California Pizza Kitchen (黃埔天地美食坊)

Open Now

Now Closed

外賣，大部份正常除左個義大利檸檬白酒汁雞意粉。 酸， 唔係檸檬或白酒煮完嘅留香， 睇漏左有水瓜柳，純粹好難食完全off balance 嘅sour note . 原片檸檬放耐左個rind 有reaction變苦都明，少少苦可以ignore, 但冇諗過咁難食。 Pizza ok . Risotto 合格嘅， 不過冇諗過咁重cream . 就係點外賣都有考慮用餐同堂食會有出入。 最好食反而係唔需要煮食技巧嘅沙律。

平日坐5成嘅餐廳，尋日母親節前夕，到4點都仲可以訂枱，以為生意淡薄，原來係大家都 walk in。經理姨姨做到聲沙，後生侍應們一拎起野就跑，全部人仲有問必答，無唔耐煩，賣單仲有講多謝，我食食下差啲被感動到喊。已經唔貴，部分野飲可以 refill，老人家拎熱水都無托手㬹，仲要 open rice 9折，好想講，呢間 CPK 係我心目中嘅米芝蓮。食物質素，Pizza 係卓越嘅，牛扒係香口嘅，韓雞係惹味嘅，燴飯係好食嘅，所有野都係 standard 正正常常，以一家人個個口味唔同，都話好 ok ，夠啦。兒童餐係比較弱左少少，對呢個可以稍為降低啲期望值。但佢有相當充足嘅BB櫈，枱同枱之間有非常充裕嘅空間，客多客少嘅情況下，冷氣都可以做到唔凍唔熱，好舒適，有時會諗，究竟我經歷左啲咩，可以因為呢啲基本野，而會覺得唔表揚，自己會內疚。

昨晚的經驗讓我急不及待要分享出來我們12人有大有細的來California Pizza Kitchen吃生日晚餐餐廳地點方便，環境舒服，還可以看到即場製作pizza及火爐，小朋友非常興奮兒童餐大份又好味，而且健康！不像其他餐廳經常是薯條、啫喱或蛋糕。6個小朋友都吃得津津有味。餐後還可以到門口扭蛋，實在完美（是正版的不是淘佬垃圾🤣）大人點的餐點都意想不到地好好味🤤薯條又香又甜凱撒沙律的巴馬臣芝士及麵包碎夠重手👍🏻手工pizza當然不用多講地正估唔到意粉讓我哋最驚艷！兩碟接在手上香味撲鼻而來，軟硬程度及調味都剛剛好檸檬茶可以添飲👍🏻不得不說的是服務有禮而快速，特別是戴眼鏡的男生應該是經理，服務殷勤，小朋友想睇整pizza他還幫手抱佢上凳睇清楚非常期待下次再嚟過呢度

坐得舒服，地方大，員工友善，有禮貌，座位任你坐，order檸檬雞胸意粉，入口唔酸，雞胸唔乾唔柴好食。凱撒沙律，菜好新鮮👍🏻lunch set價錢抵食 , 選擇多。

牛油果蛋卷，材料多滿滿咬入口超極滿足，是呢間餐廳必點。pizza都好食，特色香辣腸火腿pizza又是必點。服務好，客人多忙到7彩，仲時不時望下d客人有冇需要加水，又話我知用openrice 訂枱有優惠添。

自從呢間餐廳收縮分店，真係好幾年無食過，有日搭車路過巨盒商場，上openrice搵下先知呢間餐廳開返某d地段的分店，一搵之下見openrice做黃埔分店閒日晚市7折，快快book左先。閒日晚果然少客d,上菜又快，職員有禮貌。pizza揀左牛油果烤雞，味道幾好但配料太獨立，番茄同牛油果係焗起左放上pizza面，我仲以為係混合雞肉芝士一齊入焗爐焗，經典批底都做到批邊脆而批底有煙韌度，下次要揀其他口味的食下。烤雞沙律又係必食既，繼續保留黑豆同薄脆的材料，口感豐富既沙律，好食就當然2個人都要叫全份先夠喉，甜品試左青檸批，不似預期的，係凍餅，青檸餡太酸同唔夠挺身，唔會再叫。

餐廳環境寬敞，又大又多位，服務非常之好，又細心體貼，服務員而且好有禮貌，交通都非常方便，附近有巴士站的士站同埋地鐵站站。呢間餐廳簡直就係性價比高，我覺得最好食嘅就係Pizza同意粉，仲有其他小食同沙律都係推薦嘅。佢嘅Pizza又熱又脆，做得好出色，有地道嘅風味。佢嘅甜品都同樣精彩，特別係個朱古力疏乎厘，再加個雪糕球，簡直就係大滿足呀。佢嘅Pizza種類，都有好多俾你揀嘅，我最鍾意食嘅就係the work.

