Canadian Pizza (海麗花園)

Open Now

Now Closed

甚少打食評，真係忍唔住，叫咗外賣要返熱超過十分鐘仲未有。 因為眼見除咗我，根本無其他外賣，唔知點解等咁耐，所以我就問點解等到十幾分鐘都仲未有，跟住先有另一個人夾被起我叫嘅pizza去翻熱，最後再多2分鐘就出得。一共一男三女喺鋪入面好似喺度玩咁，都唔係做嘢嘅。 都唔知係老闆定係打工（ 或者可能真係老闆唔憂做啦）其實間嘢啲嘢食味道唔錯。但係啲員工咁嘅態度，我真係唔會再嚟食。老細你啲生意愈來愈少知點解喇，就咁。

20:15入到去全舖無人，講咗2聲唔該先見到兩個男人企係水吧廚房郁都無郁，淨係話9點收舖，一副唔願做嘅樣。最後去咗第二度食完嘢2130經過仲有3枱食緊🙂 其實唔想做生意無人逼你…本身幾鍾意嗌紅橋嗰間外賣，以後都要諗過

是日消費 $420一個2-3人pizza餐，加拿大人pizza完全係無味；肉醬意粉，乾到成劈野咁，食兩啖已經啃唔落去；小食炸物，焗到乾針針咁，啃頸⋯好難食呀；加$30，焗青口，好腥話說店內兩個服務員，一男一女；講野真係好細聲，舖頭明明貼住滿$200，免費抽獎一次，俾錢到拎食物，完全無提及過，呃人既野唔好貼出黎啦。成日行過都好少人，原來係有原因，d食物真係好難食呀⋯又貴又難食，買麥當勞大件兼抵食，起碼食物素質有保證呀！呢間野唔會再幫襯啦

食物一直保持質素👍👍無失望過不時有新飲品出，見佢哋用嘅都係新鮮水果，並唔似出面嘅果醬溝出嚟。真材實料員工服務態度唔錯，講真要有5星級服務就請去五星級酒店✔️眼見員工唔多十，但每個人都不停工作，有時見到其他人係咁催佢哋，人哋手就得一對，想人哋點呢？起碼落單前，收錢後都係有講多謝同byebye，最少都有打個招呼吖。比起出面好多舖頭，其實佢哋都已經係不過不失。聽聞9點後係買一送一，不過我就無咁夜去買，如果可以提早少少買一送一咁就very good。

平時飲開虹橋個間既芝士芒芒，但住得近建生呢間多d，一直都覺得建生呢間冇咁好飲，差好遠個隻都好小買嚟飲，昨晚經過買嚟過下口癮啦，番到屋企飲有種酸味，開始以為芒果未熟（因為呢間之前都試過幾次未熟好酸），點知飲多幾啖清楚係臭酸叔味，即刻倒左佢唔飲，今日仲有小小攪肚，味道已經同虹橋差好遠，估唔到品質都差咁大，暫時都唔會再幫襯建生店，希望以你地了解咩問題，同參考下虹橋店既份量，唔明點解連鎖店可以咁大分別，失望

識食一定食加拿大人Pizza勁足料🥰🥰🥰餅底薄餡多👍自從識咗佢之後從此在冇幫襯必勝x其實佢啲意粉都好唔錯，不過今次得兩個人食，所以就淨係嗌咗一個pizza啖啖肉Pizza係我首選🫶🏻🫶🏻🫶🏻

又係街坊推介嘅美食💁🏻‍♀️<<芝士四重奏>>🍕佢分咗三個size: 細批、普通批、大批價錢分別係$110, $150, $185~所謂嘅普通批，其實都同Pizza Hut 嘅大批差唔多大~ 有成8塊咁多🫡大批更加唔使講!! 拍得住Paisano’s Pizzeria 嗰啲咁大😧四個大人happy share嘅話，應該唔使再食其他嘢!!!雖然呢個Four Cheese Lover 有齊Feta, Cheddar, Parmesan 同Mozzarella四款芝士，但佢配咗番茄醬底，中和咗濃厚芝士嘅膩滯，食落冇咁heavy👏🏻而且薄批好易入口~連四歲小朋友都食咗三塊🤤我就更鍾意<<煙三文魚白汁意大利麵>>($62)大盒之餘又多煙三文魚! 抵食🤝佢嘅白汁仲多到條條意粉都掛汁😍每一啖都好滿足!最抵係普通批加呢個意粉 = $212但係Combo Set <<C1>>可以食到呢兩款單點之餘仲多咗兩碗餐湯/兩罐汽水，都只係$210‼️‼️‼️仲平咗$2⚠️⚠️⚠️

講到食pizza要提下依間Canadian Pizza 佢出品的pizza 大大件，唔係一般的大，是一件已經是好大，一個人lunch食一件已經好夠飽，而且依間店係屯門區都很出名，十大好食店舖之一，我叫了件辣肉腸和夏威夷風情當晚餐，再加2杯手搖飲品，珍珠奶茶和百香果多多，整體pizza是可以再去食，手搖飲品就差了一點，不可以太多要求，飯後飲品可以接受📍Canadian Pizza地址：Canadian Pizza (海麗花園) (屯門)屯門良德街12號海麗花園地下7及8A號舖#canadianpizza #top10 #夏威夷風情 #好滿足

食物好，Pizza又好、第一次食都OK。但係如果你要「做service 、又好態度」服務員，就唔好嚟呢度啦。 連M記都有一般態度，呢度好似只係見到好天氣先至有好態度

