莉雅餐廳 (Closed)

經常都到這條街的新華茶餐廳，莉雅旁的金園也去過，就是沒嚐過莉雅🤔，今天襯早人少來嚐嚐。常餐挺吸引，湯麵、奄列、厚多士/牛角包、飲料。由於本人看到下面的選擇有咸牛肉奄列，這個當然是不二之選，那選了鹹牛肉奄列，就不要再吃沙嗲牛肉麵了，結果便點了一份雞扒麵☺️。雞扒不算煎得甘香，只稍微略煎，不太香但也未至於凍，沒雪氣但也沒香味。所謂濃湯公仔麵也是普通的味精湯，加濃湯二字似乎徒然😅。牛角包，鬆軟，中間像一層層酥皮，輕易切開，還可夾些蛋在包中。酥香而不油膩，雖不知是否自家製，但味道也不錯，總比「常餐配牛油方包」有誠意得多！咸牛肉奄列的咸牛肉不太多，微咸帶牛香，雖知只屬罐頭免治牛，但由於蛋夠香，這奄列的味道也蠻不錯。茶走味道還好，奶味比茶味更濃，但至少茶不是太澀，味道還好。

16年12月25號，食左一間服務態度超差，叫咗三個餐上咗六Set餐具，好大力抌上枱面，嚇親小朋友，食物質素超差嘅餐廳，食物都未熟，無野好講！！！一出門口，就見到隔離餐廳排晒長龍，所以絕對係中伏！

未去過一間咁差嘅茶餐廳! 去得茶餐廳，我都唔會特別計較啲態度唔態度，單講食物質素就算。一個簡簡單單嘅通粉早餐，都可以整得咁難食?! 最鬼嬲就係杯奶茶! 嚴格嚟講，嗰杯係一杯奶水! 茶無茶味經已唔掂，究竟啲花奶係咪唔駛錢呢? 整到咁，我不如飲罐花奶無咁嬲!!茶餐廳嘅靈魂在於杯奶茶，整得無質素又無passion,學咩野人做茶餐廳??!!

今早要上堂 食返個豐富既早餐一個係泰式魚餅 沙嗲牛麵 煎蛋一個牛角包 雙煎蛋 嗲牛通28蚊正常價 出奇地出面很少有牛角包食 牛角包比上次夜晚食失色 冇咁大件同冇咁脆塊魚餅真係好鬼辣 我都未試過咁辣既魚餅係早餐食橙汁 應該鮮窄 冇咁甜 兩個人50幾蚊 ok 唔錯

呢日求其去食個下午茶，求其咁入左呢間莉雅餐廳。。。。跟午餐既忌廉湯，稀得似水一樣....飲落去咸到喊茄汁焗魚柳牛脷飯，魚柳同牛脷正常，但d飯焗到硬晒。。。粟米汁炸魚柳天使麵，還可以但都係偏咸！結論係，呢度既食物味精應該較重。。冇下次

自從星廚結業, 同一地段要數莉雅最抵食上星期四去食中午, 點左個洋葱汁炸帶子伴雞扒+$2飲即磨咖啡羅宋湯: 菜多無肉, 普普通通洋葱汁: 唔覺有洋葱, 亦無乜洋葱味炸帶子: 厲害, 唔知點解會變左半邊腸, 但幾大條, 味道ok既雞扒: 都係普通雞扒, 細塊左d, 唔算肥亦唔老伴菜: 椰菜, 紅蘿白條飯: 份量ok咖啡: 我最欣賞既就係佢地d咖啡, +$2都幾抵講真快餐店四十蚊都無野飲, 呢度三十九有湯有飲品真係抵到爛而且我見到人地d沙律做得都幾靚, 茶餐廳價錢, 中級餐廳水準不過有讚亦有彈, 炸帶子變左腸仔又唔講我食完個飯都未黎杯咖啡撞正1點仲好多人要撘枱佢地客人多係事實, 但有d細緻野可以做好d

呢間野前身係莉萊 因為莉萊係我幾中意食既餐廳黎~ 所以見個名差唔多就去試一試睇下啦但野食方面比起之前食既差左好多,牛扒硬 唔新鮮, 有得俾你選幾成熟, 配菜都好似生生地D凍檸水都太甜, 但色香味既色就ok既, 望落去擺得唔錯, 但味道就普通荼餐廳水準到.同埋服務都真係一般般

