粵軒

Open Now

Now Closed

傳統菜式以手工菜見稱，用料靚配上簡單的製法，不用太花巧便能吃到食材的真味。和好友到六國酒店見有個尋味一九三三，將1933年已有的懷舊菜式重新推出，大家當然要試試，最欣賞是每道菜上枱時，看得到背後的功序果真不少，色香味俱全，完全吃得到菜式的真味。玉簪蝦球，做法可說是非常刁鑽的一道懷舊菜，以菜遠伴底、金華火腿絲、菇絲、西芹、筍絲及露荀貫穿大蝦煮熟，外形精緻得猶如古代女性所用的髮簪，綠白相配顏色像翡翠珍珠，充滿了典雅的中國色彩。核桃雞丁，利用核桃炒過之後，香脆口感突顯雞肉柔嫩。材料有田雞粒、核桃、翠肉瓜，以台式汁醬拌炒收尾，香氣十足，田雞肉滑嫩多汁，加上香脆的核桃，真是超滿足的一品，佐酒一流。龍穿鳳翼，這道工序繁複的美饌，將雞翼去骨再釀入火腿條及甘荀，先煎至8成熟，簡單的加入蠔油及生抽調味，平底鍋收汁，入口雞肉嫩滑，甘荀的爽甜超夾，好滋味。雙鳳朝陽，所謂雙鳳即乳鴿片及雞片，由於乳鴿較難入味，大廚先醃3至4小時後，再將乳鴿片及鮮雞片同炒，這種傳統做法，現在已買少見少，入口各有不同的口感，美味。釀焗蟹蓋，招牌釀焗蟹蓋，蟹味濃郁，大廚需將花折肉，將炒香了的洋蔥碎鋪滿蟹蓋，加入蛋液和滿滿的芝士舖在面

早排同朋友仔去左六國酒店食buffet, 今次就去左佢地另一間中菜一粵軒! 其實粵軒已經屹立左係到好多年, 所以有唔少懷舊菜式都可以食得到, 一行五人點左唔少懷舊菜, 今晚真係大飽口福! ✨️大良野雞卷大良野雞卷其實係無雞的! 入面嘅肥豬肉用左玫瑰露醃製, 味道有d似蠟腸, 之後再用瘦肉包裹炸至酥脆, 脆卜卜口感好豐富✨️江南百花雞E到心機菜用左雞皮同蝦膠製作, 雞皮需要風乾至油份無哂之後再釀入蝦膠, 食落去外脆內彈, 鮮味十足✨️懷舊鷓鴣粥E個其實唔係而家平時食開嘅粥嚟, 佢其實係一個羹嚟, 用左鷓鴣肉同埋肝臟製作, 雖然無米但食落去就好似有米粥咁綿滑, 而且帶點鮮味, 幾有驚喜✨️家鄉釀鯪魚一睇就知道工序十分繁複, 一件件釀鯪魚砌得番一條魚, 鯪魚肉加左馬蹄粒除左令口感更豐富, 仲令整體無咁膩, 外脆內軟彈, 沾上醬汁後更惹味, 不過車車覺得就咁食已經好夠味啦✨️台山焗蟹砵成隻蟹坐係上面已經好吸引, 師傅先蒸左個蟹去, 再用熱油一下一下倒落去, 將雞蛋同蟹肉、粉絲整熟, 食落蛋香十足, 口感豐富✨️荔蓉香酥鴨E道菜係第一次食, 感覺似細個係酒樓點心嘅芋角, 由芋蓉同鴨肉組成, 入口酥脆可口,