放假約到閏蜜一齊嘆下傾下計，記得黃埔呢間California Pizza Kitchen 地方夠大，可以坐得好舒服😻估唔到假日都有午市套餐，價錢低至$98都有，包三款食品，想試多啲既朋友仔都可以另加錢試多啲食物🥘我地叫咗一個$98和一個$128既午餐，分別係摩洛哥風味雞肉沙律和烤南瓜香蝦糙米飯，我和朋友都好滿意😀香脆炸薯（8/10）- 新鮮炸起😃好好味！真係用真薯仔🥔😆青豆薏米蓉湯（8/10）- 好健康，好鐘意青豆加薏米呢個配搭👍🏻👍🏻摩洛哥風味雞肉沙律 (9/10) - 沙律好新鮮，材料又豐富，有大量嘅紅菜頭同牛油果🥑調味好味🤤正！烤南瓜香蝦糙米飯 (10/10)- 好好味！好creamy 😍😍 我數過有四隻大大大蝦🍤，蝦烤到好脆😀😀又厚肉，正！果味檸檬特飲(10/10)- 我地叫咗一杯士多啤梨味和一杯熱情果味，大家都好喜歡😻😻呢間分店真係唔錯，食物好味，待應服務良好，仲坐得舒服，無論黎快食定聚會都好適合！California Pizza Kitchen (黃埔天地美食坊) (紅磡)紅磡黃埔天地美食坊(第8期)3樓302號舖

黃埔西式下午茶之選☺️環境舒服寬敞闊落,好適合家庭聚/帶小朋友開生日party~同男朋友一人叫咗一個Set, 卡邦尼意粉同五重芝士pizza，每個套餐都有一個餐湯同餐飲。卡邦尼意粉煙肉好香口而且意粉偏乾身，同平時食開嘅有唔同嘅感覺👍🏻👍🏻pizza芝士好足料 最鍾意佢入邊加蕃茄🤣🤣如果加少少蜜糖就更jenggggFive Cheese Pizza $108Sedona CupPeach LemonadeCabonara $108Dakota CupStrawberry Lemonade

今日去咗黃埔探朋友，響 California Pizza Kitchen 食午餐，呢間餐廳好大，座位寬敞舒服，仲播住啲輕鬆嘅音樂，整個氣氛好放鬆。點咗兩個休閒午餐，燒烤雞肉沙律，入面有黑豆、甜粟米、沙葛粒、新鮮芫茜、羅勒、墨西哥薄脆、蒙特利芝士、燒烤雞肉、蕃茄同青蔥，配搭好豐富。加埋佢哋嘅秘製香草沙律汁，味道清新又健康。意式檸檬白酒汁燴雞肉扁意大利粉，意大利粉煮得剛好，搭配檸檬白酒汁，酸酸甜甜嘅味道，仲有啲香草味，食落去好開胃。雞肉份量充足，食完呢個意粉已經有少少飽。第一次試墨西哥粟米湯，湯底濃郁，粟米粒粒鮮甜，酸甜嘅味道好特別，口味有啲意想不到。香脆炸薯角同韓式風味甜辣雞膇都唔錯，雞膇炸得金黃香脆，配上甜辣醬，味道濃烈仲有啲微辣，搭配兩杯冰涼嘅梳打，爽口得嚟又解膩。我哋食緊嘅時候，朋友話呢度嘅 pizza 系佢試過最正宗嘅美國味道，下次我一定要試吓！

📍今次我地嚟到紅磡黃埔天地美食坊，California Pizza Kitchen，啱啱開左新分店！環境靚靚地，餐廳大又舒服，好適合朋友聚會或者家人食飯～🐷五色芝士呢款前菜真係超級吸引！芝士味濃郁，仲有五種唔同嘅芝士，咬落去咁順滑，好似口腔入面有party咁，超推！😋😋🐷鮮茄薄餅前菜薄餅底脆口，鮮茄味道正，配上芝士，味道好平衡。口感唔會太重，啱啱好～🐷細凱撒沙律沙律入面有脆脆面包 加埋凱撒醬，好清新。雖然係細份，但夠味道，適合開胃～🐷🐷青豆薏米蓉湯青豆同薏米嘅搭配好特別，湯底滑順，飲落去有滿足感🐷烤南瓜香蝦糙米飯南瓜焗得香香脆脆，蝦仁鮮甜又大隻🦐糙米飯粒粒分明，健康又美味，食完仲唔會有負擔🤣🐷草莓芒果冷凍特飲呢杯飲品啱啱好，草莓同芒果味濃郁，完全冇酒精，飲落去超清涼🥹🐷鮮果百里香冰茶冰茶好清新，果味夠，但又唔會太甜，百里香添咗啲香氣，味道真係好好～😘California Pizza Kitchen📍紅磡黃埔天地美食坊（第八期） 3樓302號舖

