加拿大餐廳 (Closed)

在石塘咀食扒的選擇不多,加拿大餐廳是其中一個選擇晚飯時間人是很多的,不要寄望侍應為你帶位,自己找位子等待就好叫了晚飯常餐,分別是牛仔骨和菠菜帶子石斑飯餐湯很快就來,羅宋湯味道尚可,勝在多蔬菜.友人的忌廉湯似乎也是一般蒜蓉包每人兩塊,很薄很脆,可惜蒜蓉味不夠主菜到,兩人一起分享牛仔骨肉質和味道都不錯,不過肥膏多了點意粉有咬口,但油了一點菠菜帶子石斑飯賣相很好,味道也合格,菠菜和雜菌很多,石斑塊有六七片,吃得很暢快帶子也預料到不會太多,只有三四手指頭般粗幼的帶子仔飯後甜品為雪糕伴朱古力蛋糕,但主菜份量真的很大,太飽了,讓了給朋友,佢講到幾好味咁飲品的奶茶幾香滑很足夠的一個晚餐,五十多元,也算抵食了

一家3口到加拿大晚餐蒜蓉包仍舊香脆可口, 湯尚可要了一個常餐, 馬來咖哩雞, 另要了一個鐵板T骨咖哩做得竟然幾出色, 香滑而味濃. 雞雖然係雞胸肉, 不過幾嫩滑, 有驚喜鐵板T骨7成熟, 今次做得啱啱好, 唔錯甜品是涼粉, 真怪, 我唔食涼粉既無試到飲品加5蚊飲返桑果汁, 嘩, 果肉多到, 每一啖都有, 非常好味!

又黎加拿大, 例牌要了鐵板T骨扒, 另外要了一個常餐, 什菌汁牛柳湯要了一紅一白, 羅宋湯還可以, 不過忌廉湯得半碗叫waiter拎入去斟返滿, 個男waiter態度都不錯鐵板T骨扒要7成, 結果又走了塊9-10成熟既扒出黎...反而個平d既什菌汁牛柳就唔鞋同幾好味飲品加5蚊試了一杯特飲, 果粒藍莓果汁, 都ok, 不過上次飲果杯桑果汁好味d石塘咀似樣的食扒既餐廳唔多 (起碼絕對好過大家樂及一般茶餐廳), 響未有更好選擇既情況之下, 應該都會繼續幫襯加拿大

黎到試左兩個鐵板餐：首先有湯，我覺得又幾好味，都幾濃，同埋有好多雜菜，蒜蓉包都幾好鐵板餐：我叫左串燒牛柳，要焗薯。我覺得牛柳唔差，但反而係讚焗薯，因為佢上面係有d焗左的蒜蓉同芝士，好香。另外一提，佢個菜用西洋菜，真係好搞笑，好似呀媽煲湯d菜咁男友的西冷扒普通啦，都真係六成，跟飯。甜品得jelly 咋，我見其他人之前留言甜品有雪糕咁正添。最後，唔知係咪暗暗地，感覺真係幾污糟。我強烈建議如果想食鐵板餐，大家去銅鑼灣( 我之前介紹過的茶餐廳，好味得黎又平又飽)

三人到加拿大餐廳晚餐, 8點幾, 依然好多人, 全場滿座星期五有常餐叫, order左個巴西燒豬肋骨($40); 另外叫左個鐵板T骨扒($58)忌廉湯味道很怪, 羅宋湯算比較好, 不過有點稀蒜蓉包就很脆, 但不夠蒜蓉味巴西燒豬肋骨先上, 真是的, 就是金沙骨嘛, 哪門子的燒豬肋骨? 不過味道就ok既T骨扒要了7成熟, 不過黎到都係太熟, 搞到有點鞋最敗筆是意粉, 被較剪剪碎哂, 有d只得幾cm長...甜品係雪糕+蛋糕, 味道ok飲品要了檸蜜及加5蚊的一杯特飲, 有6款揀, 選擇了一款名曰"中華果皇果粒桑果汁"檸蜜甜度適中, 而且不用好似其他餐廳咁需要加錢, 唔錯而桑果汁就有一粒粒的桑果肉, 六七粒度啦, 幾好味, 如果下次會試埋其他味既果汁環境是ok的, 但服務就真係勁差, 特別係班女侍應, 態度差手腳慢... 真係好唔掂!