早排去左灣仔六國酒店的粵軒食lunch，主要係想試下同事講好好食的叉燒。除左叉燒之外，我地仲叫左個"粵軒帝皇骨"，因為見佢餐廳名都放埋落去，仲係推介菜，以為應該好好食。但結果真係令我好失望。😕首先，睇住侍應切肉已經覺得有啲奇怪。切咗20秒先切哂，過程中見到舊肉硬硬地。佢仲話係用東坡肉嘅煮法，但東坡肉唔係應該好淋嘅咩？點解切開係白色瘦肉？🤔其實東坡肉應該係要汁都滲晒入去肉度，食落去每一啖都好入味，或者係用五花肉整出嚟嘅嫩滑口感。而家呢舊“帝皇骨”唔上唔落，完全唔知佢想點。以下係我對呢道菜的感覺同建議：上網搵返，原來2012年12月已經有篇文章話“粵軒帝皇骨”令人失望，話“令人失望，不論是肥肉，瘦肉，也一樣地很難咀嚼，肉質頗粗，與近似的蓮香樓醬烤骨比，水準何止差一截？”真係過咗12年都冇改進過。其實呢碟“帝皇骨”成$178都唔平，我真係唔明點解成12年都係呢個咁嫁質素，真心希望粵軒可以做好啲。🙁附上我當日影嘅照片及影片（另外上載了），大家自己睇吓吧！📸 希望呢篇食評可以幫到大家唔好中伏叫呢道菜，同時都希望粵軒聽取意見改進，提升食物質素。💪

《粵軒 - 灣仔》多得朋友帶挈，令到我成日都有好嘢食🥰今次同樣都係去咗位於六國酒店入面嘅餐廳，不過今次就唔係食自助餐啦，今次就試左佢嘅中菜😎原來粵軒係一間好有歷史嘅中菜館，好多懷舊嘅傳統菜式喺呢一度都仲食到㗎🤓當晚我哋五個人一共食咗十款菜式，有啲已經係市面上好少見到嘅懷舊菜，而10款美食當中有三款都係甜品嚟㗎😉仲有幸食到呢度主廚嘅拿手台灣菜式左宗棠雞添🤓邊飲紅酒邊食飯聊天🥰當晚嘅時間真係過得好快💁🏻‍♀️大良野雞卷第一道菜式已經係十分難喺坊間試到既粵菜，用左玫瑰露醃製肥豬肉，食落有蠟肉既油雞，再用瘦肉包裹炸至酥脆，食落油香十足，非常惹味🤓最得意既係佢雖然個名有個雞字，但呢道菜入面係無用雞去製作的💁🏻‍♀️江南百花雞用上新鮮既雞皮製作，風乾至雞皮無曬油份後再釀入蝦膠，外脆內嫩，有雞皮既香脆但又食到蝦既鮮味，令人情不自禁想夾多一件，仲可以點埋佢個甜酸汁提鮮添👍🏻💁🏻‍♀️懷舊鷓鴣粥與其話佢係個粥，不如話似係個羹多啲，原來呢個名係以前人地對佢既稱呼，所以到而家大家都會叫佢做鷓鴣粥，入面用上左鷓鴣肉同埋肝臟熬煮，食落清甜得黎又唔會令人覺得好heavy，十分適合食完前菜後用黎清清味蕾既湯羹💁🏻‍♀️家鄉

天氣酷熱，即使假日也不想在街上徘徊，因此到了家的附近酒店中餐廳飲茶。前菜小碟的醃青瓜，一條條小巧精緻，味道鹹鹹酸酸，跟坊間一般味甜的較為獨特，爽爽滑滑，用來開一開胃也還不錯。窩貼芝麻蝦其實即是芝麻蝦多士，蝦膠夠爽彈，蝦味亦濃，趁以香口的炸麵包及芝麻，那有不好吃的道理？蝦餃的蝦亦甚是彈牙，更食到爽脆的荀粒。咖哩土魷更上一層樓，魷魚超級入味，咖哩汁更可以用來蘸點其他點心！以腸粉包著春卷的春風得意腸，蝦肉春卷甚是脆口，惟腸粉較為黏糊。甘荀造型的鹹水角，糯米外層很脆，中間是滿滿的餡料！鮑絲竹笙湯餃乃是灌湯餃是也，未食餃，先呷湯，鮮甜到不得了！湯裡果然有不少的竹笙及鮑絲，完全無需加醋！乾炒牛河的牛肉大塊而厚，一點都不靭，河粉豉味極香，兼且毫不油膩。只是河粉炒得未夠分明，有些黏成一坨坨。雖然部份食物未致完美，但綜合而言還是一次美好的味緣之旅。

