魚尾獅餐廳 (Closed)

清明時節雨紛紛......。與清明節尚有兩個星期，正是提早拜墳之時。富山與寶福山活動後，又是在新城市廣場填飽肚子的時候。各大食肆都一堆人流。惟獨這家沒太多人，魚尾獅。新加坡菜。自己點了巴東牛肉。食物整體都可以，不過價錢......。而且服務質素十分麻麻，有很大的改進空間。

到新城市廣場，本來想去翡翠小籠包，經過這家餐廳，好似幾好， 就試下啦。點知surprisingly味道無錯，有驚喜！我地都系點左d大路菜式，但上菜都幾快。d野都夠熱。。。唔錯！不過份量就少左d,我地2個大人1個細路就勉強夠啦。。普普通通一餐晚飯都系一個ok的選擇。

之前話想試試里間餐廳,但係一直都無機會~尋晚去到沙田,突然諗起.....所以就去左里度開餐la~朋友話佢企左o係門口好耐都無人理,佢自己走入去坐低後都係無人理.....聽佢咁講以為入面好多客,所以留意唔到佢la~但我去到o既時候.....有一半檯係無人o既~坐低後好快就決定好食d咩la~我地叫左星加坡炒貴刁、咖哩軟殼蟹、千層煎餅~上菜o既速度都幾快,最先黎o既係炒貴刁,我好少去星加坡餐廳,當我見到佢個炒貴刁o既時候覺得有d奇怪....入面有d個味道同外型都好似臘腸o既野,但係又無臘腸咁硬.....睇真d仲發現貴刁入面夾雜住一d麵~雖然睇落覺得有d怪,但係味道都唔錯,鑊氣夠呀!到佢上個咖哩軟殼蟹o既時候,貴刁已經一早俾我地食晒~個軟殼蟹第一啖食落去....好夠味~d蟹有好多羔,甘甘地!!good但係到第二啖就開始覺得有d"漏",好彩有叫到個煎餅,如果唔係都唔知點算~不過我最後都只係食到一舊半....真係好"漏"!!!同埋越食越鹹law....最後不得不提下個煎餅~~好好味!!個煎餅應該係即整o既,脆脆地,熱辣辣......最好仲要係佢幫我地剪開左,咁我地就唔駛用手搣開佢,咁就唔會整污糟隻

去左沙田, 星期五晚上周圍都好多人呀~ 就連平時冇咩人既魚尾獅都有d人排隊, 不過唔算好多人, 而我又未食過, 食下囉~叫左2人晚餐b:1) 軟殼蟹青瓜沙律 - 其實覺得d味怪怪地, 唔係幾好食2) 星洲咖哩雞 - 唔辣, 冇味既3) 千層煎餅 - ok既, 但唔知點解個咖哩一早黎左, 個煎餅最後先黎...4) 馬拉盞炒通菜 - 少辣~ 唔知點解d菜好深色, 好似好老咁5) 青檸梳打或紅荳冰 - 揀左青檸梳打, 唔知點解d青檸味好勁...6) 是日甜品 - 椰汁黑糯米 - 可以話係最好食既一樣$168/2 pax + 10%其實我唔覺得十分難食, 但係普通得好緊要, 唔會有想再食既衝動

今日下午來到沙田新城市, 因已過食lunch時間. 但唔想去食茶記, 經過這裹便與老婆入去試下啦!一個字"抵"係新城市吃下午茶$30有找(連加一). 食物方面一d都唔麻夫. 有喇沙, 咖央, 三文治, 檬粉....我點了豬扒三文治, 大件好食. 好過隔離間連鎖三文治店. 我老婆點了雞絲喇沙. 湯底好香, 但雞絲麻麻..有餐飲 服務都ok.. e個價錢好過去茶記.有機會再去試過

差唔多試過晒新城市G/F既食肆, 所以黎呢間傳聞唔係好掂既店試吓, 點了兩個SET LUNCH (海南雞飯, 巴東牛肉+ROTI)* 餐湯, 估係蘿蔔清湯, 味道OK但偏鹹, 只淺嚐了幾啖* 頭盤, 兩支沙爹雞, 沙爹醬幾好味, 雞肉一般* 海南雞, 無骨, 有少少雞味, 醬汁都OK (稍遜於樓上的SIMPLY THAI), 個飯唔太油, 有點薑味* 巴東牛肉, 唔係期望中既效果, 但係如果當咖喱牛腩又OK喎. 跟埋既ROTI就比預期好, 唔太油, 用手食都OK.* 甜品, 紫米露都OK.

