Cafe Idea (Closed)

這天朋友生日 在這裡辦生日會 我們兩行十三人 獲安排了一間獨立大房 這家店面績挺大的 而且有很多貓 全部不怕人 雖不熱情主動 但亦不傲嬌 主動摸它們也沒問題我們點了十六人套餐 非常豐富 有兩款意大利飯 兩款意粉 豬脾 腸仔拼盤 芥末薯條 沙律 蜜糖雞翼 煙肉芝士年糕 份量十足 大家都吃飽飽 對於樓上cafe的食物 一般都沒什麼期望 但這家的食物真心做得不錯 飲品方面也有很多特色飲品 都是以貓命名 不過味道就因人而異 有人說好喝 有人說難喝 不過整體來說就一般吧 飲品不用抱太大期望 最後樓上cafe當然少不了board game 吃飽後大家就玩層層疊 過了一個歡樂的晚上

第一次黎呢間貓貓Cafe Idea平日中午黎唔多人 任我揀位置坐餐廳幾大 座位闊落舒適 唔會有種壓迫感由於中午少人都比較安靜 無人同貓貓玩 貓貓們都在訓晏教有幾隻就好精靈咁招呼我地客人😁點左個拿破崙蒜香腸意大利燴飯味道好香 係個汁既香料調配得幾好 非常美味 推介！粉份量岩岩好 食完會回味 下次黎都會再點呢個餐芝士煙三文魚燴牛肝菌意粉相比之下 無意大利燴飯咁好食，可能意粉個質素問題 有點粉和厚小食拼盤有薯條 雞翼 台灣蒜香腸 莎樂美腸和庶蝦薯條個蜜糖芥末汁麻麻地 可能食慣薯條點芝士汁香濃好味d其他小食都ok 不過價錢都唔平點左杯熱飲洛神花 好香仲有凍咸檸7 幾特別邊食邊同捲耳黃貓玩 掟波波睇佢表演追住黎玩 好精靈活潑可愛😍餐廳電視有影片不停播住店內貓貓既日常生活例如玩 貓貓之間假打架 都好有趣可愛 也見到員工愛錫貓貓整體來說 貓貓cafe既食物質素都算不錯 環境也幾好

旺角實在太多貓cafe，呢間係其中一間既貓Cafe，難得貓cafe無乜人，坐得好舒服又唔嘈，食物質素又不錯。店入面的貓貓原來年紀都好大，貓店長都成10歲，佢地好多都唔中意玩，靜靜地，有隻年幼少少既就中意玩波😂好可愛好怨念既眼神！行下坐下，得閒會行黎望下你，但一伸手去摸佢就會即刻走人～高傲愛訓覺既貓店長～餐牌上都有貓貓既介紹，仲有注意事項⚠️記得睇一睇啦～講咁耐貓終於講野食下午茶都好抵食煙三文魚碎雞湯意大利燴飯 $60黑松露帶子意大利燴飯$65兩個燴飯嘅賣相都好相似，望落普普通通，食落又幾好味💯煙三文魚個燴飯有芝士味同埋忌廉味，黑松露燴飯既黑松露味幾香，雖然唔係原隻新鮮帶子而係帶子乾，依然唔影響好味道芝士肉醬燴意粉$50賣相好吸引，勁多芝士鋪面🥰蒜香腸配蜜糖芥茉炸薯條$60蒜香腸好好味，反而個蜜糖芥茉醬唔夠味，要加茄汁樓上Cafe黎講食物質素既水平算中上，有得玩貓又有得食好野，只係貓貓都比較老，無咁痴人，比較懶，唔好期待太高。

同一位生日嘅朋友去食呢間Cafe idea, 係旺角樓上鋪，離地鐵站唔係好遠，可以預先預約，同店員講定有朋友生日，要求上甜品要寫Happy Birthday，冇額外收費。Cafe 入面有好多貓貓係度瞓教，最入有一間貓咪房，等野食個時可以入去同貓貓影相。我地叫左一個三文魚飯、小食拼盤、同一個甜品share食，野分量相對地比較多，而且好好味。甜品叫咗一個搽茶雪糕，店員好醒目地將我嘅要求寫咗落去，俾咗我朋友一個生日驚喜。

所有貓奴無不為貓貓神暈癲倒，今次去咗呢間貓cafe玩貓。叫咗碟芝士通心粉，芝士拉絲不斷，食物即叫即整，以樓上cafe黎講，食物質素算唔錯。但今次主打唔係食物，而係玩貓，可惜佢地好似唔太鐘意我，個表情超怨念，幾經多番努力先影倒幾張貓近照😂

朋友知我鍾意貓，介紹我黎旺角呢間貓cafe。黎到見到6-7位貓店長都很靚，證明店主好有愛心。講返食物，由於朋友極力推介豬手，我都唔會再考慮第二款。豬手炸完再焗，皮很香脆之餘，豬手肉仍能保持彈性，唔會乾。試後果然明白朋友的極力推介，好滿足

