小肥牛火鍋活魚專門店 (Closed)

$248@1 七點半食兩個半小時先食蒸氣火鍋 再打邊爐成個餐都唔太清楚點挽 黎左龍蝦 海蝦 鮑魚 蜆 帶子 蚌，蒸左10分鐘到 海鮮吾算新鮮 有兩隻蝦都梅梅地⋯ 帶子好細粒 鮑魚最好食!!👍🏼豬潤好硬完全咬吾到 雞件比加$68任食牛更好食 件件都好大舊 不過一次黎得3件 而且落完單好耐先上菜任食以外嗌左牛頸脊 冇乜筋 灼10秒到食就啱啱好😎墨魚滑是打邊勞的must have吧😌🤤來來去去得2-3個侍應負責入單 執枱 上菜嗌左塊雞件最尾10分鐘先黎😂

六人一行，宣傳单进明五人一份酸菜，六人或以上二份。知客放下兩碟喬頭，兩碟花生。以为咁样叫兩份，点知收我4x$12=48, 我觉得唔合理，佢自己放低4碟就收4份錢。咁宣傳单內的细字不用理？何况又有几多人会看！最后他們也给回我$24

约左朋友去大圍小肥牛打邊爐，去到先知有海鲜半放題，每位$248，海鲜有三層蒸，又龍蝦、又鲍鱼、又元貝、又海蝦、仲有象拔蚌仔，湯底又有8款可以選1款，侍應好細心，每食完一層都換骨碟，食完海鲜繼續打邊爐，火煱配料都有40幾款任食，任食漏單好正常，同侍應講即補返，真係值得一讚，又有10幾款飲品任飲，總括一句，服務態度好，食物水準好，有驚喜。

路過上嚟嗌咗一人248嘅任食套餐, 有海鮮蒸鍋同任食火鍋嘢食質素一般, 但食完個蒸鍋之後嗌嘅任食邊爐料不斷漏單, 嗌10款嚟5款（較平嘅料, 較貴嘅會自動消失, , 經常枱面係完全吉咁等緊嘢食, 催單三四次先嚟一次, 最後唔駛補單都嚟到, 明顯係特登拖單打2個半鐘有1個鐘等緊嘢食最後未飽都放棄咗嗌（牛脷托3次單都有落但得最尾嗰次嚟咗, 2塊）埋單個陣佢醬料酸菜共收咗位位24+9, 但因為入座時完全無提及相關收費所以有啲愕然, 成張單再加1就由每位248變318, 唔太抵食, 店家亦唔太老實 唔建議大家食完

同老公即興想打邊爐，就諗到小肥牛，但冇book枱以為冇優惠，點知D姐姐好熱情，好好人，話可以選特價餐，有2人餐、4人餐，見2人餐湯底可以三選一，牛肉又可以二選一，仲有我至愛嘅芝士牛丸同鵝肝墨丸，又包飲品，都係$398，以為份量唔會多，點知全部份量十足，結果食唔曬仲可以打包走，絕對超值，下次約埋朋友再食4人餐，

落雨的平日，兩人慢慢邊食邊傾，所以選擇了打邊爐，這是第一次光顧。** 環境 ：以一般餐廳，枱同枱之間都有空間，可能預留加枱放食物，平日的關系，空間都算充裕，舒適** 食物 ： 選擇二人餐湯底 ：有4款 薯仔番茄牛/ 芫茜皮蛋/ 豆腐清湯/ 清湯+沙嗲。 （選了芫茜） 勁多料，好芫茜味，都可以食物 ： 四宝鮮丸 / 芝心牛丸併鵝肝墨丸 / 豬腩片 / 本地手切牛 / 脆肉魚片 / 生菜 / 魚皮 / 響鈴 / 烏冬1.5 個（鮮丸非常好， 調味好， 彈牙/ 豬肉超肥，但算好味 / 牛肉味尚可，但好^恨^ / 其他普通） 飲品 ： 餐飲包兩杯汽水 ，我們選了 鮮檸七*** 總結 ： 以二人餐價錢，我覺得都尚可接受，但假日散叫價錢都幾貴. 都值得一去.

O(∩_∩)O哈哈~12號dse放榜日，細妹考得幾好入U有望！於是乎一家子8人book左房系14號一同去慶祝！嘻嘻嘻~有五折tim！好抵食！好好食！！！真系超級無敵霹靂平同讚！！！阿妹就話想試下鱆紅魚喔，阿爸梗系大方出錢啦~話到明系出來慶祝嘛！我就有福啦啦啦！幾乎半盤刺身都納入肚中、好滿足呀。食肉獸細妹就點左好多肉肉~羊肉片X3，美國雪花肥牛X2，安格斯大牛X2，手切牛大X2，豬腩肉，豬梅肉X2。。。最後都剩番幾多要打包（ 由於 爸媽都少食肉，宜加注重養生就食菜同丸果啲多咯~）。。。 大家覺得分量賣相都好（無知why其他人食評覺得分量質量唔好。。？）！個人覺得價錢都適中啦~加埋有半折單，簡直系天上掉餡餅feel！阿妹同爸就話好平好抵吃！唔知折扣時段會持續到幾時勒~~有諗住之後叫埋班friend一起來大快朵頤，填飽五臟府~！！我地都食咗九層海鮮塔~誇張地講，，，20分鐘左右就食得乾乾淨淨~唉~全家都爭住夾~大佬就系咁搶~ 畀佢女朋友 我未來大嫂吃~~~~心累！誰說女生外向~！！？龍蝦同螃蟹都好新鮮，都系媽咪溫柔賢淑，哈哈幫我地分左頭頭尾尾~感覺身心幸福！可能夏天嗰關係，我覺得幾口渴總共叫

