坐忘 (Moved) New Location

已經一年無幫襯，今日食番同一款，豬軟骨仍是那麼軟淋入味，配菜夠晒多，汁又夠多，啲飯仲多咗啲粟米同橙色嘅似紅蘿蔔溶，擺盤精美，職員親切有禮又快手，真心欣賞，唯一想寫嘅係啲咖喱鹹咗啲，希望可以減減。下次會再回頭，支持小店，支持零味精

12:20pm 入座 入座時沒有任何職員跟我們說明有限時，而店內店外都沒有告示寫住有限時。12:23pm落單 叫咗一個15款野菜咖喱飯，一個豬軟骨蕃茄咖喱雜菜飯，同埋一個牛肋肉白芝麻湯烏冬12:3Xpm 3款主食送齊黎1:10pm 貌似老闆嘅男職員，伸隻手出嚟喺我哋碟飯旁邊，問：係唔係已經食完。（當時我哋仲拎住筷子喺手食緊。）我朋友答個職員：我哋仲食緊。男職員話：食快啲，我哋有限時。(但佢冇講限時即係幾耐）我朋友話：ok然後我哋就繼續食1:13pm 只係過咗3分鐘，男職員再嚟我哋張枱度，話會依家叫出面等緊位嘅客人嚟我哋個位度坐。當時我哋仲食緊。朋友話：其實我哋都已經食緊兼就快食完，使唔使咁？同埋究竟限時即係幾耐？男職員答：限時係40分鐘。我朋友：我哋入座時冇人同我哋講過有限時，店內店外亦都冇寫。同埋你而家都唔需要做到咁，其實可能我哋只係差2分鐘就食完。如果職員一早同我哋講咗，又或者店內店外有寫明限時安排，我哋好樂意配合。使唔使而家做到咁樣趕走客人呢？服務態度真係好差。很不愉快的一次經歷…即使再幾好食都冇回頭.講返嘢食，菜同咖喱都好食。豬軟骨大部份都林但有啲部份肉質有少少鞋。同埋個飯唔熱

雖然每一款菜式都配合現都市人所需要的多菜菜單，但環境上令我吃了一次後不會再來。枱貼枱，人逼人，想轉身都比較困難。想愉快食一個午膳也不能，非常侷促。不過，值得讚是他們的菜式👍我是以最出名的豬軟骨慕名而來🐷果然好吃！既軟身，又入味！沙律也不少👍🥗另外還叫了黑芝麻牛肋條咖哩飯🐮🍛很特別！好香的黑芝麻，但蓋左少少咖哩味！不過都唔錯啊👍牛件很多，再配上很多蔬菜，感覺得健康👍但凍飲品竟然用喝熱飲品的杯來裝，這個有點兒奇怪吧！

🌻豬軟骨野菜咖喱飯🐱呢一間又係返工附近嘅美食，我成日都去，佢哋出名嘅係日式咖喱，同埋加入咗大量嘅蔬菜！感覺超健康得來又邪惡，我最鍾意就係睇佢哋嘅餐牌，因為個餐牌好多都係用顏色筆畫食物出嚟，唔係用影相，好似係食之前就已經感受到嗰個得意嘅氣氛！今次我叫咗豬軟骨野菜咖喱飯！好開心，真係有勁多蔬菜，而且啲蔬菜全部都輕輕咁樣烤過，所以特別惹味，同時地佢哋使用咗長時間慢煮嘅豬軟骨，又淋又好味！🥘📍 坐忘Camper's天后電氣道127號地舖⚡️為食貓：😻😻😻😻⚡️氣氛貓：😹😹😹⚡️翻食貓：😸😸😸😸

一直想試吓這間人氣食店，每次經過都被人龍嚇退了，是日加班，飯腳願意先排隊，所以終於如願以償。100%滿座，室內空間如沙甸魚般，餐牌只有文字沒有圖片，依稀記得咖喱好食，所以點了椰香烤雞咖喱飯及牛肋野菜定食。由於太多人，所以出菜快。熱辣辣香噴噴，色彩鮮艷，未入口已經攞到60分！原來飯底也有分別，定食係白飯，咖喱配炒飯。開始起動，第一口已明白長期人龍的理由，先食蔬菜，蔬菜種類多，亦有原食材的味道，蔬菜的溫度見証了新鮮烹煮，再食咖哩，日式咖哩，甜中帶辣，十分送飯，椰香雞食得出椰香味，雞肉剛好，各種食物都能獨當一面。飯腳的牛肋又稔又有咬口，肉味濃郁！真心值得花時間排隊的一間小店！可以坐忘的名字就是當食客坐下品嚐食物之後，便會忘記排隊之苦吧😜

