紅蔥頭 (Closed)

食過好多次都仲會返下黎食既 紅蔥頭可惜價錢開始愈黎愈費，服務態度都愈黎愈差。以前系有人幫落單既，宜家轉左自己寫單，都無問題既，但就舉極手遞單，都好似睇你唔到咁。硬到爆既蒜容包牛扒如常的好，厚薄適中，易切，份量OK。芝士焗蜜桃雞腿，賣點系芝士勁足，成淡成淡咁上，蜜桃帶去甜味，更惹味醒神，無骨就最正。。算系抵食之算，但侍應態度只能有待改善，見到一個似生手兼職既年輕人，比熟手更有禮貌。食物無辜，食物合格。！

這樣的經濟，還有這的服務態度及差劣食物，没有下一次。在該商場睇完戲後，其實那裡有很多其他好食肆間，但只不想光顧要排隊的，唯有在商場傍的一間，諗住快食快走人，價錢還好，點知就中伏了，下次就算點抵食都不再光顧這一間。正直中午，入店時居然還有吉枱，正好可以快食快閃，點知食物未到，服務已差劣，點菜時服務員態度差又不耐煩，要我們自己寫點菜紙後交比佢，又話我們寫得不好，幫我們改点菜紙，給他們改過的点菜紙遞給另一服務員，又話我們寫得差，其實又係佢哋自己改的，又話我們寫亂晒。如果係咁就直接向服務員下單，為何又要顧客自己寫，真是無理而且費時失時。食物上枱時，全是凍的，而且過份咸。在進食途中，服務員在没有詢問的情況下收餐具及調味料，其實我和朋友都還未食完及用完，而且出面並沒有人等枱。真係就算點平都吾會再光顧

平民環境, 但高級餐廳收費牛肩扒一百二十八蚊 只有三條肉...貴過高級餐廳... 最大問題係服務質素進內前見到門口餐牌有八五折優惠,食完佢話節日冇折。 點餐後先放左"是日優惠取消"牌, 不滿安排, 向店員查詢,其態度差,完全不理會狀況...只給單收錢,完全冇處理事情

七十回萬聖節，跟女朋友慶祝。女朋友說想替我慳錢，於是就跟我去紅蔥頭吃晚飯。寶寶真好，知慳識儉。紅蔥頭主打平民百姓，位於荷里活商場後方，普通人不易找到。但只要你一穿過馬莎，就不難找到了。食物方面只要你一打開那個二人餐牌，就已經明白它有多便宜了。餐包、餐湯、前菜、主菜、甜品，飲品瓣瓣有。點了1）沙律；2）羅宋湯+忌廉湯；3）忌廉汁黑松露三文魚天使麵+露筍雜菌意大利飯；4）熱檸茶+熱好立克。性價比高，可以概括整餐飯的感覺。味道不是太濃烈，但味道尚可接受！不過今天的重點是搞了一個小驚喜給女朋友。萬聖節快樂，我baebae。

服務人員態度極差，清潔台面也不願意做，不會再去Bad attitude. Not willing to clean up the table. Ask customer to do by themselves.

難得放假，就自己來個一人午餐啦！一向都係紅蔥頭嘅忠實粉絲，今日當然都要來食啦！今日12點半來，又唔算多人喎！今日都係叫咗個午餐，跟餐叫咗個忌廉湯，仲跟埋細細舊蒜蓉多士。午餐C (蒜蓉雞扒飯)，每星期嘅餐都有唔同㗎！我就最鐘意食呢到嘅雞扒飯，蒜蓉汁好好味。餐飲：凍檸茶，跟餐+$3就轉到凍飲啦！

