點子冰室

Open Now

Now Closed

去旺角做野之前同男朋友系附近搵間茶餐廳食個早餐醫左肚先星期六朝早都幾旺場，等左十分鐘左右先入座羅宋茄粒叉燒意粉配炒蛋$42男朋友叫左個羅宋茄粒湯底的叉燒意粉，賣相ummm有點求其至於味道，就系罐頭羅宋湯的味道，粉有點硬炒蛋幾深色，蛋味都濃烈，但炒得有點老跟餐的凍奶茶好重奶精味，麻麻地奶油多餐$28因為唔系好肚餓，所以叫左個奶油多餐奶油多煉奶少得可憐得中間有，牛油只搽得一半咁跟餐的熱朱古力好淡口無咩味

在寫食評前見到唔係好多評語喎，亦都好壞參半，我果區返工，有時趕住食完就返公司，所以都幫襯下，係一般至麻麻地架啦⋯⋯,但起碼快，多choice , 只可以話係學生和工人飯堂，唔係為佢地平返呀⋯⋯但幾廿蚊想點🤣，起碼我食過六七都冇肚痛😂😂，地方比較細，busy 時要搭檯，勝利道d 鋪位太細冇辦法…佢哋都係做個下午市。Lunch 都多選擇，有set lunch , 點子午餐，常餐散叫等等，今日叫咗個雞球飯，有湯有飲品，ok la ……. $60 蚊搞掂⋯⋯

下午茶時間4點去，餐廳半滿，但已經好嘈，可能因為樓底低。點左個$38的芝士火腿丹麥多士三文治餐，黎到真係得兩塊丹麥包夾塊火腿 & 得塊包一半大的芝士，以價錢黎講絕對唔合格。餐具自助，攞左兩隻叉都唔乾淨。所以如title：唔會再黎

食物非常一般，態度極差。3個人去食過快飯（晚餐），餐廳已經好靜，得一兩張枱，三個職員，兩男一女同埋個廚房，喺度又玩又嘈，又粗口爛舌，嘈喧巴閉，完全冇理有食客喺度，真係吾知喺間係咩餐廳？ 啲嘢已經吾係好食，我叫左個蔥油雞扒撈丁，啲丁硬硬地，啲碗碟筷子又好似吾多乾淨，有點油淋淋咁。啲位又吾好坐，好迫，枱底又係連埋櫃桶，完美頂住對腳，令人吾陏得個種。仲要成間餐廳咁嘅氣氛，真係吾知想點，吾明點解仲未執笠😵‍💫

今朝第一次去幫襯食早餐， 首先入到去見到個四眼員工， 問我幾多位， 但態度十分惡劣， 點了餐後， 兩杯凍飲發覺冇飲管， 於是問其中一位女員工 ，我問可唔可以畀飲管我， 佢話飲管喺櫃桶， 跟住佢就講你第一次嚟㗎， 我覺得好有問題， 唔清楚就要問有乜嘢問題，都唔係咁樣態度㗎， 食物質素已經普通， 加上員工咁嘅服務態度， 永遠唔會再幫襯， 作為一間冰室，食物質素固之嚴重要 ，但係員工態度咁樣，相信冇人再會返轉頭再幫襯， 之前見openrice嘅評語都係話員工態度差原來真嘅， 一定冇下次。

今日難得放假去食過早餐先, 平時出去食鮑魚火腿通粉多, 今日想食d酸酸地, 轉下口味, 叫左羅宋湯餐肉通粉, 丹麥多士, 牛乳炒蛋轉煎反蛋, 多士同蛋先來, 之後來通粉, 多士同蛋正常味道😚, 羅宋湯有d不同蔬菜, 啖湯酸酸地幾開胃, 少少餐肉, 通粉浸左d湯亦幾好味, 熱奶茶正常味道, 不是特別出眾😅但附近早餐佢算比其他好😋

點子冰室又係經常光顧員工飯堂😂呢度中午或者下午茶都幾正，Menu都好多選擇價錢都適中，下午茶時間冇乜人入去就有位坐，點咗個西多士食，賣相精緻，分量同其他茶餐廳差唔多，西多都係我最愛😂

下午茶個沙律酸酸臭臭，食第一啖以為係自己錯覺，叫埋屋企人試，大家lur都lur唔切！勁似冇洗電飯煲幾日焗住啲酸臭味。臭到呢個程度，加上沙律仲要係暖暖地，冇任何雪過嘅痕跡，好肯定冇長期雪住。呢啲容易變壞嘅食物，成間餐廳都冇意識去妥善處理？出餐5分鐘內已經番到屋企開餐，好肯定唔係因為擺太耐變壞，而係餐廳盤沙律本身就已經係壞咗做餐廳，食物質素一定係行第一。臭到呢個程度都可以發現唔到，實在係十分之離譜。咁都控制唔到？點做生意？

1-2年前食過一次，難食到飛起。見佢咁耐都仲係到，今日又諗唔到食乜又唔想行遠就入左去。食左一啖第一個諗法就係topic，點解可以仲未執。個麵好乾，個瑞士汁完全冇味，個西多浸臭油味完全搞唔掂。隻雞比同雞排又乾又咸，癲到。成個餐得一杯凍檸茶係正正常常。仲有個薯條都係乾到柴咁。環境就正常茶餐廳，但好笑既係在場3個樓面各有各發夢，有人叫左幾次想落單都冇理到，但明明幾個人都冇嘢做緊冇傾計冇玩電話所係做人真係唔可以懶，以後會行多幾步，唔會貪方便，真係唔可以再黎

