華星冰室 (新紀元廣場) (Closed)

星期六中午經過見到原來呢度開左間華星，入黎叫左個常餐～呢地等幾張枱，人多d黎食一定好迫， 應該只係用黎剩做外賣生意比較合適😅叉燒又簿到紙咁， 食左都唔覺，意粉一大埋😅蛋唔滑， 辣椒粉比較辣，唔好落太多～唯一可取是麵包好食，軟熟～～完～～

話說要去上環辦理啲事情，於是要好快咁食完一個午餐，但係又唔想食連鎖店（大家x或者大快x)喎! 所以行吓行吓就行到去新紀元廣場呢間華星冰室啦! 喺門口望入去發覺座位唔多，但係佢最大嘅優點就係即刻有位，餐廳夥計好快就安排咗我入咗卡位👍向來鍾意食快餐既我，好快就揀咗期間限定呢個D餐：華星咖喱牛腩飯！啲牛腩炆得好夠火喉好林冧，而且有成五六舊咁多，份量十足，唯一講嘅係因為將炸薯角落咗去過醬汁度，有啲怪怪地，白飯方面就硬咗啲，唔夠軟，杯奶茶水準就完美啦！

終於係中上環開左華星食lunch都有去食下座位上唔多 lunch time都要搭枱不過都算等得快環境算乾淨又光猛只係坐得逼d疫情期間都環搭枱野食方邊試過常餐 同平時一樣好食！再試車仔麵 就正正常都ok la都多選擇既 揀餸係畫紙仔當然唔及專業車仔麵檔 不過都唔錯架喇碟頭飯都好大兜 對於男人來講都好夠食！👍🏻總括來講係依頭有得食已經唔錯喇！

去到華星一定係食個靚炒蛋、嘆杯香濃奶茶，但今天發現華星居然有賣嗱喳麵，好，就來個豬腸、蘿蔔、豬皮、香菇油麵，真係驚喜萬分啊，豬大腸乾淨夠味、蘿蔔甜、香菇香、豬皮OK啦不太搶鏡，重點係：食完成個下午唔頸渴！！同行朋友叫了魚蛋，細細粒，陳皮味香濃！食完再來杯招牌熱奶茶，大滿足！不過好似得上環間華星先有車仔麵食，好遠啊⋯但一定會再去，下次試下陳皮魚蛋⋯

最近，經過上環中遠大廈附近的新紀元廣場，見到開了 <華星冰室>！營業時間星期一至五 7:30am~6:00pm星期六至日 10:00am~6:00pm(無晚市)堂食及外賣供應：早餐、午餐、下午茶...等嗱喳麵、常餐、小食、通粉、麥片、三文治、飲品、...等！最近中午，我急不及待幫襯新開嘅華星冰室！外賣等10分鐘！嗱喳麵 3餸1麵配熱飲 $56 (午餐價) 外賣 +$1午餐 $56：11:30am~2:30pm 供應下午茶餐 $46：2:30pm 開始 供應兩個時段配熱飲，轉凍飲 +$3嗱喳麵：牛腩+咖哩陳皮魚蛋+蘿蔔 河粉 清湯清湯底是味精湯，帶有脂肪的牛腩好過安利切牛腩，咖哩陳皮魚蛋連咖哩汁獨立分開兜值得一讚！👍🏻👍🏻 香辣惹味，魚蛋質感結實帶彈性，蘿蔔似係用冰糖煮腍，味道甜美又軟腍入味！ 河粉份量尚算足夠！熱奶茶 $22 原價至於熱奶茶，絕對遜色過附近間貳號冰室，唔夠香滑囉！