想像: 貓貓會好好玩 食物一般般現實: 食物好好食 貓貓一般般一心歡喜見到呢間cafe有貓貓 好想黎玩貓貓 講真對食物並冇太大期望 結果出乎意料物物味道及賣相都相當吸引沙律好味 海鮮卡邦尼非常足類及好味 豬手分量好大同時一樣好夠味 兩個女仔(唔係細食家 哈哈哈~)都覺得食物分量好多 各樣都好好味  重要一大讚係店員服務態度好好 花茶未飲哂 兩次都好主動添熱水 非常欣勤至於貓貓呢... 哈哈哈 d貓貓好cool呀 都係自己行行玩玩 唔太so客人 當然亦無打擾客人 不過貓貓性格係cool cool 係我諗多左 哈哈哈 店內環境好乾淨 唔會因為有幾隻貓貓出現問題 因為食物好OK  坐得又舒服 有機會會再黎

Happy Friday為左又有得食, 又有得玩貓貓輕鬆一下, 所以Book了這間Cafe Idea~在旺角鬧市中的5樓, 星期五上來都不算多人, 環境坐得也算不錯, 不太嘈。不是太大, 但都坐得舒服。雖然見到好多貓貓擺設, 但整晚都不見有貓貓的身影, 有點失望。><咁唯有好好享受晚餐啦！前菜　韓式涼伴野菌愛吃野菌。野菌是爽口的，但太油了，而且是麻油，加少許酸。配合有點怪，個人不懂欣賞。前菜　羅宋湯太結，不是正宗羅宋湯，感覺蕃茄醬有點多。黑松露忌廉珍珠帶子意粉　＄１１８有黑松露的忌廉意粉，其實都冇得輸，除非有哪個味道出了大問題。不過這個意粉略為太濕，不够乾身。珍珠帶子，加少少菇，其實已經很够料。不錯。奧地利烤雞扒拼燒肉腸飯　＄１０８咁大條辣肉珍寶腸，味道幾不錯，因為辣，比較特別，而且開胃。雞扒就是高水準，是嫩滑多汁的，加上香草，味道配合得不錯！但個汁就酸酸地，怪怪地。超大一個飯！下次來，兩個人應該點一個主菜加一個甜品，否則真的太飽！佢有個甜品是超大個多士加蛋糕，好想食～蜂蜜蘆薈茶中伏，不要點！得個甜字，冇半粒蘆薈，也幾乎沒有蜂蜜味。。。巨峰提子綠茶都有點少伏，綠茶味搭救

去過好幾次百寶利商業大廈大多數也是去玩BOARD GAMES. 因這座大廈有很多BOARD GAMES的聚腳店. 而每次部LIFT 也會停經這個樓層, 一開門便會看見這間貓貓CAFE , 今次終於入了去食. 可能當天比較多人客, 所以很多貓貓也哩埋了. 唯獨一隻貓貓間中也會走來走去. 不怕人的貓貓, 好可愛. 亦可以隨意模他. 貓貓的房間芝士焗肉醬燴意粉,  很好吃, 芝士和肉醬也適中, 份量亦很多, 好吃. 連同賣相焗碗很像十幾年前的大家樂的焗肉醬意粉千島汁焗蟹棒蜆肉意粉, 千島醬很濃, 肉亦很多, 很飽肚, 好吃. 貓貓牆

第一次光顧喵喵餐廳，多年來因自己鼻敏感所以甚少接觸喵喵，直至近來情況有所好轉，加上和自喜愛的朋友吃飯也是一種享受，和朋友相約在旺角，我倆打開openrice ,找了一段時間這間餐廳出現在我們眼前。門口的設計像日本居酒屋，溫馨的感覺似回到家一樣豆豆媽媽在我身後舔舔中餐牌有不同的貓貓Q版貼紙＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝食物方面：（因我的朋友太「可愛」，所以沒有拍照）今次我選了芝士拿破崙煙肉汁蒜香腸繪蝴蝶粉 配檸檬梳打、雜菜湯。芝士拿破崙煙肉汁蒜香場繪蝴蝶粉 上面有一層薄薄的芝士配上醬汁濃郁的蝴蝶粉，加上蒜香腸。讓人一試難忘，不過由於兩樣濃郁的東西混合起來會比較膩。雜菜湯不會太稀薄。檸檬梳打也比較清涼。＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝總括而言：如果你喜歡貓和喜歡兩個人一起渡過快樂時光的，這間Cafe也是不錯的選擇。

