華星冰室 (E-Max) (Closed)

呢間華星冰室位於九龍灣展貿中心嘅食街個層，選擇唔係好多，大多數都係類似常餐。今日我就點左個常餐，常餐可以揀牛肉或者叉燒湯粉，粉可以揀通粉意粉，轉公仔麵要再加錢。常餐會配牛油多士，火腿，同埋蛋。蛋可以選擇煎蛋，炒蛋。我就點左牛肉通粉，佢嘅牛肉食得岀係雪藏牛肉😢😢😢，不過份量都唔算少👍👍，加少少辣椒油可以覆蓋陣雪味。煎蛋就比較生，老人家或者小朋友可能要request 職員煎熟啲。牛油多士唔多脆口，食落有啲硬🥵🥵🥵

今日帶咗汪星人去九展舉辦嘅活動，憑入場券幫襯華星冰室每張減5元，橫掂都未食嘢，就拎住兩張入場卷去試下先。餐牌就係呢度，其實都幾難睇，建議餐廳整返實體menu 好似，因為企係條路中間睇餐牌，一嚟阻住人哋行之餘，人哋有行嚟行去遮住曬...呢個係題外話啦，講返食品..因為我好鍾意食咖喱所以迫我朋友揀咗個咖喱雞扒飯，然後自己揀咗個雞翼煎蛋撈一丁，收費唔算平，咖喱雞扒飯收$58尚算合理，但係雞翼撈公仔麵就收$52稍為貴左少少分量唔算大，其實嗰啲咖喱大部份都係薯仔，令我有啲失望嘅係雞扒唔係原塊上，得兩件仔雞扒😪不過個咖喱做得幾好嘅，辣就唔會好辣，幾香咖喱味同埋比較杰身唔會水汪汪，不過成碟咖喱雞扒就係得薯仔同埋雞扒，青紅椒洋蔥都無一條...整體感覺就麻麻地呢個雞翼撈丁賣相好靚，雞翼就係滷水雞翼，上面整啲黑椒同芝麻，相比個面就比較濃味d,撈埋一齊就啱啱好！個公仔麵佢唔係就咁落出前一丁嗰啲味精，而係甜甜地嘅滷水汁，感覺幾特別。凍檸茶就比較澀，食物同價錢都係掹車邊可以接受....

九龍灣國際展貿中心食物選擇唔多食物質素都麻麻。但如果帶小朋友黎呢度，不仿考慮華星冰室 😉。華星冰室位於商場2/F，呢度搭lift都好方便唔使點等。可以泊低bb車喺餐廳門口，或者有一啲座位可以放bb車添。座位寛躺，但冇High chair提供。呢度兒童餐($38)只得一款。兒童餐以車仔造型的，裡有一個細菠蘿包，炒滑蛋，羅宋湯通粉同一杯熱奶。仲有一個會着燈嘅氣球比小朋友玩!🎈幾欣賞呢度啲食物好夠熱，! 但兒童餐數量有限！

今日去九龍灣睇早場，一早就揸車入去，見未入得就諗住食埋個早餐先去睇戲，因為真係都幾早下，個商場既食店都做lunch 比附近既OL 食，所以冇乜選擇，見得華星冰室開，咁就入去啦......叫左冰室既經典早餐：火腿通粉+炒雙蛋+厚多士+凍奶茶火腿通粉：一般，火腿絲算多，但都係烚好再切絲放入去，如果想食清淡d，佢係ok既，但如果想惹味d，可以煎完再切絲。通粉唔夠冧，硬硬地，湯冇乜味。炒蛋：唔滑，冇味，多士算多牛油。奶茶：有茶味，但唔夠，飲入口感覺到好多奶，鐘意多奶既朋友會岩，凍程度都夠。

人生第一次寫食評：一家四口，睇完戲之後搵嘢食，見到佢話係有名冰室，心諗難食極有限。叫咗一個豬扒包，一個牛肉蛋公仔麵，一個火腿煎蛋淨食，一個老外套餐(即是全日早餐）從來冇想過所謂冰室的食物可以這麼難吃😰懷疑之後肚痛是因為這些難吃和不熟的食物。😤沙嗲牛公仔麵竟然唔熱😓，炒蛋半生熟又不夠熱，豬扒包塊豬扒有雪味❄️，超難食，能吃完半塊已是極限。煙肉是濕的、火腿完全沒有煎過。熱朱古力$22竟然是美綠。離譜的餐廳🤬

到今日又黎九展 當然係搵保險哥哥簽野啦😂Lunch Time 時間就揀左華星，諗住有D保証啦今次都係叫常餐， 叉燒意粉 意粉未煮夠好硬身 火腿炒蛋正常唔 多士又係麻麻 淋晒都唔脆口lu,最慘係杯凍檸茶 個茶底苦苦地 唔好飲 總括 有點失望呢間冇下次🤦🏻‍♂️

星期六，又黎到出街食lunch嘅日子😋同事話想食茶餐，所以我哋就嚟咗華星冰室食晏。見到食個常餐都要成($47/包熱飲)，所以諗住俾多少少錢揀焗豬扒意粉($60/包熱飲)感覺會飽肚啲😆豬扒食落好似用左好多梳打粉醃過咁，肉質好淋但完全係無肉味🤦🏻‍意粉好濃蕃茄味，但碟底勁多油😢熱奶茶叫左多奶，但茶味唔出，奶味又唔夠，淨係飲到苦澀味😢同事話常餐ok，但其實附近有咁多餐廳可以選擇，我自己下次就唔會再嚟食喇😂

