Video
3-min walk from Exit A1, Wan Chai MTR Station
continue reading
Opening Hours
Mon - Fri
07:00 - 17:00
Sat - Sun
Closed
Public Holiday
Closed
Public Holiday Eve
Closed
Above information is for reference only. Please check details with the restaurant.
見到餐廳裝修唔錯咁就諗住試試佢，反正未食過，一入去望住阿姐，點知阿姐絲毫沒有反應，咁就自己搵位坐啦，冇人理都算，明明menu有得揀轉河粉，又走黎話冇得走，個阿姐態度仲要係「冇得轉嫁喎」一啲都冇覺得唔好意思呀～咁你有得比我撳我理所當然預你係可以，之後叫佢比碗同匙，因為得返叉係枱面，態度差到呢，「枱咪有囉」有就唔使問你啦！唔該前唔該後嫁啦喎已經，冇下次！但平心而論，食物味道是不錯的，但比個阿姐搞到咩心情都冇哂，唔想做唔好做啦
continue reading
呢間野真係錯到離晒大鋪！以後唔會再幫襯！中午去食lunch叫左個乾炒牛河跟奶茶，中途已經見到其他食客不停催單，唔知關唔關佢轉左手機點餐關係，啲單好多都甩晒，個廚房同樓面都打仗咁，樓面啲侍應大吵大鬧嗌晒交咁，完全當啲食客係無物。我見等左20分鐘都未有就催下侍應，連杯奶茶都未上俾我，班侍應一係扮聽唔到一係就敷衍話即炒嘅係要等下。中間眼見個廚房係咁出外賣單，但一份堂食都冇出過，最搞笑係阿姐水吧枱唔夠位擺外賣，見我地張枱未有野食竟然放晒啲外賣喺我地枱面，認真係世界級服務。好心你做唔切堂食就唔好接咁多外賣單啦。到等左差唔多半個鐘我再催單，侍應阿姐問我有個香葉肉碎飯有枱客等唔切多左出黎，有得即刻食問我要唔要轉。但我上次食過呢間嘅香葉肉碎飯係咸到好過份，於是我問佢乾炒牛河仲要等幾耐。荒謬嘅係佢完全冇理過我就走左去，好似焗我食佢多出黎個飯咁，完全冇其他選擇。等左陣我決定都係無奈地轉佢個香葉肉碎飯，唔係等到2046都未有得食。最最最搞笑係，我同枱有另一個人叫左揚洲炒飯，又係等左好耐都未有，個侍應阿姐用同一套路問佢要唔要轉我取消左嗰個乾炒牛河，有得即刻食唔洗等，真係夠晒環保一個飯都唔好曬！呢班世界級侍應可以將啲單全部調轉晒，認真唔知可以講啲咩。。仲有另一插曲係個侍應阿姐同我講兩個飯同價錢唔幫我改單，但我後來睇返香葉肉碎飯係平啲$60於是叫佢改返，佢竟然同我講：「你叫乾炒牛河咪呢個價$66囉」。心諗你係咪未訓醒？我食緊嗰碟係你叫我轉嘅香葉肉碎飯阿姐竟然話我食牛河，我即時躁左叫佢自己睇下個Menu，佢先喺度揭Menu話價錢唔同幫我改返，一啲唔好意思都冇！講返啲食物，個香葉肉碎飯啲肉真係咸得好過份，食左幾次都係咁，唔知係咪個廚房落開咁重口味，經常食真係會有腎病嘅程度！講服務呢間野一定比0分，就算以前出餐快啲嗰排，呢間野啲侍應都係對你呼呼喝喝，好似你欠左佢咁！價錢嚟講，本身我叫個牛河都要$66仲要飲品另外加錢，講真$66咁貴嚟講係灣仔仲有大把選擇，唔係貪佢快真係唔會揀呢間。經過今次之後永久blacklist呢間野，連埋隔離另一間無極都唔會再食！服務差極、價錢唔平、上餐速度極慢，附近幾條街大把餐廳好過佢，想受氣嘅一定要試下！
continue reading
今日同老竇老母去灣仔食午餐，見到一間叫無極冰室嘅餐廳，諗住試下新野，點知入到去就無極後悔。😢第一，個價錢真係貴到爆，三個人食咗一個午餐兩個下午茶，加埋飲品就要$169！😱點餐嗰陣話呢樣冇嗰樣冇，好似我哋掙佢地錢咁。😡侍應又嘈，客又嘈，想靜靜哋食可以去第二間。個日本秋田縣腸仔奄列飯根本係茄汁炒蛋腸仔飯，賣相核突，又食到一嚿好咸嘅鹽，唔知係唔係廚師手震。🤮出餐又耐到痴線，又話今日好多單，等咗40分鐘先等到個鹵水雞髀配沙律，點知個鹵水汁又同雜果沙律擺埋一起，又甜又咸，雞肉入面又好似冇鹵過。🤢總之，呢間餐廳真係無極難食，唔會再去第二次。😠
continue reading
📍無極冰廳 (灣仔)灣仔謝斐道110-116號美暉大廈地下1-2號舖性價比極高餐廳🎏日式照燒飛魚子鯖魚飯 $68即叫即煮，新鮮出爐！ 好多好多好多飛魚子，小編好鐘意佢地入口個感覺，覺得好搞笑同埋好正。 鯖魚睇得出係岩岩燒起，因為魚皮還好脆，燒得岩岩好。 最緊要係啖啖肉，好香魚味， 入口有小小魚油， 再用黎餸飯都真係幾好味，最緊要係係魚骨🤭🌟 新店同9舊店裝修環境都好寬敞，唔會有好逼好逼感覺。 難得lunch hour, 最緊要係可有時間種比人坐得舒服感覺，依樣對打工仔黎都幾緊要。🔔總結：食物新鮮，送食物速度極快！ 灣仔食lunch 黎講價錢可以接受。 地點⭐️⭐️⭐️⭐️⭐️味道⭐️⭐️⭐️⭐️環境⭐️⭐️⭐️⭐️⭐️服務態度⭐️⭐️⭐️⭐️（5星為最高分）
continue reading
這間無極冰廳位於灣仔站附近，性價比極高，每逢午市時段都大排長龍，難怪最近擴充規模，連旁邊的鋪位要了。新店內裝修跟舊鋪一樣，環境寬敞舒適。菜式方面，除了每日不同的午市快餐外，還有數十款食物，如炒粉麵飯、常餐及沙律等等。焗鮮茄雞扒意粉 - $72即叫即焗製作需時，大大塊雞扒嫩滑多汁，淋滿香甜的鮮蕃茄醬，焦香的芝士富鹹香，意粉正好掛汁，或可轉焗飯。名古屋牛肉炒烏冬 - $68即叫即炒熱充滿鑊氣，一片片鮮牛肉嫩滑軟腍，煙韌的烏冬帶日式醬油的鹹香，更有不少椰菜絲及芽菜等蔬菜增添口感。雞肉凱撒沙律 - $56超大碗沙律菜，翠綠的沙律均勻塗上甜酸的凱撒醬，更有少少多汁的車厘茄，為數不少的雞柳肉好嫩滑，入口好清新。奶茶紅豆冰&鴛鴦紅豆冰 +$9一杯有著濃郁的奶茶味好順滑，另一杯則同時帶著咖啡香味，同樣每口也有綿密的紅豆，起沙好香甜。
continue reading