校長燒肉日韓料理 (大埔廣場)

Open Now

Now Closed

呢間校長燒肉真係好抵食，自助餐放題食lunch 人均200有找！仲要係任食刺身、燒肉同火鍋，當然唔少得有甜品啦！坐位好闊落，環境都非常好，飲品區，燒肉區，熟食區，甜品區，花茶區，刺身區，冷盤區，火鍋區…等等。真係好多選擇。除咗罐裝紙包裝飲品之外，仲有啤酒、清酒、梅酒。我特別鍾意係自助花茶區，差不多二十種配料，而且每種都寫左功效，相當貼心啊！前菜，凍盤同沙律小食都有好多，車厘茄、粟米、青瓜、菠蘿粒，螺肉、中華沙律、酸薑、韓式泡菜、涼拌木耳等等，我自己都試唔哂！仲有熱食熟食同炸薯格、炸雞塊等等。而壽司刺身都有好多選擇，有三文魚、吞拿魚、希靈魚、螺片同赤蝦，夠新鮮！同場更有即制手握壽司㗎！火鍋同燒烤配料區種類多到我係食唔哂，燒肉必推黑椒牛扒，豬頸肉同韓式魚柳，係勁入味，燒到少少脆口，咬落口感更加豐富！而火鍋有三款湯底，分別係日式豬骨湯、日式清湯同埋壽喜燒，個鍋係雙拼鍋，可以試哂唔同口味！而甜品加埋都有十幾款，一啲都唔馬虎，仲可以自制台式涼粉撈，真心正！不得不提係雪糕，呢個雪糕好似雪葩噤，口感係非常非常之好，食完簡直係透心涼！總括，呢個價錢食到噤多嘢真係真心抵！而且食物質素都好好，會再黎喔！

每當朋友聚會吃飯, 不論人數多少, 因著各人的口味不同, 往往都要費盡心思選擇, 但自從去過校長燒肉之後, 就再沒有這方面的煩惱了校長燒肉的食物及飲品種類非常豐富, 不論中、西、日、韓式, 都應有盡有, 而且味道及質素亦有保證, 一定能夠滿足各人所好, 而且配料亦非常齊全, 還可以一邊韓燒, 一邊火鍋, 一邊自助餐, 一次過滿足三個願望這次來是臨近萬聖節, 由門外到店內都充滿萬聖節氣氛今次試了最深刻的有人參雞湯 - 真材實料, 味道甘甜👍蕎頭 - 有點意外竟然在沙律吧可以找到蕎頭, 很少機會可以吃到, 酸酸的味道非常醒胃, 吃到有點飽飽滯滯時也能大派用場👍😋中式蒸魚 - 肉質鮮嫩好味😋木瓜雪耳糖水 - 非常滋潤的時令糖水, 甜到適中, 吃了三大碗🤩😋😋😋

午餐一人獨食燒肉放題因為住附近好耐無燒下肉以前黎過覺得仲有進步空間呢次就當實地再考驗一下$198 對我黎講平時都差唔多放題黎講係好平 平時間中都會自己一個去食自助餐刺身種類比某啲自助餐仲多一兩款選擇而且佔地千尺，枱同枱都舒服 食物位置同座位比例剛好一半一半裝飾都好岩曬黎緊Helloween 係環境設計方面真係做得好好 好欣賞而店員雖然得幾位但睇到每一位都好留意食換碟速度快過一啲所謂高級自助餐都對客人需要快速回應食物質素唔可能同幾百蚊既對比但以呢個價位不論午同晚個人認為都值得考慮考慮

我同老公睇新屋d 傢俬行到好累，去咗校長燒肉日韓料理，擦餐勁補補腳力自選2小時 黃金時段 ($238 per person)可以任食120分鐘⁡🥢火鍋燒烤食材區淨係丸都勁多選擇佢哋嘅肉都同樣多嘅選擇佢哋提供嘅選擇多到令人眼花繚亂，香辣牛肉片、羊肉片、牛肋心條、一口豬、一口牛、肥牛片、豬腩肉片仲有其他醃咗嘅扒等等，全部都肉質新鮮☺️⁡我最鍾意係牛肋心條、雞軟骨牛味濃而且好有口感，食落煙煙韌韌⁡🐠刺身方面有八爪魚片、三文魚、吞拿魚、希靈魚等有5,6款選擇⁡🔥熱食有豉汁蒸鱸魚、茶碗蒸、碗仔翅、燉湯、馬拉糕、蟲草燒賣等等⁡我試左牛蒡紅棗燉湯，好足料同入味⁡一次過滿足我幾個願望可以無限食燒肉、刺身，而且仲可以打邊爐！！⁡火鍋湯底，有三款日式清湯、日式豬骨湯、壽喜燒⁡🧃飲品好多選擇除咗平時飲嗰啲汽水之外，仲有自家製茶⁡🫖仲有設個花茶區有洛神花茶、菊花、壽眉、普洱、香片等⁡🍦甜品都好多選擇有🍦、各款奶凍、雪條、果凍同豆腐花等我最鐘意伯爵奶茶仙草水晶粉好特別，奶茶同伯爵茶好夾但唔會超甜⁡😍校長燒肉性價比高，而且食物選擇多，通風都做得都幾好環境坐得舒服，係聚會好選擇