2015年9月13日， 這裡的下午茶我間中也來，因為幾抵食， 過完年竟然仲要冇加價 ， 到而家都係這個價錢，下年會唔會加價就唔知啦， 之前我鍾意食牛柳漢堡，但是上兩次食牛柳漢堡，中間撈左好多豬肉,所以唔食了，今日食芝士煙肉蛋脆豬， 我比較喜歡這裡的麵包真的做到外脆內軟， 唔係淨係得過硬仔， 內涵唔洗講啦，但夠芝士就會溶一定好食， 沙律係只有甘筍薯仔，一兩粒的菠蘿 ，如果係唔鍾意食生果既人就啱～ 總結係抵食夾大件， 味道真係唔差，因為我食過好多四十幾元的比他玩要差很多

閒日同家人落街食個早餐, 就近近地黎左呢間試下呢間餐廳成個氣氛都較有情調 (你亦可以話佢只係比較暗xd) 唔似旁邊的光猛茶餐廳 兩者形成左好大對比食物方面 我同家人分別叫左雞扒同吉烈魚柳 兩樣野都只係不過不失啦 唯一唔好就係佢塊雞扒太乾身 好似燶左咁 野飲方面 就叫左奶茶同橙汁 家人話奶茶唔錯 但都係大家樂既奶茶最啱佢口味 而我既橙汁呢 一般啦 我只能說 点解可以咁細杯

好耐無寫食評...因今次真係好嬲...再忙都要寫同同事一共三人去食lunch...lunch set $39西餐來說不算貴餐湯無餐包跟...差左少少...食物味道不過不失...都叫做新鮮夠熱 但這餐廳的待應真係有型到呢....我勸他們應該不要做...我們食客叫他們下單真係有失他們身份...共兩男兩女待應...個個黑口黑面...無禮貌...都算...(反正我不是看劉華看上癮，知道hk人現在充滿冤氣)那兩個男待應...我看應該是老細吧!!那個長白髪那位(應該是有語言障礙)我們三人共叫了他超過10次以上...他都沒看見...我起初還懷疑是不是我們太樣衰，要他招呼我們委屈了他但見他對其他客人也是一樣，真是吹賬還有另一位戴眼鏡的男待應，叫佢落單是背對住你落的，食物來錯了和他說又發忟憎，但他總算比那個長髮的男人好(起碼肯應人)。老實講我唔明d咁既餐廳為何還有人幫親...吃了一肚氣或者那裏的食客都想減肥請我也不會再來這爛店!!!

呢間前身為莉萊餐廳，裝修過後命名為莉雅餐廳，以前莉萊專做扒，仲要可以鐵板上，好多時都好full, 裝修後第一次去食。我同同事以為只係改左名，食既應該都係嗰d野，點知一睇餐牌只有午餐set、有咖喱飯餐、有公仔麵餐，對於我地一心想据扒既黎講，真係好難選擇。最後同事揀左蕃茄什腸長通粉，我就揀左牛肩肉什菜沙律，有餐湯，我地都揀左羅宋湯，仲有兩杯熱檸水。首先講下我個牛肩肉什菜沙律，得三塊肉，好多菜，個沙律汁應該係柚子汁，超級甜，個羅宋湯都係偏甜。同事個蕃茄什腸長通粉，又係超甜，佢不嬲唔晒野，但係食左一半都無話好甜食唔落。我估我地唔會再黎食，因為大家都覺得呢間味道好差，而且佢算偏貴，涷飲再加$2，就$41個午餐，喺呢區黎講真係算貴。

睡夠，走去打波；打夠，去吃下午茶。呢個地址，以前係叫莉萊，現在是莉雅，我唔知道有沒有關係。Anyway，這裡的下午茶幾抵食，大部份三十蚊以內有交易。想吃豬扒包，包身軟熟，豬扒鬆化，質感卻不會失真，夾上清生的蕃茄，還有醒胃的千島醬，尚算不錯。此下午茶餐還拼有沙律/ 薯條，要沙律好了，二十六蚊連熱飲，吃得過。熱奶茶，奶和茶的平衡對辦，都算係咁。新開張，地方又新淨，我會再來。