華星冰室 (E-Max) (Closed)

諗住行過 求其食個餐。真估唔到下午兩點半仍有咁多人排隊 。好彩一個人食 等左五分鐘就有位一坐低就叫我最鐘意食既常餐叉燒通粉炒蛋多士。先講呢個通粉食落同平時普通茶記冇分別叉燒唔多得四五片但都夠食簡簡單單都幾惹味.金寶雞湯味的確好突出。而佢嘅炒蛋多士.呢個真係成個茶餐嘅亮點.水準一直都係咁高。炒蛋嘅蛋味香濃囗感軟滑。應該用左牛奶一齊炒。多士烘得啱啱好外層唔會太焦內裏又非常鬆脆。搽上溶化左嘅牛油食簡一流。配搭多士夾埋一齊食都係一個明確嘅選擇。火腿正常無乜特別.....

這個星期，還是不太多人上班，新年呀！午餐就去了華星。一如以往，點了常餐，因為好簡單，又好好吃！我至愛點炒蛋，因為他們的炒蛋很滑！多士又烘至金金黃黃，脆脆的！將炒蛋放在多士上吃是最配的。我們由他一開店 $40 吃到現在的 $47 啦！雖然有少許貴，但我依然覺得好吃 😋

今日雖然係年三十但係都要返工食飯時間打算同同事快速食完午餐 再返去做嘢見到呢度比較少人等位佢嘅餐牌主要得一頁: 常餐同埋焗飯另外一張專門介紹焗飯揀咗個常餐（$47） 要意粉 煎蛋 熱檸水，喺收銀處買完之後喺隔離就攞得 (好似大快活嘅形式），唔使5分鐘就攞咗啦意粉下面係叉燒, 味道尚算可以 湯底只是普通嘅清湯 多士都幾厚 揸咗好多牛油 我將多士加埋火腿同煎蛋食 變成腿蛋治咁 個蛋黃係流心嘅 食落去味道都OK已定價$47來說 我覺得有啲貴，因為呢個午餐好似普通嘅早餐沒有什麼太大嘅驚喜

九龍灣展貿中心附近茶餐廳不算少，但好食嘅卻難揾。屬連鎖集團嘅華星冰室可算係信心保證。平日十二點半左右都好多人，不過如果只係一兩個人來都揾到位嘅。我嘅選擇係價值47元嘅常餐，當中包括火腿炒蛋多士、叉燒通粉（可揀意粉）再配熱奶茶。火腿炒蛋多士真係算比較好食，叉燒通粉嘅叉燒味道都係非常出色，可惜叉燒份量偏少，熱奶茶味道ok、符合預期。47元一個常餐偏貴，但呢個都會係我想久不久來食午餐嘅地方。

作為華星既常客 真係幾乎食過曬佢所有華星分店既常餐 所以難得嚟到九龍灣EMax 就梗係要食下我最愛嘅華星啦 首先要讚嘅 可能係嗰日已經過咗lunch Time 人唔多竟然唔使排隊 好surprise 呢間華星係自助搵位 然後出去叫餐再等佢嗌Number 係走快餐店路線 所以都方便同埋呢間係唯一一間可以坐好耐嘅華星 完全唔會俾人趕走 我同我朋友傾住計咁慢慢食 坐左成兩個鐘 都係第一次 不過嘢食就唔太合符期望 同樣係常餐 呢一間分店嘅嘢食只係溫暖而唔熱 件多士唔太脆 叉燒都幾韌 好在奶茶都仲係好好飲所以話有得必有失 可以坐好耐嘅代價就係嘢食水準冇咁高 所以我諗下次都係會食返灣仔或者筲箕灣嘅華星

今朝晨早流流帶小朋友黎九展參加數學比賽，送完佢地入課室當然要搵地方坐下過日晨，以為呢度係不毛之地冇野食啦，點知原來二樓已經發展成出一條食街，入面各式各樣食肆，真係唔愁無早餐食。其中有間華星冰室係灣仔出名係名明星飯堂，個炒蛋炒到遠近馳名，家陣唔洗過海就食得到，緊係要幫襯下。叫左個早晨套餐有炒蛋配厚多士，再加個火腿通。多士夠厚夠鬆軟有牛油香，通粉夠彈牙，最正係個炒蛋，有蛋香又滑！至於老婆個雞扒配米粉同樣有水準，雞扒香口又夠大塊，能夠响九展食到有水準的早餐，真係超級驚喜！