超大份豬軟骨咖哩飯🍛聽講天后這間小店的豬軟骨很出色，特意到訪打算一試。走進店內日式復古的感覺，小店內人不太多，餐牌是手寫的。豬軟骨野菜咖喱飯($𝟕𝟓)一上枱已經覺得好大份，慢煮了7小時的豬軟骨，入口軟腍不膩，日式珍珠米飯加了番薯及粟米在內，絕不單調。野菜有西蘭花🥦、椰菜花、翠玉瓜🥒及蘿蔔🥕，十分豐富，配上日式咖喱汁，十分美味😛份量實在太豐富，最後都係食唔晒😖見到餐廳還有15種野菜咖喱飯($𝟔𝟓)，素菜友善，不知道有哪些蔬菜，下次有機會還想試試😝想睇更多美食及餐廳分享，請follow @tastyspell🏰坐忘📍天后電氣道127號地舖——————————————————————— #tastyspell #foodiehk #hkfoodbloggers#globaleats #foodporn #foorlover #foodholic #foodiehk #hkfoodie #hongkongfoodie#hongkongfoodblogger #igable #igfoodie #hkfood #foodie #followme #852ig#blogger #hkig #hkf

每次出開港島, 💭諗唔到食咩都會揀坐忘😚係小編港島區comfort food 選🌟🥕🥬🌽中意佢有多種蔬菜, 營養均衡又健康🏋🏻‍♀️🤑價錢公道, 味道仲保持到水準😋✨主打無添加｜無味精｜少油多菜裝修以深色木作主調, 用木枱及木櫈🪵天后店比鰂魚涌店闊落少許不過同樣枱與枱間十分密集🙈🔸黑芝麻牛肋野菜咖哩飯 $72 7.5/10🐮牛肋肉份量很多, 約7-8件肉質同豬軟骨一樣, 夠哂軟腍😍🍛日式咖哩唔辣, 唔會點食到芝麻味🤣加咗黑芝麻感覺上養生咗😙🥕野菜有車厘茄, 椰菜花, 翠玉瓜, 紅蘿蔔🍚飯= 南瓜番薯粟米飯🎃🍠🌽質地有少少濕🤏🏻🔸豬軟骨七小時煮白芝麻湯烏冬🥢 $75 7.5/10胡麻湯唔會好鹹,帶芝麻香氣😌🥚半隻糖心蛋, 紅蘿蔔絲及椰菜絲🥕慢煮7小時的豬軟骨🐷既入味又超級軟腍🤤軟骨位已煮到變哂啫喱狀, 滿滿骨膠原🥰( ^ω^ )超正～

—平日過咗lunch hour都咁多人嘅lol睇嚟大家都食得幾晏喎 個肚已經餓到扁咗豬軟骨七小時煮丼(63)豬軟骨果真軟腍入味 一點膻味也沒有肉質唔會糜爛 保持着口感唔痴牙醬汁幾下飯 係渾圓珍珠米飯 配清爽新鮮蔬菜不過食完就只有5成飽左右 仲想食嘢🤪對15種野菜咖喱飯有興趣 下次有機會可以再嚟試試——————————————————————坐忘 Camper’s天后電氣道127號地舖鰂魚涌濱海街13號中興大廈地舖

專登入港島食豬軟骨咖哩飯，等左5分鐘就有位，先講個咖哩飯，日式甜咖哩唔辣既，而最緊要係佢抽離左普遍日式咖哩既通病，死喊同有味精，佢依個咖哩食完係唔會口渴要人狂飲水，依樣好難得 ！至於個豬軟骨好淋好有味，仲有兩大塊，男仕黎講啱啱好。女伴因為中完流感，剛剛好返，想食得清 d ，叫個蔬菜飯，茄子，蓮藕，南瓜最好食，如果想食素既啱曬。食完飯一定去東岸公園既海邊坐下，閒日去比較小人，在長椅上吹吹海風，很溫馨浪漫。

