京都薈

Open Now

Now Closed

第一次黎呢間京都薈食大閘蟹放題，真的驚喜！大閘蟹應該有3-3.5兩，公同乸都十分多膏，實在太邪惡！入座時侍應已提醒蒸蟹需時20分鐘，第一轉10隻算快到，第二轉就要催一催，呢個餐包鮑魚鵝掌，仲可以任食蛇羹、糯米飯、片皮鴨…味道不錯👍🏻其實2小時任食真係唔太夠，食到人地關門都唔趕我地走，仲話要幫我地影相，真係唔好意思😅環境闊落，酒樓整潔程度尚算ok, 侍應服務好好👍🏻👍🏻👍🏻因為好，下次食晚飯都會是選擇之一😁😁

之前返工做野時經過美孚見到佢出面video wall 有＄10蚊一隻雞好吸引，所以決定同屋企人齊去試下。我地一行5人去到大約6點半，當日係星期六，但人都好少，我地左一個套餐有元貝同燒腩仔，個燒腩仔皮好脆但元貝好細，但味道不錯。講番隻10蚊燒雞，真心正，唔係hea，堅好食。我仲叫埋特價蠔同埋個燉湯都好食，我媽媽話個湯係真材實料。而其他食物都好食又大碟。佢仲有任食大閘蟹，但要＄4XX我覺得有D貴，但當晚我都有叫左兩隻大閘蟹食都係＄98係抵食嘅，質素都好。

這裡似機場。。一味舉手。。很耐先會有服務員服務你。套餐。。蟹要45分鐘才上蟹。不太新鮮及6隻中有二隻死了，片皮甲，肉不新鮮。。生菜包又話師放假未能供應，所謂任飲。。都未見到邊到有得提供 ，總之不會再來啦

之前嘅朋友介紹同一個集團嘅大埔分店，不過大埔我就相對不方便，於是來了這家同樣做大閘蟹任食兩小時的京都薈。🦀大閘蟹不算大隻，八成都OK，有兩成略帶苦味。🦆片皮鴨質素唔錯，特別欣賞皮薄。不過有趣的是兩樣是分開上的，所以可能要等一等🤣🫕燉湯好好飲，我飲了兩碗，夠晒熱。🐍蛇羹我冇食，不過朋友話好像沒太多蛇肉/蛇味。🍚臘味糯米飯也是可以任叫任食，我們吃了一碗覺得好吃，可惜再叫已經沒有了。另外每人亦可以有一份鮑魚鴨掌，不錯。汽水糕點也是任叫任食的，我們吃了薑汁糕和紅棗糕，薑汁糕都好薑下👍🏻，紅棗糕食一般般，但唔甜算唔錯。特別要讚吓佢個薑茶，熱辣辣，好好飲。👍🏻👍🏻👍🏻+1+茶芥後，每人$565。留意除大閘蟹外，其他東西都限量供應，上一次朋友試過沒有片皮鴨，今次我們吃的時候一些糕點也售罄。所以想食可能盡早叫，或早點開餐。酒樓位置方便，不過枱與枱之間好長空間少一些。

事原訂了7/7 12位19:30，未夠19:00 就打電話催促我快啲到，咁我10分鐘內到，見到都冇人等位。跟住啲朋友1930到，六人套餐當然要加其他餸，結果冬瓜盅、燒鵝全部都冇賣晒。到20:30想叫炒麵飯，又話俾我聽只係得瑤柱蛋白炒飯，其他沽清。只係20:30 乜都無！ 點做生意？ 唔怪得香港人全部上晒大陸消費。真係無言！味道一般酒樓，不過不失。

呢度嘅晚市套餐全部都好經濟實惠。我同屋企人嚟試咗幾次佢嘅海鮮晚餐都係好平。雖然價錢平，但係佢嘅海鮮都唔失禮，我哋次次食蒸魚都係幾滿意另外上次叫咗啲龍蝦伊麵。龍蝦係新鮮，亦都見到佢哋嘅魚缸好多鮮龍蝦，唔怕食到死貨。我哋屋企有幾個生日會同埋百日宴都係呢一間酒樓度搞，佢哋間房，間得幾好。絕對教私人空間，同埋所有套餐嘅價錢都相對比其他酒樓平價，但係佢嘅食物質素依然好。屋企嘅老人家好鍾意落嚟食飯。 平日中午飲茶嘅話呢度質素都唔差，而且唔係好使等位。呢度嘅燒賣好大粒同埋好彈牙唔會有好多肥豬肉喺入邊。另外幾鍾意呢度嘅燒味飯，次次飲茶我哋都係會叫嘅。燒味都幾脆皮同埋調味做得好好。

