京都大酒樓

Open Now

Now Closed

大埔一向都好多嘢食，今日啱啱行完昌運，就去商場嘅一間酒樓食埋晚飯之後返屋企十蚊脆皮雞食晚飯加十蚊就可以多一隻雞，咁就梗係叫啦，點知係非常之唔錯，隻雞都算幾大隻，兩個人差啲食唔晒，雞皮燒到好脆，色澤均勻，皮脆肉嫩，真心係脆皮嘅雞，十蚊就食到呢隻雞簡直係超值，一定要點！孖寶D $228例牌燒鵝拼蒜蓉粉絲蒸元貝 估唔到呢間酒樓燒味笑得幾好，燒鵝同樣係皮脆肉嫩，燒得好均勻，色澤好好，肉質都算腍滑多汁。蒸元貝係四隻元貝大大隻，蒜蓉味都好龍好香，仲有粉絲吸晒啲蒜蓉味冬瓜盅$188冬瓜盅好大個，應該四至六人都夠食，好足料

街坊價錢食到高水準嘅享受😎以前公司附近都有間京都大酒樓，之後估唔到大埔都有得食！大埔昌運中心，地點好方便，喺巴士站隔離，京都食晚餐一定要叫 晚飯優惠，三選一！咁吸引即刻要叫番幾個小菜，食餐靚飯！脆皮飛天雞 $10招牌菜之一，細細隻兩個人食好滿足，賣相造型好得意！我落手落腳撕開隻雞髀食，特別滋味！好多枱都會叫十蚊雞，即叫即整，吊住上枱，相機食先呀！雞髀🍗位置，皮薄香脆，可口美味，肉嫩多汁。燒得恰到好處，雞肉口感好彈滑，仲要記得趁熱食！鮮菠蘿咕嚕肉 $128/例一家人我哋每次食中菜都必定會叫，鮮菠蘿咕嚕肉好食有質素，鮮菠蘿🍍酸酸甜甜好開胃。咕嚕肉一口咬下去肉質十分鮮嫩，入口即化。價錢經濟實惠，性價比高！川辣海皇豆腐煲 $138川辣海皇豆腐煲 這道菜鑊氣十足，川辣惹味，小菜配白飯最適合。海皇有魷魚、帶子都很肥美，豆腐煲都好入味， 真的好吃。舒舒服服坐咗兩個鐘，地方寬敞，乾淨企理，侍應服務有禮貌，睇到傳單訂埋母親節大餐。兩個人不用 $400，快靚正！

今日家庭日，父母話想飲茶食下點心，見到京都有懷舊點心食，啱哂老人家食啦～鵪鶉蛋燒賣由細食到大，鵪鶉蛋細細粒，蛋王又香，肉餡好大舊，呢款點心，真係每次見到都會叫人蔘灌湯餃灌湯餃就食得多，人蔘灌湯餃就係第一次食啦！ 個皮唔厚，而且餡料豐富，配埋人蔘湯出奇地好夾，一人一盅正呀！鮮蝦菜苗餃我比較喜歡食有少少咬口既皮，唔鐘意太淋，所以呢個鮮蝦菜苗餃就啱哂我啦！菜苗調味調得好好，唔會咸，而且蝦仁爽口，必食推介呀！白灼唐生菜自己灼既菜，一定無酒樓整得咁好味如果想食更健康，仲可以唔要鼓油添呀！酒樓環境闊落，唔會好迫，好啱一家大細黎嘆下茶傾下計～

上星期掃墓完，跟親友逛大埔超級城。中午吃了豐富的燒肉，逛完街之後最後揀了昌運中心的酒樓吃晚飯。當天仍有10蚊飛天雞，我們點了兩只，阿女想吃片皮鴨和龍蝦伊面配蒸魚套餐，相當豐富。最驚喜是接近母親節酒樓有優惠，每位食客都有半隻乳鴿送，食物出來味道不錯。片皮鴨切片夠份量多，可惜那些嚒嚒皮就略嫌蒸過太黏皮，好困難才能撕開。龍蝦伊麵份量夠味道正常。黎嗰集團上年來吃過味道都幾好食，當晚生意都不錯幾乎坐滿，整體感覺食物味道滿意，人手緊缺之下都算有招呼，希望跟番濕紙巾提供會較好，有機會再入大埔都來吃。