之前食過紅蔥頭，第一次，系食桃無骨雞腿飯，雞腿肉仲要無骨真系好正，有桃就有少少帶甜，不過食到最後，味道會累積。但第二次都系距，因為好食，加呢個飯價錢公道。今次唔知第幾次食啦，不過系晚餐。今次揀左芝士忌廉焗牛柳粒飯，以為Hea焗芝士，點知系勁勁勁厚芝士層，仲系有咬口，實正芝士塊，仲有少少燶，非常正。不過食到最後有少少膩就更咖啦~ 不過就岩晒鐘意食芝士既人！最後？我系食晒既！牛柳粒OK，夠厚，唔鞋，就一粒牛柳粒咁咯！狐狸仔就食薄西冷配雞扒，薄西扒幾好食夠冧，但狐狸仔鐘意我個牛柳粒多啲話夠厚雞扒就脆面，但有少少酸，可能系個汁？ 總括食得過！。系！唔記得講！距仲要加一！

係度見到依間野，諗住正正常常。一入到去叫左個2人餐，食物都算可以。但紅豆pop pop無爆谷，肉醬又有怪味。埋單時又計毫子，但又吾收咭，最搞笑係吾識找錢，差劣餐廳！

放假同屋企人嚟呢間餐廳食午餐。我地一共嗌咗三個餐，每個餐有蒜蓉包、白湯、主菜同餐飲。價錢唔算貴，但係味道就真係麻麻。首先個蒜蓉包都算脆口，但係餐湯就太過”杰”啦，好似食緊湯咁🙈雞排同牛排都算大舊，但係屋企人就話塊牛排煎到好老。另外嗌咗個白汁海鮮意粉，意粉份量就夠多，但係所謂海鮮就得面頭幾隻蝦、少少魷魚同幾條幼嘅罐頭螺肉，完全唔夠餸黎送意粉。之前食過Mega box個間嘅晚市高質好多，而且嗰到啲店員都好friendly，所以如果真係想試紅蔥頭，我建議大家可以去Mega box個間食。

星期日係 #小秘書 嘅休息日，如果無咩特別安排，我都會揀 #自然醒 💤 中午1:30終於起床，執埋啲嘢、再去梳洗，已經係2:30😅 個肚已經開始打鼓... 咁近近就落樓下 #紅蔥頭 食啲嘢先啦。平時我一定會等多一陣揀特價下午茶，不過今日太肚餓，又要趕住去上堂，死死地兩點九都仲要比正價食午餐😅 #小秘書 一向鍾意食 #焗飯，我好快就揀咗個 #芝士焗鮮茄豬扒蛋炒飯 配 #熱可力😋 一心諗住應該都會幾好味... 不過杯 #熱可力 上枱前未攪勻，水還水粉還粉，無咗飲落好幸福嘅感覺😅 而焗飯唔知係焗得太乾/唔熟，啲飯咬落去咁硬嘅，好在啲豬扒同醬汁都幾夾味，不過焗飯面嗰陣芝士太厚，我唔多like 😌

-呢兩個意粉overall嚟講，意粉嘅質感、軟硬度適中，意粉份量十足，相對上次食晚餐嗰份量嚟講，下午茶呢講簡直係超值！！！ 平靚正之選！！！1. 巴薩酒醋燻鴨胸意粉（$54）： 講都冇人信@@ 因為呢個意粉炒得實在太好食！！！！！ 醋 輕輕吊下味， 加上黑椒好惹味。原來醋加上黑椒呢個配搭係完美。所以不敢都要嗌多個，再encore！！！2. 意大利卡邦尼煙肉扁意粉（$55）： 意粉夠creamy， 芝士嘅份量絕不吝嗇，味道一流。------------------------------地址：鑽石山荷里活廣場地下101A號舖

本來想食個快既晚餐係鑽石山 想食下牛扒又無選擇之下 好耐無食過就比一次機會依間甘耐都吾執既餐廳 入到去我己經叫過晚餐餐牌較為貴既扒 $130 鐵板牛柳拼吉列魚柳 一上枱目測己細過我煲湯舊瘦肉 又無用味 叫個所謂經理問下 係咪甘 有無d過份 話係分量少d 我心諗都吾d 應該魚柳先係主菜是 應該叫鐵板魚柳拼牛柳 心諗又吾係比吾起錢 叫個全餐牌最貴 都係甘 定係我叫既係A5和牛 計g 個經理仲要無動於衷 無反應 連叫我轉其他野都無 真係收得皮 老實說一句除左薯條係吾差 都無咩可以讚

