書湘門第 (The Loop)

Open Now

Now Closed

不是湘菜館麽！ 不是被辣爆，反而是被鹹到不舒服！1- 下Order 時，同侍應說要「加辣」2- 第一道：香干炒肉上來時，不辣，很咸，我已經再次說明，要加辣！3- 第二道：辣炒小黃牛肉，還是只有鹹味，不辣 完全不辣！ 廚師的味覺出問題了？！ 直接把之後的菜全部取消了，給了二次機會了， 不行啊 完全不行啊， 沒有下次！

服务员好装啊不会好好说人话阴阳怪气教我怎么点菜，教我怎么做事就差教我怎么来做服务员了搞得心情差得一朋友长洲岛玩带了几个糯米糍，点完菜（一男两女点四个菜你不会怀疑我们不舍得点菜吃不饱吧）等上菜的时候刚想尝尝糯米糍就被门口服务员趴过来盯了十几秒，质问我“你在搞什么”，后来就教了我几分钟怎么做事。恕我直言长这么大没见过服务员问客人在搞什么有一说一服务员还是不要穿西装了，容易搞不清楚定位，膨胀了还服务nm味道的话，中规中矩，但是咸蛋黄四季豆有点惊喜。（点咸蛋黄四季豆的时候为了说清楚就在菜单上多指了一下确认是这个菜，结果又被服务员嫌弃“我当然知道的啦”）

未見過咁奇怪嘅經理( 著馬甲戴眼鏡有頭髪嗰位） 午市上去食飯，想叫餐牌上嘅餸，個經理又話呢樣嗰樣唔叫得，廚房唔會幫你炒，無時間幫你炒，但又指d 貴嘅小炒俾我地。咁我就好奇一問: 點解呢d 菜有時間炒，嗰d 菜又無時間炒呢？個經理停咗一停，話: 我話係咁就係咁啦！其實想請問一下呢位經理，你係覺得客人真係咁傻，毫無logic , 定係覺得客人俾你兇兩下就過到骨呢？ 希望你可以改善一下呢種服務態度。最後想補充一句，餸菜好好食，其他員工服務態度好好，但與呢位經理無關。

只是單單米芝蓮這個稱號，就已經教我冒名，都一定要來吃一下了😋攸縣乾炒肉～有青椒，豆腐乾及豬腩肉，豬腩肉乾身而不柴乾的，不肥膩，而豆腐乾也很多，有著QQ的口感，伴飯吃一流；而白飯方面，很有飯香，跟平日吃的不同，以砵的形式上飯，飯粒分明煙韌有口感，中間還加了粟米作點綴～酸菜爐魚～很大的一窩，點了小辣，吃起來剛好，吃得舒服不用喝水；魚肉是原條爐魚起肉的，有齊魚尾魚肚位，應不止一條魚，魚肉鮮嫩肥美，酸菜亦味道剛好不太鹹，碗底還有薯麵，很飽的～

特色涼菜拼盤～一葷兩素✨香辣金錢肚✨紅油木耳✨拍黃瓜前菜都凍冰冰，金錢肚嘅醃汁係四川風味，三款之中最香辣，木耳黃瓜好爽脆，越食越開胃。✨酸菜鱸魚片～材料有大豆芽、芹菜、酸菜、薯粉，表面鋪咗辣椒乾和大量芫荽，可以增加清新感。鱸魚片比較有咬感，肉厚又滑溜。底下仲有好多薯粉添！我地選擇小辣口味，唔算太辣而且酸味十足🙌🏻✨清炒萵筍絲～每條一樣大小😍，食得出冇過多嘅調味，爽脆又清新。✨攸縣香乾炒肉～炸過嘅五花腩，有少少似金華火腿，超薄一片好香口，上枱夠熱🙌🏻充滿香氣，啱晒另一半呢個愛惹味人士。

今日午餐上咗嚟食呢間湖南菜，慕名而來因為呢間野係2014年到2021年有米芝蓮推介！上到嚟發現生意都幾好，好彩啱啱好有位。今次點左三道菜。首先有前菜，當中黑木耳爽口，調味偏向辣。攸縣乾炒肉，侍應介紹攸縣呢個地方嘅豆腐乾特別有韌勁，炒肉片好夾。孜然牛肉，孜然味好香，牛肉炒得入味，肉質唔會好韌。清炒萵筍絲，呢道菜好清，口感帶爽。原來萵筍要刨到咁大碟嚟係要五斤咁多。飲品我地揀左熱奶茶同熱檸水，原來仲有黃老吉、汽水等等。