話說經過美孚肚餓，諗住搵間茶樓試吓啦，好耐冇飲茶！見到OpenRice食評幾好，一上到去好快就有位，因為兩個人。叫咗幾樣點心，第一樣係奶黃流心包，雞扎等等。。。個包一食，係熱辣辣嘅，係流心，但係可以用難食嚟形容！！！！！！！！！生存喺世上咁多年未見過奶黃係咁嘅色，黃透明色似柚子味喎！跟住見到啲所謂嘅蛋黃粒粒，一試入口。嘩！完全唔係蛋黃味，之餘嗰個”柚子醬”完全冇奶黃味，剩係得個甜，係好鬼甜。。其他點心都唔使再講咁多，價錢一啲都唔平，質素簡直大跌眼鏡。相我剩係得奶皇包，第一樣相嘅點心咁嘅樣，跟住其他點心都冇乜心情食，雞扎兩件 兩件個餡都唔一樣。。。

今晚跟幾位老友鬼鬼聚舊，總算揾到間有料又靚仔嘅食肆。一入到去，嘩，一頓晚飯喺度食真係賞心悅目！餐單揀選多達星辰，但最後決定撈埋幾個招牌頂薦。第一道來個海鮮孖寶，誰不愛嘅龍蝦伊麵？！熱辣辣送上，龍蝦仲要新鮮得滋滋作響，肉鮮味美，伊麵吸滿咗上湯，滿口生津，咸香得嚟唔做作🦞。豉汁蒸白鱔另一番風味，鱔魚順滑無比，豉汁嘅微帶甜意更係提味神來之筆！京都小炒皇都正到飛起，蝦仔鮮甜，韭菜香辣，炸准山彈牙嘅香酥，每啖都係幸福嘅滋味🍤🌶。食過無數次中菜，真系頭一遭感受到咁深嘅"鑊氣"與層次感。更加唔可以唔提提茶，溫潤嘅膻味真係令人會心一笑，啱啱好係暖烘烘嘅夜晚補充返身子💆‍♂️。這家餐館嘅大廚肯定知道點樣滿足食客嘅味蕾同心靈。食物係好味的，坐落都舒適，同老友傾計最啱！上完呢餐，真系大滿足，下次一定仲要黎！

嚟到呢間海鮮食堂，真係回味無窮啊！🐟🍤🦀 落盤嘅椒鹽鮮魷，先係外脆內軟，味道又正，個椒鹽香味令人一啖接一啖。蒜蓉粉絲蒸聖子真係勁，聖子耐咸耐蒸，啖啖肉食落真係爽口得滯！粉絲吸晒海鮮同蒜香，一啖落肚，真係感覺好正！唔止咁，仲有個冷盤係蟹肉拌豆腐，呢個菜品夠晒清新，冰涼豆腐上鋪滿惹味嘅蟹肉，食落去充滿咗海洋嘅鮮味，同埋豆腐嘅柔滑，兩者搭配得真係一絕。食物份量足，正宗嘅好味，唔洗飛去外國，喺香港都食到咁實在嘅美食。而且環境又寬敞怡人，大堂明亮，唔使夾縫中吃飯，下次再約埋班Friend過嚟，一齊享受呢啲美味佳餚！💯真係一試難忘，肯定會返嚟光顧！

以往這店經常做晚市推廣，大約 $69就有一條清蒸沙巴龍躉，性價比高，加上其他小菜味道也不錯，所以常來。後來蒸魚推廣取消了，其他小菜的價格也不斷上漲，就一段時間沒有到來。這晚看到又再推出蒸魚推廣， $68一條，不過蒸的不是沙巴龍躉，而是富貴班。不知什麼是富貴班，想着一試無妨，就入內就座。點了：清蒸富貴班：魚尚算大條，但問題是肉質軟趴趴的，魚味也不突出，更奇怪的是這晚的蒸魚豉油味道淡得幾乎沒有鹹味，後來請侍應給我一碟普通豉油，把兩者混合，才吃出一點味道來。咖喱牛腩煲：這牛腩煲的醬汁味道不錯，問題是$138的一個牛腩煲，牛腩細細碎碎的，而且少得可憐，煲內主打的是薯仔和洋蔥，似乎我們點的是咖喱薯仔洋蔥煲。蛇羹：這蛇羹稀稀的，不夠稠，裏面的食材也不多，不太覺得自己吃到蛇肉，味道也不突出。沒到來一段時間，看來食物質素和性價比也不比以往。

無限追加蛇羹，片皮鴨，養生湯，大閘蟹等…今次同班FD黎到美孚呢到試試佢🐍蛇羹都幾多料，加埋d卜卜脆😋唔可以同蛇舖比較，但都還可以🦆片皮鴨佢塊皮都幾脆口第一轉師父切到肉多過皮，第二三轉就正常返🍲養生湯，雞燉湯好足料好好飲🦀重頭戲大閘蟹，呢到嘅大閘蟹細細隻，大概三兩左右，要食多幾隻先夠皮🤣睇佢細細隻打開都幾多膏😋糯米飯正常冇特別仲有任食中式糕點，有桂花糕、紅棗糕、紅豆糕同薑汁千層糕每人再送蠔皇鮑魚伴鵝掌一客