70年代懷舊鐵板套餐 ~~鐵板薄西冷拼豬扒，鐵板牛柳拼吉列魚柳。加$6配餐湯及牛油法包 1. 鐵板薄西冷拼豬扒： 塊豬扒薄過塊m巾，好失敗囉，唔怪得之無乜人嚟食， 唯一可取嘅就係多薯條囉。2. 鐵板牛柳拼吉列魚柳： 一望落去第一眼覺得塊牛柳好似饅頭咁細， 不過好在牛柳出奇咁淋。 3. 牛油法包： 全晚最值得讚嘅就係呢個牛油法包食得出廚房係用心製作。 就算要另外加六蚊都係抵呀。 環境坐得都尚算舒服，不過有一半年長啲嘅侍應服務比較好，而另外一半嘅侍應態度都好差下， 舉手叫佢都當睇你唔到。 PS: 餐廳位置雖然位於荷里活廣場，但係佢個入口並唔係喺商場入面，而要喺成個商場嘅外圍行入去，比較難搵。 大家注意喔~~

星期六應該係好休閒先係㗎!但係今日為咗一個展覽變得一啲都唔休閒，因為呢個展覽延遲咗，所以我的午餐就變成下午茶。其實都好耐冇黎過鑽石山呀! 變化都幾大，呢間紅蔥頭我之前係旺角食過，覺得幾好食，咪諗住再試多一次啦! 我由一樓上到三樓， 喺三樓的指示牌睇到係101A號鋪，由三樓落返一樓都揾唔到，最後我要去到服務台問一問小姐，佢同我講原來要穿過馬莎百貨公司，之後行出個玻璃門就會見到㗎啦! 終於搵到喇! 位置真係都幾辟下。枱上有一個下午茶餐牌，另一個差唔多全部都係甜品，三文治的餐牌。芝士焗蜜桃去骨雞腿配蛋炒飯 $52雞腿有少少雪味，雖然已經用香料醃製過。 芝士幾香，配蜜桃和飯都幾開胃。烤棉花糖吐司 $44麵包烘得幾香脆，有少少鹹味，同上面的棉花糖好夾。 好食在係個麵包有邊位。檸檬茶同咖啡合格。

第一次來晚餐，叫左兩個鐵板餐，西冷扒、西冷拼豬扒。加六蚊跟餐，有湯同蒜蓉包同一杯熱飲。個cream湯淡而無味，得奶味。個羅宋湯係罐頭湯，d牛肉粒好硬。個蒜蓉包ok，咬落去幾脆。點餐前侍應問我地西冷要幾成熟，我地話五成，誰知道上菜後嚇死，個牛扒係十一成熟，熟過頭！超硬；d薯條相反，淋曬！一d口感都冇。個西冷拼豬扒仲好笑，個牛扒熟到勁難切，豬扒上菜時係爛既，都算！最搞笑係薄到唔洗切，一扯扯開！薄到呢...係冇肉食。最後叫野飲想睇下餐牌有咩揀，點知個所謂高級侍應叫我加16蚊叫特飲，忙到連餐牌都唔得閒攞俾我。叫左第二個所謂高級侍應攞，佢答：「唔洗睇啦，黎黎去去得果d，奶茶咖啡檸茶。」我地連單都未落佢就走左。埋單時佢地塊面黑到呢，俾張單我地睇係直接拋落黎，茶餐廳啊叔都好禮貌過呢d高級侍應。講真冇食過咁難食既牛扒，煎牛扒可能都需要少少技術，但豬扒都可以難食到咁。伏伏伏伏伏伏伏！以後唔會再黎，我寧願食大快活。餐廳字面有cafe，心想應該是西餐廳，但服務仲衰過茶餐廳，態度差！d野又冇一般茶餐廳好食，而且仲要加一，埋單$232。