想去既餐廳滿座 所以轉場黎呢到😂叫左佢既午市經典套餐 包左飯 前菜同飲品前菜系涼拌木耳 屋企人叫左筱縣香乾炒肉 豆乾同青椒粒爆多 小辣 肉比較少 但味道系惹味既我自己叫左宮保雞丁 幾out of expectation 因為佢系濕版宮保雞丁 雞肉吾多 多花生同配菜 飯佢系砵你飯 加左兩三粒粟米粒做色🤣🤣 個texture 幾好 吾會太軟最後佢飲品方面 菊花茶好型 系一壺咁上 好似茶樓咁🤣食完覺得佢價錢都貴 CP值吾高 應該吾會encore🙈

可能係我食過最好食既....湘菜住在新界既我好少過海~ 難得過海當然要食D平時少食的!今次試米芝蓮推介既美食~地點都算容易搵, 門面時間尚早關係,入到去無咩人,但愈來愈多人! 原來都好多人, 連外國人都食~門面乾淨企理,服務態度亦好好。MENU都多野食, 圖片仲好吸引!樣樣都想試! 食物奉茶後有餐前小食, 非常喜歡個木耳, 辣得黎唔會死辣, 仲帶香!職員細心會問我地食唔食得辣,會叫師傅特調!今次試了酸菜鱸魚,真的不得了!好食到湯都飲左幾碗~食得出係鮮味魚湯,唔係落味精,食完唔會口乾,最後淋上的魚油亦係全個菜的精髓!有食過出面酸菜魚就一定食得出分別~清炒萵荀絲由數量不太多的萵荀,清炒得黎亦保持香味, 平時唔食萵荀既我都好欣賞呀!紅糖糍粑有小小失望,炸得恰度好處,但入面唔太煙韌, 不過整體來說點埋紅糖是OK的

Lunch time唔知食咩好，見佢有米之連推介去試試佢。lunch time等佢執好位就入得，lunch menu都多選擇，價錢中環黎講都合理。前菜有一人一小碗青瓜，唔夠辣同唔重蒜，普通。叫左2款人氣午餐。攸縣香乾炒肉 -$93 (1.5/5)，黎到都幾油，d肉質麻麻地，攸縣香乾 (食落似豆干類)口感麻麻，食左一舊就無再食，可能我唔識欣賞，個飯又好細，食完好快餓。另一個就係xo 醬炒海鮮烏冬-$115 (2.5/5) 。正常普通既xo 醬炒烏冬。完。總結: 姨到可能唔夠人手，所以係無服務態度可言，帶位仲要好無禮貌，’do左code先好入黎’，問有無得寫紙又唔應。可能食唔中佢d好食所以唔明點解佢拎到米之連，不過姨間餐廳唔會有下次。🙃

中午在中環吃飯，中午時分餐廳處處排長龍，這家餐廳位於商廈裡面，排隊也不用曬著太陽。餐廳以紅色和棕色為主調，實木的樸質配上紅色囂張，兩者互相制衡，反而有點典雅的古典味。點了一壺菊花茶，淡淡的菊花香氣，驅走口腔的辣氣。有兩碗煲仔飯伴菜吃，不過我較喜歡濕潤一些的米飯。⭐️孜然牛肉$115這道菜很出色，加入辣椒、洋蔥、蘆筍炒香，配上和牛，加上孜然粉，光是聞到香味已經垂延三尺。牛肉入口又香又嫩，加上微微的麻辣作點綴，更加滋味。⭐️攸縣香乾炒肉$93豆腐乾配上爆炒豬肉，味道不會太辣，適合拌飯 吃。⭐️清炒萵筍絲$78萵筍絲入口很嫩，新鮮又清甜，很好吃。

朋友介紹下。試試新菜式。湖南菜😍😍😍😍每款都好吸引，中環區價錢合理先上前菜。黑木耳，爽脆。清甜，開胃之選。清炒萵筍絲，清甜，鮮嫩。食落真心堅正，食得出每條都係最鮮嫩部份👍🏻👍🏻👍🏻👍🏻農家小炒肉。青椒🫑配上腩肉，腩肉刀工精緻，肉味香口，青椒爽甜，，👍🏻👍🏻👍🏻👍🏻推介孜然牛肉，牛肉加入了孜然惹味，牛肉亦好滑，其實配菜我都一一食下。洋蔥、蘆筍心非常正，出色👍🏻👍🏻👍🏻白飯都好有誠意，粒粒精緻，送以上餸簡直一流😍😍😍

