帝景軒 (Closed)

係酒店住左兩日1夜，食完早餐就番房繼續玩，夠鐘check out後我哋再到帝景軒食lunch，我地兩大一小點了一份set lunch，另點了一份主菜。主菜特級安格斯牛肉漢堡真係好好味，安格斯牛肉好juicy，好多汁，配菜的薯條都唔錯，小朋友最愛。set lunch野菌黑松露忌廉扁意粉，份量偏小，但味道幾好，黑松露味好香。跟餐仲有牛油餐包和餐湯，這天的餐湯是忌廉湯。整體上兩份都非常好味！係帝景軒食足幾餐，這一餐最滿意。由於疫情關係，兒童遊戲室暫停開放，期待下次再黎時可以玩下酒店的遊戲室啦！

前排一家人去左帝景酒店兩日一夜，酒店套餐包埋第一日的下午茶，我同老公3點15分就落去食，用餐地點係旗下餐廳帝景軒，享用下午茶仲可以免費獲贈CLIO禮品。好耐無試過慢慢享受一個Afternoon tea了，放鬆的心情真係食咩都覺得好味。「迷人炫彩下午茶」甜點和鹹點整得又靚又好味，當中最令人驚喜的係韓國草莓龍蝦慕絲酥，香煎鵝肝意式香草包和煙三文魚酸忌廉牛角包，再加上杯荔枝椰果特飲，令人回味無窮，食得好開心。

帝景酒店住宿套票包埋的早餐，因為疫情關係取消咗自助早餐，改成每人一份。我地第二朝一早就落去2樓食早餐，早餐有兩款選擇，每款都有配搭一碗水果。我哋每款叫左一份:小麥牛角酥好香脆芝士炒蛋意大利軟包，炒蛋勁滑，配埋塊包食好夾。炸薯餅和雞肉腸都推介咖啡奶茶，果汁牛奶就係自助式。 我哋都覺得早餐份量好足夠，而且幾好味！ 早餐可以堂食，仲可以安排拎上房間享用，好貼心。聽餐廳員工講原來早餐有兩個餐牌，每次唔同。

不過不失的海鮮自助晚餐較早前去左食帝景軒自助晚餐，主題係東南亞龍蝦鮑魚海鮮自助晚餐，款式唔多，但每樣食少少都可以好飽肚！當晚每人額外可以獲贈*泰汁凍鮑魚配香脆米通*，我覺得一般，米通有d硬。當中熱食款式我覺得泰式辣椒炒青口和冬蔭功海鮮湯幾惹味，食完好開胃。肉骨茶豬排骨幾特別，我仲飲左小小肉骨茶。另外都推介炭燒蒜蓉生蠔、大蝦菠蘿紅咖哩。甜品我無食好多，係食左幾杯haagen dazs雪糕，好正！佢哋有6種口味。我朋友就話甜品幾出色，我見佢對葡式燕窩蛋撻情有獨鍾，食咗好幾個。比較欣賞的係佢哋的罐裝飲品可以任飲，而且款式非常多！

同朋友去左帝景酒店入面的餐廳帝景軒食下午茶，3點去到唔多人，每張枱都有一定距離。今次食的 「迷人炫彩下午茶」，食完有一份CLIO禮品，果日得到一枝遮瑕筆，唔啱用俾左朋友。下午茶包括有韓國草莓龍蝦慕絲酥煙三文魚酸忌廉牛角包墨西哥香辣燒雞菠菜卷香煎鵝肝意式香草包日本白桃啫喱杯迷你脆皮香橙忌廉泡芙日式草莓芝士蛋糕薄荷芒果卷鏡面牛奶朱古力慕絲荔枝椰果特飲 或 巨峰椰果特飲印象最深刻係墨西哥香辣燒雞菠菜卷，香脆的菠菜餅皮捲著印度香辣燒雞絲及水牛芝士，再配上辣茄醬，令人胃口大開。草莓龍蝦慕絲酥入口酸甜帶微微辛辣，配搭極為新鮮，好好味！

Staycation入住帝景酒店。兩個人如果連早餐，房價大約加多一百蚊。因為酒店附近好 荒蕪冇咩餐廳，所以我哋就留返酒店享用早餐。呢到嘅早餐是美式早餐。現實同網站賣相好大出入。不過$50嘅價錢，本身期望都唔高，所以都冇失望。如果要同出面快餐比，呢個酒店早餐略勝一籌。雞扒冇雪藏味；薯餅微暖但外皮都夠脆，並非隔夜或翻炸薯餅；煎蛋蛋黃半生熟有流心效果；生果夠甜。英式鬆餅同通粉就非常普通，不值一提。飲品可以自由斟，基本牛奶、果汁、咖啡，茶都有。整體來說，價錢同品質成正比。住開呢間酒店又懶揾早餐， 不妨一試。