😋 ins：eatwithsirui，微博：邵思睿_Daisy🔹地址：Shop 10, 2/F, Emax, 1 Trademart Drive, Kowloon Bay🔹某一天来九龙湾这边开会，看见了华星冰室就顺腿拐了进来，完全没有排队，吃的早午饭。没有点combo。其实整体感觉一般，不知道为啥大家这么热衷。🔸菠萝油：菠萝面包烤的火候蛮好的，夹上凉凉的黄油，口感很不错。不过没觉得哪里有特别之处。🔸柚子茶：嗯，我讲真，我做的味道也差不多是这样的。所以就随便喝喝好啦。🔹人均30-50，环境7/10，口味7/10，服务7/10。

一般餐廳，見外面很多位，鋪頭裏面有位又或者可以坐出鋪頭外面，叫完食物後，食物來到了，感覺很一般，同普通茶餐廳沒有分別，所以我成日只會去一次，普通又不難食，希望下次有啲更好的東西吃

難得假期梗係要訓到自然醒，訓醒之後想搵個無咁多人既地方食個茶記，於是就去左九展既華星食番常餐啦🍳你話係咪好似吹捧到咁好食呢？其實就未到話一試難忘。不過你當番人地係普通茶記，四十幾蚊一個餐有熱飲，佢就一定係above average㗎啦！🌟2個人，叫左個常餐同老外套餐。真心，2款都唔錯。個厚多士有烘底，有一層簿簿地既鮮牛油(唔係一pat)；炒蛋都無hea你，夠creamy；叉燒意粉其實係食個湯，都夠味。至於個炸魚柳係好傳統個隻，粉唔簿不過炸個陣夠曬熱，入面係嫩既；個煙肉就啱曬我口味，唔會煎到燶曬，有少少脆就夠🥓👌🏼食完之後，友人似乎太鐘意個厚多士，叫多個咸牛蛋治。略嫌中間啲料太濕，不過其實都係average既，不錯的😉

呢日 #小秘書 仲諗住約埋 #阿榮 去 華星冰室 食個tea☕️先上堂，點知原來佢嘅感冒😷一直未好，搞到咩都食唔落，成份三文治郁都冇郁過👉🏻👈🏻 反而 #小秘書 一個人就 K.O 哂成份 #常餐 😅 ...認真厲害👏🏻👏🏻 不過份 #常餐 真係幾豐富㗎，#叉燒湯意粉、#火腿炒蛋厚多士 仲有+埋杯 #熱奶茶，卡路里十足🤩 #叉燒 食落唔會淡謬謬、口感唔錯，#炒蛋 好滑，不過件 #厚多士 似翻叮、有啲硬，#奶茶 都ok嘅... 整體感覺都可以，不過未至於傳聞中咁正囉😌

又係中午唔知食咩好既時候，係Emax返工都食均七七八八，但原來早餐就食得多但一直都未試過華星既午餐，所以一於去試試。同事經常推介佢個焗豬扒🥩飯，所以我都跟大隊點左焗豬🐷。一上碟唔算好熱，但面頭佈滿芝士🧀，好吸引！豬扒好淋又無雪味，醃得幾入味，而且切成一條條方便進食。飯係炒飯底，除左豬扒仲有蕃茄🍅同菠蘿🍍同洋蔥。不過，醬汁整體黎講比較酸，未必人人都鐘意，我個人就覺得唔錯。

每次去茶餐廳都會試下佢地既常餐，因爲真係好中意食滑蛋多士、熱奶茶。而我好多時照早未必會咁早起身落街食早餐，所以常餐通常會變左我既Brunch HAHA！常餐都係大同小異，呢度係得一款，可以揀通粉或意粉，但坦白講個人認爲呢度既常餐一般般，只係想過下口癮。蛋味係幾香濃，將滑蛋、火腿放上鬆軟既多士食係特別正。不過叉燒意粉係非常一般，叉燒乾，湯底係無乜味。。難怪友人要落胡椒粉奶茶茶味略嫌有d澀口，下次再黎會想試焗豬扒飯~

又黎到Emax搵食，想食輕盈少少既午餐，就揀左華星冰室既常餐一試😁以冰室黎講呢間既選擇唔算太多，以散叫既野食為主，如果要食套餐就只有常餐同焗豬扒飯餐，花樣唔多。話咁快就拎到個餐，第一眼吸引我既就係塊超厚多士😆表面烘到啱啱好少少濃面，入面搽埋半溶牛油更加係完美！咬落去勁鬆化，牛油香味慢慢滲出黎，係令人非常滿足既多士炒蛋亦都好出色，半熟流心啱啱好，配埋多士一齊食仲更加正😋常餐另有配叉燒通粉同飲品，啱晒午餐想食少少野醫肚既時候過黎開餐

星期日黎開呢度睇戲本身想試下早餐但原來早餐係十一點前不過唔緊要，十一點後有常餐早餐同常餐嘅分別就係早餐係火腿通多士火腿炒蛋常餐就係叉燒意粉多士火腿炒蛋當然價錢上都有分別一向都係常餐既捧場客常餐靈魂在於多士同炒蛋多士厚而鬆軟，如果做到脆身更好炒蛋一般叉燒意粉轉左叉燒通粉不用加錢叉燒大大舊，不是薄切通粉係冇坑通粉正合我口味，還是喜歡兒時的傳統口味可能剛過早餐時段，不用等位座位算鬆動下次試埋校長多士同鷄比，好似幾吸引