Cambo ขุนทอง (The ONE)

Open Now

Now Closed

咖哩牛腩煲lunch set 牛腩煲上檯嘅時候會有埋個爐仔熱住個煲，幾時食都熱辣辣～原本以為lunch set咧個價錢應該唔會好多牛腩，估唔到都幾多，而且都幾大舊！個青咖哩好香，攞嚟撈飯就啱啱好！大蝦菠蘿焗飯lunch set 一上檯已經好吸引，大蝦肉質彈牙，啲飯唔會好油，而且味道適中。撈埋肉鬆同菠蘿一齊食，鹹鹹哋加埋酸甜，好正！！生菜包(豬肉) 自從之前試過一次生菜包真係返唔到轉頭，見親必叫！豬肉碎鹹中帶少少醋酸真係好正，可惜我食唔到太辣，所以要一邊食一邊飲嘢🤣🤣 但係又辣又酸嘅豬肉碎加埋咁爽口嘅生菜真係好惹味好開胃～泰式酸辣豬頸肉 豬頸肉又係好食之一，大舊之餘食落爽脆彈牙，加埋酸辣嘅汁，作為前菜真係唔錯😋近排食嘅幾間泰式餐廳都幾高質，咧間餐廳喺尖沙咀The One入面，可以咧個價錢食到咁豐富嘅lunch都算抵食啦～

天氣悶熱冇乜胃口，最好梗係食惹味啲嘅食品，黎開尖沙咀想坐得舒服啲食泰菜一定諗起金寶屹立The One好耐嘅CamboCambo開業多年我哋都嚟幫襯過好多次，所以對佢啲食物嘅質素都好有信心👆🏻今次同朋友嚟試咗以下食品：🥢咖哩炸軟殼蟹配法包🥖- 呢個係佢哋其中一個招牌菜，青咖喱煮得好濃郁，入邊有好多蔬菜🥬配合炸得熱辣辣嘅軟殼蟹，yummy!而佢嘅法包我哋都非常欣賞,因為係質素高,配咖喱汁一流❤️🥢串燒沙爹配泰式炒飯- 泰國菜必叫嘅串燒，呢度嘅質素做得一如以往咁高。佢有齊豬牛雞各一，而旁邊嘅沙嗲炒飯炒得好乾身，食得出係用心出品🥢豬頸肉濕炒河-呢個雖然係濕河，但食得出個河粉底都炒得好有火候，面頭嘅蔬菜份量亦好多👍🏻🥢香芒糯米飯- 食泰國菜必叫嘅甜品一定係芒果糯米飯🍚佢哋好用心拼盤，芒果好香甜，而糯米飯係紫糯米白糯米各一，好甜好滿足😌

⭐️青咖哩牛腩鍋（配白飯）青咖喱個汁好惹味，超好送飯，仲加左份薄餅點咖喱，一流！牛腩夠淋身又入味，鍋有唔少瓜類，煲到淋曬，好好食～.⭐️豬手豬髀鍋豬手骨膠原滿滿～ 豬髀好厚肉，個汁唔會太鹹，不錯.⭐️泰式炒粉炒粉乾濕適中，原隻蝦肉幾新鮮，食到好飽都仲會想食埋個炒粉.⭐️熱奶茶跟餐免費☺️.⭐️三色冰跟餐加$8就可以轉特飲，好抵👍🏻👍🏻 椰汁底，椰香味足夠！唔會太稀～

呢一間餐廳我一直都好鍾意🤩，今日嚟到附近就決定再嚟呢度食返個晚餐啦🥳大蝦菠蘿飯 $118呢一個幾乎係我嘅必點菜式之一😐，賣相好精緻，飯都炒得好香口😎，配上各種海鮮味道好豐富🔥蒜茸通菜 $74蒜茸味道超級香🤪，而且通菜仲保持得好爽口，又健康又惹味🤣咖喱軟殼蟹 $118第一次點呢個菜式超級又驚喜😛，已經成為我最鍾意嘅菜式之一，首先咖喱味道好香濃😝，辣度唔算太辣好啱我胃口，而且軟殼蟹好香脆🤤，而裡面嘅肉啱啱好❤️，再配埋個法包，點浸落d咖喱汁到食一流🌟