想試黯然銷魂飯時，發現限時供應，無法再品嚐！所以，當機會來臨時，絕對不能錯過該品嚐他們的叉燒。叉燒質感均勻，肥瘦相濟，口感很棒。琵琶豆腐也不錯，份量十足。-椒鹽銀鱈魚: 第一次嘗試這款烹調方式，美味！-官保蝦仁: 職員推薦官保蝦仁時，我問為何不試試蝦球？職員解釋蝦仁份量十足，味道不俗，更重要性價比高。-脆皮雞: 非常美味，皮脆多汁，肉質鬆軟滑嫩，儘管等待時間較長，但仍值得一試。-上湯蕃薯葉: 職員推薦的上湯蕃薯葉，讓我印象深刻。-反而鮑汁鹹魚章魚雞粒炒飯: 這款鮑汁鹹魚章魚雞粒炒飯令人驚喜，美味非常。去飲茶當然少不了蝦餃燒賣，蝦餃嘅蝦仁大隻彈牙😄也許當天客人多，所以菜式上台有點慢，希望可以改善。

自從離開咗灣仔區工作，就好少係呢度食嘢，於是趁父親節嚟食吓。父親節套餐唔係太啱食，所以我哋就散叫小菜，包括「翡翠如意班球」，「粵軒帝皇骨」，「黑皮雞樅和牛粒」，同埋「冬瓜荷葉煲鸭」。起初以為「粵軒帝皇骨」係有D似「蒜香骨」，原來係似「東坡肉」，但帶酸味多D，都開胃嘅。飯後送咗「紅豆沙湯圓」，有幾香嘅果皮味。總括嚟講，食物水準不過不失，冇乜特別驚喜，但係都有水準嘅，加上服務非常好，都令到老人家開心。

最近挪威海鮮局帶咗多款挪威甲殼海鮮黎同香港幾位知名名廚攜手推出合作活動，勁中意中菜嘅我當然毫無懸念選擇中餐類別，去左擁有88年歷史嘅六國酒店內嘅粵軒，試左大廚馬榮德師傅手勢❤️。場地古式古香得黎好典雅✨🍲 猴頭菇粟米煲豬踭香甜滋潤，喝完即刻有回血嘅感覺，味道清甜而足料。（香港係2023排名TOP 5嘅長壽地方，大家分析係因為有湯水嘅滋潤🙈）🦀 石林蟹影（挪威紅帝王蟹）擺盤精緻有意景。蒸海鮮的原汁原味混合蛋液，清香中帶極致鮮甜，火侯控制極好，滑嫩的清甜蒸滑蛋，令人一試難忘🤩🐚 挪威大扇貝用上最傳統嘅做法，蒜蓉粉絲蒸扇貝，蒜香味撲鼻而來，粉絲吸收哂日月精華，所有扇貝嘅汁都係哂果一啖粉絲⋯😭🦀 椒鹽挪威紅帝王蟹腳最簡單嘅烹飪方式突顯固有鮮味，伴上香氣獨特松茸，天然而奢華嘅享受～🦐 挪威海螯蝦個個都嘩然因為真係好大隻，而且好多膏，蝦肉非常彈牙，食完返唔到轉頭，其他蝦都唔會再睇得上，非常滿足🤤甜品非常出色，奶香味十足，又係滋潤養顏嘅一餐；流心擂沙湯圓皮薄芝麻餡香濃熱辣辣😛💕

粵軒是六國酒店內的中菜館，有時候週末會跟家人到這裡飲茶吃點心。最近發現粵軒推出黯然銷魂飯套餐，在宣傳的相片中看到黯然銷魂飯的叉燒超級大塊非常吸引就立刻訂座而且說明要吃黯然銷魂飯套餐。❈ 黯然銷魂飯套餐 HK$388(兩位起)✦羊肚菌螺頭燉水鴨 - 這個中湯味道清甜，好好喝。✦煙燻鴨(半隻) - 煙燻味濃，肉質嫩滑，非常入味。✦黑皮雞樅炒蝦球 - 蝦球炒至清爽脆口，蜜豆鮮綠美味。✦黯然銷魂飯 - 將脆邊太陽蛋的蛋汁和燒豬油與熱飯拌勻，然後與叉燒一起吃。兩塊巨大的半肥瘦叉燒，肉嫩帶點油脂，表面充滿着焦香的蜜糖漿，白飯粒粒分明帶點嚼勁，與乾蔥粒在口中散發香氣。✦黃橋燒餅和大紅袍茶皇糕 - 燒餅是紅豆餡。大紅袍茶皇糕用了大紅袍茶，大菜和桂花煮，味道清甜，有消膩的作用。註：黯然銷魂飯套餐推廣期至2024年4月14日。

