加拿大餐廳 (Closed)

很久沒有到此用膳，怕人太多坐到好迫好辛苦，週五晚想必不會太擠迫，於是來試一吓。看餐牌只是稍為加價，仍屬街坊價錢。二人點了燒牛柳拼海大蝦跟茨菜，及芝士野菌焗龍脷柳意粉。羅宋湯稀咗啲，放得太多茄醬，飲落淨係得個甜字而冇乜酸味。料亦甚少，薯仔或肉碎也欠奉。蒜茸多士未焗得夠，所以拿上手有濕淰淰好肥膩感覺，蒜香味當然嗅不到。每次在此類平民式餐廳吃牛柳或牛扒，都有點「無奈」。侍應一般都會問你想要幾多成熟，但無論你答係三、五、七或九，當你切開一看通常只能苦笑，有時同枱一次order幾份，就更加「求其」亂放。今次我呢兩塊好腍，可惜係醃料整到咁，全完冇牛肉味。至於另一份，芝士、焗魚柳、意粉全屬米白色，理應配以白汁/ 忌廉汁，但竟然伴以磨菇/西班牙汁! 望到此片深啡色之醬汁，不禁嘆一口氣…以前單是伴碟便會輪流有小青瓜、蕃茄仔、brussels、炸藕絲、香草，甚至期待個potato今次又會點樣整出來，依家就只有懷念…其實有時唔可以太要求高，五、六十元一份餐算係咁喇，重包埋甜品雪糕朱古力蛋糕添，加十元的芝士蛋糕也不錯可一試。(不過有一次甜品為綠豆沙或渣咋，中西合壁!)服務則仍舊非常一般，很難見到他/她們的笑容