書湘門第

Open Now

Now Closed

今日跳舞後落紅磡豪盼軒拎Con~哥哥介紹前面有間川菜好食個名好有書卷味喔睇落以為係水～飲落有淡淡菊花味對於有選擇困難既我～一定係揀餐酸菜鱸魚～湯底顏色好靚～金色魚既份量都唔少～厚肉魚肉嫰滑無骨底下有粉絲個湯太好味我係咁撈飯食鐵板孜然牛肉～好大碟呀牛肉口感剛剛好手撕包菜又係好大碟呢個三寶餐3～4人食都得我地兩公婆仲加左個湯🙈缽仔飯～飯係粒粒分明加$88要左個海帶大骨湯我地每人飲左3大碗湯排骨有醃過~幾好食食食下仲有喳咋送~話解辣好貼心呀飽到……頂住下次一定會再嚟

星期六晏就黎黃埔行街，想食辣野，路過被水煮牛同小炒吸引左一入黎就拎左壺茶，飲住選下食咩星期六都有午餐可以選，米線或者小炒都有供應，一個午餐都唔使一百蚊叫左一個水煮牛米線，選左中辣味道好惹味同夠辣，仲有d沙茶醬既味米線都好吸湯，入晒味下次再黎食會挑戰大辣（如果大家怕辣，都有小辣選既）另外叫左個脆筍炒臘肉 送白飯有多塊臘肉，半肥瘦岩岩好好香口及有穫氣，仲帶有辣味，送飯一流整體好惹味同地道既風味👍🏼下次會再黎幫襯

正宗湘菜！食物大分味道很好！環境舒適一家人用餐很推薦！一行四人，點了四個餸。水煮魚柳和鐵板牛肉都很入味，小朋友食可以揀唔辣。餐廳員工都好好，會主動提供小朋友餐具和bb凳會再回來用餐的

我非常喜歡農家小炒肉飯，每當我想吃快手好吃的中餐時，這道菜總是排在我美食清單的前列。那香噴噴的小炒肉絲、松脆的青椒和洋蔥，還有那一碗碗熱騰騰的米飯，總是讓我口水直流。這道菜色香味俱佳，口感豐富，辣味恰到好處，讓人食欲大開。總之，農家小炒肉飯是一道讓人回味無窮的美食，強烈推薦給所有喜愛中國菜的朋友們。

晚市三寶性比價極高！星期六日都有，本身以為特價食物份量會相應減少，點知份量同平時散叫一樣，二人餐加多碗飯三個人食都綽綽有餘。強烈推介給紅磡黃埔區喜愛吃辣的朋友！

我是一個湘菜的愛好者，所以我很高興在香港找到了書湘門第這家正宗的湘菜館。我去了他們的西環分店，店面寬敞明亮，服務員親切有禮，菜式豐富多樣。我點了他們的招牌菜剁椒魚頭，魚肉鮮嫩多汁，辣椒醬香辣爽口，非常下飯。我還點了土匪豬肝，豬肝外焦內嫩，香辣味十足，是一道很有特色的菜。另外，我也喜歡他們的乾鍋有機花菜，花菜清脆爽口，乾鍋的醬汁香氣四溢，讓人胃口大開。書湘門第的食物不僅辣得過癮，也很注重食材的新鮮和品質，讓人吃得放心。我非常推薦書湘門第給喜歡湘菜的朋友們，這是一家值得一試的湘菜館。