千萬不要幫親，否則你會如我般後悔，　我食過既最難食的星馬菜。I didn't write command for long time and this time just want to warn ppl don't wast your time and money. Totally agree what the people mention about the cons of this restaurant.

典型唔睇OPENRICE就入黎既教訓!! 好地地, 過左晚上9點, 其他餐廳仲有人排隊寧寧舍舍呢間坐一半人都唔夠算! 成個新城市都食晒淨係呢間未試過~一入點菜...服務無甚反應, ORDER完又唔應你, 都唔知佢聽唔聽到你講野 餸菜招牌無味海南雞 - 半隻都成舊水, 肉唔新鮮, 份量頂多夠2人食 薯蓉薄餅 - 呢個經典, 全世界都未食過, 薄餅入面極少薯蓉, 99%包住一大炸豆同硬果, 形狀似沙田柚D核, 但真係咬唔開的, 本人覺得自己食緊雀栗 咖哩雞- 算把啦, 一PAT野, 有咸味無咖哩味 招牌炒飯 - 同茶餐廳楊洲炒飯一樣不過唔好食 娃娃菜, 自己去超市買包3個裝返屋企烚仲好吃 串燒拼盤 - 味道最正常, 唯一食晒呢味 有見及此, 已經完全唔想叫野飲仲佢賺, 全家人一路食一路叫救命, 好慘!! 咁就壞左一個FAMILY DAY的肚子, 埋單拿拿淋再搵野食填肚好耐未試過埋單有肉赤感覺!!! 真係見鬼第76集!!!

好後悔無睇OpenRice就入左去試魚尾獅無咩好講份量奇少,個炒飯可以無味的海南雞一隻$178 份量質素比美心MX半隻雞更差更少好唔好味就見人見至,我地每人當比左$80食appetizer算之後搞到走左去食Tripo O每人叫個包食先叫飽D真陰功引以為介,唔好貪唔洗等位而比$受氣

新城市廣場一期1樓有不少食肆，但總覺劣評比好評多。shakey's pizza 一 般、博多唔得、parkview high tea 唔錯、hip sushi 未試過，至於魚尾獅... 本身冇興趣去試，但朋友想食，咁就跟埋入去。各自叫左個套餐: 佢叫左「馬來炸雞翼配喇沙湯米粉」，而我就叫左「港式白咖喱豬柳配簿餅」，跟餐有前菜，包活時令生果、」老」水小食、田園沙律，同埋跟餐飲。 講左佢既前菜先: 生果係唔新鮮的，係霉霉架。d 蟠桃好淋咁，唔知擺左幾耐。個沙律就細細兜，叫做有菜食下，同埋都叫做有唔同款色，樣樣少少地咁... 但如果你係對沙律講究既話，呢個唔會係你杯茶。至於小食就一般，但起碼唔會過鹹。 港式白咖喱豬柳配簿餅: 睇顏色，唔似白咖喱，偏啡的 (見相片)，但可以見到面頭上的椰汁，真係第一次見白咖喱會係咁。豬柳是半肥瘦的，夠淋既，但本人鍾意較瘦的，所以唔係好慣。個汁既味道係有咖喱味，不過係黃咖喱既味道。椰汁可能只是為裝飾的，因為它的味道就是欠缺了椰汁的白咖喱般，所以論顏色、論味道，都不是真正的白咖喱之味。可是，如果唔當佢係一盤白咖喱的話，佢係唔錯。香濃、辣度適中、唔算太油膩、都算幾惹

約了位朋友在逛新城市，到了這間開放式設計、裝修到白白淨淨的餐廳，點了招牌海南雞半只 ($98，份量中至少，少骨，惜雪藏的毫無雞味，仲差過KFC)、肉骨茶(還算夠味，是唯一可取的，有兩條腍滑的一字排骨)、肉碎炒四季豆(一般)、薯蓉咖喱角(一般)、雞油飯兩碗 ($20，跟那半只雞是全無鮮味)真多冰拉茶 ($16，不夠香滑)連加一埋單$330，但主打的雞的素質要比美心快餐的差。