【尖沙咀•Cambo ขุนทอง】@ππππππππππππππππππππππππππππππ尖沙咀the one超人氣泰國菜lunch泰式鴨肉湯粉泰式青咖哩牛腩鍋配白飯及餐湯泰式酸辣原隻元貝鍋椰汁冰 泰式鴨肉湯粉優質的鴨肉與精心熬製的湯底相結合，創造出無與倫比的風味。鴨肉的鮮嫩恰到好處，肉質鬆軟，伴隨著湯底那微辣而帶點香草的香氣，令人一次又一次地回味。粉條柔軟而保有彈性，成為承載這肉與湯香的完美載體。整體來說，這道泰式鴨肉湯粉無疑滿足了尋求豐富口味和質感的食客。泰式青咖哩牛腩鍋配白飯及餐湯青咖哩的熱烈與香甜，在口中綻開如同煙火，讓人為之動容。牛腩則是軟嫩得可以在舌尖上崩潰，與那些豐富的咖哩醬汁完美融合在一起。佐以潔白的米飯，將這熱辣的滋味一次又一次地中和、擴散，形成一種平衡，而每一口伴隨著餐湯的清新，都讓人願意為這道菜停下匆忙的腳步，細細品嘗。泰式酸辣原隻元貝鍋泰式酸辣原隻元貝鍋則是一道令人驚艷的海鮮之選。新鮮的元貝在酸辣湯中煮至完美程度，肉質爽滑，鮮味十足。湯頭的酸辣恰到好處，既能激發元貝的鮮甜，又不會掩蓋其獨有的海洋風味。這道料理的魅力在於其原始且純粹的味道。椰汁冰這是泰國風味

大蝦菠蘿焗飯 $96菠蘿炒飯份量十足🍍粗略估計有兩碗飯🍚用左粟米、青豆、紅蘿蔔粒、菠蘿粒炒成炒飯炒得粒粒分明👏🏻面頭仲有勁多肉鬆撈埋炒飯一齊食好惹味😽三隻已經剝榖既大蝦🍤啖啖肉泰式豬頸肉濕炒河 $78河粉炒到有鑊氣🍝就算芡汁好多都冇蓋過河粉既鑊氣味豬頸肉好足料🐷豬扒咁大塊肉質鮮嫩👍🏻香茅味突出仲有大量青菜、蘑菇、紅蘿蔔🥕🥬🍄營養均衡泰式炒貴刁 $78調味唔錯酸甜適中🍋🍯茄汁加左分🥫金邊粉保留到韌勁令麵質有咬口🍜配料有三隻蝦、蛋、豆干、芽菜蝦肉爽彈🦐各種配料增加口感層次香芒糯米飯 $66雙色糯米飯💘紫糯米有咬口白糯米軟糯煙韌芒果新鮮多汁🥭同淋上味道鹹甜既椰漿糯米飯好夾✅

好巧妙嘅設計，落地大鏡令空間感更寬闊！👉🏻泰式青咖喱軟殼蟹鍋（配法包）$118好香嘅青咖喱，濃郁，鍋內仲有茄子同翠玉瓜！軟殼蟹大大件，外脆內軟！配有長長嘅法包！👉🏻泰式炸蝦餅 $83共四件，炸得剛剛好！外層酥脆金黃，啖啖蝦肉，配甜酸醬一流！👉🏻泰式豬手豬脾飯 $80Lunch set連餐廳，肉質軟淋，底下仲有菜。送餐湯，清清地幾好！👉🏻椰汁紅豆冰 (+$8)融合椰汁同紅豆，甜甜的！👉🏻青檸七喜 $29唔要梳打可轉七喜，夠哂清爽！

-今次介紹嘅泰式餐廳位於尖沙咀The ONE，環境舒適燈光柔和，木系裝潢頗有格調，仲有落地大玻璃。想同三五知己傾下偈，舒舒服服食高質泰菜，就要試下呢間啦😍 🥗泰式海鮮醃粉絲 $89前菜一定要揀開胃嘅，呢道菜嘅泰式酸辣汁味道偏濃偏辣🌶粉絲份量多，好適合幾個人share，海鮮有魷魚鬚🦑、大蝦🦐、蜆肉等。 🌶辣椒膏炒大蜆 $198真•大蜆出沒注意！每隻蜆都差唔多有手掌咁大，廚師煮到岩岩好熟就上碟，蜆肉自然軟滑有肉汁，仲帶有微微海水味😋辣椒膏唔算太辣，醬汁味道相當豐富， 有濃郁椰奶🥥九層塔🌱等香味，推薦👍🏻 🦐泰式蝦球濕炒河 $96有大量蝦球、芥蘭、磨菇🍄，河粉有鑊氣香味，餸多過粉，蝦球新鮮彈牙。 🤎龍眼冰 $29龍眼肉頗多，整體味道濃香清甜，適合解渴。

