樓上雅座 (Closed)

已經第四次幫襯，間野一如其名，係樓上既雅坐，係旺角鬧事難得一間坐得好舒服既餐廳，而且4隻駐場貓貓真係非常活潑，野食唔差，絕對係行到攰晒想hea下既綠州。全部都係沙發！野食推介：蒜香海鮮意粉（冇圖）但真係超香蒜味，足料，唔算好油。奶綠上面既cream有貓樣！蜂蜜雞扒配薯菜，雞醃得唔太夠，但煎得好香，配埋蜜糖同香草，健康又好食！仲有好多小遊戲玩！啲game都幾新！四隻貓貓仲好活潑，唔怕人，會主動過黎玩！

這個 套價100(未連加一) ,煙三文魚野菌意粉，意粉選的是比較幼身的那款，煮得不會太冧，而且撈極都夠汁，兩點都好啱我。但菇可以再多啲，都唔係好貴啫。另外，同行朋友點的是雞扒併薯菜$110，見佢塊雞扒好細，而且吃得出雪藏味。其實喺香港食雪藏雞扒無可厚非，建議從調味方面去雪藏味。套餐可以點$35以內的飲品，這個價格內的是咖啡和果味或無糖紅/綠茶。餐牌介紹話拎住樓下百老匯戲飛有折。但要自己睇時間，因為出菜慢。張飛要within 一個時先有效。同埋要即日的

之前有次收工經過望到有個CAFÉ..見到把風扇幾有feel咁..…於是就搵一日同友人一齊上去試下啦。。。其實都好耐冇去過cafe玩喇...我地個日6點幾去到~入到去座舊式大廈發現電梯上唔去3樓..想行返出去個時..看更阿姐話 「係咪去CAFE..3樓落一層...」咁我地就撳左去3樓落一層入到去侍應妹妹(老了...唔敢叫人姐姐..orz)... 就帶我地坐低....我地問有冇得坐窗邊位..佢話有人book左...早知我地都book啦 ><"...不過有發現有幾隻貓貓坐係隔離枱...即刻超開心>w<....侍應妹妹話係店主養係度架....有4隻...勁得意~~~~侍應妹妹話貓貓唔怕人.不過有隻就唔抱得...我地即刻親近佢地chok返幾幅相....chok到都差d唔記得嗌野食~><"~咁我地就叫左兩個dinner set....友人就叫左個焗飯....我就叫左個意粉....咁就可以share食 =]~~~野飲超多野揀....我地決定遲d先嗌...嗌完野食繼續玩貓....侍應妹妹見到我地好似好鐘意玩貓就主動畀左支逗貓棒我地..正啊...d貓貓真係

想搵一間晌油尖旺嘅樓上cafe，晌星期六晚包場搞生日會。20人左右，budget有限(因要夾份請5個生日之星)，左搵右搵，終於搵到一間價錢實惠，位置方便嘅地方包場。食品和飲品選擇種類，當然不能與一般餐廳相提並論，而有廿個大男孩，初初都驚唔夠食，但可以refill，即煮即食，新鮮熱辣。自己帶非酒精飲品、素食(for我哋嘅veggie朋友)、零食等，全部ok，仲有生日蛋糕都得，冇任何附加費、開瓶費、切餅費等等巧立名目嘅開支，對活動搞手嚟講，絕對方便好預算! 我哋自攜咗啲生果和韓式涼菜/泡菜，店長主動幫我哋洗生果、排碟和預先冷藏涼菜，見微之處，服務十分體貼窩心。順帶一提，店長晌包場日之前和之後都有主動whasapp跟進安排，做事都好交帶。食物質素方面，蜜糖雞翼、炸餃子呢兩款小食最好味，食嘅時候有熱辣辣嘅肉汁"必"出嚟，好開心，我哋好似一共encore咗三次(註: 包場在限時內可冇限次refill)，而番茄什菌意粉(素食)都好好味，不過有朋友就話飲品麻麻，我就認為店長及社員只有兩人，一口氣短時間內要整廿幾杯飲品係一個唔易嘅task，建議好似食物餐單咁，限制選擇款式嘅數目，方便管理。地點位於旺角

