小肥牛火鍋活魚專門店 (Closed)

朋友話有半價CAUPON 所以我地成班就約左去食呢間小肥牛我地一入到去姐姐就介紹我地食放題+海鮮態度服務唔錯 D海鮮都算新鮮 當中最值班推介既係安格斯牛肉但要+多68蚊先可以任食 如果唔係只係比人碟你整體上都唔錯啦 有機會都可以再試

本來路過食餐飯都費時打咁多字。叫咗啲牛肉$80碟，非常薄，而且質素極之一般，烏冬一小塊，一碟又收你幾十，加埋啲丸，叫咗幾碟埋單已經每人200幾，整體黎講價錢極之唔化算。呢個份量都質素附近大把更好的選擇。最唔合理嘅係本來有幾張coupon又話乜冇預先登記唔用得，又話坐低時有提(同枱根本冇人聽到，從來冇寫明)，一聽就知係無理由，你發得coupon又有埋印即係預咗條數，人地揸住正本用你都賴帳唔認。費時同佢拗，當食貴啲以後唔駛再去。難怪假期都咁小人，各位去食自己小心考慮。

不知所謂的火鍋店，食物垃圾，服務零分，食到一肚火。 見佢係大圍開左咁耐未食過試下啦，即「中伏」。$988 個九層塔完全呃錢，份量奇少，海鮮唔新鮮，食頭3層都係蜆，蜆同蜆，無錯，加埋都唔知夠唔夠半斤既蜆，咁就1/3個塔！第4層迷你帶子，細過你食帶子腸粉入而果粒帶子，第5層8片仔魚，隨魚附送魚鱗，第6層同7層分別係蟹同龍蝦，不過都係超迷你，最底層就係靭過香口膠嘅鮑魚，食完都唔知食左咩落肚，咁就盛惠$988。另加啲火鍋配料都係十分極之唔掂，水餃有酸味，叫佢退返，職員即刻耍太極，話如果退佢要寫報告喎，咁既藉口真係聞所未聞！跟住叫左個烏東，點知得一個，咁就收$40大元，即刻xyz#%... 三個字講哂「貴夾少」，都唔想再講點差。食物唔掂，我當我地唔好彩，最多下次唔再來，點知一收到張單即刻火都黎，手抱嬰兒和兩歲都照計醬油錢（$17位），照計酸菜錢（$24位），無x野呀，問佢話擺左位就要收錢，咩手法呀，任「劏」？ 食物呃秤都唔夠，連呢啲都要呃，呃人呃到盡，絕對不會再幫襯！！！！

尋晚成班朋友揀左大圍小肥牛食晚飯聚下，去到見到有好4-5個套餐，個個餐都有唔同既海鮮食，我地人多，最後食到勁飽飽咁走，介紹一下先，佢地餐廳環境分別有大廳同房仔，位置闊落就算一大班人聚埋都唔會覺得坐得迫迫夾（當然我地個個身形都唔細下），舉手一叫侍應都好快就過黎處理，反應都好好介紹食物之前，打邊爐喎，最緊要係個鍋同爐，呢到用既係電磁爐，唔會感到好熱，個湯銅又大大個，就算一大班朋友個個都放野落去都唔會煮唔到，可能因為設計好，起碼唔駛成日不停叫加湯（其實可能因為侍應貼心，成日都有行開行埋幫我地睇埋夠唔夠，好多時未叫，佢地都會主動幫我地加湯，所以唔駛傾住計都要成日掛住驚滾濃）輪到介紹食物啦！呢到既海鮮勁鮮甜，蝦同龍蝦質感爽口，花甲同扇貝，鮑魚食落唔會有沙，最開心係食蠔（大細有如小朋友手掌）勁肥美，至於肉類（因為個個都係牛精）所以叫左幾款唔同既牛肉，碟碟都勁新鮮有牛味，唔羶唔韌，鴨舌同椒鹽鮮魷冇得輸送啤酒一流手打蝦丸，墨魚丸，牛丸都彈牙，湯底又夠味，鮮魚刺身又鮮甜（唔會差過日式店）成班朋友一致好評，係聚會好地方食飽飽埋單，仲有一大疊$100優惠券，下次又可以要黎食過啦！