星期日的早上，帶小朋友去九龍灣EMAX Wellcome Paradise 放電，但由於時間太早未開門，只好去二樓找個地方食個早餐，遠看見到有間華星冰室，想也不也便找個位坐下來。不知道是否星期日的原故，並沒有早餐提應，如果一定要套餐，只有常餐，最後點了咸牛肉蛋餅出錢一丁加杯凍檸茶，兩樣加埋便六十四元，價錢絶不便宜。味道方面，咸牛肉蛋餅大塊，咸牛的份量比較尚算合理，水準中上，檸茶茶底靚，茶味濃，沒有苦澀味。

foodamin假日下午茶系列。幸福的味蕾初嚐 {{華星冰室}} 大驚喜沙爹牛肉包。以熱狗餐包夾著沙爹牛肉。切開一半。吃起來比較方便。熱呼呼的麵包烘烤得鬆脆而又不失軟熟。沒有像其他冰室一般的有理無理先在麵包上塗上大層牛油然後再加入餡料。其實foodamin一直不喜歡冰室採用的牛油。既沒有牛油香。令麵包增加油膩感之餘又破壞了麵包和餡料本來的味道。這個沒有被牛油沾染的麵包味道更來得自然。夾著滿滿的沙爹牛肉非常香濃而且也是熱烘烘的。沙爹帶微微的甜辣。充滿濃郁的花生香味。沙爹的濃香度很高。雖說很濃但又不是過鹹的那種。牛肉的質感亦令人驚喜。沒有瘋狂地以梳打粉腌製令肉質過度軟身而流失口感。牛肉沒有筋。口感也沒有過韌。而且能夠保留著牛肉原本的味道。😋一邊吃一邊大喊好好味呢。

厚切餐肉！！！！厚切餐肉！！！厚切餐肉！！！重要野當然要講好幾次喇厚切餐肉係出面已經少之又少嫁喇！！！！係度食到真係幾驚喜，不過差唔多成60蚊無野飲就貴咗啲。。。

星期日去九龍灣展貿睇戲，睇之前去華星食個常餐，其實展貿都開咗唔少餐廳，中日西都有選擇，不過驚伏伏地，所以都係去間有啲名氣嘅餐廳食。唔知係咪有function，舖頭十分多人，好彩都搵到窗邊位。多士夠厚，亦有淡淡嘅牛油香；炒蛋有點兒過熟，唔夠滑；火腿兩片正常；叉燒意粉好明顯係意粉多過叉燒，啲叉燒好細塊，同埋有啲肉酥味，入到口但唔算好食，意粉就整得幾好，夠彈牙唔會冧哂；至於蜜桃小丸子最愛飲嘅杏霜就令我好失望，好淡，淡到好似飲水咁，希望下次可以沖得濃啲。

今日去開九展，順便食埋lunch ，開左好多食肆，但係一望就望到華星，都幾多位， 有啲位係出左間鋪。 落單要自己排隊， 再等叫number 好似快餐咁。食物基本上同澳牛一樣， 常餐係最出名， 最多人叫，係咪最好食呢？ 見人見智。常餐有叉燒意粉， 我轉左叉燒通。火腿煎蛋， 我轉左炒蛋。仲有多士同熱飲。（凍飲加3蚊）碗通粉啲通粉有啲唔夠淋， 但係都可以。 睇落清淡， 但係都幾咸。 炒蛋都幾好， 不過仍未及澳牛， 同埋有啲散，可以再熱少少就好。飲品係幾好。 茶味夠。

華星冰星聽別人說就聽得多，今天是首次親嚐這裡的食物。先來看menu, 同平常餐廳差不多！ 我叫了一個鮮茄焗豬扒飯配凍奶茶☕️ 份量尚算ok,但焗豬扒的味道略嫌淡，不夠濃味。 至於朋友就點了火腿通粉配牛油多士加熱檸茶，她說味道還可以。 整體來說，我覺得味道較為淡了一點，但份量還算可以。至於價錢方面，作為茶餐廳就相對較貴，但不用加一，比起很多食肆為好。

黎呢度嘅人，十個入面有八個都會食常餐，我今次都唔例外，因為最抵食。呢度嘅炒蛋好滑，我會將火腿蛋夾入麵包成為三文治🥪咁食。牛肉通粉都好正，落d胡椒粉就更好食。當然唔少得一杯香滑奶茶，茶濃奶滑。

華星冰室聽就聽得多啦，食就係第一次， 經常去九展嘅我都已經試曬佢哋嘅餐廳，唯獨是未試過華星冰室， 就今次試下佢哋好唔好味啦! 我去到嘅時候啱啱係lunch時段比較多人， 我哋坐咗響冰室門口。餐廳既食物種類唔係太多選擇，所以叫咗一個常餐$42，有炒蛋，叉燒意粉，熱咖啡，另外叫咗一個焗雞扒飯$58，凍飲令加三蚊。第一眼望到叉燒意粉嘅時候真係嚇一跳， 點解唔見叉燒嘅？ 原來全部收埋響底， 湯底都ok好味唔太咸， 叉燒普通不過份量都算多， 多士夠香， 炒蛋味道跟一般茶餐廳冇乜分別， 不過不失啦，味道正常！焗雞扒飯就太小雞扒，只有一小舊， 味道酸酸甜甜蕃茄味夠龍！佢哋嘅咖啡就一般般， 不是太好飲。總括嚟講位置都算舒適 & 食物普通。

依間華星冰室已經開左一段時間了，不過餐牌既選擇一直唔多，食黎食佢都係食佢個經典常餐～叉燒意粉（可轉通粉）、火腿炒蛋加餐飲，40元以內，價錢算okay. 個人最喜歡係意粉果湯底，帶點粟米忌廉湯味，出面較少食到👍🏻