分享今年度小弟生日飯系列，這餐感謝 #MarkSix 小組各成員的心意，做東請小弟到「六國酒店」的粵菜廳「粵軒」品嚐美味點心。記得在 Whatspp 群組內好友們問我想吃什麼，我說不如星期六中午輕輕鬆鬆飲茶暢聚，M 小姐很快就說「六國酒店？」，接着 Jacky 哥哥就很快在「粵軒」訂了位，感謝你們啊！挑這間酒店和我也有些淵源，這裡是我外公外婆在1948 年結婚之地！不知當年在酒店結婚是什麼形式的呢？特別挑選來懷緬一番，也有一點意思。可能有這先入為主的原因，感覺酒店比較懷舊，有很多昔日香港的照片，值得細看：坐低大家都肚餓，各人都盡情叫想吃的點心美食。今天點心和菜式都糅合傳統與創新的點子，我自己就很喜歡。先來這裏的懷舊名物「粵軒金錢雞」HK$120 / 四件此項源自廣州荔灣燒臘名菜，製作工序繁複，師傅先用糖及玫瑰露醃肥豬肉，迫出肥油做成所謂「冰肉」，再以雞肝及冰肉放入爐吊燒，塗上蜜汁、醬料再奉客，以薄餅皮包着來吃。現代人講求飲食健康，令這甘香的「金錢雞」的手工菜越來越少師傅肯做。其實間唔中食一次，享受那種油香及肥滋滋的味道很不錯，我也是食咗先講。。。很多傳統粵菜慢慢消失，當然是因為時移世易

🥰 “電視台美女” 推介 “粵軒” 嘅 “黯然銷魂飯”. 電話訂位, 記得要訂埋套餐, 每位 $388, 兩位起.煙燻鴿羊肚菌螺頭燉水鴨黑皮雞樅炒蝦球黯然銷魂飯黃橋燒餅, 大紅袍茶皇糕😱 “粵軒” 位於灣仔 六國酒店 內, 主攻傳統粵菜. Openrice 食評好壞參半, 主要投訴叉燒唔對版, 同埋上菜緩慢, 服務一致劣評.🥢 餐廳大堂一眼睇唔晒, 應該係兩個眼鏡廳, 另設多間廂房, 酒店格局, 坐位舒適.🥒 前菜: 青瓜🕊️ 煙燻鴿🍄 羊肚菌螺頭燉水鴨🦐 黑皮雞樅炒蝦球🤗 黯然銷魂飯🥧 黃橋燒餅, 大紅袍茶皇糕🤗 總結: 服務小亂, 未去到災難級別, 但作為酒店嘅中菜廳, 有點失禮. “黯然銷魂飯” Ok 嘅, 只係名氣過大, 零驚喜, 叉燒唔夠腍滑, 太大嚿, 食得有點狼狽, 最後食唔晒. 整體食物水準還好, 套餐 “性價比” 係賣點. 📖 (1) “黯然銷魂” 此詞出自於 “南朝. 江淹 <別賦>”. 形容極度沮喪, 像失了魂一樣.📖 (2) “黯然銷魂掌” 出自金庸鉅著 “神鵰俠侶”. “楊過” 與 “小龍女” 在絕情谷斷崖失散後, 獨自赴東海苦練武功, 以排解

