California Pizza Kitchen (Closed)

第二次在mega box食，環境好好。對有帶小朋友的家庭也很照顧。 今次叫了4人餐再加一個意粉。2個意粉都好好味而且我鐘意佢地比芝士粉的方法。 其實pizza也不錯可是對比其他專門賣意式pizza店正宗叫，餅底好脆有食薯片的感覺。 小食叫了墨西哥餡餅。 好脆 有雞肉，番茄同牛油果.無得輸牛排我地叫了5成 ，但覺得太可鹹（完成無用佢塊牛油因為已經好夠味）。配菜薯條好好味。4個人 吃飽飽差不多800元。 在星期日晚食價錢好合理

係mega box睇戲，我通常都會食呢間，因為佢既“摩洛哥風味雞肉沙律😍😍“真係好啱我既囗味，而且又好像好健康咁。次次都會叫全份，兩個人食左個沙律都飽左七成。因為都幾足料，有雞肉、南瓜、牛油果、杏仁、紅菜頭…全部都係飽肚，健康又好味既。佢個沙律醬甜甜酸酸，唔係用白色個d沙律醬，感覺上都冇咁肥人。今次另外叫左牛油果券同卡幫尼意粉。牛油果係炸物，味道正當(本人麻麻炸野)。 不過卡幫尼就唔得，其實食過兩次，個兩次都廚得太乾身。唔係一般既冇咩汁，係真頭冇汁。可能食返pizza會好d現場環境都幾闊，枱同橙之間有一定既距離。都幾適合情侶撐枱腳

水準同性價比都差嘅餐廳，不但只食物唔好食(薯角凍，牛扒太油，雲吞皮太厚)，二人餐由到尾上菜用左一個鐘時間先上哂d菜(其實係得兩個湯同兩個主食)。。。。同侍應講左幾次又話黎緊，但等極都冇。。。水準同以前差好遠，真係唔會再食第二次，好失望！

餐廳位於MEGA BOX 11樓，可選坐室內或室外，室外有部分位置圍住樓下溜冰場，是日剛好有ice hockey，可以睇到冰場上的英姿。今晚同媽媽兩個人撐檯腳, 唔想用腦地點咗個$288二人套餐。頭盤墨西哥風味雞肉烤餅，烤餅熱辣辣，餡料夠juicy，再加埋個酸酸甜甜的蘸醬，再來一個主食墨西哥特色雞肉菠菜闊麺，實行將墨西哥進行到底。個醬汁有好香濃的香草味道，再擠埋個青檸，連媽媽都話好吃。然後PIZZA到~ 香草野菌薄餅。中意菇菌類的朋友不容錯過，D菇菌份量頗多亦都超重菇菌味，反正我就好中意。不過可能個餅底都算薄，凍得都幾快，變相個批煙韌有咬口，媽媽就嫌唔夠熱咯。跟餐都有汽水、咖啡、奶茶、檸茶可選，特別之處就在於可以無限添加，餐廳職員會自動幫忙添加，夠貼心。兩個人最後都係吃唔曬要打包返去，用返Pizza盒，Qoo...

星期日晚7點8左右，3個人等位差唔多3個字。嗌個2人餐（$288）再加個蒜香醬脆香薯條（$48），十分十分飽呀！2人餐揀左頭盤墨西哥雞肉烤餅、主食係夏威夷風味薄餅同墨西哥特色雞肉菠菜闊麵。餐飲無限添飲，但係星期日樓面人手都幾唔夠，有時揮手好耐都無咩人見到。但好彩野食唔洗等太耐。頭盤烤餅夠脆好食Pizza 反而無咩驚喜🤔🤔🤔可能係配料真係好簡單既關係。菠菜闊麵好濃味，所以有少少青檸調味就fresh返，好味！

嚟MegaBox睇傢俬，行到好攰，隨便搵間餐廳坐低食少少野，見到佢有下午茶，價錢都幾抵我要左一個番茄意粉，加冰紅茶，冰紅茶係有得免費添飲嘅。意粉睇埋相都知唔算話好好食，係意料之內嘅味道

中秋正日晚上不一定要食中菜嘅，食pizza一樣團團圓圓。訂咗六點當然仲有很多枱，大約七點就陸續多人差不多坐滿。進餐限時90分鐘，上菜很快，不過夠鐘仍有幾張空枱，沒有趕走我們。我們四位就㨂咗個四人餐，2款前菜、1款沙律、1款pizza、2款意粉、4柸飮品，用力食曬是十分的飽。肉丸味濃，沙沙醬粟米片好開胃，配沙律的over cook鷄肉口感十足，辣肉腸pizza一定保持水準，兩款意粉就一般，都是鷄和蝦，果汁檸檬特飮有蜜桃、士多啤梨、熱情果揀。基本上，California Pizza kitchen 就是pizza 的首選之一。

訂食下午茶， 都ok 好服務， 見我抱住bb , 即刻話轉sofa 位俾我。 野食都唔錯， 但意粉類就麻麻地， 雞肉白烚撈汁咁上枱， 我散叫的牛油果醬蕃茄沙沙配粟米片好味， 可惜配碟的醬較少， 而且無得refull , 俾錢都無 refull. 話要成碟再order。