今日黎到沙田,同BF諗住搵間餐廳食TEA, 見門口個姐姐都幾好招呼,咁就入左去, 點知.....唉我地黎到係下午茶時間,點了2個餐1) 海南雞飯2) 薄餅配咖喱汁一黎到見到個海南雞飯, 我地2個都嚇左一嚇,點解D雞好D煲完湯咁既? 而且隻雞脾仲要得支骨,點解無肉既? 仲要唔見碗飯有肉掉左出黎個到先得人驚嘛之後到個薄餅啦, 本來塊薄餅都無乜問題,熱熱地都幾好,唔算好油,但係佢俾得一個鼓油碟大少少既野盛咖喱汁,咁薄餅要點咖喱汁先好味架嘛, 食到一半塊薄餅已經無晒D咖喱汁,咁我地叫個WAITER俾D汁我地添啦, 佢竟然話"唔得架喎"...........我地2個都呆一呆,唔係呀嘛,咁大間餐廳,少少咖喱汁0者,使唔使咁呀??....... 咁之後我地2個就唔食埋單走左...今時今日咁既SERVICE, 都唔使諗住人地會再幫襯啦我地慶幸只係食TEA, 好在唔係食晚飯, 唔使損失慘重.

午餐都係在沙田搞掂.今日行經呢間餐廳, 又未食過, 門口姐姐招呼又ok, 見擺出黎的野食又像ok, 又有位, 唔等了, 進內坐下.兩朋友都係叫海南雞飯, 我自己覺得都係一般; 所以叫了看似幾香口的咖哩魚飯.個set都幾得意, 有一兜仔沙律, 上有千島醬的; 都幾新鮮;另有半碌春卷, 都幾脆; 個魚有粉炸過才淋咖哩汁上去的; 的粉略厚, 令到魚"素"了好多咖哩汁, 咖哩汁係花生味重果類, 唔辣的. 撈飯一般.另有一小兜diced 了的生果, ok 啦.跟飲品的, 我叫了熱啡; 好像太多奶了, 自己落會好d.朋友說雞ok 啦. 都有三色醬既. 油飯一般.六十幾一個午餐, ok 啦.回家看到此餐廳的評都係麻麻, 但我覺得都頂得住既.

我食野既要求一向唔高，不過呢一餐真係食得我好痛苦，主要係因為唔好食，但價錢又唔係平，我本住唔好浪費既心態夾硬食，唉......沙嗲雞肉撈面: 完全冇味，好唔掂娘惹沙律: 真係唔想食落去，味道怪怪，就咁食生果都冇咁嬲 豬腳薑: 都係算罷啦.......唔入味，肉唔焾，都唔知點咬好馬拉盞炒通菜: 終於叫做有一碟好食d，都幾香海南雞飯: 都唔錯，賣相ok，雞肉滑，不過唔係特別好味薯蓉煎餅: 對呢個期望好高，但一食落口，好想喊，簡直破壞左我對薄餅既印象，太多太多香料，辣得黎唔香，唔好怪我直接，真係好難食，最後我只係食左d薄餅，裡面d料完全冇食，真係頂唔順.......如果大家只係為左tea一tea，飲杯野，去食下加央多士，雞亦都ok既，但係果度食餐飯，我真係唔會再有第二次.......連杯橙汁梳打都唔好飲，唉.............

琴晚同o左女友去o左呢間店到食晚飯,我地叫o左海南雞飯,巴東牛肉,奶油蝦同千層薄餅,我地隔離果幾臺都係叫餐,佢地d菜上臺時,賣相真係唔得,海南雞飯個樣竟然好似一碟切雞飯!!心諗唔係掛,比d咁o既野我.....好彩我地果d因為唔係餐o既關係,所以係好正常,海南雞飯,飯同雞係分開放碟o既,仲有黑鼓油,餐就唔知點解冇,個飯都算ok,d雞都幾滑,d醫都唔錯,巴東牛肉d牛肉唔太腍,但好有牛味,個汁就有好勁o既香茅味同o加哩味,都唔錯,奶油蝦冇乜味,d肉仲要煤煤地,可以唔叫,千層薄餅一定要叫,真係出奇地好食,又唔貴又飽肚.