California Pizza Kitchen (黃埔天地美食坊)

Open Now

Now Closed

【九龍城區】【California Pizza Kitchen】同費特哥喺黃埔附近，見到呢度居然有呢間美國餐廳，的確係我哋成長嘅回憶。記得呢間美國餐廳都係好有質素，費特哥就話既然一場嚟到呢頭，不如懷緬吓過去，就去試吓呢間啦。我都覺得係一個好好嘅機會，畀我再好好咁試呢間疫情後都冇食過嘅餐廳。叫嘢食有附上餐湯，我同費特哥喺「青豆薏米蓉湯」同「墨西哥粟米湯」之間各選一客，佢飲前者，我飲後者。佢就覺得佢嗰碗湯嘅青豆味好濃，茴香味都好似幾香，薏米蓉令到有啲嘢咬吓唔錯。我嗰碗本身個味都濃，仲有啲墨西哥脆脆喺面，幾好飲。主菜方面，當然係要試佢哋嘅招牌菜，就係 $132 嘅「原味燒烤雞肉薄餅」，呢款薄餅係喺 1985 年開始供應，材料包括秘製燒烤醬、煙高打芝士、紅洋蔥、新鮮芫茜，層次感好豐富，個 BBQ 醬勁香，招牌菜即係招牌菜。我哋都食得好盡興，覺得好正。然後試 $119 嘅「中式宮保意大利粉」，由香蒜、青蔥、香脆花生、四川辣椒、意大利粉配傳統中式宮保醬汁整嘅，好特別，勁中西合璧 feel。我飲 $28 嘅「熱情果檸檬特飲」，費特哥飲 $38 嘅「芒果探戈」，兩者都幾清新幾好飲，埋單 $348.7

【黃埔•California Pizza Kitchen】@ππππππππππππππππππππππππππππππ黃埔夏日風情pizza至尊Olive 0il Spag w/ChicThe WorksPineapple ColadaStraw. Lemonade意大利特色薄餅意大利肉腸、辣肉腸、蘑菇、馬蘇裡芝士、紅洋蔥、青椒、黑水欖及奧勒岡特色蒜香欖油意大利粉橄欖油香蒜紅辣椒乾碎炒蘑菇、帕爾馬芝士及意大利粉菠蘿飄香Milk,pineapple juice, pina colada syrup士多啤梨檸檬特飲士多啤梨、蜜桃、熱情果意大利特色薄餅意大利肉腸和辣肉腸提供了微妙的辛香味和豐富的肉質口感，而新鮮蘑菇的加入則帶來了地道的自然香氣。至于馬蘇裡芝士，它融化後的綿延質感結合紅洋蔥的脆甜，青椒的微酸微辣以及黑水欖的鹹香，令人回味無窮。奧勒岡的草本香味則恰如其分地提升了整體的風味層次。特色蒜香欖油意大利粉蒜香和橄欖油的香氣為主調，搭配紅辣椒乾碎所帶出的微辣，讓人在享受細滑意粉的同時，還能感受到舌尖上的小驚喜。蘑菇的多汁口感與鮮甜恰到好處地中和了蒜和辣椒的強烈味道，帕爾馬芝士的鹹香則是點

呢間餐廳以前喺北美已經食開，當年喺黃埔開真係好興奮，但係近期好少返嚟黃埔呢邊，但係最近朋友搬咗嚟呢邊，就決定同佢哋呢度食飯。呢度坐得好舒服，好多梳化位同卡位，晚餐嘅時候都可以好輕鬆咁樣食晚餐。首先叫咗半份泰國風味爽脆沙律，勁鍾意入邊有芫荽同雞肉，配埋香脆嘅花生同雲吞皮，口感真係好脆卜卜，個泰式花生沙律醬亦都好rich。嚟得呢度就一定要嗌pizza，我朋友揀咗個秘製鮮蘑菇、辣肉腸、肉腸薄餅，我最鍾意呢度夠多mozzarella，店員更加會幫你多放cheeseshreds ，好好味！至於飲品，我要左cucumber revivier ，有好重嘅菠蘿同青瓜味，加埋薄荷同梳打水，真係好清新！另外朋友就要咗一杯passion lemonade，佢都話幾好飲。

2人晚餐，份份剛剛好頭盤，墨西哥栗米湯，第一啖入口好香濃還有少少熱，溫度剛好配栗米粒。藜麥羽衣米蘭沙律，食落有堅果，好似提子干，有咬口，唔好好似普通沙律菜咁，得啲菜同汁。安格斯香蒜燴飯，鐵板上得飯，安格斯軟軟的容易咬口。兒童餐肉醬扭紋粉+凍朱古力奶味道應該唔差，因為小朋友差唔食哂。