我一直都有食開呢間餐廳，但係由新年後開始真係垃圾到極點..... o黎錯晒D o野都不特止，仲要死不悔改，全無歉意，自己落完單，仲要問多兩次，仲可以o黎錯。佢問我朋友要跟咩(****問咗兩次呀!!!****)，我朋友話西冷牛扒要跟薯條，我個80蚊o既牛柳就要跟薯仔，佢最後問完兩次都要o黎錯，比咗個西冷牛扒跟薯仔，咁我朋友就話，錯咗，個侍應就話，一陣佢(即係話我)個牛柳o黎咗，你咪撥返D薯仔比佢，佢就撥返D薯條比你咪得囉，咁我朋友就話，係你地錯wor，咁個侍應就話，D薯條要炸WOR，咁我個朋友堅持要薯條，佢先肯擺休，最後我個5成熟o既牛柳就變咗10成熟，個薯仔變咗薯蓉....你地話我個心又點會唔淡呢？

食晚餐@加拿大餐湯.....lunch時好食d...濃dset dinner..炸魚蟹肉汁意粉---->>真係麻麻d魚係新鮮炸的...意粉同d汁...唔成比例...搞到有d意粉好乾呢甜品----芒果布甸幾好味，但可以落d花奶會好好多服務態度麻麻基於成間餐廳得三四個侍應.....叫極都無人理...搞到成餐食得麻麻

很久沒有到此用膳，怕人太多坐到好迫好辛苦，週五晚想必不會太擠迫，於是來試一吓。看餐牌只是稍為加價，仍屬街坊價錢。二人點了燒牛柳拼海大蝦跟茨菜，及芝士野菌焗龍脷柳意粉。羅宋湯稀咗啲，放得太多茄醬，飲落淨係得個甜字而冇乜酸味。料亦甚少，薯仔或肉碎也欠奉。蒜茸多士未焗得夠，所以拿上手有濕淰淰好肥膩感覺，蒜香味當然嗅不到。每次在此類平民式餐廳吃牛柳或牛扒，都有點「無奈」。侍應一般都會問你想要幾多成熟，但無論你答係三、五、七或九，當你切開一看通常只能苦笑，有時同枱一次order幾份，就更加「求其」亂放。今次我呢兩塊好腍，可惜係醃料整到咁，全完冇牛肉味。至於另一份，芝士、焗魚柳、意粉全屬米白色，理應配以白汁/ 忌廉汁，但竟然伴以磨菇/西班牙汁! 望到此片深啡色之醬汁，不禁嘆一口氣…以前單是伴碟便會輪流有小青瓜、蕃茄仔、brussels、炸藕絲、香草，甚至期待個potato今次又會點樣整出來，依家就只有懷念…其實有時唔可以太要求高，五、六十元一份餐算係咁喇，重包埋甜品雪糕朱古力蛋糕添，加十元的芝士蛋糕也不錯可一試。(不過有一次甜品為綠豆沙或渣咋，中西合壁!)服務則仍舊非常一般，很難見到他/她們的笑容

復活節假期,唔想出去同人逼,決定搵埋女朋友既屋企人係區內搵間人少少既地方食個晚飯就算,咁岩又行完西寶城,所以決定去加拿大餐廳...見到門口個感覺似係舊式既西式餐廳,一心期待佢地既羅宋湯,所以叫左個西冷牛扒鐵板餐($68),羅宋湯一上檯,賣相同過往係舊式西餐廳見既一樣,但飲落...真係好啖,好明顯水落得太多...完全無味...慶幸我個碗比較多疏菜,我見到有d連疏菜都冇...之後再奉上牛油蒜蓉多士,但過份地油,一拎上手成手都係油,大家食一食都已經放番低...西冷牛扒上檯了,一早已經淋好汁上檯,我要既係薯菜,有半個焗薯同一個小蕃茄,西冷牛扒,切落就好軟身,但食落,亦係啖而無味...至於我女朋友叫既大蝦牛柳意粉,大蝦有兩隻,女朋友分左一隻大蝦俾我,食落都係好啖口,而且好細隻...反而係杯奶茶比較好飲,而且最後奉送雪榚做甜品...