我第6次幫襯呢間cafe啦😆我中意佢環境夠舒服最緊要係我覺得咁耐以黎，得呢間cafe既性價比係令我滿意！野食每次既水準都一致 最中意佢所有黑松露既菜式，好好食，味道濃郁最近新嘗試左千島醬既菜式，同樣唔錯，酸酸地幾開胃份量黎講呢間真係超多 有好幾個朋友成日食唔曬😂連男仔都夠飽呀！特別要推薦大家食千島醬薯條$48大大碟呀！仲超大方 比左好多千島醬！Board game 種類都好齊全 可以話係想玩咩都有中意貓貓既朋友就一定要去啦！店主養左好幾隻貓貓 隻隻都好靚好得意😍

叫左個4人set, 再加個大ge小食拚盤。芝士肉醬薯茸: 好heavy的食物,但熱辣辣幾吸引, 大大碟, 唔太咸, 唔算太漏。parma ham salad: parma ham 都有幾塊, 唔會太咸, 唔會太肥, 其他是普通veg salad 無咩特別蟹柙白汁烏冬: 呢個好普通, 只是將蟹柳同鳥冬求其煮埋一碟,海鮮意粉: 呢個幾好, 有蝦, 有青口, 有蜆, 用千島醬汁煮甜甜地都幾好食帶子意大利飯: 呢個最好食! 帶子有4大粒, 唔會煎得太熟, 個意大利飯AL DENTE, 夠哂熱, 黑松露醬夠香, 又唔會太漏。YUM YUM!小食拼盤: 好多野食, 有炸蝦, 有台灣腸, 有芝士腸, 有粗薯角, 雞翼, CURRY 角, 雖然全部都炸野, 但都唔會太油太漏, 夠哂豐富。我地叫左幾杯特飲, 有D是以貓名命名, 顏色靚又好飲, 唔錯。呢度有6隻貓貓, 全部都好乖任摸, 唔怕人, 不過佢地成日會停留在自己慣左果個位, 唔係坐果邊好難有得同佢地玩, 好彩果晚我地就是坐正佢地個地盤, HAHA。BTW, 果晚等左成個鐘先有野飲同食物, 人手唔夠, 太慢了, 不過D STAFF都好NICE。

與友人到Cafe Idea，享用下茶，感覺非常良好，心情非常放鬆，有治癒心靈嘅作用，猫猫讓人心靈放鬆。加上可口美味嘅食物，讓人心靈有一種滿足嘅感覺。非常值得一試，與好友共渡美好時光嘅地方。黑松露pizza，配上美味火腿，口感一流，用料新鮮，餅底香脆可口。可愛嘅猫猫，躲在一角，樣子可愛。有時，它們會在店走來走去，與客人互動，帶給客人無限歡樂。讓人心情放鬆。一杯萌萌猫士多啤梨白朱古力奶，樣子可愛，加上一盤炸雞翼、腸仔等小食，讓我過了非常放鬆的一天。

今天，我同我friend上咗去，一推門，環境幾好，10分寧靜。而且，食品價錢也很合理。可惜，當食物和飲品逐漸逐漸地被放到桌子上，我的心情越來越沉重。因為，我竟發現這跟我在網上看到的有些不同。我點了黑松露帶子意大利燴飯，可是我一口一口地吃的時候，我的心一步一步的下沉。因為我竟發現，我碗中的食物超出我想像。我吃完一口後，這燴飯並沒有給我吃下去的食慾。它淡而無味，賣相不好。再加上環境實在太暗，令我昏昏入睡，我吃了幾口後，竟感到。至於貓的方面，這cafe只有五隻貓。貓咪10分可愛。當我按耐不住我擁抱牠們的慾望時，我抱起了牠。可是，店員卻說：「佢哋唔鍾意俾人抱㗎唔好意思！」可是餐牌只是告訴我，不要強迫抱貓。於是我只好灰溜溜地走回自己的座位。 在我離開餐廳的1小時後，我肚子突然10分痛。我個friend也10分痛。我們的結論是。。。。。。 總括而言，我認為網上的資料並不是10分可信。各位女士男士們，請不要盡信網上說的評論。今次的評論到此，謝謝各位！

之前網上見到呢間cafe同啲fd都超期待，去到環境都叫做唔錯，但對我黎講燈光實在太暗之後叫野食，見到餐牌啲嘢食好似好靚好好味咁但黎到啲野食完全兩個樣，但我都明白好多餐廳嘅餐牌都只供參考，之後食左一啖食物，好難食！食完去挽同啲fd肚痛肚柯，店員態度又差，問佢摸唔摸得？回應系*摸囉！*之後見貓貓摸到伏低左，所以想抱起抱起左，貓貓都冇咩反應，但店員立即講*喂！佢哋唔鍾意抱，唔抱得！*其實唔抱得都ok，但啲態度勁差！以後唔會再去呢間野，未去過啲咁差嘅動物cafe。