一朝早就同屋企人去咗飲茶，美孚飲茶就梗係揀京都薈啦，睇餐牌就知呢間性價比高，所以點解一定要嚟呢度飲茶，薑汁千層糕，一上枱已經飄來薑汁嘅香味，口感彈牙，可以食到千層，一片片帶有薑嘅香味，又不會過甜，蟹籽燒賣皇，好大粒好多蝦，啖啖肉，上面嘅蟹籽脆卜卜，口感豐富，而且無乜肥膏，但仍可保持滑溜的口感，水晶蝦餃皇，蝦餃都唔輸蝕，同樣好大粒，又夠飽滿，個蝦餃皮夠薄，晶瑩剔透，裏面嘅蝦都好彈牙，個人認為必食，百花釀魚肚，蝦膠好大塊，好足料，打到起哂膠，好彈牙，下面塊魚肚亦都吸收哂啲鮮味，勁入味，正，香滑芝麻卷，賣相好吸引，一上枱已經飄來芝麻香味，口感軟糯彈牙，飲茶甜點首選，總結：呢間酒樓嘅座位都寬敞舒適，餐枱和餐具都乾淨衛生，侍應招呼服務亦算勤快，下次美孚飲茶都一定揀番呢間啦。

今晚約咗屋企人食飯，長輩鍾意食中菜，咁就一於去酒樓啦。 京都薈晚飯有唔少特價菜式，都幾抵食。我哋揀咗特價嘅飛天雞、龍蝦同埋片皮鴨。$10飛天雞真係必食推介，新鮮熱辣炸好就原隻上枱，自己用鉸剪同埋手套處理。飛天雞都幾入味，而且炸得皮脆肉嫩，好好食。澳洲龍蝦都係抵食之選，$288 一隻，開邊上枱，我哋揀咗芝士伊麵底，大大碟👍🏻片皮鴨亦都好抵食，叫咗之後要等一陣，成隻烤鴨會拎埋你旁邊片，皮同肉嘅比例適中，唔會剩係得層皮。我哋叫咗片皮鴨兩食，第二隻係七彩炒鴨絲，有啲西芹紅蘿蔔同鴨肉炒埋一齊，都幾好味，送飯一流。最後食埋馬拉糕做甜品。

四月底要清假所以去左朋友係美乎新邨既屋企探BB,探完之後朋友好似未傾夠, 所以佢就放低BB比佢老公同我落去食好近就有間叫京都薈既酒樓入到去都幾大, 幾光猛, 係一間令人坐得幾舒服既酒樓黎豐料靚燉湯-$38個湯一打開已經好香, 見到好多料, 唔怪得叫做豐料啦! 飲得出係有D雞, 有D菇咁燉出黎, 幾清甜, 而且飲得出係無咩味精, 因為飲完唔會覺得好口渴片皮鴨2食-$198+50間酒樓叫得京都薈, 咁梗係想試下我地京都既美食啦, 所以我地叫左D個片皮鴨。個片皮鴨係即場拎出黎我地面前切, 儀式感滿滿, 片出黎都幾多塊, 而且個片好脆, 包係塊熱騰騰既皮, 加少少青瓜同蔥絲, 一口放入個口度, 大大既滿足感!第二食係加50蚊就有, 咁就梗係加啦, 我地就叫左涼瓜炆鴨件, D味炒得勁有鑊氣, 涼瓜食落係苦得黎好甘, 好好味, 而鴨係片完D皮之後, 其實仲有好多肉, 雖然好短時間, 但都仲好入味, 用黎用飯係一流呀玫瑰桂花糕-$18總共有四舊, 口感細膩，花香四溢，甜而不膩，讓人回味無窮總結京都薈食物幾好, 坐得又舒服, 估唔到求其搵有一間都好好味, 下次有機會再試其他菜

今晚食的是海鮮中菜，就是美孚新邨的京都薈。晚飯優惠三選一，脆皮飛天雞$10， 清蒸富貴班$38，西蘭花炒帶子$48。三個優惠中揀了西蘭花炒帶子$48帶子切成薄片及切成雙飛，頗鮮嫩及甜！西蘭花清脆爽口，用高湯煮過，好入味！龍躉兩味翡翠炒班球、蒜蓉蒸頭腩$268 翡翠炒班球，龍躉切得頗厚及大件，感覺足料，魚皮頗厚帶煙韌，可以知道龍躉是頗大條，魚味相當鮮味，大大件食落啖啖肉。蒜蓉蒸頭腩，面上洒有炸蒜蓉蒸，出鍋後再洒上蔥花，所以本身魚味香及滑之余，也帶著蒜及蔥的香，更能帶出魚的鮮味。食完餐廳還送上黑芝麻糊，不會太甜，又香又滑的。餐廳寬敝，裝修雅致，適合一家大小及朋友聚餐，也可以做為壽宴及婚宴場地。