我们是年初四去的，这家店的大众点评推荐菜一个没有，店员只给了一张所谓的“新春精选菜单”和一个新春套餐菜单。（见图一）由于大众点评上给的人均参考价是400左右，我们一行四人本来打算一人点一个菜，然后用每人100港币优惠券，也就是人均300左右来吃这顿饭。然后，我们先点了两个菜（因为我们先让同伴点了她想吃的菜，我们后到），菜上桌了，我们四个人全部呆掉。（见图二）于是立刻决定，不再点菜了，就当这四张有礼券扔掉了。等吃完，服务员来结账，这个价格大家可以看看。（见图三）茶位费 28一人，我们选的铁观音，四个人就是将近120港币。以及没有明确跟我们提过的要收费的小食钱，就是一小碟黄瓜。到这里，我们四个人都不响了。因为哪怕四张，总面额达400的有礼优惠券，扣除完，还要我们付150+，其中包含10%服务费。（总计545.6港币，两个菜-熏鸽和时蔬炒虾仁，茶位费x4，一碟黄瓜）事后我和朋友复盘，因为这家店已经是我们用了两天时间，通过“hk有礼”小程序，几乎是一家家查阅，然后用大众dp和openrice筛选出来的（筛选价格过高和差评太多的）。我们知道hk有hk的消费水平，但是这样堂而皇之的欺弄消费者，请问

星期六到訪， 之前去過， 食物質素不錯， 再次到來。今次大失所望， 雖然味道都不錯， 但廚房不知發生什麼事， 蝸牛式速度， 每食一道菜、要等20分鐘才要下一道， 不可以接受。 明白為什麼香港人北上， 相信沒有服務的說法， 親身感受。

自己一向都好欣賞六國酒店“粵軒”中菜廳馬師傅的出品，兩個月前幫家姐辦了一場壽宴，由馬師傅親自發辦寫菜單，如果係大家都滿意。隔了一排，又心思思想食點心，二話不說，就拉了朋友走返轉。雖說市面生意好差，但“粵軒”中午時段似乎沒多大影響，依然是高朋滿座，氣氛幾熱鬧。啤梨鹹水角（$60）以菜汁搓成煙韌的皮，賣相亮麗，而且維肖維妙，豬肉碎、蝦米、冬菇及沙葛份量啱啱好，好味。糖檸叉燒酥（$55）好少地方可以食到，酥皮是鬆化可口，內裡是加入糖檸的叉燒粒，清香甜美，我鍾意。四寶滑雞扎（$60）自小便喜歡食雞扎，尤其是當中的魚肚，蘸滿了雞汁，一流。鵪鶉蛋燒賣（$60）近年大家都追求健康，此類點心是買少見少，正是有得食就要食。鵪鶉蛋半釀入豬肉中，每口都是兒時回憶，豬肉帶些少肥膏更香肉味。蜂巢天鵝酥（$60）賣相亮麗，在傳統的基礎上作出微調，令造型真的似在湖上的天鵝，芋茸餡料好滑，外層呈蜂巢，口感酥香。黯然銷魂飯（$248）正好踫上了今季有得供應的最後一日，當然不能錯過，叉燒厚切，邊位焦香，超正，雞蛋煎至燶邊，但蛋黃依然是流心，泰國青靈米加入刴碎的紫洋蔥粒，帶來微微的辛香及嚼口，飯粒夠乾身，把雞蛋戳破，讓蛋漿

上星期五去六國粵軒，一早訂了兩人座位晚膳。到粵軒，選擇了著名的招牌蜜汁义燒，並要求酶頭肉、釀焗蟹蓋和荔蓉香酥鴨。不久，义燒上枱，一看不似酶頭肉(見圖)，取一件入口，味道不錯，但肉太實，韌(即柴皮)，可惜慕名而來，大失所望！有為何選中之感！再一會，釀焗蟹蓋送來(見圖)，及格之餘但嫌鮮味稍為不足。期間，部長曾問是否荔蓉香酥鴨未到，回應正是。一坐近四十分鐘左右，問部長香酥鴨仍未到，對方說廚房製作中，經兩次催促(因為座位處於角落頭，近出路口及洗手間，期間沒有一位伙記/部長行近)，對方終於說五、六分鐘便可；再等，再過十五分鐘，三催四請下，由點菜歷時一小時三十分才能上到枱，夾一塊0k，另一邊再夾一塊，鴨是凍的(荔蓉是暖)，再夾，全碟竟有兩件鴨是凍的！不知原因，亦不想問。部長來到，問需否再點菜，回應說：「怕怕，擔心要再等一個鐘頭。」如此中菜廳的質素，永不幫襯！