Video
Opening Hours
Mon - Sun
11:30 - 22:30
Above information is for reference only. Please check details with the restaurant.
瀑布餐廳是一家位於屯門的西餐廳，它的室外環境非常美麗，特別是晚上亮燈的時候，有著瀑布一樣的燈飾，非常適合網紅打卡。餐廳的即開生蠔非常新鮮，搭配白酒和特色雞尾酒，讓人感到輕鬆又放鬆。 我特別推薦他們的銀雪魚扒，魚皮煎得香脆，肉質則是軟滑多汁，絕對能滿足喜歡海鮮的人。另外，他們的帕馬火腿比薩也很不錯，比薩皮很脆，帕馬火腿的味道濃郁。德國豬手也是不錯的選擇，豬皮燒得很酥脆，只是有點乾，建議店家可以提供一些醬汁，這樣吃起來會更好。 特色cocktail 也很值得推介 炎炎夏日 必須來一杯解解渴 而且賣相吸引 拍照一流🤗 如果你很喜歡戶外用餐， 又喜歡拍照打卡的話 瀑布餐廳是不二之選👍
continue reading
喺偏僻嘅掃管笏村入邊，竟然有一間高質、有氣氛嘅西餐廳🥰琴晚冇預約，直接walk in, 所以要等位（大概等候10分鐘就有座位了）餐廳設有座位俾人坐低等位，店員亦好細心，等位期間，遞上兩杯水同餐牌俾我地👍🏻餐廳係露天，配以少量燈飾，喺漆黑嘅掃管笏村入面，顯得格外有feel。座位坐得舒適，空間感十足！另外，餐廳設有投影機播放音樂MV, 增加氣氛不少👍🏻我們叫了黑松露雜菌薄餅 （$138）及海鮮意大利飯 （$148），食物質素正常。推薦給大西北及有揸車的人👍🏻👍🏻
continue reading
香港人出名壓力大，有時候都真係要俾時間自己出去唞一唞呼吸吓新鮮空氣～ 呢間西餐廳位於黃金海岸附近，提供多國菜料理，前菜、小食、主菜都甜品樣樣有齊！餐廳環境以藍色為主調，牆有大型打卡嘅海底圖案，座位有戶外同室內位置，而且亦可以泊車，方便大家前往💕前菜要咗三款，蘑菇湯熱呼呼，口感濃稠，散發著淡淡嘅奶香味，令人胃口大開、墨西哥香辣玉米片脆卜卜，撒上肉碎、芝士、洋蔥、牛油果醬等調味料，作為解口痕之選就最合適不過🫣 而炸物反而幾有驚喜，有魷魚圈、大蝦同意大利青瓜配他他醬，炸粉唔算太厚而且食落都唔會話好油，可以一試👌🏻主菜方面都有好多選擇，海蠦魚外皮煎至脆身，入口滑溜，調味適中，旁邊搭配香滑薯蓉，意大利西蘭花同橄欖油，打卡able又好味😋 美國安格斯牛肉漢堡賣相一流，麵包外層帶點微脆，入面塗上滿滿嘅牛油，口感鬆軟，牛肉厚度啱啱好，內裡粉嫩，咬落juicy，配上番茄、生菜等配料，絕對比得上出面嘅漢堡包專門店～ 相比之下經典肉醬闊條麵就略為普通，麵條軟硬度適中，都算掛汁，試試無妨😃 飲品就有咖啡、汽水、果汁等，而甜品都幾值得一提，今日係朱古力榛子脆脆，一層cream一層脆餅咁，整體口感豐富而且味道甜而不膩，朱古力控表示滿意呀🍫
continue reading