快餐店 唔會要求好多 快好緊要試過幾次 食早餐都選擇呢間服務員態度愈來愈差 明明自己聽錯 就大聲話個客錢就照收，好似唔憂做咁，見你黎個次就愈來愈hea ,又試過上留杯野飲添，又試過嗌餐幾個字都唔上，隔離明明遲入果我個枱 一定比我更早上餐，咩玩法😅 ！ 吹佢 又話未上比你咩？好多單 做唔切呀！咁唔關我事呀😅係你地啲同事係咁放人入餐廳姐，又要攞個客發脾氣

其實之前都食過一次，食物一般，服務比較差，環境又比較狹窄，坐得唔舒服。無奈今日遲咗出門口，諗住試多一次，睇吓佢有冇改進，最終確定唔會再幫襯。同上次一樣，冇服務可言，啲員工淨係掛住傾偈。除咗服務冇改進外，食物都麻麻。個蕃茄通粉好一般，比上次細咗好多，奶茶都麻麻，冇乜茶味，唔夠滑。而最得人驚係佢個炒蛋！油淋淋，個碟起碼有成湯羹油，見到都唔敢食，驚食多會爆血管！雖然附近選擇不多，但為健康着想，都係不幫襯為妙。

焗蒜茸牛柳粒飯 睇到個牛柳粒色水，未食就知道中伏，咩味都無。似係白烚左牛柳粒，加啲汁加啲芝士拎去焗，相反蒜茸汁鹹到死蔥油雞脾紅腸飯多蔥油但豉油唔係好得，雞脾又係白烚咁，無味。Lunch 價位係$50-80左右，包餐飲餐湯，忌廉湯好似飲緊好肥嘅麵糊哂quota!除左啲嘢係大份，茶記有啲裝修，唔洗等位，得呢啲位先有得讚下。總言之，食物無廚藝可言，樣樣野都似白烚，大伏，頹飯！M記好食好多，起碼都有最低保證！

呢日經過勝利道搵餐廳食lunch，見到呢間門面幾光猛，價錢又唔貴，所以入去試下.我同老公分別叫咗餐牌入面的午餐，但3個侍應一個又話A餐賣哂，另外兩個又話有，講講下發現原來牆上面手寫字嘅ABCDE午餐同餐牌上面的午餐唔同。總之你一句佢一句咁，一個話有一個話冇超混亂。我哋於是話不如你地搞清楚究竟咩嘢有咩嘢冇先啦，但講講下佢哋又行開咗。.到佢哋搞清楚，我哋叫返佢哋是但一個嚟落單都叫咗兩次，其中一個阿姐過嚟時我再問清楚你哋ready未我可以落單未，個阿姐即刻有啲晦氣同面口唔好咁話「落得」，哇仲好似係我哋唔啱咁😒.我叫咗個牛扒蛋飯。牛扒有啲筋又有啲靭，蛋亦好細隻下，味道一般，普通茶記質素.另外只係大約下午2點時間，已經冇通粉又冇雞髀，實在好難理解lunch hour已經呢樣賣哂嗰樣賣哂，連通粉呢類恆常食物都咁早就冇，似乎好難講得通。.Anyway，唔會再有下次了！

有一排無食啦，今日試下有無退步，咁岩午餐係蔥油豬，老實講，忍唔住咬左淡先記得影相，件厚切豬排2/3個碟咁大，過份…一口咬落去，無雪味，煎得香香，無乜退步咁喎，合格，下次再試其他先得

《點只冰室》外貌光猛企理，白色藍色作為茶記冰室佈置主調其實幾易污糟；不過，冰室企理，整潔度十分ok 既。我平時主要去《點只》幫襯個靚早餐，今日大約中午先路過，平時晚市鐵板牛扒閒閒哋過百，今日午市做八十仲有湯和飲品，梗係試吓佢喇！等左十分鐘，主菜 / 蒜汁分開上，侍應哥哥亦有叮囑鐵板熱度；蒜汁一倒落去，成個鐵板「咋」一聲冒白煙，我就好似細路仔咁揸住張 tissue , 心裏開心胃口大增！尤其是鐵板上既薯條，燶燶哋又超脆，點埋仍在噼嚦啪達既蒜汁入口，真係個冇得彈！牛扒方面， 約 3cm 厚度，上下有兩塊！！配微炸過既蒜片。脆皮司華力腸則成條上，細路至愛！因為塊鐵板真係熱既，兩塊牛扒其實上枱已是 well done . 呢點可以再改善吓既。不過，午市呢個份量呢個價位呢個地區，其實已經抵到開巷！侍應快手快腳親切話題多，靚靚老闆娘亦落手落腳；應該開業超過一年了，能夠在勝利道企穩陣腳，一定有佢過人嘅原因；反應快，有好伙坐陣會係常滿既原因之一吧。總結： 八十蚊鐵板牛扒餐，質量可以，份量贏曬！