今日一行三人帶住小朋友黎食野，冇人招呼，但個個企係度傾計，要叫waitress 先至拎餐牌黎無言...叫左2個下午茶餐 + 雞肉Pizza. 下午茶餐上得快， 食完個下午茶餐，個PIZZA都仲未黎。 終於都黎到， 味道幾好。但pizza底好難咬💀💀Anyway, 唔會去第二次。 服務態度影響一切！

又黎到megabox 食lunch黎呢度食lunch set比夜晚平好多，點咗個水牛香辣雞肉薄餅，野飲就梗係揀冰紅茶，因為只有呢款可無限添飲Pizza辣辣地，好惹味，不過一個人食一個pizza好似有點too much，如果同朋友一人叫一款share就會比較好。

今日同朋友黎到Megabox UA睇戲，睇完戲之後，再搵野食，比較左幾間餐廳之後，最後決定去California Pizza Kitchen 食生日晚餐。入到去餐廳，唔需要等位，我地就搵左一個卡位坐，坐得好舒服，而且環境好靜，可以慢慢傾計都得。晚上有兩人套餐，不過望完之後，入面d野食唔係好岩食，所以最後都單點。我地一共點左一個頭盤、一個特色主菜同Pizza香辣芝士白汁配脆香薯條🍟：味道唔錯，芝士薯條帶有少少辣味，而賣相都唔錯特色肉腸、煙肉、火腿薄餅：一共分到6塊，個餅底好薄，而上面都有好多肉，味道唔錯，但餅底唔夠脆。秘製醬燒豬仔骨：可以切開6件，再點一下醬汁一齊食，好好食，而且仲配有薯條

午餐太平平無奇😏揀不落手。🙅🏻‍♀️Pizza & 安格斯牛柳就有驚喜。估不到的好食😋😋😋 Pizza 的菜很清甜，很香，Pizza 底很薄，很脆，好好食！安和斯7成熟都很軟熟，很鬆化。👍👍👍最可惜，午餐沒有吸引力，所以應該難以多來，一個午飯太貴。兩位已吃了$360，不能常吃！🤔

Before watching a movie, me and my friend went into California pizza for dinner. They were doing a dinner set for 2 at $288. The soup were delicious and flavourful.The Hawaii pizza was very good. The dough was thin and crispy. There were lots of ham and pineapple. I was a bit upset with the spaghetti as it said on the menu that it should be fettuccine but when it arrived, it was spaghetti.😣 Other than that, it was yummy.

懷住解「鄉」愁嘅心情入去食飯係注定出事。平心而論唔難食，但要知道一比較仍然會比下去。第一樣菜係湯，素食者適用湯有兩款，唔知點揀好？溝埋做賴尿牛丸丫笨。估唔到真係無任何間隔直接放兩隻湯係一個碗到。湯係杰身嘅，所以唔攪佢係唔會自己mix埋。橙紅色嘅係墨西哥蕃茄湯，相對野味啲。綠色係青豆薏米湯，西餐食薏米感覺搞笑。淡少少，但想試新奇嘢嘅人可以一試。加洲素菜pizza，厚餅底嚟講算好好食，用大烤爐焗果然俾出面焗爐整嘅水準高。餡料選材獨特，可惜味道就唔突出，尤其係你係外國食過同一間餐廳再比較之下，顯得遜色。

喺樓上睇完戲，已到晚飯時間，想簡簡單單又坐得舒服咁食個晚餐，呢間好似自Megabox開幕已經有喺度，到而家都仲有唔少生意。睇下餐牌，而家多咗二人餐，比附近嘅西餐平，就嚟試下。二人餐前菜，本以為係前菜同餐湯都有，再睇清楚啲發現中間有個＂或＂字，小食係墨西哥粟米片，相比下兩個湯其實係抵啲，所以揀咗兩款各一，呢度啲湯可以話係比其他餐廳較＂稠＂嘅，但似係足料而成，而唔係加生粉水。可以揀意粉或沙律，我吔想食沙律多啲，就係藜麥羽衣甘藍同華多夫兩者之下揀咗後者。有啲烤雞肉，蜜糖合桃，生菜，西芹，青蘋果等。份量係主餐牌嘅半份，唔可以話有咩特別，亦都唔算係正宗嘅華多夫沙律，至少冇咗提子，但求食個沙律係唔錯嘅。另外仲可以揀個主菜，有三文魚，牛扒，同埋豬肋骨可以揀，呢度應該係豬肋骨會整得最好味。結果真係唔錯，唔可以話係好juicy，但以呢度嚟講算係夠汁夠香又唔會太乾，薯角亦夠熱，仲有好多堆椰菜沙律，只係啲椰菜沙律嘅沙律醬冇乜味。本來想另加個小食，但冇野啱，就不如加個甜品，本身個餐只係包兩杯飲品。可惜朱古力梳乎厘賣哂，就揀咗Brownie，唔洗一百蚊，個賣相當然唔可以期望好好，整體嚟講都唔錯，底層嘅伯朗尼蛋糕