今日同朋友食生日飯係屯門揾到間隱世高質既西餐廳💗老闆好有心做 💗 要支持小店呀🙌🏻 因為啲野食可以比美中環九龍區既質數💗環境中好chill添👍🏻龍蝦湯： 用大量新鮮蝦頭淆既湯，好鮮味，好明顯同出面飲開既好唔同，一試就知真係用蝦去淆👍🏻淆足兩日既精華黎家😍必試龍蝦意大利飯：用龍蝦頭湯底黎做意大利飯，好鮮味，飯粒有咬口，好入味😋巴馬火蹆pizza 👍🏻👍🏻必試豬手：好有儀式感，世闆將豬腳送到枱前，然後淋上玫瑰露酒，即場將豬手用火燒一次，呢一幕係用黎將豬手既油脂迫出黎，好似睇magic甘興奮😂 視覺上享受 😍 隻豬手食落無油利感，還有少少玫瑰露油既香味，肉汁juicy, 4個人KO哂成隻 😋黑松露薯條值得一試 👍🏻必試甜品：花生黑芝麻麻薯💗 呢個甜品有驚喜呀🥹 超級好食，好有層次感，成個組合好夾得黎唔會太甜，芝麻同花生既香味夾埋麻薯一齊食，個口感好豐富，想encore 🤣
continue reading
14.01.2023 星期六 晚瀑布餐廳這間位於屯門掃管笏的瀑布餐廳，對於九龍或香港島的朋友來說，相當隔涉不便，自己揸車會好些；但如果住在新界西朋友，可以乘坐小巴43、43C、43S或巴士K53，沿小路見一間地產公司前行幾分鐘，就會見到餐廳。來到餐廳門外，見到一幢兩層高的村屋，樹上及外牆掛滿五光十色的燈飾，非常奪目；餐廳很用心佈置，有幾棵大樹，大樹上有瀑布式設計的閃燈，晚上一閃一閃，漂亮得不得了；還有兩個木秋千，也供消閒拍照；另一片牆上畫上了不少海洋生物，例如大鯨魚、海豚、八爪魚等。牆上另有超級大電視，當晚正在播放足球比賽，氣氛很熱閙，如果喜歡看足球，是一個不錯的地方。因為這晩天氣好，所以選擇了坐戶外，之前訂枱時跟職員說我們不吸煙，又怕吸二手煙，她說會安排跟其他人遠離些的簷蓬座位，當來到時，見三張簷蓬大枱，並不如之前說分隔一角，幸好當天無人吸煙，問題不大，我相信所謂另一角，是一張矮枱，適合喝酒暢歡，不宜吃飯用。訂枱之時，已經預先問餐單，包括有前菜、小食、湯、pizza、main/side dish，還有國王和皇后海鮮拼盤。主菜包括精選龍蝦煲、原條香草檸檬鹽焗鱸魚、白酒醋炒新西蘭鑽石蜆煲、北海道十勝A4和牛、北海道千歲米豚等國王拼盤 $1278KING PLATTER皇帝蟹腳（4 隻）、精選生蠔（8pcs)、凍蝦（8pcs)、麵包蟹、翡翠螺（8pcs)、鮑魚（4pcs)、帶子（4pcs)、三文魚子，另一款皇后拼盤項目一樣，只是份量減半而已。這個國王拼盤一來到，大家不禁哇了一聲，一個啡色花紋的巨大貝殻鋪滿了海鮮，叫人非常驚喜意外，遇上今天家人生日，最適合齊齊拍照，十分漂亮。各種海鮮十分新鮮，鮑魚經過磯燒調製，十分美味。生蠔是美國紅鑽，鮮甜爽口，吃了之後想再添；於是加了六隻紅鑽，兩隻忘記甚麼名字😂，每隻$68，今趟是一個閃亮的小一些藍色貝殻盛載。十分耀眼。柚子凱撇沙律 配蜜糖香草包粒$68生火腿火箭菜沙律$78清酒煙肉炒椰菜仔$68蒜香牛油雜菌$68沙律無甚特別，反而兩款side dish烹調得很野味，想不到如此美味。時令龍蝦煲 配法包$528白酒醋炒新西蘭鑽石蜆煲 $238龍蝦煲、鑽石蜆煲都是原煲上，熱辣辣，尤其是龍蝦，部分已拆肉，十分細心，龍蝦汁濃郁，配上蜆形法包，十分滋味。美國安格斯西冷 $248要求5成，可惜上桌時已經七、八成，家人輕聲說了一句，職員在旁聽到馬上取走更換，之後來的果然是五成，肉質鮮嫩不錯。試了幾款飲品，Blackberry Yakut (Frozen)、Blackberry Lime Soda尤其特別可口。這一晚戶外顧客不多，職員在旁招呼週到，在這麼特別環境下品嚐佳餚，實在是一大享受，推薦給大家來試試。
continue reading