🏮辛嘗試 - 書湘門第🏮〰️〰️📆 探店行動：18/5/2023 | 星期二 | 1230 🕧 | 人數 2️⃣〰️〰️喺何文田返工嘅我，午飯時間偶爾會搭小巴落紅磡黃埔覓食。今日契媽話帶我試辛野，一間叫"書湘門第"嘅湘菜館。"書"我並不陌生，多年前已經喺一位港大朋友口中聽過，喺化學系一個教授開嘅。唯獨咁多年都未試過，今日緣到就試一試教授嘅湘技。2️⃣個人嗌左3️⃣樣野：〰️〰️🏮酸菜魚米線 午市套餐 $78🍽 魚片算鮮甜，喺份量有點少同肉質較碎散。🍽 米線比一般嘅幼身，質地滑口，個人嚟講口感少少偏軟。🍽 湯頭嘅鹹酸度到位，但辣度偏弱，講唔上惹味，普普通通。▫️🏮左宗棠雞 單點 $132"擺盤滿分 味道負分! "😡🍽 主角炸雞硬、韌同柴，喺咬到牙骹都甩嘅質地💀🍽 個醬喺純粹嘅酸甜汁，零辣度可言 ❌️裡裡外外就喺粤式嘅咕嚕雞塊，出品茶記都不如，一向唔浪費食物嘅我地食咗幾舊都果斷棄雞投降 💬▫️🏮孜然牛肉 午市套餐 $75🍽 牛肉入口嫩滑，似喺新鮮滑牛。味道上有返啲"湘"感，有辣勁，可惜調味過重，孜然味完全蓋過牛肉本身嘅味道 😮‍💨〰️〰️🧱 店舖都大，卡位寬敞舒服，環境OK。💸 連服務費埋單$314 (人均$157)。📑

今日到黃埔書湘門第食午飯，佢地午市套餐，以前嚟過幾次，佢哋個鴛鴦魚頭，酸菜魚好好食😋，今次再來試試佢哋新推出嘅午市米線，服務員推介我哋食酸菜魚米線，水煮牛肉米線，酸菜魚米線魚片好滑，最驚喜嘅米線好滑，湯底好濃郁，正！水煮牛肉米線都好食，但比較辣，麻辣味較少，可能係湘菜館和川菜不同之處，總體嚟講……………..比譚仔好食好多！值得推介，温馨提示吓：出示理大學生証職員証有9折優惠，晚市仲有半價菜式！下次再來😊

紅糖糍粑 $68 (8/10)外面脆脆哋, 裏面軟糯米😍煙煙韌韌,有咬口😋配搭紅糖醬一齊食, 甜度剛剛好.酸菜魚米線🐟🍜 $68 (5.5/10)今次叫咗小辣,個湯底唔係好夠味, 似清湯加入啲鹽同少少辣椒乾😂魚塊口感正常但同樣唔夠味, 可以落多啲酸菜應該會多返啲味道🫢外婆菜肉碎四季豆, 孜然牛肉+飯🍚 $68/each (6/10)兩款食入口都好香口, 有少少辣椒香🌶️送飯一流~失分在於無乜特別, 普通碟頭飯咁😬兩款嘅味道相似,除咗一個係豬一個係牛之外,差別唔大.酸辣土豆絲🥔 $72 (9/10)Highly appreciate 依道菜🥹好開胃, 啲薯仔好爽口～唔會太辣,酸嘅味道似譚仔嘅酸辣湯,同埋佢涼涼哋🤣更加食上癮,朋友話可以自己食晒一碟🤣鐵板水晶粉$82 (6.5/10)周邊有雞蛋圍住水晶粉🥚配搭一齊食好飽肚🤣可以幾個人share. 水晶粉口感彈牙~但我覺得有少少油,可能鐵板煮嘅關係😬前菜方面, 每人一碗雞湯🍲(最尾pic)同埋有茶水供應🫖Ps餐廳keep住播90年代廣東+國語歌🤣唔知點解有啲似返咗大陸餐廳嘅feel🤣