STAY酒店幾天😉，見房間櫃頭有張Menu，"加拿大龍蝦系列"，于是二話不是order Room service，點了"炭烤鮮龍蝦(半隻)及安格斯牛柳，配雜菜沙律及薯條、配啤酒🍺。問題出嚟🤬😠！！主打龍蝦🦞肉身瘦削，味道😠🤬食唔出(有點分離)😩點解以做主題！！要求<龍蝦鉗>給于我<大閘蟹較剪>！反而配角安格牛柳💯滿分，就算由2/F Cafe lido 運至19 /F ，經過一段時間🐂仍不失水準😋。🤔希望帝景軒"主廚"有所跟進

之前見到上網有推介$280 食個tea set 加完一除番開每人都係$150 好似好抵咁呀 一於嚟試試佢 望下menu有咩食先 先上特飲 士多啤梨梳打同桃梳打 桃好飲過士多啤梨好多 無咁假同埋無咁甜 3層架嚟啦 最頂甜點 中間咸 打完卡記得食熱野先呀 剛剛炸起嘅蝦仲係脆ga 呢個好食 其他甜點都正正常常啦都打大佬個scone啦 表面望落去已經好硬好乾 所以留到最後先食佢啦 用把刀切佢 連把刀都插唔到入去啊 硬到好似石頭咁 用嚟扔死人都得 點解會有啲咁難食嘅scone ga 到底係點做到㗎 唔該間酒店改善下佢嘅質素啦 一件甜品就搞到成個觀感差晒 明明其他都幾好食嘅 呢舊scone我咬左一小啖就放棄左

其實我很喜歡品嚐英式下午茶，因為除了可以拍照「打卡」外，更可以和朋友一邊享受甜品，一邊慢慢聊天，可惜卻一直因價錢太昂貴而不了了之剛巧最近帝景酒店新推出了夏日悠悠下午茶，只需 $280便可以享用二人份量的英式下午茶，於是我立即二話不說帶朋友來嚐試一下了$280的雙人英式下午茶，大家便不要對它抱有太高的期望了，全部甜品/咸食的賣相都只是普普通通而已，並不算特別小巧精緻，精美絕倫，而且味道亦沒有太大的驚喜，但是整體味道都算中等至中上的水平，所以我覺得性價比相當之高，絕對對得住它的價錢！英式下午茶總共分為三層，最底層是英式鬆餅、青蘋果蟹肉撻以及蟹籽煙三文魚熱香餅，中層則是龍蝦沙律包和吉列炸蝦，最後的頂層便是一系列的甜品，其中包括柚子芝士蛋糕、抺茶紅豆慕絲蛋糕、木糠布甸以及意大利芝士餅No.1【英式鬆餅】我們按照傳統由英式下午茶的「靈魂」，即是最底層的鬆餅開始品嚐，可惜當我一刀切下去的時候，便知道已經「出事」了！因為鬆餅的質感非常結實和堅固，我需要用力一點才能切得開...可想而知，它的口感不單止十分乾巴巴和堅硬，更缺乏蛋香味，淡而無味的，需要依賴旁邊的香檸果醬來調味，整體的味道簡直比 KFC的鬆

幾日連假，又就到母親節，就同母親大人去帝景酒店2樓帝景軒食下午茶，這個set有共10款甜鹹點，個人認為最推薦既係芒果龍蝦撻同草莓牛柳粒！酒店服務人員親切，交通亦十分方便，下次會再來光顧！最高層甜點中間層鹹點最底層鹹點

因為家居裝修要住酒店數天，順便選了其中一晚點Room Service。點了中式的二人餐。有湯、飯、二餸。我們點了黃金骨和蝦醬通菜炒鮮魷。黃金骨細粒，不夠咸香，口感不佳。蝦醬通菜味道正常，但鮮魷只是很少，也不「鮮」。例湯嘛！「例水」般水。飯呢……OK啦……所以總括來說，這個價我可以賣其他飯菜回酒店吃還化算！不值，很不值！

剛剛碰上農曆新年， 餐廳佈置 充滿新年喜氣洋洋節日氣氛。價錢: $280兩人帝景軒與 Hershey's 聯乘合作，設計出創意和精緻甜點， 朱古力粉絲不可錯過！凡享用兩位下午茶， 更可獲贈Hershey's 獨家禮盒裝朱古力， 讓大家迎接一個甜蜜蜜的鼠🐭年!5款精選鹹點：▪草莓一口牛肉配草莓醬蓉▪芝士配Hershey's 朱古力醬▪蟹肉芒果撻撻配芒果芒果粒▪香辣水牛城雞翼▪鵝肝配茄子粒和脆茄子最喜歡草莓一口牛肉， 新鮮草莓與一口size牛肉串上， 牛肉肉嫩多汁， 與草莓一起吃， 鹹鹹甜甜感覺特別。 炸芝士， 咬開鬆脆的外層， 發現有拉絲和香濃的芝士， 配上Hershey's 朱古力醬， 錦上添花， 十分滋味。 蟹肉芒果撻 ， 撻皮外層好酥脆，中心填滿香甜的芒果粒， 加上蟹肉的鮮味， 配搭創意。 香辣水牛城雞翼， 雞翼外皮微辣， 內裏雞肉保持滑溜， 特別惹味。 鵝肝茄子蓉， 鵝肝入口即溶， 充滿油香， 配上茄子蓉， 味道融合，恰到好處。5款精選甜點：▪石榴籽乳酪配草莓醬▪荔枝慕士蛋糕 ▪朱古力brownie配杏仁粒▪黑松露朱古力▪apple crumble配蘋果粒和 吉士醬▪石