今日趁阿仔放假，一於出街食好野，路經小肥牛，見有套餐做特價，4人套餐啱晒我地，套餐湯底有3款揀，牛肉又可以揀，又有刺身食，仲包埋飲品……正，特價都係$888，真係超值，4個人都食到飽晒，服務都算唔錯，一個字……正

琴晚同班同事gathering . 難得有房方便傾計 咁就去下試下 原來價錢都合埋 比我地平時攪gathering都平 飲埋酒每人都係幾舊 火鍋湯底真係正既 食物都多選擇 。一班人夜晚gathering 好選擇

朋友俾了八張半價的代用卷，於是一於去試下，但因為半價卷的關係，所以一係散叫食物，一係食九層塔海鮮餐，老公唔想煩，加上職員係咁話呢個餐抵食，所以就叫了。海鮮一層一層咁食，有不同的蜆殼類海鮮，全部都好鮮甜，在殼內的‘湯’也一樣鮮甜，好味！只係蟹類的膏不多，有啲失望。最底層係湯底，有龍躉，一樣好甜，我地選擇每人先飲一碗湯再打邊爐，牛肉好薄，滾兩滾就食得，竹笙索湯，也好味。整體係好食，但扣哂代用卷，加茶芥，加一，都要$1000，所以應該散叫會更化算😊

與朋友叫了HK$248 任食,先來一個五層海鮮,內有每人半隻中小龍蝦加其他海鮮,但全程沒有人招呼及計時(另一間旺角小肥牛是有的),幫手跟進,最後全部都過熟了,象拔蚌熟到咬唔開,鮑魚又係咁.食完海鮮後,點其他任食質素麻麻,但任飲好麻煩,次次要叫職員取才有,其他任食火鍋一早放個雪櫃比你自取到結賬睇張單 636 蚊,原來酸菜及醬油已佔了HK$82蚊,即每人41蚊,雖然你一開始有提.但咁樣搶發,係客條氣都唔順!其他任食都無你咁亂收24,

星期六晚收工，諗住同老婆係大圍食飯，但係正值晚飯時間，幾間成日去既餐廳都已經排曬長龍，剛巧經過積信街既小肥牛，心諗係大圍住咁耐，都未試過黎小肥牛打邊爐，所以即管上去拎位，點知上到去竟然唔洗等位，而且現場仲有好多吉枱，最後叫左莞醬皮蛋湯鍋$70，極品手切本地肥牛(大)$218，響鈴$45，脆鯇片$50六塊魚片，蓮藕片$35八塊，西洋菜$35，自家制酒鴨舌$60約20條，竹蔗水$28一渣，醬油$17x2，酸菜$12一份，收左2份錢。埋單$659。份量少，收呢個價錢絕對唔合理。終於過200字可以評分，已經無心機再打落去。一句講曬，以後唔會再去既餐廳。

以前很喜歡經常去的店，現在已成為不會再去的店，不斷巧立名目收錢，幾個月前食過一次已覺變衰左，但覺得一次半次唔好彩啫，於是再次光顧，打電話訂位，很奇怪第一句就問有沒有優惠劵，我真係有優惠劵，擺明有劵無劵是不同服務的，7點多上到去，10枱7空，今次我一共6大4細10位，消費4千多，但食唔飽，食材如下，九層塔內有一只波龍，2只蟹仔，4只包魚仔，幾塊班塊，4只元貝仔，然後大中小沙白各一層，再加湯水一共九層，呢個九層塔2個正常成人係唔夠食的，但夠消磨時間，另外點了3碟牛，一只象拔蚌，，1份刺身，1個醉蟹煲，3份牛丸，2份丁麵，2份響鈴，1份菜，3渣飲品，2支啤酒，食完臨走叫佢地打張單黎睇下，服務員好熟練話我地食物一共點左3千3左右，我話好，打張單俾我睇下，我要賣單啦，服務員好唔情願甘話打左單就無得再點野，我要賣單啦仲點咩春野呢，張單一出，盛惠4千2，多出既係加一，鼓油，花生，茶位，其實都係小事，最可惜係我比甘既錢，得到既食物質與量唔成正比，總之你唔介意食物質素，但求有地方可坐，而又相當有錢，賣單又從來唔睇單，呢間你可以去，肯定有位唔使等