今天路过楼下，看见这家新店广告说米芝莲推荐，就打算上去买个外卖，殊不知d质素可以差到人类底线！首先门口只有一人排队，等半日先帮我点外卖，体个服务生劈晒脚明显人手不足。于是我叫了一个外卖套餐，写明附赠凉菜，饮品，却没问我要饮什么？我问不是有饮品吗，这位高贵的服务生Gary回答我说，饮品基本上要加钱喔。我想问什么叫基本上？不是你们套餐自己写的送饮品？冻饮加钱我清楚，不允许我想喝热饮吗？然后我回答，你套餐写着送凉菜饮品，这位Gary还是跟我说基本上要加钱，我说我叫热饮呢？他说热饮不用。我就很生气叫了一杯热奶茶。等都颈长，门口并无人排队情况下等左足足25分钟先拿到外卖，回公司一看我就笑了，给我一杯热柠茶？？？好像打发乞丐喔🙃❗️试一口香干炒肉，肉比柴还硬，做餐厅做到呢种水平真系人类极限！此时此刻我已经冇晒野讲，唯有写这篇忠告大家不要去！如果不想给自己添堵就别去！服务生高高在上，好像米芝莲是颁授给他本人一样👍🏻更何况只是米芝莲推荐，不是米芝莲星级，经此一次，下次都不敢再相信米芝莲三个字，好自为之吧。

#哈比四圍食 大少成日都話好想食酸菜魚，咁就搵間勁嘢同佢去試吓啦😁所以就搵咗呢一間米芝蓮推介嘅湘菜館😎我哋就諗住去食個lunch，點知唔記得book位超爆多人🙈🐟 酸菜桂花魚片大大塊魚片，師傅手工超好，成條魚起肉再切片一條骨都冇，食落去啖啖肉好正，而且魚片好滑又好入味，唔好俾佢面層啲辣椒嚇親，我揀咗小辣所以都唔太辣嘅，入邊仲有啲紅薯粉，好惹味🐮 孜然牛肉大少平時好鍾意食孜然粉嘅嘢，呢個真係啱晒佢，好香嘅孜然味但係又唔會遮蓋左牛肉味🐷 外婆炒肉碎四季豆呢個又係好好食好惹味撈飯一流🐷 攸県香乾炒肉又係好多辣椒乾又有啲青椒，望落去好似個味道同其他餸一樣，但呢個係五花肉嚟嘅，而且一個就辣少少🙈.➡️ 書湘門第 (The Loop) (中環)中環威靈頓街33號The Loop13樓

北京菜、上海菜就食得多，老實講，湖南菜真係比較少接觸。最近去咗呢間全球唯一米芝蓮湘菜--書湘門第晚餐。餐廳裝潢走中式古典風，古色古香，座位亦寬倘舒適，好適合三五知己聚會聊天。一入座，經理就殷勤地介紹菜式，推薦嘅幾道菜都好合我哋口味，無介紹錯！我特別欣賞經理會先了解客人食開嘅辣度，整晚所有菜式嘅辣度都好似度身訂做咁，啱啱好！鍾意食辣但又唔算好食得辣嘅我哋表示非常滿足！先上前菜：牛肚和魚皮。牛肚香辣爽滑，魚皮爽脆香口，兩者都辣得過癮開胃！乾鍋有機花菜($98)花菜色澤新鮮翠綠，口感好嫩，同唔同香料一齊炒，滿口油香滋味。農家小炒羊肉($98)羊肉切成薄片，同湖南香料同炒，鑊氣十足，同時吸收香料嘅香味，味道好有層次，好有水準嘅一道小菜！靚湯($48)是日靚湯係霸王花海底椰湯，湯頭鮮甜滋補，真材實料，有住家湯嘅感覺。酸菜桂花魚($478)嚟呢度嘅重點就係要試下呢度嘅酸菜魚，果然名不虛傳，值得一試！桂花魚片份量慷慨，嫩滑唔鬆散，口感厚身實淨。湯底酸香味美，正！

最近去咗食湘菜本身都好鍾意食辣嘅我覺得呢間都幾特別～..........今次試咗酸菜桂花魚片一碗香清炒萵筍絲炒耳尖等等個人最鍾意佢個酸菜魚片好滑 味道係酸辣的 又唔會好辣如果送飯應該好好食🤣🤣🤣另外兩款都係屬於偏辣的特別驚喜嘅係一碗香入面有蛋有豬肉有一啲雜菜炒埋一齊好惹味 好有湘菜特色另外炒萵荀絲味道就會相對清淡平衡返其他比較鹹辣嘅菜..........整體來講我覺得相對味道比較重口味如果本身鍾意食辣 湘菜應該會好啱口味！另外我覺得如果配飯嘅話就真係好唔錯👍🏻..........書湘門第地址：中環威靈頓街33號The Loop13樓