四重芝士pizza味道濃厚，小編推薦必點之一。三文魚pizza，烤得香味濃郁，而且一塊分兩件，真係大件夾抵食。香脆洋蔥圈，小編超喜歡但真係好熱氣，哈哈！鳳梨芒果冰茶，都係小編最中意既清新味道，配搭pizza剛剛好。火龍果好芒冰茶，口味都不錯，但小編更中意鳳梨。📌 Canadian Pizza☎️2606 7698📍屯門良德街12號海麗花園地下7及8A號舖

食物方面係幾好食嘅，pizza意粉都大份抵食。不過員工就差啲，堂食經常聽到員工掛住自己傾計大聲講粗口，成日當啲客冇到，問親野都好負氣，間中一兩次有啲基本禮貌。有某啲員工成日係門口食煙，都唔知有冇洗手先繼續做野。外賣試過兩次拎到番屋企發現比錯人地份野食我。

最近係咁見到啲pizza廣告 搞到想食pizza既根又被挑起左Pizza鋪既選擇其實真係唔多 通常都係食最大牌個一兩間今次難得入到屯門有得揀 緊係要試新野 唔係食啲大型連鎖pizza鋪啦四隻餓鬼就緊係食個四人餐架啦有一個大批 一盒黑松露意粉 一盒芝士肉醬意粉 一份炸雞翼我地另外再加左一份春卷🍕餐廳名叫Canadian Pizza 咁Pizza既口味就緊係揀左Canadian style 有芝士 磨菇 洋蔥 辣肉腸 青紅椒 滿滿咁鋪哂係個Pizza面個批底好香好軟熟 每咬一啖都有唔同既餡料配搭餡料同批既厚薄比例岩岩好唔好太多料太咸 亦唔會太少料好似食緊麵包咁🍝兩盒意粉既份量都多到驚人....每盒都可以最少食飽一個人.....先講下黑松露口味黑松露落得好重手👍🏻每一啖都食到松露既味道 再加上唔同既菇類配搭 食完個口有陣好香濃既菇味另外兜芝士肉醬意粉都唔輸得肉醬份量又係勁多 唔似出面啲肉醬意粉咁 得頭幾啖食到肉醬味呢碟係分分鐘肉醬仲多過意粉😂🍗炸雞翼好入味 炸得好香口 外賣返到朋友屋企都唔會淋左🫔呢間餐廳既炸物應該都唔會令人失望春卷一樣勁香口 唯獨係啲醬唔夠比我呢個醬汁怪蘸呢一個所謂既四人餐

當晚，我們一家人走到屯門珀御米芝蓮推介意大利餐廳 JEP by Involtini 食爸爸生日飯，晚飯後 8:00 左右，大家都意猶未盡未夠飽！媽咪建議走到附近的海麗花園新開的 Pizza 店 <Canadian Pizza> 買 Pizza 宵夜！ Good idea 呀！恰巧！店方連台式飲品也有得賣，細佬買了杯飲品！片裝 Pizza $40/ 件款式及賣相都吸引之下，我們選擇了三文魚Pizza！三文魚 Pizza $40/ 件薄餅鋪滿三文魚片、彩色燈籠椒、紫洋蔥...等，色彩繽紛！最討好媽咪，莫過於濃厚的芝士，有拉絲效果！薄餅算厚身，相對食落易飽，味道也不錯！ 我們覺得口味好過 Pizza Hut！間中星期日，媽咪會買回來給我做早餐！

老友們推介話想試，就一於試下啦，先講鋪面唔大，海麗分店叫做算多座位，大部份分店都主力做外賣，賣點係大大塊，外觀望落都好靚，呢間分店做埋台式飲品，唔洗只係得汽水飲。今日叫左個泰式雞肉pizza，菠菜黑毛豬螺絲粉同炸洋蔥圈，pizza批底好脆，芝士做到少少拉絲，新鮮熱辣，螺絲粉有驚喜，醬汁做得好靚，值得推介，炸物小食都係即叫即做，全部都新鮮熱辣，價錢方面同出面幾間大型連鎖pizza店差不多，但外賣可一塊塊咁買就彈性好多，自己食都得。

係建生附近新開既一間大大件Pizza🍕平時想食Pizza 通常都要一班朋友先食到，尼間岩哂一個人食，一件大約$40左右，性價比幾高👍🏻，而且有埋手調飲品買🤪✨芝士四重奏🧀🍕一望就知芝士份量十足🤩芝士四重奏由菲達芝士、車打芝士、巴馬臣芝士、水牛芝士及香濃蕃茄醬整成，尼個芝士🍕比想像中出色，因為平時食芝士Pizza 通常食到一半開始覺得漏🥲但尼個Pizza 完全唔覺得漏😍因為香濃蕃茄醬非常出色，味道香濃偏甜唔酸配埋四款芝士岩岩，食多塊都仲得😎✨卡邦尼🍳🍕卡邦尼意粉食得多，Pizza 又真係第一次食，Pizza 由意式白醬、意大利煙肉、巴馬臣芝士、流心蛋和蒜蓉油整成，食落甜甜地幾特別😋，芝士味突出不過煙肉略嫌太少可以加多D🥲流心蛋唔係想像中流心應該得8成左右，如果6成應該會好食D✨煙三文魚白汁意大利麵🍝大大份煙三文魚白汁意大利麵，煙三文魚份量超多，我覺得餐廳用料非常闊綽🤣白汁都多食落唔乾身不錯，味道中規中矩