Video
Read full review
2023-07-02
208 views
🏮辛嘗試 - 書湘門第🏮〰️〰️📆 探店行動：18/5/2023 | 星期二 | 1230 🕧 | 人數 2️⃣〰️〰️喺何文田返工嘅我，午飯時間偶爾會搭小巴落紅磡黃埔覓食。今日契媽話帶我試辛野，一間叫"書湘門第"嘅湘菜館。"書"我並不陌生，多年前已經喺一位港大朋友口中聽過，喺化學系一個教授開嘅。唯獨咁多年都未試過，今日緣到就試一試教授嘅湘技。2️⃣個人嗌左3️⃣樣野：〰️〰️🏮酸菜魚米線 午市套餐 $78🍽 魚片算鮮甜，喺份量有點少同肉質較碎散。🍽 米線比一般嘅幼身，質地滑口，個人嚟講口感少少偏軟。🍽 湯頭嘅鹹酸度到位，但辣度偏弱，講唔上惹味，普普通通。▫️🏮左宗棠雞 單點 $132"擺盤滿分 味道負分! "😡🍽 主角炸雞硬、韌同柴，喺咬到牙骹都甩嘅質地💀🍽 個醬喺純粹嘅酸甜汁，零辣度可言 ❌️裡裡外外就喺粤式嘅咕嚕雞塊，出品茶記都不如，一向唔浪費食物嘅我地食咗幾舊都果斷棄雞投降 💬▫️🏮孜然牛肉 午市套餐 $75🍽 牛肉入口嫩滑，似喺新鮮滑牛。味道上有返啲"湘"感，有辣勁，可惜調味過重，孜然味完全蓋過牛肉本身嘅味道 😮💨〰️〰️🧱 店舖都大，卡位寬敞舒服，環境OK。💸 連服務費埋單$314 (人均$157)。📑
〰️〰️
📆 探店行動：18/5/2023 | 星期二 | 1230 🕧 | 人數 2️⃣
〰️〰️
喺何文田返工嘅我，午飯時間偶爾會搭小巴落紅磡黃埔覓食。今日契媽話帶我試辛野，一間叫"書湘門第"嘅湘菜館。"書"我並不陌生，多年前已經喺一位港大朋友口中聽過，喺化學系一個教授開嘅。唯獨咁多年都未試過，今日緣到就試一試教授嘅湘技。2️⃣個人嗌左3️⃣樣野：
〰️〰️
🏮酸菜魚米線 午市套餐 $78
🍽 魚片算鮮甜，喺份量有點少同肉質較碎散。🍽 米線比一般嘅幼身，質地滑口，個人嚟講口感少少偏軟。
🍽 湯頭嘅鹹酸度到位，但辣度偏弱，講唔上惹味，普普通通。
▫️
🏮左宗棠雞 單點 $132
"擺盤滿分 味道負分! "😡🍽 主角炸雞硬、韌同柴，喺咬到牙骹都甩嘅質地💀
🍽 個醬喺純粹嘅酸甜汁，零辣度可言 ❌️
裡裡外外就喺粤式嘅咕嚕雞塊，出品茶記都不如，一向唔浪費食物嘅我地食咗幾舊都果斷棄雞投降 💬
▫️
🏮孜然牛肉 午市套餐 $75
🍽 牛肉入口嫩滑，似喺新鮮滑牛。味道上有返啲"湘"感，有辣勁，可惜調味過重，孜然味完全蓋過牛肉本身嘅味道 😮💨〰️〰️
🧱 店舖都大，卡位寬敞舒服，環境OK。
💸 連服務費埋單$314 (人均$157)。
📑 總結 "我伏了🥲"
〰️〰️
🪖戴返頭盔先！味道會隨住廚師嘅心情同食材嘅質素可升可跌☻️以上嘅食評只代表我今次喺紅磡店嘅體驗，唔排除你會有一個不一樣嘅感受👋🏻
Post