老公話好耐冇食放題，近近哋同仔仔去大埔校長燒肉日韓料理到嘆返晚。呢間校長燒肉日韓料理，除咗自助燒肉，仲可以食埋火鍋，一個價錢兩種食法非常之正。餐廳地方非常寬敞，有自助區，擺放整潔，還有多項食材任君選擇。擺放刺身乾淨企理，款式非常多，除咗三文魚吞拿魚之外，仲有帶子赤蝦同埋玉子，非常新鮮及肥美。店裏面每一個爐都會擺放一張牛油紙，等烤肉唔會咁容易窿同埋黐底，定時定候服務員還會主動更換，非常細心。燒肉款式更加包羅萬有，各款醃製的肉類相當入味，肉質新鮮亂畫，非常之推介有黑椒一口牛、土匪雞中翼、香草魚柳、韓式豬肋骨、香辣豬頸肉荳號非常之隆重，推介香辣豬頸肉， 燒咗之後，皮脆肉嫩！估唔到放題都有點心食，餐廳有架點心車，有多款點心可以揀，有排骨、珍珠雞、鮮竹卷等。 原來除左點心外仲可以嘆埋茶，餐廳有個沖茶位，提供各款茶葉比客人自行沖泡，茶葉種類幾多，有洛神花茶、無花果、香片等。甜品款式種類多度我選擇唔到，仲有自助雪糕機，喜歡食甜品嘅唔好錯過！放題之中，橫誇不同國家的風情，都真係屬於少見

優惠卷同唔用優惠卷相差 10 蚊左右。4 個人多一塊安格斯牛扒同 1 小時。所以唔買都沒所謂。好。1. 好多唔同既野吃。刺身有帶子，三文魚，螺肉等等。2. 熟食會不停地換新既。蒸魚。咖喱豬皮，算頭豬紅，辣酒煮花螺。嚕 no 肉.3. 燒烤區好多選擇. 唔好1. 盅湯，晚市的話一般 7:30 左右就賣哂沒有。所以一入泥應該去攞盅湯先再拿刺身。2. 2 小時是好足夠。但想吃金沙骨之類的話，就 cross your figers. 燒 15 分鐘都唔知熟唔熟。有比較就明白。好多種類。但每樣都唔太好。肉質，味道都一般。3. 衛生好一般，洗碗完再拿刺身比你。4. 甜品雖然好多種，每種都唔太好吃。

早幾天去大埔找朋友順路到大埔廣場食日韓放題，餐廳門口擺放了幾個公仔人物給客人打卡，而餐廳內座位非常寛闊舒適。午餐放題很抵食，食物很整齊放在每個美食區～韓式燒烤區肉類種類很多，雞翼，雞軟骨，牛扒，一口牛，雞腎片，秘製叉燒等等，每款都有不同味道。最喜歡三文魚骨腩及五花肉，燒烤後啖啖油香。雞扒肉質很嫩，味道也很好。日本壽司刺身及前菜區吞拿魚，希靈魚，三文魚都很新鮮，還有青口及各款沙律都不錯。火鍋及小吃區火鍋湯底有三款任選，蔬菜非常新鮮。茶碗蒸，蛋很滑，碗仔翅味道很好，用料足，另外還有燒賣。

衛生一定好差，做清潔洗碗嘅都要做埋切刺身。肉方面好普通，應該係佳寶攞貨，或者貨源一樣。所以如果要食燒肉，買個爐喺屋企燒都得，唔需要幫襯佢刺身師傅極不禮貌，雖然我已經好唔好意思好有禮貌咁請求，但去問佢攞刺身都要俾條友喝。唔知點解佢做刺身師傅會帶清潔手套同拎住個黑色垃圾袋一路執壽司一路五知做乜，啲刺身食落有d垃圾味添。啲爐方面佢就一定控制到可以令到客人燒肉時間長，所以如果大家畀多啲錢又要食刺身又要燒肉既話，就應該會時間好倉卒，尤其係如果個位畀人安排到係好唔方便嘅，就真係好似打仗咁。真係冇必要去每個禮拜咁多人排隊食。