呢間泰國餐廳都算係數一數二好食，足料之餘，佢最正就係個甜品拚盤，款式多，食得又夠飽😋鴨肉湯粉 $68套餐會送一杯飲品，除左鴨肉之外仲有鴨血，湯底好濃好正💯串燒沙爹(6串) $136沙爹配串燒永遠都係最佳拍檔，牛肉整得特別好食，又唔會太韌，點完沙爹醬有少少辣，好惹味☺️甜品拚盤 $123香芒糯米飯 -經典的芒果糯米飯，有椰汁，又有兩片大芒果，值得比個LIKE👍🏻燉蛋 - 心形燉蛋好可愛，有一層焦糖係表面，好香蛋味🤩千層糕 - 出黎既時候仲係熱辣辣，泰式千層糕煙韌Q軟，點少少椰汁食更加正🤤西米糕 - 西米係底層，上面係椰汁糕，唔算太甜😇椰青糕 -估唔到點了椰汁食又幾正下，食既時候有少少似飲緊椰青咁😂😂椰青 $60椰青帶有淡淡芋頭香，味道比較香甜，每次到泰國餐廳必點之一✌🏻好味指數：9/10性價比指數：8/10餐廳名稱：Cambo ขุนทอง餐廳地址：尖沙咀彌敦道100號The ONE 4樓L403號舖電話：27186022

呢日約咗朋友食lunch，呢間lunch set性價比幾高~🔘泰式去骨海南雞 $831/4隻嚟講份量比想像中多，肥美肉厚，雞肉鮮嫩爽滑，唔錯~🔘泰式炒貴刁 $78 調味幾好，酸甜味道平衡，面頭嘅茄醬有加分，多芽菜蛋絲，貴刁幼身帶少少靭勁，加埋青檸汁味道咁豐富~🔘泰式豬頸肉濕炒河 $78醬汁偏多嘅炒河粉，蔬菜都多過人，鍾意佢有草菇，豬頸肉香口唔算太肥，足料飽肚之選~🔘焦糖燉蛋 $40 面頭嘅焦糖燒至香脆，薄薄一層唔會太硬，燉蛋香滑，見得到嘅雲呢拿籽，唔會過甜，呢個甜品值得一試~🔘凍檸茶🔘紅豆冰 +$8

黎到尖沙咀The one，食肆林立最後揀咗一間泰國菜CAMBO黎食， 見到入面再冇虛席就知道食物一定唔錯😁。我哋叫咗青咖喱軟殼蟹鍋，蝦球濕炒河 ，焦糖燉蛋 ，紅豆冰三色冰 。-青咖喱軟殼蟹鍋青咖喱鍋 好正，幾令我surprise，唔會太辣好濃味好香❤️， 軟殼蟹同法包浸落青咖哩味道好夾， 鍋入面嘅配菜有矮瓜同翠玉瓜浸滿青咖哩好香 😋蝦球濕炒河配料好豐富好足料，好味😋河粉幾入味，唔錯！焦糖燉蛋用心心碟上，充滿少女心！焦糖好脆，蛋好嫩滑，好smooth，唔會好甜，正！

餐廳：Cambo地點：尖沙咀The ONE菜式：泰越Fusion菜餐牌：Cambo Set 午餐有九款揀，有飯有炒河有湯粉有咖喱，價位由$68到$96不等，另收加一，配檸檬茶，奶茶，咖啡。凍咖啡另加$5，特飲另加$8。主餐牌有精選菜式，泰式酸辣沙律，泰式燒烤，明爐鍋，海鮮，咖哩，冬蔭，粉麵飯，香脆小吃，蔬菜，甜品，飲品等。泰式去骨海南雞全隻 $238 另加一泰式去骨海南雞全隻原來係分開兩碟上。 每碟都有齊髀胸同翼，連翼都去埋骨。雞髀好嫩口，雞皮滑溜。下底原來墊有唔少梛菜，伴有兩片青瓜，面頭有芫荽。另上兩兜甜豉油同酸辣醬，令雞肉味道更好。串燒沙嗲雞牛豬配泰式炒飯連餐湯 $78 另加一串燒熱辣辣，雞肉無皮嫩滑，豬肉脆口啖啖肉，牛肉都好嫩，本身已經甜甜哋，點甜甜地既沙嗲醬超好味。泰式炒飯呈深咖啡色，味道有好豐富既醬油味。食落濕潤唔乾，超多豆角粒，帶黎唔同口感，加埋少少辣椒同蔥花炒，少少辣。餐湯 （跟餐） 餐湯係紅蘿蔔清湯，加上芫荽，個湯少少鹹，好飲。凍檸水（跟餐）凍檸水有三片檸檬，叫左走甜，都好飲。食物質素一如以往好唔錯，餐廳位於大商場The ONE，位置就腳，裝修正常，服務無問題。