難得早收工搵阿媽食飯, 一家四口睇吓有乜嘢美食, 之前經過大埔中心都見到一間酒樓新開一段時間, 見到開門口嘅燈箱餐牌做緊晚餐優惠, 凡惠顧仲可以用優惠價去換購一款美食, 另外仲有燉湯海鮮等等, 款式都幾多元化多選擇二話不說入咗去坐低, 場地都幾大而且坐得都幾舒服嘅寬敞, 不過店員就得一兩位招呼, 可能需要一啲等候時間等咗一陣店員幫我哋開茶位, 一邊飲茶一邊揀下嘢食首先叫一啲小食嘆吓, 皮蛋酸薑一共有八隻, 皮蛋味香濃又有咬口, 另外中間還有滿滿嘅粉紅色酸薑, 酸酸美美又爽口都幾開胃奶黃流沙包有半打一共有六個, 可能蒸得有點熟透, 沒有流沙質感, 不過味道都尚算唔錯, 唔算太甜唔算太漏呢排食得煎炸熱氣嘢多, 飲番啖冬瓜盅滋潤肺部喉嚨, 裏面有好索味嘅蟹柳, 另外冬瓜肉可以沿着冬瓜盅內刮出來,入口即溶又鮮甜, 還有帶子及蝦等海鮮, 飲完都覺得值回票價由細到大都好鍾意食魚, 呢條清蒸虎斑仔好大條, 廚師蒸得恰到好處, 一刮開已經啖啖肉, 就咁睇多肉少骨, 魚肉是爽口滑溜的, 配埋碗白飯食更加一流脆皮飛天雞介紹到咁吸引, 所以一定要試吓, 確實雞好皮脆肉嫩, 肉汁香溢, 帶住手套撕開嚟食先夠滿

京都大酒樓 - 大埔今晚同媽咪去大埔昌運中心京都食晚餐孖寶套餐燒鵝例牌 + 蒜蓉粉絲蒸元貝 $228我哋好好彩燒鵝被分配到下莊部位 有大大隻燒鵝髀 而且燒鵝食得出係新鮮燒起 啲皮仲係好脆 油脂爆燈 啲肉仲有肉汁蒸元貝有四大隻 啖啖肉 面頭舖滿生熟蒜 粉絲都好入味香口晚市特價三選一 有$38清蒸沙巴仔/$10吊燒脆皮雞/$48西蘭花帶子選擇 我哋揀咗蒸沙巴 火喉唔會過龍 魚肉仲係結實嫩滑埋單兩個人加埋碗白飯茶芥350蚊有找 仲有免費糖水送 自己出街買料自己煮都要呢個價#相機食先 #手機食先 #foodie #food #foodpic #foodphoto #yum #yummy #delicious #tasty #hkfood

近近地諗住同屋企人食餐晚飯長輩就比較鍾意食中菜知道位於大埔中心的 「 #京都大酒樓 」推出了多重優惠晚飯優惠三選一包括有西蘭花炒帶子 $48/份脆皮飛天雞 $10/隻以及清蒸富貴斑 $38/條咁吸引即刻要叫返幾味試吓❣️⊰⊹════════════════⊹⊱💬 ✎ 食後感 ：✨💚【 #八寶冬瓜蛊 】️適逢踏入春天濕熱嘅天氣要飲番啖靚湯去下濕呢個冬瓜盅好有份量即叫即燉裏面嘅湯料都非常足料有蟹柳、帶子、蘆筍等飲一啖湯非常清甜而且冬瓜好林好入味四個人飲簡直綽綽有餘💛️【 #上湯波龍伊麵 】️大大隻既龍蝦碎件鋪滿面頭遠處都聞到龍蝦嘅鮮味蟹鉗蟹腳啖啖肉又鮮甜上湯汁配上軟硬度適中嘅伊麵加上蔥花提起鮮味一次過食咗兩碗了🧡【 #脆皮飛天雞 】️呢一隻每一枱都會叫嘅十蚊雞冇聽錯只係$10即叫即整係型到吊住上枱好似擺設咁即刻要攞相機食先一撕開大大隻雞髀嘅位置雞翼很薄而且香脆肉汁新鮮到滲透哂出嚟而且燒得恰到好處雞肉口感好彈牙好嫩滑好食到叫人贊嘆不已🤍【 #蜜燒河豚乾 】️小食中的河豚乾燒得好香大大塊切開成一條條狀口感煙煙韌韌有咬口點一點沙律醬非常Creamy喔另外還有奶黃流沙包、皮蛋酸薑及清蒸虎斑仔等家人都表示味道唔