同中學同學食dinner, 我建議黎呢度, 因為食物ok, 又坐得耐叫左意式海鮮闊面同菠蘿海鮮焗飯兩者既材料都係魚柳, 蝦同青口前者個醬汁做得唔錯, 味道幾好後者就差d啦, 無咩香味服務~ 一般啦, 坐左一個多鐘, 開始人多, waiter開始有意無意暗示我地快d走~

尋日一家3口再次黎呢度dinner因為set dinner好大份, 所以3人食2份都已經夠叫了鐵板T骨同煲仔o加哩豬仔髀湯同蒜蓉包依舊不錯, 特別是後者鐵板T骨, 上次唔夠熱, 今次唔同了, 出哂煙好大的一塊扒, 肉地也好林o加哩豬仔髀的汁甜甜地, 有蘋果響入面, 幾得意豬仔髀有3隻, 又係甜甜地的, 爸爸覺得怪怪地, 但我同媽咪就覺得幾好食甜品仍然係cake+雪糕, 飲品叫左熱檸蜜, 都唔錯服務一般, 不過都無咩特別令人不滿的地方星期日要加一, 不過都很抵食

這是我從英倫回來後第一次吃的西餐。加拿大餐廳，也是自中學時代開始光顧到現在的一家餐廳，特別之處是其餐廳的佈置，放滿世界各地各式其色的擺設，就是這樣。湯要白，茶要凍奶茶，餐要鐵板什扒餐，黑椒汁配煙肉、雞扒、牛扒、豬扒和大碟意粉加上朱古力雪糕作甜品。沒有素質可言，這裡提供的是「份量」足夠的食物。服務仍舊是那樣差勁，結帳的收銀員憑她所謂的「感覺」說好像有一位沒付錢，結果要我們十幾人等她「埋數」後才說一聲「不好意思，弄錯了」。始終，西式「据扒」，不是我杯茶。

一家3口dinner黎呢度鋸扒, 環境氣氛都不錯一家的食量都不大, 所以只叫左一個鐵板T骨同一個鐵板雜扒餐\湯一紅一白, 每個湯配2塊蒜蓉包湯的味道不錯, 蒜蓉包又薄又香脆, 好食~鐵板雜扒先上, 熱騰騰的, 有齊豬牛雞扒, 份量蠻多的. 雞扒一般啦, 不過豬同牛都幾好食, 好林身再黎鐵板T骨, 都幾大塊, 不過... 咦, 同雜扒爭咁遠既, 一d熱氣都無食落個扒都係熱的, 不過鐵板就唔熱所以個扒有少少生過頭既情況出現, 中間果部分切極都切唔開叫個waiter姐姐幫我地手整返熱少少再出黎時, 鐵板出哂煙, 無錯啦, 咁先叫鐵板嘛!塊扒返熱過, 難得既係一d都唔韌, 仲係好林好好食甜品係cake+雪糕, 我無食到, 不過父母都話好味餐\飲熱檸蜜x2, ok啦呢度原來星期六/日/公眾假期先至要加一, 平時係唔使既很好~ 呢餐\好抵食!服務方面, 好似其他食客話齋, 的確有服務不周既情況出現, 不過似乎係集中響幾位年紀較大的女waiter身上, 其他幾位年輕的男/女waiter是ok的, 叫佢\地翻熱食物時都好有禮貌.

加拿大既set dinner 超級大份!!!但價錢都係由五十幾到七十幾度!!!有湯,蒜蓉包,野飲1杯,主菜~仲加埋甜品食完1個set ~ 真係飽到吾想郁食物質素都好吾錯架!!!~~~(睇相啦)雖然服務吾算好好~但甘抵食~都無物所謂啦~同埋因為無物侍應會理你~~如果囉到比較入面的隱蔽卡位~食完野都可以坐好耐最岩三五知己~~~~柄埋gossip個幾兩粒鐘好正架~~ XD

同個朋友行行下想食tea行左入黎呢度食嗌左個tuna 三文治($18)個阿姐叫左好耐都未黎落單仲要好悔氣諗住野食都唔好得去邊仲要咁平點知都唔錯wor 個賣相個三文治幾多料仲有個小沙律略嫌塊飽硬左d 同蕃茄唔夠新鮮加埋個凍飲$20 抵!