今日路過大埔 無意中見到校長燒肉 見到價錢牌覺得好抵食 都好長時間冇食過燒肉 唸住一家都去嘆下 但在進食過程中有一位長頭髮嘅適應不停講粗口 本身d嘢食多中規中矩 唔算太好都符合價錢 但個服務遠講一句嘢可能都要參加幾個粗口字 聲音大到覆蓋咗個餐廳音樂 嚴重影響咗進食心情 大家試唸下 係呢種環境裡進食 顧客嘅心情 同事嘅心情⋯！今日帶埋仔女屋企人齊同出街食飯 孩子正在成長階段 任何嘢都容易受到外在影響 希望餐廳經理可以重視此問題 提升餐廳員工質素 經過呢次屋企人都話唔會再幫親

校長燒肉日韓料理（大埔）📍大埔安泰路1號大埔廣場地下及1樓全層📞31132355🍾用餐體驗同朋友突然好想食肉，大吃特吃一餐嗰種🐷！見呢間燒肉店有$238平日晚市放題同食物種類好多，於是就揀咗佢啦！🤍一口豬＆牛講到食燒肉，好多人都會選擇食一片片肉類來燒。難得見呢到有骰仔大小嘅一口豬＆牛，廚藝ok的朋友仔燒到六面都金黃色，外脆內軟，正呀！☺️☺️🤍羊肉片羊肉都係我哋嘅至愛😍呢到嘅羊肉有好濃郁嘅羊味，如果食得太膩亦有無限量嘅生菜提供畀大家作韓式燒肉食法，生菜夾住羊肉可以一解油膩感，即刻可以食多兩塊啊🤭🤍刺身區—甜蝦、帶子、劍魚腩、三文魚除咗燒肉，其實呢到仲有好多種類嘅食物，如熱食、炸物、冷盤，我哋就食咗唔少刺身，每人每次可以拎三款，多啲嚟密啲手絕對可以食到飽😝大推大大隻嘅甜蝦同勁鮮甜嘅帶子🥰其他都好高質🤍蜜桃天婦羅米卷另外呢款食物可能唔係好起眼，佢放咗喺壽司區，但我同朋友都一試難忘，佢嘅combination好豐富同fresh🤗值得再食！🤍菠蘿食燒肉識食最後一定要食燒菠蘿！🍍燒肉放題作戰到最後基本上已無晒「食肉／慾」，一啖酸酸甜甜嘅菠蘿汁絕對可以拯救你嘅味蕾😆令整個味蕾回復清新🌱🤍伯爵茶大阪牛乳

今日同男朋友走到嚟大埔老遠想試吓呢個校長燒肉日韓料理事關之前經過佢第二啲分店後我好想食今日特登接男友收工過嚟食下佢個午市放題一嚟到 好欣賞佢嘅裝修同佈置主題係少女少男都迷戀嘅英雄聯盟世界嘢食方面 其實放題嚟講 佢算唔錯 幾多款式你講得出燒烤/打邊爐有嘅嘢食佢都有係呢 不得不提 佢叫得日韓料理係堅嘅因為佢可以比你喺自助取菜區攞個煲仔返去自己枱上打邊爐 食埋日式 shabu shabu韓燒 我發現佢嘅 香草魚柳 好鬼好味又一句 我係唔多食魚嘅人但連我未讚好 你真係要試下😂😂另外 佢有一點都好值得欣賞就係其他韓燒/打邊爐餐廳唔會有嘅佢餐廳內特設個「花茶區」🌸🪻🪷🌹🌼好似我呢啲養生嘅小媚媚真係覺得被照顧得好窩心 因為食燒肉咁熱氣嘢 可以中和返都無咁大罪惡感😝大家一於都嚟試下呢間 都ok係抵食嘅選擇

香港美食🇭🇰放题界天花板，人均150自助放题在香港拥有大大小小的放题店，🐔我也亲自去品尝过很多家，唯独这家校长烧肉日料韩料味道会更加正宗一些，选用日韩式烧肉放题店，不仅拥有多种肉类，还有没自助沙律吧，寿司、炸物、海鲜和甜品等可以哦🥩整个门店都是非常轻松的氛围，设计的很有感觉哦，一边吃美食一边打卡拍照📸是真的很美好-✔寿司区吃日料怎么能少了寿司呢，✨肉质很细腻丰富🐟各种寿司任你选择，食材都很新鲜，爱吃寿司的不要错过✔烤肉区选用当天新鲜的肉，🦐肉吃起来非常的嫩滑鲜美，完全没有腥味的，各种肉类都有，有些肉类直接腌好，烤肉的时候配上蘸料口感会更加丰满💗✔自助饮料区这个自助饮料区也是这里的一大特色啦，各种饮料应有尽有，瓶装罐装都有提供，一边烤肉一边喝饮料真的太爽了！✔熟食区除了火锅烤肉，还有各种熟食、点心、小菜、炖汤等等，吃烤肉间隙还能吃点熟食，简直人间美味！-⌚️用餐时间：2h💰人均：150左右🏠:校长烧肉日料韩料📍:大埔安泰路1号大埔大广场6号地下及一楼全程