CPK好適合鍾意食菜/沙律嘅人，選擇多，而且份量同新鮮度絕對符合價錢。沙律重點係配搭嘅食材一啲都唔「行貨」，每個各有特色，食多幾次都唔會悶，好有咬口。特別鍾意摩洛哥風味嗰一款～Pizza嘅皮有咬口，調味唔過火，美式意大利菜算係唔錯。鍾意辣推介自己再加辣椒乾，佢嘅辣椒乾係堅香辣，又想食辣又唔鍾意Tabasco嘅酸就一定要佢。意粉都可以，外賣都無話撻成一塊，鍾意食cream/buttery flavour會好啱食，汁唔算太～多，可接受。（利申：本身食得淡口啲+唔鍾意太多汁嘅意粉）肉我無食無得畀comment，佢嘅素食選擇算係多。香港唔係食印度菜又有豆湯實屬少有，好飲，texture正～欣賞佢用料新鮮同用好嘅油，咁嘅價錢做到呢個質素絕對值回票價。（掛住食無影相）

細個個陣cpk好多人食，成日排曬隊，分店都唔少，一路都唔係好明點解會得返兩間分店，明明d野食好好食。佢地既忌廉意粉好creamy，好滑，意粉煮到恰到好處。 最愛都係個沙律，竟然有沙葛係入面，個口感不得了，男朋友從來唔食蔡都食到停唔到！ 

 適合朋友們大人和小朋友一起聚会食物豐富好味價錢合適有氣球給小朋友氣氛開心可以安排嬰兒高椅及放嬰兒車十分舒服飲品美味空間充足有升降機，洗手間，外面椅子環境好識合一班朋友

今次叫咗幾樣嘢嚟試下🍕，首先係宮保意大利粉 - 一試就愛上咗個惹味辣勁！啲花生咬落去脆卜卜，四川辣椒帶嚟嗰陣惊心動魄嘅後勁，真係夠晒kick！再轉戰埋意大利辣肉腸pizza🍕，薄批焗出嚟嘅芝士香味撲鼻，嗰啲辣肉腸真係配搭得嚟，咬落去好夾硬添！而且pizza香脆得嚟唔會太油膩，札實係我心水揀！旁邊嘅凍檸檬茶☕真係救星，解渴之餘又可以refill，咁辣口嘅食物之後，一杯涼快嘅檸檬茶真係perfect match！試完今次嘅菜式，啲味道真係夠晒正宗，地道又唔會太做作，帶咗一陣濃濃嘅港式街頭風味喺舌尖上翩翩起舞。一班朋友齊齊食得咁開心，下次我一定會再嚟，重溫嗰份天然嘅味道同美好嘅回憶👍！

以前有好多分店的California Pizza依加得返2間真係有點可惜。美式pizza，無太多花巧野，簡單但就係好食，service都唔錯的。二個人尼食晚餐叫咗個set menu，398$有頭盤+薄餅+主菜+餅品，價錢合埋，份量都大，食物質素比連鎖pizza店好得多。頭盤我地點咗墨西哥芝士粟米，粒粒粟米上面有d醬同芝士，帶少少辣，粟米夠甜，望落簡單但味道真係唔錯，有驚喜。薄餅點咗秘製鮮蘑菇、辣肉腸、肉腸薄餅，熱辣辣上枱真係好正，餅底都係揀咗正常款，但唔會厚，非常鬆軟，好香好惹味，窰烤薄餅就係唔一樣。主菜揀咗秘製醬燒豬仔骨，好大份喎，又有椰菜沙律同薯角。燒豬仔骨軟腍，一食就脱骨，醬料甜甜酸酸唔會膩。薯角食得出係新鮮薯仔炸出來，好鬆軟香脆。椰菜沙律亦都係mix咗沙律醬，一啲都唔hea，唔係一堆生菜放隔離。總括尼講真係好高汁，只係位置真係唔多方便。

I grew up eating CPK in the states and I can’t believe everything tasted just as I remembered. We ordered Thai crunch salad, Sicilian pizza, spicy cauliflower and Mexican street corn. The salad had a lot of different textures, crunch from toasted peanuts, freshness from the veg, sweet tangy goodness from the dressing. The pizza was thin crust and had few different types of sausages and meat. Slightly spicy but it was good! Lastly the appetisers, cauliflower was decent but too spicy for me. It wa