小肥牛活魚大圍店曾是我們親朋戚友聚會喜歡光顧的火煱店，我們一行八人於今晚21:05入座，再次光顧這家火鍋店，但非常失望，收費昂貴、食物嚴重縮水，雪花牛肉得薄薄幾片，再加碟安格士牛肉大份也又縮水，吾夠喉再加二味煎炸也送酒，送上後又是袖珍式細碟上，隨意填一下肚，宵夜買單竟然$2000，曾經性價比很高的一間鋪竟然已人客疏落，少人幫親，宵夜時段有半價卻又吾誠實話俾客聽，嚴重不滿，下次吾會再光顧此店，吾明白連鎖店的服務方式做到咁。

四大一小，（唔夠兩歲）照收醬料費。叫左一碟$138美國雪花肥牛，得五片。食左：墨魚滑，鵝肝牛丸，豚肉片，蜂巢豆腐，支足，粟米，黑松露水餃，唐生菜，炸魚皮，兩搾竹庶水。湯底：黑椒豬肚豬手鍋$98埋單$1000

本身幾中意食辣既，同朋友一起嗌咗四川麻辣配沙爹（鴛鴦湯底）~超爽超好味。裡面既豬紅，魷魚等材料鮮美可口，仲嗌咗2碟鮮四食寶丸，粒粒均勻彈牙；金風響鈴，酥脆賣相幾好睇同回味無窮；脆鯇腩好鮮嫩肉質簡直妙不可言，配上果d醬料，食到 lam lam 脷；加拿大象拔蚌爽滑清甜，雖然 幾貴，不過個人覺得喺抵既，因為市面都系差唔多價錢架但系我覺得冇今次系呢度食既甘爽口lo~~~炸魚皮脆卜卜，分量都ok~隻不過感覺好似冇前幾年好味甘~~另外，椒鹽魷魚鬚同炸芋頭......都好贊朋友都嗌咗蟹子墨魚滑和鮮蝦滑，我之前冇點食過，仲以為系雪糕球來~哈哈哈，分量幾足，到咗最尾佢仲打咗幾個思噎！！我仲食咗幾多野tim，蜂巢豆腐，道庭烏冬，北海道帶子，，，都好讚牙( ⊙ o ⊙ )！~~~感覺非一般舒爽~我諗~呢個唔通唔埋作為為食貓~喵喵~~~既自覺咩~~yahoo！PS：覺得服務都好好呀，有靚女既微笑同禮貌服務，感覺未食野就已經心花怒放~&環境都唔錯~竹蔗水果d都好好味~清熱解毒，好啱夏季飲！鑒於此，特來送上好評，希望繼續努力啦~會諗住帶埋屋企人一齊打邊爐之後~，體驗都幾好幾開心

差不多每年食3~5 次，今次勁失望！訂左位，入到去，見到小貓三幾圍已覺不妥，以前是等位等到傻架嘛！anyway, 齊人（8大1小）點火鍋，價錢上漲明白接受，因為咩都貴，但d 份量都一起減少，就有點過份！接近50元一份炸魚皮只得4片？我們實在接受不了，馬上理論，之後補返4片！手打丸 d size 起碼細左一半，豬潤洗得不乾淨有臭味！肥牛質量亦差左，接近200片一碟，但韌的。。。總之除左服務沒有差外，食物水準真的強差人意😓😓人均消費$460元，我們可以食好d!

湯底還可以，點了牛肉，大小各一盤，小的一盤有點不值，竟然咬不動😂。其它食物還可以，特別是手打蝦滑👍炸魚皮亦是咬不動😂點了象拔蚌，價錢超貴，有點不值。最後，送上壽包，有點心思（網上預訂是註明生日聚會），但可惜是凍的。

幫朋友慶生，諗住近近地打過邊爐，可惜朋友見到有海鮮九層塔話想試下，咁就出事了。九層塔有: 花蛤，北寄貝，大蜆，帶子，刀貝，鮑魚，龍躉肉，龍蝦，花蟹。貝殼類海產還可以，唯帶子差，無鮮味龍躉肉好腥，又多鱗一隻龍蝦分兩邊，無咩味鮑魚最好食花蟹奇差，有兩隻，我食果隻係霉嘅，好臭。朋友食果隻就ok，不過肉質都係唔爽身。。。九層塔還包一個湯底，响螺海鮮湯底，聲稱是最貴嘅湯種，但螺頭雪藏味很重，又無海鮮味，仲有上面啲蟹味滴曬落個湯度，好唔鐘意。九層海鮮係食唔飽嘅，點了額外牛肉，魚皮，皇帝菜，四寶丸。火鍋料整體係 okay，但湯底唔好就打左折啦埋單 $15xx, 淨九層塔要 $980。

朋友有張半價優惠券，一去到個侍應已經係咁sell d貴湯底，我哋話諗下先啦。之後又係咁sell象拔蚌，話好抵八百幾蚊半價左三百幾我哋話等埋朋友來先，之後朋友嚟到，個侍應sell我朋友話八百幾蚊半價好抵。咁我朋友話要。最後我哋埋單先見到原來八百幾蚊係已經半嫁咗。佢話之前八百幾蚊半價三百幾係半條。一條象拔蚌要1700百幾蚊。我地唔係無錢食，但係要清清楚楚，生意唔係咁做做生意唔老實。賺多幾百蚊蝕左個信譽!!

一大班人食生日飯 叫左兩個九層塔 一個都$988 得個幾舊仔野食 兩三下就食曬 食完等於無食過咁 d野食正常 但份量奇少 完全性價比低 d呀姐叫極唔應 愈叫愈走 食到成肚氣 九個人埋單四千幾 仲要最尾叫多幾個面先頂到下肚 以後唔會再去