很久也沒到過這裏了，自從相熟的經理走後，也有一段時間沒來了，今天不想走太遠，加上之前看到傳單上推廣$248一位龍蝦海鮮餐，任食其他配菜及任飲的餐單，故再到此一遊。沒料到埋單時發現，4個人只給了我們一碟花生及一碟酸菜竟要收$96，另外醬油每位要另外收$17，收費勁離譜，真喺超嬲，根本就一點都唔合理，都唔知佢點做生意，最後結帳時送上一張$100現金卷，聲稱下次結帳時可用，我們想也不想說不用了，因為以後也不會再來。像這樣的食肆，難怪晚上黃金時段也不滿座。

           經過大圍，本來想去打冷同個朋友，但經過大圍小肥牛時見到他地樓下的展示架，有3層海鮮蒸渦時，另加$68還可以任食即開生蠔，收費為$248一位，大家聼到呢度係米覺得值得一試？甘你就中伏了，備註：所以我被伏了。          首先我地上去問前臺係米可以另加$68任食即開生蠔？          職員即回答：吾好意思阿，宜家未有，話唔係食生蠔的季節，但可以試下她地的桶蠔（當然收費也是10倍拉）隨後職員見我地好似要走，她就好熱情甘話坐D先，介紹被我地，之後我揀左個海鮮三層塔加打邊爐個套餐；................10分鐘后個海鮮三層塔上左了，用蓋蓋住，水滾后4分鐘可以食...................當打開個蓋時，不忍個心不斷講粗口，好，現在同大家介紹下呢個海鮮三層塔有幾甘巴閉，首先第一層有幼如1次性筷子的某類海鮮，數量4-6條，因爲我都吾知係咩，食落無味，好似橡膠，咬都咬晤開，然後第二層巴閉拉，2只墨魚仔+4只砂白，完，第三層就係一只小龍蝦，切開兩邊，+4只小蝦，當然呢三層都有鋪6-7條芽菜拉；           之後打邊爐，原來係指定10-15款的配

My friend picked this restaurant as our CNY gathering venue because he got a stack of the $100 dollars off coupons from his previous visit. Place was very packed but we managed to book a room so it was ok, nice and quiet for us. Food was quick to come along with the pots, but we had a problem with one of the electric stoves. Staff was friendly and was able to fixed the problem for us. Overall, the food was decent, beef was pretty good, seafood is fresh. However I wouldn’t recommend ordering the

這間分店以前周不時跟舊同事來吃，時隔約兩年，竟然遇到不快事件因為幫襯過，覺得ok, 於是介紹朋友來打邊爐，我內疚了我見各類食物都加價了不少，明白通漲咩都貴曬好正常，但送來的食物份量也減少了不少.......比較貴的只叫了啤酒，兩碟牛及一個桶蠔 (e度大概600-700)，其他都是平價的丸，菜，芋絲等等，最後四人埋單接近1800，人均440...... 唔抵食都算，check 單時發現收多左錢，竟然收左我地十一個酸菜 ($12一個酸菜，e度$132+10%)！！！！ 而且是分兩次入單， 在收費單的第一行顯示收五個酸菜費，然後在十行之下再混入收多六個酸菜費，張單印得好淺色，加上不知有心定無意，六個酸菜o個一行零零捨捨矇左好似俾水濺濕左，如果唔check單或是求其check根本發現不到！當我們發現後，便叫侍應改改，改完之後還是收左我們五個酸菜費，還已碌左我地張信用卡......最後才退了現金$12給我們 我們是坐vip房的，離開時聽到大廳有一圍客人都遇到一模一樣的問題，大罵他們不老實，所以我認為不是個別事件第二日在網上發現原來一至五位客人才收一個酸菜費.....即是到最後還是收多了三個酸菜費

次次約阿妹打邊爐都係去係去小肥牛，今次都唔例外，今次揀左龍蝦三層蒸半放題，龍蝦肉夠彈牙，配埋時令海鮮，啲蜆大大隻，鮮甜又無沙（無沙都唔係間間做到），再加埋追加任食安格斯牛頸脊，好過出面任食火煱啲所謂肥牛，飲品又任飲，仲有火煱料又任食，嚮鈴同炸魚皮都好高質，啲丸類，餃類同出面比較，有誠意好多，……正，食左3轉安格斯牛頸脊，……低食，食到好飽，最緊要係啲野食質素高，食完仲有現金券派……超值......家庭聚會唔錯嘅選擇。