今天晚上想吃一點中式小菜，我便和朋友到京都大酒樓的吃晚飯，這是一間大埔街坊酒樓。首先，他們的西蘭花炒帶子是一道非常不錯的開胃菜。西蘭花份量多，新鮮嫩綠，而帶子有十粒或以上。它們的薑汁味道夠，而芡汁的口感豐富，不會太咸，適合送飯吃的另外，選了一個孖寶套餐，其中是例牌叉燒。這份叉燒燶邊，半肥瘦，一口咬下去肉質十分鮮嫩，入口即化。此外，另一個套餐內的是薑葱桶蠔煲。這道菜的鑊氣十足，肉多而且蠔隻隻都很肥美，而且炸粉份量拿捏得很好。它們的煲菜真的是非常好吃。最後，小菜怎能不配白飯，兩個靚仔配合這些菜肴非常適合。

去開大埔見到小商場裏邊有民生區嘅酒樓，一於去嘆返個午茶🫖呢度用上透明茶壺裝茶，一破傳統風格，感覺好似新穎一啲。茶芥$11/位。叫咗啲點心一齊食。▶️蟹子燒賣皇$36.8一籠有四粒燒賣，肥肉豐滿，夠晒熱辣辣。▶️蒜香蒸排骨$30.8排骨大大粒，有蒜香味道。新鮮熱辣蒸起，仲有少少辣椒吊味。▶️醬皇金錢肚$36.8醬汁夠多，金錢肚色澤夠橙色。▶️脆滑炸兩腸粉$30.8呢個入邊油炸鬼硬脆，外面腸粉幾滑，點豉油食會較濕潤。▶️香煎蘿蔔糕$26.8一份有三件，煎得金黃。

經濟差真係乜都抵食，呢間大酒樓都唔例外。先來個$10企雞，唔好睇少佢只係$10，熱辣辣出場，比埋即棄膠手套同鉸剪你自己撕開佢。真係超級優惠，所以基本上差不多枱枱都叫。客家炆腩仔就麻麻地，D鹹酸菜一味得個鹹字完全唔酸，而且吸唔到D豬腩肉嘅精華，似係出餐時先至喺炆定嘅豬腩肉上面加D鹹酸菜而唔係一齊炆。沙巴龍躉仔$168都算大條，而且幾新鮮又多肉。最後仲有紅豆沙送，碗紅豆沙都幾好味。茶芥$16一位，另外叫咗兩碗白飯，$15一碗，合共$400，加埋一就$440，每位$110，喺大酒樓食晚飯呢個價錢真係好抵，而且呢個上至部長下至傳菜員都好有禮貌兼服務好，真係好耐無試過。

聚會一起飲茶，諗住開開心心放假見面，點知一肚氣， 食物一般， （吃金錢肚，肚質地好唔爽）賣相一般。想特別講服務， 本來我唔知酒樓有分優惠價同正價點心分別 ，我tick 咗正常點心紙，一籠特點點心燒賣，點心車姐姐一放低，一籠得兩粒，於是即刻問點心姐姐，我地叫特點，點解得兩粒，果點心姐姐話「你地叫兩粒咪兩粒」就走咗， 個話氣講到係你地責任，我心諗咩叫兩粒就兩粒 我哋叫特點點心，於是再問經理，經理話有分優惠點心同正價點心，果經理都覺得我哋叫優惠點心，解釋完就想走。我就話我冇叫過優惠點心，係特點點心紙度寫，於是經理check單， 發現係特點點心，就話出錯單，幫我哋換返， 換完先知一籠四粒， 即係比原價錢食一半野，另外，再加漏單，食飽曬都未來，唯有收錢果時cancel 知道點解咁少人幫襯

話說小弟昨晚同小兒兩人到大埔昌運中心京都酒樓食晚飯。（年初六）七時。一入到去得嗰幾枱客,深知不妙,新年流流,周圍食肆都排滿人,係得呢間咁小人,即刻覺得伏伏哋,不過算啦,睇到openrice有成5粒星,又想靜啲同個仔（13歲）撑枱腳,咁咪入去坐低啦。 一望個餐牌,即刻唔開胃!小菜得嗰10款左右,大部份都係啲6人,8人....套餐！完全冇乜選擇。新年我都知選擇係小, 主要係做套餐搵錢!但都年初六啦,都應該正常返啦! 都唔緊要,咁我個仔話想食!咁我就叫咗一個脆皮咕嚕肉,蜜 餞牛柳粒,半隻南乳吊燒雞! 價錢當然比平時貴,都唔緊!要由$168至$188不等! 新年食得開心啲,好啲,畀多啲錢!呢個係定律啦! 點知第一碟咕嚕肉嚟到,一pat漿糊咁樣!散收收,淡茂茂, 啲咕嚕肉加埋唔夠十嚿。每一嚿係細個手指尾第一節. 相信出面任何一個兩餸飯,都好過佢,靚過佢,多過佢! 上菜嘅時候,個侍應就咁成蝶飛落嚟,爭啲倒曬落枱度添!! 嗰陣時我都已經有少少嬲! 完全冇 鑊氣,成碟垃圾咁!牛柳粒加埋唔夠八粒, 每一粒又係細個手指尾第一節! 我個仔話算啦,都幾好食呀, 我又忍佢！ 直到爆發點,第三度菜,南乳吊燒