今日嚟到黃埔天地行街咁啱又想食西餐， 嚟到好耐冇食過嘅california pizza kitchen~ 餐牌都幾多選擇，價錢又唔高～ Pizza有唔同餅底，好多口味揀，總有一款啱口味～最後叫咗一個意大利辣肉腸薄餅同埋一個燒烤雞肉沙律. Pizza份量都算大個， 辣肉腸鋪滿成個餅面， 餅底烤得啱啱好， 皮脆內軟呀～ 配搭滿滿嘅芝士食得好滿足。 燒烤雞肉沙律係半份， 但非常足了係咪唔少。 燒烤醬雞肉帶有少少甜甜地嘅bbq汁 唔好過咸， 沙律在種類非常多， 口感豐富亦好有誠意呀～ 飲品叫咗冰紅茶，有無限refill,  好抵飲呀～ 糖漿係自己自由加落去，唔夠可以再叫。 總體嚟講食物美味，環境坐得舒服，喺少有空間咁寬敞cp值又西餐, 一家大細都好啱黎食～

今晚同朋友去左黃埔嘅California Pizza Kitchen食晚飯, 就朋友要喺正MTR一出就到嘅地點, 而又想食pizza嘅願望. 喺黃埔美食坊樓上, 地方都幾大, 坐得舒服.🍝特色蒜香蒜油意大利粉配雞肉我地聞到好香Garlic味呀, 意粉炒到乾身但唔係Dry, 啖啖都充滿蒜油香, 見意粉上面灑左勁多芝士粉仲好味; 足料嘅雞肉大件入味, 抵食👍🏻.🍕水牛香辣雞肉薄餅辣度係有嘅水牛城style雞肉, 有西芹但完全唔覺會怪, pizza批底係即拉嘅薄批底, 批邊好chewy好味. 我地以前點解會有碗咁細嘅湯？ 原來係一大碟Blue cheese醬點pizza, 想講係勁正勁夾架!🍹好似外國餐廳, 飲品大大杯, ice tea係free refill呢, 店員非常留心, 讚! 而且見到餐廳嘅枱櫈setting勁family friendly, 係Open Kitchen, 而家好有氣氛嘅Halloween佈置. 最緊要坐得舒服.

餐廳標榜以美國火山石薄餅爐高溫烤焗透，Pizza即叫叫製，配料豐富，融合泰式以及美洲風味的薄餅，風味十足。餐廳環境闊落，充滿空間感，坐得舒服。全球已擁有多達200多間分店，所以今天過來一嚐美式手工pizza風味。原味燒烤雞肉Pizza經典皇牌之選！海量雞肉、紅洋蔥、芝士再配上燒烤醬及少量芫荽，以Pizza薄底襯托，Pizza餅底口感帶有嚼勁，配上燒烤醬味道帶鹹香酸甜，口感層次豐富特色蒜香欖油意大利粉配料超班，滿滿雞肉和炒蘑菇，意大利粉伴上橄欖油、香蒜、紅辣椒乾碎、帕爾馬芝士，味道非常惹味，不算太油膩California Pizza Kitchen📍黃埔天地美食坊(第8期)3樓302號舖

今日行開黃埔搵地方食晚飯,講起想食pizza,就 去有信心保證嘅california kitchen pizza~佢地二人餐四人餐 仲有啲特色甜品~坐低就梗係叫個返杯Ice lemon tea先, 因為可以無限refill我哋叫咗一個意粉一個薄餅~蒜香橄欖油意粉唔特別喜好醬汁嘅我哋, 蒜香意粉就係我地不二之選。 濃濃蒜香 ,意粉絕對係al dente既意粉再加少少辣,輕輕吊起個味雖然係蒜香意粉,不過佢係有肉嘅 加咗少少雞肉。出色之選,絕對係Garlic Lover既最愛。辣肉腸薄餅今日嘅戲肉當然係薄餅 中,叫返個經典嘅辣肉腸薄餅。 辣肉腸加埋濃濃嘅芝士底就係我心目中覺得最好食嘅經典薄餅。 鍾意呢度嘅薄餅個餅底, 剛出爐嘅手工餅底同預製冇得畀。

California Kitchen 係我其中一間最鐘意既親子友善餐廳。 地方闊落舒服, 有兒童餐又有兒童餐具。出門物品都帶少幾樣!兒童餐有得扭蛋每個小朋友都有一份 遊戲紙和顏色蠟筆仲有已經清潔好及包裝好的兒童餐具~❤Ice lemon tea 可以refill。正!今次叫咗個肉醬意粉, 平時我女都好鍾意食肉醬意粉,當然係講緊普通連鎖快餐。 今次嚟到食呢個,佢係咁話好食!梗係啦~~意粉有彈性 ,唔會淋哂,肉醬又足料!! 唔會淨係得一pat汁醬扮肉醬,佢真係肉碎做成既肉醬。 我女大愛,一個人掃哂咁濟。再加多個 原味烤雞薄餅烤雞薄餅個餅底係用燒汁, 不過其實最好食係個 薄餅底! 係有質素嘅包~類似法包質地但無咁硬身。配料有燒雞,洋蔥,芝士~~夠惹味!