朋友🙆🏼‍♀️想食泰國菜🇹🇭，咁我即刻諗吓，就帶咗朋友🙆🏼‍♀️嚟呢間泰國🇹🇭餐廳🍴食晏😆$78 CAMBO SET 午餐「泰式🇹🇭串燒沙嗲（雞・牛・豬）配泰式🇹🇭炒飯(連餐湯）」，跟餐加 $8 要特飲「椰汁綠豆冰」：雞・豬・牛 沙嗲每樣一串，全部都幾美味，沙嗲醬有花生🥜香味😋；泰式🇹🇭炒飯辣辣哋炒得幾香口🤩「椰汁綠豆冰」：凍冰冰，夠晒甜，好飲🤣$128 嘅「泰式🇹🇭去骨海南雞🐓（半隻）」：雞肉幾嫩滑，去咗骨啖啖肉食得暢快👍，不同部位有不同口感😋；雞皮就更加滑，忍唔住食咗幾塊😆；仲有一碟辣辣哋嘅醬汁同埋黑醬油要嚟沾雞食更加惹味🤣$74「鹹魚炒芥蘭」：芥蘭🥬新鮮爽脆，鹹魚有鹹香，一齊炒味道濃郁😋$29「熱奶茶」：夠熱夠滑🤣食得飽飽嘅一餐🤩

細個成日嚟食，大個咗都食得返一樣嘅嘅味道。屹立不倒嘅餐廳，一定有佢嘅過人之處！🥳⭐️ 泰式青咖哩軟殼蟹鍋 配法包 ($118)呢個青咖喱好正，濃得嚟有少少辣🌶️ 辣得嚟好香好惹味🤤 入面放咗好多茄子同翠玉瓜，全部已經煮熟咗。另外上剛乍起嘅軟殼蟹、焗薯仔同埋法包。酥脆嘅軟殼蟹配上香濃嘅青咖喱汁好美味！⭐️ 菠蘿焗飯 Set （$96）套餐會包埋餐湯同飲品，份量好大好適合同朋友share 👯‍♀️ 會用一個菠蘿乘載，入面嘅菠蘿肉都好新鮮好甜，仲有滿滿嘅肉鬆。入面嘅鮮蝦已經剝咗殼，唔鍾意搣蝦嘅朋友都唔使怕🤣⭐️ 沙爹豬牛雞串燒3串 （$68）係好經典嘅三款串燒，做到一如既往嘅泰國風味！配上嘅沙嗲醬都好惹味 😋 而且分量都好大串，都好適合share！⭐️ 紅豆冰($32)呢度嘅紅豆冰好重椰汁味，紅豆都煮得好腍好好味！

某天在尖沙咀 The One 看完戲已經是晚上9點半，現在很多餐廳都10點就關門，所以要在這個時間找間餐廳吃晚飯會有點難度。但沒想到近近地找到間在 The One 的 Cambo ขุนทอง 會營業到11點半。不需要等位，直接可以入座，上餐速度也頗快。招牌串燒拼盤 (HKD 188)不知選哪款串燒好時，這個拼盤可以一次試幾款。本身的串燒都已經很夠味，但想再惹味點可以再沾醬吃。有豬頸肉、牛仔骨、雞中翼、魷魚等。生菜包 (HKD 86/豬肉)這個的肉碎很香辣，如果生菜可以給多幾塊就好。因為吃到最後要空口吃肉碎，生菜下面有草青味很重的豆角。泰式炒粉 (HKD 88) 味道帶甜的炒金邊粉，也不會炒到油淋淋。配料都夠多，也有花生碎和青檸。蒜蓉炒椰菜苗 (HKD 80)椰菜苗口感幾爽脆，但就不算炒得好香。之後還點了兩份甜品 - 香芒糯米飯 (HKD 66) & 千層糕 (HKD 40)芒果帶甜味，但不會甜到漏。千層糕很煙韌，較為黏一點。