樓上雅座, 這間cafe不知是易手了還是OpenRice冇人寫真心食評, 已經有一年多沒有新食評, 真奇怪。是晚七點三入座, 早一天我醒目訂了座, 全因以往曾訂了座, 但被致電說被包場, 取消了訂位。這間cafe有讚有彈, 我先彈食品及服務, 再讚讚店主的心機。食品是任何餐廳的生活, 但今晚奉上的飲杯還是主食, 通通都有很多不足。女侍應先奉上飲品, 凍菠蘿綠荼和榛子奶茶。菠蘿綠茶是我點的，才為一個男生，都沒有太大問題，可是，當我飲過飲品, 再飲餐湯, 餐湯完全一點甜味鮮味都沒有，這反映飲品原來太過甜了。我女朋友的榛子奶茶更大問題，完全是太甜，食慾大減。飲完餐湯, 等了十多分鐘都沒有上主菜。再看在場的侍應們，不是我歧視女侍應，但只有一人作侍應, 只有一人做廚師，要服務四張枱三十多人, 完全是不可以接受。三個字, 太慢了, 呼叫了多次, 都沒有人回應, 這是cafe內可以接受的嗎? 好了, 終於等到主菜上枱。卡邦尼意粉, 有生雞蛋放在意粉上, 有點新意, 但近期流感問題, 好像不太好吧。都算, 試試才說。香菜味不錯, 可惜cream 汁太多水, 用叉食意粉, 但叉起的意粉不斷流汁, 你想我

晚上約了姊妹及新娘朋友到樓上雅座用餐，brainstorm大日子的接新娘遊戲。在旺角暫時為止最喜歡到dream cafe，因為好食。今次想開拓旺角cafe板圖，到樓上雅座試試，套餐選擇不多（當晚只有4個餐），食物飲品質素亦未見突出，只屬平平，好處是侍應妹妹有禮，而且人不多，用餐後不會趕客走，很適合一大班朋友談心傾計仔。是日我整了一個new york cheese cake 送給席上一位朋友，作為生日蛋糕。侍應即時交代每位切餅費為$5，以人頭計切餅費，少有。******************************每人點了一個餐，餐跟$23 定價飲品，或補差價。另外點了蜜糖雞翼share。茄汁雞肉意粉餐（＄84）及蒜香海鮮意大利粉餐（＄84）。茄汁雞肉意粉的雞肉吃下去有陣雪藏味，失敗。蒜香海鮮意大利粉，蒜香原來是指現成的炸蒜鋪在意粉的表面，有點似營多撈意粉，有几隻蝦，沒什麼特別，份量夠填肚。意粉軟硬正常。蜜糖雞翼相信是用bbq蜜糖沾上炸雞翼，怪，但味道還可以啦。我食過更難食的bbq蜜糖雞翼， come from旺角二世界cafe，不知是否已執笠？如果雞翼都可以煮得難食，可以直接炒了那個

上星六係好朋友慶生飯局. 環境舒適有格調又不太嘈雜的CAFE'1 SET DINNER 加 $5 可以轉 $35 以下飲品 (1 SET AROUND $75)OR 2 份小食如 : 雞翼和芝士西蘭花亦可當 SET DINNER 差不多8點就全場滿坐. 女WAITRESS 有禮物,食物ORDER 到送上亦好快, 大約15分中左右. 整體地方不錯,起碼無油煙味 (我地坐位背住廚房)加上價錢低又好味. 值得再去

位置：旺街中心位置, 非常方便環境：很舒式, 很適合三五知己相聚食品：芝士西蘭花煙肉意粉 - 味道不錯，很飽肚的汁，但西蘭花似乎太少芝士三文魚雜菇意粉 - 此白汁跟以上的白汁有少許分別，但兩者也好味。小食拼盤(薯角, 咖喱角, 春卷, 雞翼) - 薯角還可以入口，其餘的垃圾 飲品：特濃朱古力 - 一般Oreo 朱古力 - 未有嘗試, 未能品評

朋友推介黎呢度食野，好似開左唔係好耐，星期日晚七點上到黎，幾乎無位；等左一陣有「大枱」離座，我地九個先轉「大枱」。店子細細，都幾好招呼；裝修唔係特別靚，但都幾花心思，例如用吊扇、水晶燈等；落柯打都 OK，不過可能今晚好生意，雞胸同鴨胸都售罄，店員為我們改單。我叫左三文魚意粉，三文魚好好味，不過啲汁頗「漏」。一共叫左四個卡邦尼意粉 推介

早前跟幾個朋友到呢間cafe食飯, 感覺到唔錯１）白汁焗雞飯(餐牌上的名字已忘記)除了賣相好，味道也真的很不錯喎！！若果Ｄ飯再軟少許就更ＰＥＲＦＥＣＴ了！ ２）茄汁鴨胸湯意粉，味道也很ＯＫ呢！！加埋本已餓得肚子咕咕叫的我，實在感到很滿足！！ ３）卡邦尼意粉的味道也很ＧＯＯＤ啊！！４）水牛城雞翼，少許辣，又有我喜愛的茄汁，十分好味！！Like!!! 真是豐富的一餐啊！

