層樓下是放滿鮮花與售賣咖啡的店面亦有少量座位而樓上就有更大的空間與座位供買了小食與咖啡的客人享用店內的裝潢充滿園藝風木質的餐桌令人感到置身花園的感覺香港十分少這種咖啡館小店只有售少量熱食 如批類和鬆餅另外也有少量凍餅店內是以自助形式營運大家記得自律用餐後把餐盤送回取餐處～樓上只開放到5:30樓下也只開放到6:30我點了藍莓鬆餅$30味道有驚喜比起美帝連鎖咖啡店的來得鬆軟內裡有流心藍莓醬熱cappuccino $36比起街外一般的cappuccino少了一份幼滑多了一份濃郁這個新嘗敗績也是不錯的體驗下次一定會早點再來拍多一點文青相

花墟呢間Cafe充滿花香嘅味道，裝修以木為主配合店舖內嘅植物同花感覺嘅桃園feel。唔錯，食物方面冇乜選擇亦唔係話好食，正常野食環境個d。不過香港少呢類形cafe就真。叫左個穏陣嘅Blueberry cheesecake質地結實不鬆散. 餅底鬆軟不硬. 蛋糕, 食落不太膩, 上面的Blueberry及藍莓果醬有點假的味道，不算新鮮比較喜歡帶甜嘅Latte 表面美麗拉花，都係一門值得欣賞的藝術，有點像是帶著咖啡味道的牛奶，冇很厚的奶沫，所以冇話好綿密，不夠順滑

第一眼吸引我嘅當然係呢一度嘅環境啦。係香港咁繁忙嘅地方，搵到一間Cafe係可以比啲植物圍住， 實在好難得。一入到去已經感覺到好舒服。好relax。。可惜呢一間Cafe係冇套餐嘅。每樣都要散叫。抵唔抵就自己衡量下。。牛肉批嘅表面有一隻牛牛。真係好可愛。牛肉味唔算好濃，個皮唔太香脆。有啲似雞批嘅口感。不過賣相取勝。。另外仲叫咗一杯凍朱古力。有待改善。可能本身我鍾意較濃味嘅飲品。所以緊緊合格。不過呢個地方真係幾舒舒服服