去完大埔探朋友， 已經差不多晚六點多鐘了，正在準備坐火車返沙田買餸預備晚餐的時候，路經大埔京都大酒樓，聽朋友講係非常好味，就同朋友入去食晚餐～～～叫咗三款餸菜足夠三人食，份量十足，對於我一向咁有要求既人我覺得係滿分之選！！！傳說中既豉油王炒麵油，有些，炒得太肥膩；有些，炒的麵條不夠乾身；有些，炒出的麵太鹹或用不夠豉味香甜的醬油。但這間京都大酒樓有鑊氣，精心推介，不油不膩，味道洽配，吃多多也不夠，好食。另外叫咗金花龍躉兩味， 有翡翠龍躉炒球同蒜蓉蒸頭腩........平常很少吃魚，因受不了腥味。但龍躉是深海魚，便不會有腥味了。龍躉不槐是海中之王者，肉質爽滑彈牙，就算怎樣炒也不會過老，依然保留魚的鮮味，還有翠玉瓜半碟。茶錢平還有寬敞既座位，真心推介！！

難得今天放假，同家人去了這裡飲茶，這裡都算方便就腳，在商場內唔難搵，而且地方闊落，企理乾淨，午市時間等位都十分多人，等了一陣就可入座，飲茶係一種比較休閒嘅感覺，平時會趕住可難慢慢嘆，假日就相對可以休閒一些！落單就係用劃點餐紙嘅方法，個人感覺實在，對於老友記可能方便，一眼就可以望晒😊今日就點了個脆皮咕嚕肉，份量都唔小，酒樓製作超有鑊氣，外脆內軟，加埋新鮮菠蘿，感覺真係唔同！熱辣辣生滾滑牛粥，質素亦唔錯，軟熟嫩滑嘅牛肉片，在軟綿綿嘅粥底加了少少胡椒粉，不用到粥店都有粥店嘅感覺！本身想食炒粉麵，但見到旁邊枱嘅燒味飯好大份，就係咁點了個金牌四寶飯，這個都算係師傅發板😜，配搭係由師傅配搭，但一定有嘅鹹蛋，再加紅腸，另外兩寶就係有我最愛嘅脆皮燒腩仔，同玫瑰豉油雞，兩款組合，脆皮燒腩仔皮脆肉香，豉油雞雞肉嫩滑入味，個半隻鹹蛋加埋個粥入口，又係一款兩味嘅組合了！加埋個懷舊甜品香滑芝麻卷，芝麻味道濃郁，入口軟滑味濃，假日嘆杯茶，真係十分治愈！

不講不知，京都集團在香港都有三間分店，之前跟家人在黃大仙分店飲茶，都覺得幾好，今次試試大埔分店的晚市。晚飯有抗疫優惠，可三選一: 脆皮飛天雞$10、蒜蓉蒸加拿大龍蝦半隻$28、沙巴老虎斑$38，其它優惠如孖寶價錢也算平民，感覺抵食。⭐️脆皮燒鵝皇燒鵝皮色澤夠光澤，可能剛剛出爐，熱呼呼的，第一口吃下去是意想不到的皮脆肉嫩，完全不覺得乾和硬，火候做得剛剛好，還有少少焦香感覺。是我近年吃過最好吃的燒鵝，對比西環波記、深井裕記燒鵝，它都有過之而無不及。⭐️沙巴老虎斑這是抗疫優惠，沙巴老虎班非常新鮮，細細條，兩個人吃份量剛剛好，啖啖肉，肉質腍滑，尤其喜愛魚腩部份。⭐️大澳香蝦骨這是用大澳蝦醬醃後再炸的，淡淡鹹香，皮炸得鬆脆，肉質都鬆化。總括而言，今晚吃的三道餸都各有千秋，水準很高，對得起價錢，大勝其他同類型酒樓，性價比很高！⚠️個人口味覺得這是近來吃過最好吃的燒鵝，只限大埔分店，不知其他分店質素如何。如果大家有其他同類型高質燒鵝，麻煩留言告訴我🙏🏻😇