🇭🇰夏日放題的心一直在燃燒，這次走入香港民生區看看大家都在吃怎樣的放題🔥在大埔的校長燒肉可以說是代表了，真的什麼年齡層的顧客都有，加上餐廳面積很大，絕對能滿足朋友家庭聚餐😝餐廳還擺放了多個1:1的鋼鐵俠模型，超多小孩在打卡的🤣🎌校長主打日韓料理，提供了超多的菜品，火銅和燒肉一拼來超滿足，想不到湯底還有幾種可選，我還升級了任吃刺身和手握壽司🤭【是日點餐】🍹飲品必試自助花茶區，二十種不同的配料，每個配料還有寫明相關的功效除了一般的罐裝飲品外，還有啤酒、清酒、梅酒💕🍣刺身和壽司：必點赤蝦‼️‼️還有三文魚、吞拿魚、希靈魚、螺片都是無限點手握壽司也有多種選擇，例如玉子、腐皮、三文魚、蟹柳和螺片等等。💛小食和中式料理：小食有我最愛的薯格和炸雞塊☺️中式料理也有多款菜式，例如炆牛腩、涼瓜炒蛋、韭菜炒牛肉等。🔥火鍋和燒烤料：感覺有超過一百種不同的肉類、丸類和蔬菜類配料可供選擇。肥牛片絕對是最受歡迎的選擇，我也很喜歡他們醃制好的雞翼牛扒火鍋湯底還有三種選擇 好爽🍨甜品和其他：不得不提甜品櫃💕自家制奶凍非常特別，口味有木瓜、草莓、香芋和港式奶茶等冰淇淋是韓國進口，超愛豆腐口味晚餐放題人均2️⃣0️⃣0️⃣+【商家資訊】▪

今次嚟到大埔玩，乘機試下呢間放題先！揀左Set C，計埋服務費都係都係二百幾一個人，放題嚟講呢個價錢超okay!首先去左海鮮區，刺身壽司種類都唔算少。三文魚🍣幾新鮮。熟食區炸物脆卜卜，除咗日式小食區嘅開胃菜仲有沙律區。最估唔到連中式包點、點心都有，一籠籠咁，好有feel啊！食物種類繁多，店員keep住refill，唔使怕會無～！❤️大愛孜然雞翼，同埋黑椒牛扒，醃製得好入味。埋位烤肉lu，同時可以打邊爐，湯底有三種，仲可以攞鴛鴦鍋！真係一次過滿足幾個願望啊！甜品種類選擇都超多，啱哂好甜食嘅人！望到都覺得開心。呢間放題性價比幾好👍🏻

呢日收工去咗食韓燒🔥!成日經過都唔知原來上到嚟個場咁大👀!又有各種肉類可以燒,又可以打邊爐,升級仲可以有刺身任食添😋~佢嘅肉類種類非常多,個豬五花好香好好食🐷,我仲食咗唔少土匪雞翼添🐔~其他肉類仲有魚柳,腸仔,雞腎之類,口味選擇多~最鍾意佢有新鮮菠蘿燒🍍,啲菠蘿燒完好香甜~打邊爐嘅就可以自己去拎個㷛揀湯底,有清湯,壽喜燒呢啲~呢度丸類同菜都好多款式🍢,同一時間又燒又打邊爐真係唔怕餓親🤰!估唔到佢啲熟食都唔錯,母親大人就飲咗佢嘅燉湯🥣~我就好鍾意佢嘅地瓜波,煙煙韌韌~其餘仲有啲中菜類,連蒸魚都有🐟!嘢飲有幾大個雪櫃,除咗一般汽水🥤,韓式台式罐裝飲品外,當然亦有自家泡茶~最特別係佢有好多不同嘅花茶俾大家mix & match沖嚟飲🌹~啱晒我呢個剛好當日又唔飲得酒又唔飲得咖啡因嘅人👍!呢度咁多嘢食,款式多質素高,人均都只係二百零,認真抵食~