橫風橫雨到餐廳，朋友即將到達，餐廳內仍有不少坐位，竟然被要求在室外等，完全不安排坐位或於店內等候入坐後將袋放在隔離坐位一會，竟被店員惡然相待又以截單為由，催促下單不會再次幫襯

日式復古溫馨的裝修，連餐牌都是手寫風格及有中日對譯， 座位有點狹窄，但充滿人情味，菜單選擇不多，最出名的是十五種野菜咖哩飯及慢煮豬軟骨慢煮豬軟骨豬軟骨野菜咖哩飯$75菜單介紹七小時慢煮的豬軟骨，入囗非常軟爛，而且分量絕不吝嗇，喜歡他配上南瓜蕃薯飯，甜甜的正好中和了咖哩的膩黑豚豬頸肉野菜咖哩飯$78咖哩是經典的日式咖哩，甜甜的不會太重口味，豬頸肉的味道比較和咖哩融洽，不會太搶戲，欣賞即使不是叫野菜的咖哩飯，仍然有很多蔬菜，保留食物原型，食落有口感

昨晚在天后工作完, 想食啲有質素的碟頭飯和沙律, 經過Camper見唔使排隊（以前入去食都要門口排一陣隊）入到去想行去左手邊的兩人位, 侍應已經用不禮貌的態度叫我們坐右手邊！不知什麼原因的！！？？之後oreder咗一個豬軟骨飯和一個沙律, 餐牌上沙律跟列明跟一個“溫泉蛋”, 但當侍應上餐時, 我們驚見那份“ 温泉蛋” 竟然是類似“生”雞蛋的物體, 於是我問待應“ 這個是溫泉蛋嗎？” 他說到他們的溫泉蛋是這樣的！ 我問可以轉心蛋嗎？ 他用戶極不友善的態度說“ 不可以” ！ 很有型👍👍👍他們的食物份量跟以住的已經有很大差別, 侍應的態度又甘差, 我真係諗唔到任何原因我會再幫襯！！！？？？

成間舖頭啲店員態度衰到離晒譜，直頭趕客咁款 ，特別係紮頭髮戴眼鏡嘅女店員 當我哋想入去嘅時候就比果位女店員趕出門口 叫我哋唔好阻住一位埋緊單嘅客人離開 仲叫我地出去等，好，冇問題，我哋出去等。而成間舖頭得三四台客，埋完單嗰個走咗都唔叫我哋入去，直至我入去問有冇兩個位佢先衰態度咁指我地坐門口嘅枱。坐咗成個字， 先比餐牌，我地拎咗餐牌一陣（都唔夠5分鐘）就催我哋落單問我哋揀完未。 到上菜果時問都唔問就收走啲餐具，但係其實我哋未攞餐具，上菜冇5分鐘就同我哋講last order叫我埋單 。 總括而言，成間舖頭嗰三個店員都黑口黑面，真心唔會再幫襯，野食幾好味都冇用

上個月約咗朋友去食天后坐忘，入面坐位較少，而且坐忘一直都係人氣餐廳，好多人等，需要齊人先可以入座🙈由於我遲到 所以朋友係門口等咗我一陣🙏🏻😅我叫咗 15種一日野菜咖哩飯👍🏻餐廳表話呢道菜有350g一日人體需食用蔬菜，蔬菜都有炒過所以特別爽口😋蔬菜種類有翠玉瓜、紅蘿蔔、椰菜、薯仔、洋蔥、西芹、蕃茄、西蘭花、南瓜、青椒及紅椒等等，而咖哩汁餐廳選用咗日式甜咖哩同飯一樣熱辣辣，同啲飯一齊食非常美食👍🏻

今晚返學前搵食，我未夠6pm已經係門口等開門😅，成功成為晚市第一位食客除了飯還有烏冬，豬、牛、雞、丼飯、咖哩、定食，很多選擇！內在環境舒適，始終平日同剛開門，人唔算多，但一路食一路多人同外賣我揀左我至愛既💰$75 番茄牛肋野菜咖哩🍛牛肋肉夠淋，好多蔬菜，加埋日式咖哩，真係又好味又健康又夠飽既選擇😋總結天后不是熱門搵食地區，但位置不難搵，地方雖少但算舒適，食物出色，價錢合理，無加一👍🏻，值得支持既小店！