之前都去過呢間樓上cafe 覺得地點好方便所以今次朋友生日都選擇喺呢度搞book 咗枱窗口位我去到先知道原來間cafe 己經轉咗手地方明顯比以前乾淨企理好多我地十二個人主要都係叫咗啲意粉或者螺絲粉食我就叫咗個白汁蜆肉意粉加埋特濃朱古力意粉份量比以前多特濃朱古力亦都夠濃另外我個friend 就叫咗意大利飯, 味道就唔錯, 不過就略嫌唔夠黏之後我地仲叫咗幾個小食包括炸餃子, 小食拼盆, 炸春卷以cafe 質素嚟講算幾好, 但係上菜慢咗小小值得一提係個玫瑰雞翼, 幾好味不過略嫌小食種類不多我下次都一定會再嚟

前天晚上跟友人到旺角百老匯戲院看電影之後想找餐廳吃飯﹐因當天是星期日﹐晚飯時間差不多每間都要等位﹐又不想吃快餐店﹐無意中發現路旁有一間樓上cafe的易拉架﹐雖然我一向對樓上cafe的感覺普通﹐但確實又非常肚餓﹐加上見到有優惠﹐我地兩個就決定一試啦。講真個入口就真係唔係咁易發現到﹐要穿過間士多再上樓梯至可到達。間cafe叫樓上雅座﹐一入去發現地方都幾舒服﹐最緊要無煙味﹐都係一般樓上cafe隔局﹐但裝修就用上啡磚牆﹐都幾warm嘅。入正題﹐食物及飲品方面都頗多選擇﹐我點了白汁雞皇螺絲粉及 Oreo 朱古力，朋友都分別點了鮮茄海鮮意粉和柑桔檸檬香茶。食物即叫即做﹐螺絲粉中的白汁及雞絲比想像中好﹐不過不失。而朋友的鮮茄海鮮意粉都看起來不俗﹐加上份量都剛剛好﹐我們兩個都可以食哂。Oreo浸了朱古力後更加濃味﹐餓極的時候真係飲什麼都好味呀。朋友的柑桔檸檬香茶都好香﹐原來呢度茶類飲品都幾多種﹐啱哂我朋友。不經不覺﹐飲下食下傾下就坐左兩個鐘﹐覺得樓上cafe都其實可以係一個不俗的選擇﹐下次有機會都會嚟試多次﹐朋友就話想試多款花茶﹐我就覺得滿意啦。

哈哈~ 今次係我第二次食呢間樓上cafe, 兩次都係同我d 識咗成廿年嘅小學同學聚舊, 我哋見親都勁多嘢講, 好彩呢度都坐得勁舒服，張梳化好軟棉棉, 超好坐。店主知道我哋係小學同學，仲話我哋吹幾耐水都得，唔會趕我哋走添呀 勁勁勁幾好人呀~~~~^^食物方面，比起好多樓上cafe有水準得多呀~ 小妹食咗店裡推介的蒜香雞肉意大利飯，果真不俗。首先來到，嘩，駛唔駛咁大碟呀，而且雞肉份量頗多。雞肉不像好多餐廳淡而無味，小妹覺得呢到個廚房有俾心機去做調味，而且有嚼口；飯方面也做得好好，每粒飯都有醬汁包住，又唔會一pat pat 或者食完好漏，所以唔俾個like都唔得啦友人點了拿破崙意粉, 單看賣相都覺得份量十足, 她說味道還不錯 其餘的友人都是點了carbonara,一致評價都是yummy yummy yummy, 如果甜味再降低一點點就perfect!!! ^o^由於大家都食得太開心, 所以我0地就繼續飲0野吹水~ 上次已經覺得佢杯vanilla chocolate好好飲啦, 今次飲oreo曲奇朱古力奶昔, 勁勁勁好飲呀!!! 不得不推介~~~ 味道好濃郁啦, 朱古力味好出, 唔似其他地方d

諗住幫友人慶祝,3揀1下最後揀左呢間cafe前一日打去bk....佢話ok hold左,之後再打電話confirm到當日去諗住問買左蛋糕之後個切餅費係點佢竟然話幫我地bk左星期日 ......吓之後仲話全場fully bked,要到11點幾先有位連一個位都比唔到我地打個陣已經5點幾,約晒人7點mk等....個一刻真係好無助我個刻即刻諗,如果我唔打比佢,佢都唔會打比我話confirm la,咁我地到時上到去真係無言.....都唔知係唔係比人包左場我都想問一句,點做cafe ga 要badlist間野

上個星期日同一班老友記去左樓上雅座包半場；成晚我都好滿意；）我試左拿破崙意粉味道好. 好味！最好既就系好多games. 另外，我叫左杯oreo曲奇朱古力奶惜，真系好特別。其次，系個度既服務都幾好喎、我買左蛋糕個度包咪切餅點立燭。我認為各方面都幾滿意；）同咪大家真系值得去一試！在