今天是本星期第二次幫襯這家店, 朋友住附近味道也不差, 所以今天又來吃, 本來開開心心的吃, 最后上的酸菜魚一吃味道淡如水, 酸菜和湯一點味道都沒有, 和服務員提出幫我們重從新加工一下, 20 分鐘后貌似經理的物体把剛才收回去的酸菜魚拿回來告知我們廚師試過味道並沒有問題, 但我們說是整個酸菜魚一點味道都沒有, 想請經理幫我們試一下, 有問題便去加工下就行啦, 他說廚師說沒問題, 自己也沒有試, 然后反問我們 " 你們想點 " 一個酸菜魚賣 300 多塊換來一句你們想點, 我們以為這是這家店的特色, 也就算了, 后加了幾瓶飲料等了十多分鐘也沒上, 這服務真到位。

lunch time和同事一齊黎， 12:15落座，12:20落單，12:50等極都唔見有野黎，終於忍唔住追order，隔幾分鐘staff先通知一開始落單嘅飯冇晒，需要轉其他野。 非常失望，唔會再黎，完全冇估到要咁耐先有野食。 落單個時staff又唔出聲，需要加強溝通及訓練

呢間米之蓮餐廳開左有一段時間,一直好想去試下。食完之後大開眼戒，今次人少少叫咗麻辣羊架同招牌駌鴦魚頭。羊架食落嫩滑，魚頭大個入味。食完呢餐飯, 真係要對川菜改觀，餸菜唔止麻，而且很有香味。

今個下晝嚟咗食川菜 見到lunch set menu上面大部分嘅食物都係辣嘅 咁所以辣野都係呢間餐廳嘅主打😆餐廳環境都幾令人舒服 餐廳有不斷播廣東歌 也譚詠麟到姜濤都有播 真係啱晒各個年齡層 有時啲店員都忍唔住唱返兩句㗎🤣🤣農家小炒肉估唔到呢碟都幾大份量 就咁食肉片就唔覺得太過辣 肉片係肥瘦適中嘅五花肉🐷 配飯食就啱啱好 不過唔食啲辣椒粒又好似有啲浪費 不過就真係幾辣啦🌶 不過我好鍾意食辣嘢所以都覺得辣得好刺激🫢宮保雞丁由於驚啲餸太辣食唔到 所以都有叫碟唔辣嘅宮保雞丁 雖然整體味道偏甜 但係都係有辣椒嘅 雞丁就比較冇口感 係一啲比較普通嘅雞柳😮 反而側邊嘅果仁同京蔥段仲好食😂 如果真係太辣食唔到 飲啖免費提供嘅菊花茶 解吓辣都唔錯㗎😬 不過人哋主要食川菜 當然係食辣嘢會比較出色啦 所以我都覺得比較適合我😌

本人於11月5日下午一時，到餐廳用餐，水煮牛肉，雙椒蒸魚頭等菜式。菜式除了魚有腥味及五夠熱以外，其他都夠鑊氣。餐廳環境一般，有啲地滑，印象中成餐飯有個男經理口罩從來都冇戴到鼻以上位置，二餐廳服務員只有兩名。埋完單想去收銀位拎返張單嚟睇吓，點知個男經理仲要一手掉張單俾我，然後我行埋返張枱，佢仲要跟埋我再望實我問我想點！我叫佢戴反好個口罩，佢話戴好左啦！甘樣得未！話曬全港有6間餐廳啊，都叫係連鎖店啊，啲食物又有問題連舖頭入邊最大嘅經理都有問題，只能講對比起其他同菜式嘅餐廳，呢間餐廳是相當既差！

第一次試，大失所望，魚頭肉大部分紅色，問左員工話系正常，話乜個魚品種就係咁樣，魚皮下面有層肉系紅色，一睇就知道未熟啦，仲好意思話乜招牌菜，員工態度差到死，趕住收工，一上完菜就叫買單，個魚頭越食越腥，食兩啖都系選擇放棄，命仔緊要，個養身燉湯一般般，性價比低，個飯，飯硬，上黎已經系又硬又凍，成個魚頭大部分魚肉食落去都系腥既，未熟，食完翻去又屙又嘔🤮，絕不推薦，小心中伏，米芝蓮？蔥油餅好食，叫個夥計寫野，寫7樣漏2樣，7樣野要分三次落