酒店12週年推廣優惠，二人同行，第一位正價，第二位可以12元享用，怎料中伏了酒店餐廳: 地方極細，應該只提供50位客人。男女洗手間竟然只有1格，幸好還算整潔。食物: 擺放食物位置東南西北，不夠集中。食物和飲品款式極少，而且質素普通，全部食物的器皿蓋子都打開了，食物不夠熱。長腳蟹沒有鮮味。贈送的黑松露芝士焗龍蝦也很難吃。唯一好處有haagen 雪糕，有多款口味。喇沙面味道不錯。平均每位$250，但都覺得不值得，一定不會再惠顧。

自助晚餐以名貴海鮮入饌，呈獻多款滋補窩心菜式，包括芙蓉燕窩扒野菌、花膠白菌煙肉長通粉、花膠黑木耳鮮雞煲、蟲草花豬展湯等，美味又暖胃。除此之外，每位客人更可額外獲贈「花膠扣原隻鮑魚」一客，令人食慾大開! 花膠扣原隻澳洲鮑魚，口感煙韌、滑溜，極為鮮味，滋味停不了。大廚更預先把花膠浸泡一至兩晚至腍身，然後加入高湯以慢火炆煮，炮製出黏糯、細滑花膠，每口如綿花般彈牙，滿滿的骨膠原，適合養顏愛美的女士。冰鎮海鮮選擇多：阿拉斯加鱈場蟹腳、圓滑爽口的智利青口、充滿嚼勁的加拿大翡翠螺及海蝦等，長蟹腳用較剪剪開，見到一絲絲蟹肉，肉質潔白，鮮甜細嫰，十分新鮮。除了冰鎮海鮮，海鮮熱葷同樣吸引，芝士波菜焗生蠔肉質柔滑，放上芝士及菠菜焗至微微焦香，令鮮味當中帶點惹味，教人一嘗再嘗。花膠白菌煙肉長通粉必然是我的最愛，充滿白汁菌香長通粉中，加入粒粒爽滑花膠，中西合璧，味道富層次感。還有薑蔥三文魚、椰汁紅咖喱青口、萵荀銀耳炒蝦仁等，炒蝦仁彈牙，配上爽翠的萵荀銀耳，配搭清新。蟲草花豬展湯十分䁔胃，火候充足，盡是蟲草花的甘甜，綿軟的豬展，吃完有暖笠笠的感覺。肉類有照燒豬柳、燒羊架等，平常不吃羊肉的我，覺得燒羊架很有水準，內

Häagen-Daz雪糕一向是我的摯愛，草莓味道不太甜，帶新鮮果肉，口感清新誘人。帝景軒與Häagen-Dazs聯乘合作，以全新雪糕杏仁脆筒系列為靈感，設計出多款精緻甜點，為味蕾帶來甜思思的感覺！凡享用兩位用下午茶，可獲贈Häagen-Dazs獨家雨傘及記事本，令人愛不釋手。五款精選鹹點：他他煙三文魚蛋白撻意式巴馬腿蜜瓜筒開心果仁香檸紅花炸意大利飯團辣肉醬牛油果筒北京烤鴨卷喜歡三文魚蛋白撻，鬆脆的撻皮，入口充滿牛油香，盛載著柔嫩的三文魚肉，拌合軟綿蛋白絲及蘿蔔絲，賣相精緻，口感豐沛。牛油果筒模仿為迷你甜筒，捲餅中填滿牛油果和辣肉醬，清新之餘又不失惹味，令人胃口大開。五款精選甜點：Häagen-Daz士多啤梨雪糕咖啡酒意大利芝士蛋糕比利時朱古力慕絲筒紅豆綠茶奶凍配柚子啫喱薄荷芒果瑞士卷吃過最迷人的草莓雪糕，便趕緊品嚐七彩繽紛的甜點。Tiramisu插上小試管，為蛋糕注入baileys甜酒，蛋糕軟綿，咖啡香中沁出酒香，十分吸引。芒果瑞士卷質感綿彈，包裹著芒果蓉及薄荷葉，蜜甜中啖啖清新，充滿驚喜。最喜歡紅豆綠茶奶凍，綠茶香濃郁，入口柔順香滑，配上綿密紅豆，口感香潤。下午茶跟配兩杯青檸薄荷梳打