今日去開黃埔隻船行街，要搵食又多餐廳選擇，就會去側邊既美食坊，想食西餐就去左呢間餐廳試試。見到未開門已經有人等緊，應該係當地街坊常去餐廳👍。入門口佢地有個Lunch Set，都幾多配搭。我地今次食左半份摩洛哥風味沙津🇲🇦。開頭以為半份有D少🥗，但原來佢地份量都幾多，好在佢黎左半份。沙津食材有好多，特別鍾意佢地沙律有堅果，好實在。個汁酸酸甜甜幾開胃。之後我地叫左兩杯野飲，特別在一杯個名係叫做海盜🏴‍☠️，用左好多隻果汁，所以果味好豐富，但係又唔會太甜，好有Summer既Feel🍹，唔洗去美國都有夏威夷既感覺😂。@cpkhk#cpkhk

位於黃埔既California Pizza Kitchen ，餐廳座位寬闊，格調悠閑，用餐環境幾舒適😆午市套餐價錢由$58-$128不等，包含一款主菜及一杯餐飲。另外更可以優惠價加配前菜、小食或升級特飲，價錢相宜💁🏻‍♀️🍴脆香馬蘇里拉芝士條（+$30）芝士條香脆內軟🧀而且有拉絲，配上酸甜嘅醬汁，食落冇咁漏，幾開胃😋🍴黑松露煙肉芝士忌廉汁意大利粉配温泉蛋 （$82）忌廉汁配上温泉蛋，味道濃郁順滑👄意粉煮得唔錯，有韌度👌🏻有蘑菇同煙肉，令意粉味道更香😆🍴韓式燒汁牛肉特色烤薄餅（$98）薄餅餅皮較為薄身，批邊烤到少少焦脆香口👅餅皮鋪上大量爽口既蔬菜同韓式調味既牛肉，口感層次更豐富👍🏻味道咸咸辣辣幾惹味。～🍴Passion fruit Lemonade 熱情果味道酸甜清爽，解渴解膩😝🍴Pineapple colada(+$20)以菠蘿汁🍍牛奶🥛同椰汁調配而成既特飲，菠蘿同椰子嘅味道幾香幾夾，配搭清新。👐🏻

又到假日，喺黃埔嘉禾睇完電影就去黃埔天地美食坊搵嘢食，嚟到3樓，見到California Pizza Kitchen 餐廳好大，環境幾舒適，而且食物價錢親民，就同朋友坐低吃個午餐🫶🏻🌟Pomodoro Fusili w/Chic螺絲粉煮得剛剛好，搭配新鮮的番茄醬，口感滑順，醬汁鮮美👍🏻加入嫩滑的雞肉，增添了豐富的蛋白質，口感層次✨🌟Avocado Focaccia鬆軟的 Focaccia 麵包上鋪滿了新鮮的牛油果醬，淋上橄欖油和海鹽，增添風味，充滿了清新感🫶🏻牛油果口感柔滑，與香脆的薄餅非常搭配👍🏻🌟Dakota Cup & 🌟Sedona Cup兩款餐湯都很不錯，湯底濃郁，搭配多樣的蔬菜和香料，味道鮮味而不膩👍🏻🌟White Corn Guacamole w/Chips新鮮的牛油果被搗成醬，加入香料和白玉米，口感香滑又帶有微微的甜味✨搭配金黃色的脆餅，非常好的開胃小菜💗🌟Peach Lemonade & 🌟Strawberry Lemonade蜜桃和士多啤梨Lemonade清涼解渴，不會太甜，係夏日的消暑最佳選擇👍🏻

Californa pizza kitchen 環境很舒適，食物有水準，是個聚會的好地方。今次帶埋老公同仔仔去lunch，連小朋友都照顧周到，提供顏色筆和紙，仲吾少得小朋友餐具👍🏻Pepperonis pizza 香脆可口，非常滋味！美式臘腸的煙燻及鹹香，增添豐富而濃郁香氣☺️烤南瓜香蝦糙米飯蝦糙米飯以為會好濃味，但都幾清甜。南瓜同忌廉汁完美融入飯入面 creamy 之餘帶有南瓜粒粒同忌廉香味。好糙米飯口感有嚼勁👍🏻青豆薏米蓉湯凱撒沙律都好唔錯😋😋不可不提，飲品方面非常出色！解渴之餘仲好fresh！外賣相仲好得😎🍹